لحم بعجين

لحم بعجين بلدي :

نصف كيلو لحمة غنم مدهنة قليلاً
2 حبة كبيرة بصل
نصف كوب دبس رمان ( أكثر أو أقل حسب الذوق )
نصف ملعقة كبيرة بهارات مشكلة
ربع كوب صنوبر
ملح

تعليقات (36)

2  الكاتب منى, on 07-11-2007 11:04 بالعكس أخت أزهار     كتير انبسطت بردك , بالفعل متل ما قلتي هل الوصفة قريبة للصفيحة , بس أظن أن الصفيحة بتكون أسمك شوي و إلا أنا غلطانة     أختي أنا كنت أحضر الوصفة بخميرة , و مرة سألت الفران فقال لي لأ ان هذه العجينة بالذات ما بدها خميرة فصرت هيك أعملها ..    بس على فكرة في أخوات في منتدى لك جربوا الوصفة و خبرتني أكتر من واحدة أنها طلعت بالخميرة أطيب       ان شاء الله عوافي و هنا و صحة يا رب على قلبك و قلب زوجك ..    و أنا بانتظار وصفاتك , لا تنسي

3  الكاتب ام نور, on 01-12-2007 14:53 اخت منى عش البلبل التي قصدتها الحشوة بيحطوا فيا طحينة ودبس رمان وبصل ولحمة بس المقادير بالظبط ما عندي فكرة بس بشوف الاخوات الحلبيات هون بيعملوا ولا اروع والعجينة بتطلع مورقة بيعملوا عا يدون خصوصي لا هالاكلة عم لبكك معي عاكل حال رح اسال شي اخت وخبرك لان ما جربت اعملا ولا مرة

4  الكاتب منى, on 02-12-2007 11:14 أختي ام نور نحنا منعمل عش البلبل بالطريقة الي قلت لك عليها, يعني بالعجينة الجاهزة و من دون طحينة ..    بس في أخت من حماة جربت وصفة اللحم بعجين و خبرتني انهم بحماة بيضيفوا مع الحشوة طحينة ..      يا ريت ام نور لو تعلميني الطريقة الي عم تقولي عليها و كيف ممكن تنعمل العجينة بكون ليك ممنونة

5  الكاتب ام نور, on 05-12-2007 16:31 تكرم عيونك رح اتعلما انشالله واعطيكي الطريقة كتير بيعملوا بالمناسبات وبتطلع طيبة بس لا زور صاحبتي لان انا ساكنة بمنطقة بعيدة ساعتين عن كل صاحباتي الشاطرين بالاكل

6  الكاتب منى, on 05-12-2007 18:06 الله يعطيك ألف عافية مقدما ام نور       عزبتك معي , عم استنى الوصفة اذا الله راد

7  الكاتب أم مــــالــــك, on 20-03-2008 21:56 تسلم دياتك اخت منى يعني نفس طريقتنا بفلسطين لكن احنا بنسميها صفيحه

8  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-04-2008 12:33 البارحة جربت اللحم بعجين وكان طيب ولذيذ ،لكن العجينة كانت سميكة شوي وما ارتقت معي منيح .  وهي صورة لتطبيقي للوصفة:[/img]

9  الكاتب منى, on 10-04-2008 13:44 يا ربي صحة و هنا و عوافي على قلبك شي بيشهي كتير    يمكن الخميرة مو كتير منيحة

11  الكاتب منى, on 11-10-2008 10:21 مسا الخيرات و الليرات نحنا بحلب ما في شي اسمه صفيحة عندنا , كله لحم بعجين و هي نفسها وصفة الصفيحة

13  الكاتب منى, on 12-08-2009 13:25 الله يسلمك ام احمد و ان شاء الله شي مرة تجربيه و يكون يممي

14  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 06-01-2010 18:03 تسلم دياتك انت كتير حليتيلي مشكلة بهاالموقع الحلو بالذات احنا بالغربة ومافي حدا نسألوا عن اكلات حلب الغالية الله يجزيك الخير يارب

15  الكاتب بشرى, on 17-03-2010 06:48 فكرة حلوة كتير إنو ينعمل بالبيت .. أنا عم جيبو معي من حلب وفرزو وطالعو وقت الحاجة بس ما كتير عم حبو .. حطيتو على لائحة التجريب ان شاء الله يسلم دياتك يارب

16  الكاتب منى, on 17-03-2010 09:04 الله يسلمك بشورة ان شاء الله تجربيه و يطلع متل ما بتحبي

17  الكاتب محبةالمصطفى ملك, on 29-04-2010 13:41 السلام عليكم  أختي منى هلأ بدي أسألك يعني اذا بدي أجرب اللحم بعجين و اذا زبط معي رح أكون كتيييييييييييييير مبسوطة بس أحط خميرة ولا لأ برأيك انت؟  لأنك حاطة الخميرة بالمقادير و بعدين عبتقولي انك ما عبتعملي بالخميرة   ههههههههه أنا كرارة ما هيك   يلا سلام

18  الكاتب منى, on 30-04-2010 12:26 لا بالعكس     انا اتعلمتها من ابو اللحم بعجين من دون خميرة , و نزلتها بالاول بنفس الطريقة , بس بالتجربة شفت ان بالخميرة احسن , لهيك في شوية لت و عجن بالردود , الطريقة اي كاتبتها هي الي معتمدتها , و انت فيك تحضريها كيف ما بتحبي

19  الكاتب محبةالمصطفى ملك, on 01-05-2010 10:01 رح أحضرها طبعا بطريقتك يا قمر   و ان شا الله تنجح معي بس بدي أسألك معجون البندورة نفس ماء البندورة؟؟؟؟  و اذا ما بدي أفرم الخضار بمحضرة الطعام بيمشي الحال و لا لأ؟  و آخر سؤال هلأ مشتهية كتير أعرف طريقة تحضير رقائق برك الجبنة بالبيت اذا بتعرفي كيف؟؟؟؟

20  الكاتب منى, on 06-05-2010 12:28 معجون البندورة هو دبس البندورة الي منشتريه من السوق لان نسبة الحموضة فيه اخف .  فيكي تفرمي الخضار بمحضرة الطعام , و رح نزل البرك اذا ربنا راد

21  الكاتب محبةالمصطفى ملك, on 06-05-2010 19:50 يا الله شأد أنا فرحانة فيك   يسلمو عالأجوبة بس دبس البندورة ما بنقدر نبدله بشي تاني بدون ما يتغير الطعم؟؟؟؟؟

22  الكاتب منى, on 07-05-2010 10:37 خلص اذا مو متوفر بلاه , بتزبط كمان , بس لما بيتوفر اكيد بيطلع اطيب     و انا كمان فرحانة بهل الطلة , نورتي اختي

23  الكاتب محبةالمصطفى ملك, on 12-05-2010 00:47 يا منى الحلوة الأمورة اكيد جننتك و ين ما بتروحي بتشوفيني و أكيد هلأ صرتي هيك   طيب اذا ما صرتي هيك بدي أسألك شو نوع الطحين ؟؟؟ و شو هي البهارا ت المشكلة   اذا ممكن تجاوبيني لأني رح أعمل اللحم بعجين هالليومين

24  الكاتب منى, on 12-05-2010 07:30 الله يسامحك , معناها لسا ما بتعرفيني منيح , انا رب العالمين سخرني لخدمة الناس الطيبة     الطحين الي استعمله هو الطحين العادي مو طحين الكاتو . و البهارات هي الدقة الحلبية الي منشتريها من المدينة

26  الكاتب منى, on 12-05-2010 19:19 يا باتل     لكن شو بتستعملي للطبخ ؟؟    لازما و حتما و لا بد يكونوا في المطبخ , م بس لهل الوصفة , كل الطبخ ببهارتنا غير شكل

27  الكاتب محبةالمصطفى ملك, on 22-05-2010 01:40 هههههههههههههههههههههههههههههههههههههههه  ضليت ساعة و أنا أفك الشيفرة بالأخير طلعت يا باطل   ههههههههههههههه  هلأ طبعا عندي مجموعة بهارات و منستعملها بالطبخ بس كل نوع لوحده(كمون.بهار.كزبرة.فليفلة.نعناع....  انت هدول قصدك و لا قصدك أنواع محددة و مخلوطة آسفة لأني عبكتر الأسئلة بس من عمرنا منستعمل هالبهارات و بيطلع الأكل كتير طيب      يعني مو معقول ما منحط شي للأكل أبدا

28  الكاتب منى, on 22-05-2010 10:56 يا ستي شايفة البهار , هو داااا     نحنا منقول عليه بهار و هو بالحقيقة 7 بهارات

29  الكاتب محبةالمصطفى ملك, on 22-05-2010 23:38 عبتمزحي ههههههههههههههههههه  هلأ هاد سبع بهارات امممممممم  معناها اختصاص حلب بس ما ؟  و انا دائما بسأل نفسي هادا بهار أبيض و لا بهار أسود و لا اشو بالضبط؟؟؟  هلأ مو اذا حطينا بعلبة شفافة بعد فترة بتبقع؟؟؟  و على صفحة مخلل الخيار يا حلو

30  الكاتب منى, on 23-05-2010 11:09 تمام هادا هو , هو بهار حلو و فلفل اسود و ورق غار و زنجبيل و حب هال و جوزة الطيب و قرفة , بنسب معينة     لاحقتك , دقيقة لجيب الباشاية

31  الكاتب محبةالمصطفى ملك, on 24-05-2010 00:45

32  الكاتب أمــ نــــدى, on 14-09-2010 11:23 يعطيك العافيه منى   عن جد بتشهي , الله لا يحرمك الأجر  ان شاء الله بجربها قريب    لو تسمحي بدي أشارك معكم بوصفاتي  لكن ما اعرف من وين أبدأ ؟

33  الكاتب منى, on 16-09-2010 12:18 ان شاء الله تجربيها و تحبيها و تكون يمييي     ممكن تبعتي الوصفات عن طريق اتصل بنا و انا ان شاء الله رح انشرها باسمك

35  أنا شريبة متة سيدي ! الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 21-05-2011 21:21 السلام عليكم ورحمة الله    منى منى منى طبعاً كالعادة حاكتبلك: من زمان بدي جرب هالوصفة. لك يا عيييييين عاللحم بعجين ما أطيبو.  وكالعادة رح اكتب: ما توقعتو ينجح كل هالقد .. خاصة الحشوة العينتابية، طلعت تماما متل الجاهزة بالطعم، بس التانية مدري كيف طلعت، طعمة البصل المقرمش وهيك، وما طلع لونها أسوووود متل العادة. بس طيبة وجوزي حب الحشوة البلدية آل لأنه ما بيعرف العينتابية (طبعا كل شي ما بيعرفو ما حيحبو ههههه). وآل هنة بالشام كمان عندون لحم بعجين وهي غير الصفيحة.  عملت نص الكمية، بس ما عرفت أديه لازم تطول بالفرن فشي خليتو 15 دقليلة، شي 10 شي 13 .. لأن ما عرفت حدد جاهزية اللحمة. والعجينة طلعت كتير حلو العامل معها، بس طلعت بتقرمش ومو متل الجاهز.  طبعا هديك أني وي بدها الفرن الخاص ...    بس طيييييبة بس روح لعند أهلي عروسيا أكييييد رح اعملون ياها ورح ينبسطوا لأن أكيد صرلون زمان ما آكلينها واليوم عم جاكر ماما عالماسنجر فيها     شكرا مجددا كلك ذوق.    مع التحية    والسلام عليكم ورحمة الله

36  الكاتب joumana, on 20-07-2011 22:17 تسلم ايديكي اخت منى بصراحة انا بالسعودية وكتير مشتهيه عليه وانشالله رح اجربه  بس ععندي كم سؤال ياريت تجاوبيني عليهن  1لازم ادهن الصينية شي قبل ماصف عليها العجينة.  2كمان بدي اسأل بماانو العجينة الها خميرة مارح تنفش بالفرن وتبطل رقيقة؟؟؟  3السؤال الاخير انشالله ماكون طولت عليكي بس كيف بدي اعرف انو استويت يعني اديش اتركها بالفرن  وشكرا كتيييييييييييييير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved