كيكة السبانخ

كاتو مميز جدا بلونه الجميل و طعمه الرائع , هش و طري ..الكل سيسألك عن لونه , البعض سيعتقد أنك استخدمت الكيوي و البعض سيقول استخدمت فستق حلبي !! و وحدك ستعرفين أنك استخدمت سبانخ في تحضيره ,, السبانخ سيعطي الكاتو لون خيالي جميل و فاتح لشهية الصغار و الكبار .

و بما ااني نزلت هذه الوصفة من أكثر من سنة في منتدى لك و انتشرت الوصفة في النت , حبيت أن أخص زوار موقعي باضافة جديدة على طريقة تزيين القالب .. ستعجبك حتماً

بالصحة و الهنا

حليب بارد

تعليقات (48)

2  الكاتب منى, on 15-06-2007 07:26 مسا الخير ليندا   حبيبتي جربيه و على ضمانتي ان شاء الله , لان هل الوصفة صار جربوها كتير كتير ناس و كلهم بيقولوا بيجنن و ما في اطيب منه

4  الكاتب منى, on 06-07-2007 23:22 مية اهلا و سهلا فيك سناء    هذا من زوءك و لطفك أختي     انت ابقي متابعتيني إذا الله راد و رح نزل وصفات متنوعة ...  و فيهم أكيد وصفات حلوة و جديدة للرز

5  الكاتب ام نور, on 31-12-2007 21:21 مسا الخير اخت منى  انا متل الاخت ليندا استغربت لا هالنوع من الكاتو بس حابة اعرف انو غير اللون الاخضر لا السبانغ ما في نكهة سبانغ بالكاتو ابدا

6  الكاتب منى, on 01-01-2008 08:14 هلا ام نور     ان نور و الله لو جربتيه رح تدعيلي كتيرر     و نصيحة جربيه و على مسؤوليتي ان شاء الله , ما بتتخيلي شو طري و طيب هل الكاتو و السبانخ رح يعطيه بس لون    أختي فيك تشوفي قديه جربوه ناس على هل الرابط

7  الكاتب DDOUHA, on 31-01-2008 23:16 شكلو بيجننن بس حابة اعرف كم مقدار السبانخ ؟؟    وممنونة

8  الكاتب DDOUHA, on 31-01-2008 23:25 سوري هلئ لمن رجعت شفت الوصفة شفت انو مقدار كاسة سوري    وصار كتبت اكتر من مرة بس ما كنت بعرف انو في رقابة فكنت افتكر اني ما صار لازم عيد منيح ما طولت الحالة معي بعتذر ههههههههههههه

9  الكاتب منى, on 01-02-2008 13:26 و لا يهمك ضحى     ان شاء الله تجربيه و تشوفي قديه طيب بس لا تنسي تعزميني

10  الكاتب ام نور, on 01-02-2008 23:37 ماشالله عليكي يا ضحى شو دمك خفيف عسل   انا هالقالب اقتنعت في ورح جربو انشالله بهل يومين ورح خبرك كيف انشالله.  حابي اسالك منى اذا عندك مقادير معينة لا خلية النحل بالذات او ايا عجينة بتنجح فيا وحابة كمان اخود رايك ابني الله يخليلك اولادك عندو حفلة بالمدرسة بعد اسبوعين وطالبين من كل ام تقدم ضيافة فانا حابة قدم شي مميز وطيب بنفس الوقت وما يوسخ ايدي الاولاد  والفرنسين ما اشطرون بالكريب عانواعو والكروسان   فاكيد الاكترية رح يعملون  وكمان الضيافة لا المعلمات يعني لازم اعمل شي مميز شو بتنصحيني

11  الكاتب منى, on 02-02-2008 10:54 و الله العظيم أختي ام نور قريت ردك على السريع و فهمت منه ان في حفلة لابنك و كنت رح انصحك تعملي له خلية نحل , و بعد ما قريته على مهم شفت انك عم تسالي عن الطريقة ..    أنا محضرة طريقة لخلية نحل , بس شو بتجنن بعجينة البريوش اليبحط معه يانسون و محلب و مستكة لهيك رح يكون مميز شوي عن البريوش الفرنسي العادي و بحشيه بالكيري مع قطر العسل ... كتيرر طيب , كنت ناوية نزل وصفة العجينة اليوم بس انشغلت شوي ..  اذا بتحبي فيك تحضريه لرفقات ابنك أو تحضري هل الكاتو بس بقوالب الكب كيك ..    لو كنت مكانك كنت رح حضر الخلية , لان متل وصفة البريوش الي بيعرفوها بس بلمسة عربية خاصة فينا لان أنا بضيف للعجينة يانسون و محلب و مستكة

12  الكاتب ام نور, on 02-02-2008 12:14 ولا يهمك يا اخت منى عادي الله يعطيكي العافية انا بانتظار تنزلي الوصفة وهاك بعملا ليش لاء وفكرة كمان كاتو الكب كيك مع اني ولا مرة مجربتو دائما بفضل اعمل قالب بحس اسرع

13  الكاتب منى, on 03-02-2008 09:34 صح الكاتو أسرع , بس ليش الكب كيك بيموتوا عليه الاولاد ما بعرف

15  الكاتب منى, on 14-02-2008 07:37 مممممم , بتعرفي صرلك يوميين قايلتيلي انك رح تجربي هل الكاتو و ما سمعت منك , قلت معناها الله يستر ما عجبها     صحتين و هنا يا رب , هل النوع مفضل عندي , بحسه كتير تغيير و فيه فكرة جديدة عن بقية انوااع الكاتو

16  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 06-04-2008 12:01 الكاتو هاد صرت عاملته مرتين مرة لاهلي ومرة لدار عمي والاثنين اعجبهم وكثير استغربوا انه من السبانخ بس الكل انبسط فيه ولسه انا متحتفظة بصورته على الموبايل تبعي

17  الكاتب منى, on 06-04-2008 13:04 مممم صحتين و هنا و عوافي وفا    كتير انبسطت انه عجبك و اهم الشي انه بيض وجهك و إذا فيك كمان تبعتي الصور بكون ممنوتك

19  الكاتب منى, on 10-04-2008 12:00 أكيد طيب ما دامه من تحت دياتك ..    و هي كمان التزيين كل واحدة فينا لازم تحط لمستها المميزة , ممم    صحة و هنا يا رب

20  الكاتب سارونات, on 03-08-2008 19:02 السلام عليكم و رحمة الله و بركاته  هالوصفة من اول ما شفتها جزبت انتباهي كتير مميزة ما شاء الله و فكرة التزيين بتجنن ما كانت راح تخطرعبالي ابدا و السبانخ هيدا بعتبرو انجاز و ابداع   انا كتبت الوصفة من فترة بس ما كانت السبانخ متوفرة عندي بس هلأ بقدر اعملا قبل او بعدكيك السنكرز اللي جنني و تعبتك معي منشانو   بالنسبة لهالكيكة كل شي تمام تقريبالان كالعادة عندي اسئلة مزعجة بالنسبة للسبانخ منشيل السيقان صح لان بالصورة بموقع لك كان بينت معي سيقان السبانخ -- صرت عم حلل الصور --   عم اتخيل كيف شكلا ككل يعني هاي اللي بالصورة هلأ عملتيها بنفس القالب اللي بصورة منتدى لك لان ازا هيك فما عندي قالب عميق يعني راح انطر تحتى اشتري واحد   اخر شي انا كتير بخاف من الكريما تخلي الكاتو تقيل عالمعدة في عندك وصفة لكريما بالبيت تكون خفيفة او القشطة اللي قلتي عنها بالموقع بقدر حطا و تطلع خفيفة و كيف حطا بضيفلها شي او لا  و الله يجازيك كل خير و يوفقك و يسهل دربك  سلام من اختك سارونات

21  الكاتب سارونات, on 17-08-2008 16:53 السلام عليكم و رحمة الله و بركاته  وينك اختي منى ناطرتك مشان الله لا تواخزيني بعرف عم تعبك معي --- قوليلي تعبك راحة --  بالتوفيق  سلام

22  الكاتب منى, on 17-08-2008 19:39 هلا أختي   عجبتني هي عم حلل الصور السبانخ منشيل عيدانه و منسلقه , و هل القالب غير قالب لك , هدا قالب مستطيل و هداك قالب مثقوب من النصف , انت فيك تنقى القالب المتوفر عندك     أختي فيك تقدمي الكيك من دون كريما او تدهني كريما شانتيه بطبقة خفيفة , ما منقدر نعمل هل الكريما في البيت     تعبك راحة و شوكولا و ملبن و شو بدك , المهم انك تجربي شي وصفة و تظبط معاك , هي هي فرحتي     أي سؤال تاني انا بالخدمة

26  الكاتب منى, on 21-10-2008 17:07 و الله اختي مو متزكرة أي قالب مستطيل استعملت على الظبط , بس مع القالب المثقوب من النصف استخدمت القالب الي قطره 24 سم , الميرانغ اذا حابة تجربيه فلازم تحطيه من الاول بس ما رح يطلع متل الكريما , نصيحة جربي هلا الكريما و بعدها اتفنني في القالب على كيفك , اختي شو خطر الك تجربيه بالسلق ؟ ممكن يصير ان شاء الله اذا جربتيه تخبريني شو بيصير معك

28  الكاتب منى, on 22-10-2008 06:01 ما عدا الفرق بالطعم الفرق الاساسي بالحجم , السلق كبير كتير اما السبانخ فبنفس حجم ورق الجرجير تقريباً و في اختلاف بشكل الورقة , كمان عض السلق بيكون كبير أما عض السبانخ ناعم , قصدي بالعض عرق الورقة .. اللون نفسه في السلق و السبانخ

30  الكاتب منى, on 22-10-2008 16:41 و لو مية اهلا و سهلا , بانتظار التطبيق

32  الكاتب منى, on 09-11-2008 06:15 مية هلا منامينو   الله يسلمك اختي نور الموقع باخت غالية ..    متل ما قلتي ممكن تتزين اما بفتافيت الكيك او الفستق , و فكرة جديدة منك ان تقسها بالنص و نحشيها .  مية اهلا و سهلا فيك اختي

33  الكاتب رنا, on 17-11-2008 16:50 الله يسلم ايديكي عالوصفة وانا من يومين جربتها لانه اجا السبانخ التازة وبصراحة كل العيلة طار عقلهن عليه بالاول فكوه فستق وقالوا شو حاطة كيلو بس بعدين تطمنو لماعرفوا انه مو فستق وانه سر الوصفة السبانخ الشطور اللي مو ممكن يخطر ع بال حدا بس في شغلة انه كل العيلة حبته الا انا مو كتير مابعرف بظن اني غلطت وكترت السبانخ لانه حسيت طعمتها ظاهرة هلأ انا اسستعملت كوب سبانخ بس بعد السلق يعني معصور ووقت منعصره بيصير بينكبس بالكوب يهني انا حسيت انه انضغط السبانخ قام كتر لانه كمان لونه طلع معي اغمق من الصورة المهم القالب طار كله وياريت تقوليلي انه ياترى انا كترت كمية السبانخ؟  وهي الصور

34  الكاتب منى, on 17-11-2008 16:53 مية هنا و الف الف عافية على قلبك   كتير صورتهم بتشهي , و لونهم حلو كتير , يمكن انت حسيت بالطعمة اما لان انت حاطة السبانخ بايدك بالكيك فحالة نفسية , لان انا هيك صار معي اول مرة و السبب التاني انك بالفعل مكترة كميته لان السبانخ ما بده عصر بين الايدين انت اتركيه يصفى لوحده من ميته و بعدها قيسي الكوب رح يكون السبانخ طري و فيه شوي من المي ..      بكل الاحوال التطبيق ممتاز و عشرة على عشرة و كمان الله يحميلك هل الاجاصات عيني عليهم

35  الكاتب رنا, on 18-11-2008 09:25 ايووووووووووووووووه ايووووه ياستي انا عصرته وطالعت روحة .......اخ مني الا مااخبصها ...بس بالفعل قالولي طيب خلص رح جربه تاني مرة بلا عصر   شوي تانية رح اجي على سوريا كمان شهر وزورك واعطيكي اجاصات متلهن

36  الكاتب منى, on 18-11-2008 11:56 بتنور سوريا و عم استنى اجاصاتي ديري بالك عليهم لتكسريلي ياهن     يلا عم استنى التجربة التانية و ان اء الله يكونوا على زووءك

38  الكاتب منى, on 24-11-2008 13:33 هلا منونة   هادا بس من زووءك يا عسل , ما اعرف عندك احفاد  الله يخليهم و يديمكم فوقهم و تشوفهم متل ما بتحبوا و اكتر .    و اذا ساويته تبقى خبريني

39  الكاتب نادين, on 25-11-2008 14:01 السلام عليكم  كيفك منى  شو اخبارك واله الشكل لذيذ بس الصراحة ما فيني استوعب السبانخ....رنوش قالتلي جرب بس والله خفت هههههههه    ياستي من يومين كان عندي عزيمة و عملت الرز بالكادو و الجزر و طلع خيلللللللللللللللللة و تحفة فنية و لقمة نشكن غرااااااااااام .و عملت شوربة الربيع الفرنسية و صار الكل بحكي فرنسي ..والكل طار عقلون و قلتلون الفضل لموقع لقمة طيبة و بعتت اللينك للكل   وزوجي انبسط طتير وقلي الله يبض و جهك على هالاكلات الطيبة ...بس ماقدرت صور شي ..لان بتعرفي عجقة العزايم   للاسف ماقدرت صور شي  وعملت اكلة اصولها تركية و هي الاساس فيها الفطر و نكهنها لذيذة ومميزة جدا   و رنوش اصرت انو شارك و اني شارك فيها و اكيد هالشي بيشرفني   انتظري مني الطريقة و الصور الاسبوع القادم و ان شاء الله تعجبك و تعجب الكل

40  الكاتب ام محمد, on 25-11-2008 14:58 ياسلام يامنى عن جد صايرة عم تحيرينااش نطبخ لنطبخ كله طيب ولذيذ بس انا شوي زعلانة لانو ما قلتيلي اش رايك بالترياكي ليكون ماعجبك

41  الكاتب رنا, on 25-11-2008 17:45 اهلا وسهلا بنادين خانم واخيرررررررا شرفتيني برد  على فكرة منى نادين صديقتي من اياااام زمان .هلأ رح تفكريني ختيارة بس لا مو هيك نحنا صرلنا رفقات من صف العاشر تقريبا بس شو صحبة للعضم  وه×لأ نادين متزوجة ومقيمة ببريطانيا وبصراحة اول ماتزوجت ماكانت تعرف تقلي بيضة (يعني انا على اساس احسن )المهم احكي معها عالنت وتسألني عالطبخ وبدووون تردد ابعتلها لينك الوصفة من لقمة طيبة حتى صار مرجعها الاول بالطبخ وسبقتني بأشواط وصارت تعمل عزايم وولائم يعني الطالب سبق الاستاذ   المهم بعد ماحكتلي عالوصفات اللي عم تجربها قلتلها تشترك وتحط صور وصفاتها وتطبيقها لذلك اقتنعت على مايبدو واشتركت بقا بدي منك ترحييب حااااااار جدا احر من الفليفلة الحمرا لعيون نادين خانم حتى تزيد الهمة والنشاط

42  الكاتب منى, on 26-11-2008 05:36 هلا بندوشة و رنوشة ما شاء الله عليكم هيك و انتو عم تحكوا حسيت حالي بعرفكن من شي الف سنة و الله   مية اهلا و سهلا نادين ور الموقع أختي و الف الف هنا و عافية على كل الوصفات الي جربتيها و عجبتك و عحبت زوجك و ضيوفك   شو ضحكت على ان الكل صار يحكي فرنسي   لا تحكيلي على العزايم و عجقتها , انا بعزيمة رمضان كنت محضرة حالي كتير و ناوية صور كل شي بس طبعاً وووين , مستحيل الواحد باخر دقيقة يبقى فيه راس للتصوير يا دوب يلحق يجهز طاولته و يكون كل شي سخن     لا تستغربي كيك السبانخ و الله هي اكتر وصفة يمكن اتجربت الي و عن جد تحفة , فيني اعتبرها واحدة من أهم الوصفات في الموقع لان طيبة و سهلة و مميزة     نور الموقع فيك يا عسل و بانتظارالوصفة الي حكيتي عنها     رنوشة يا هيك الرفقة يا بلا أصلا رفقة ايام المدرسة غير , الله يخليكم لبعض و يديم المحبة و الالفة دايما  ممممم هيك اكيد صار لازم تشارك تبعت ندوشة الصور لحتى كمان باقي البنات تتشجع و تجرب من الوصفات الي جربتهم    على فكرة طريقة حكيكن انتو التنتين بتشبه بعض و لو ما قلتولي رفقة كنترح فكر خوات

43  الكاتب منى, on 26-11-2008 05:43 مية هلا ام محمد   لا تزعلي مشان الله بس و الله في عندي كتيررر وصفات عم نزلهم حسب ما وصلوني   الترياكي شكلها كتير طيب , متل ما قلت الك من قبل , الف شكر الك عليها و على النشرالقريب باذن الله     لا تنسي تخبريني اذا جربتي شي وصفة و عجبتك

44  الكاتب ام محمد, on 26-11-2008 11:32 اسعد الله اوقاتك اخت منى اليوم فتحت ع الموقع الساعة السابعة صباحالحتى ماتروح علي ولا وصفة  وكمان آخذ مقادير الكاتو فشفت وصفةالبغاشةالتركيةصحيح ما بعرفها بس بحب الاكل التركي دخلت المطبخ وعملت الكاتو وعجينة البغاشةوحشيتهابالجبنة والبقدونس وبصلة صغيرة يعني عن جدشئ اكثر من رائع عن جدخلتيني انوع في اكلاتي بعد ماكنت احتار الله يعطيكي الصحة والسعادةوبدي اقولك انو وصفاتك كلهابجربهاوبدون تردد

45  الكاتب رنا, on 26-11-2008 11:36 الله يسلمك ونحنا مو بس رفقات كمان اخوات واكتر لانه بهالزمن وقت الواحد بيلاقي شخص وفي لازم يمسك فيه بايديه وسنانه (ولحقي يانادين على عضوضة)   ياستي كلك ذوق بكلامك الحلو وانا لمابحكي معك بحس حالي بعرفك ومين بيعرف يمكن نطلع منعرف بعض

47  الكاتب منى, on 26-11-2008 17:13 مية هلا ام محمد   الف الف هنا و عافية على البغاشة و الكاتو و مطرح ما يسري يمري ..    هادا بس من زووءك أختي , كتير انبسطت ان عم تستفيدي و هنا على كل الوصفات الي جربتيها او الي ناوية تجربيها

48  الكاتب منى, on 26-11-2008 17:14 هلا رنوشة و ندوشة   هلا قليل الواحد يلاقي صاحب صاحب لوجه الله , لهيك معك حق تنزلي فيها عضوضة لندوشة     هلا شككتيني , منعرف بعض و الا نو ؟ لان في الموقع صار شفت كتير من أصحابي في المدرسة يلي كنت مو شايفتهم من عهد الانكليز     ندوشة بانتظار الوصفة منك و لا تزعلي و لا شي انا كمان متل اختك و هي ان شاء الله فترة و بترجعي انت و رنوشة ..    زكرتيني بقصص البكي على التلفوون , كان البنات كلهن نفي السيستم     سلام حبيبتي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved