L2ma.com | لقمة طيبة | L2ma.com | لقمة طيبة | المامونية | المامونية, الجبنة, تقدم, حتى, · | L2ma.com

القائمة الرئيسية

الأكثر تصفحاً

المامونية

الكاتب/ منى

13/06/2007

المامونية من أشهر و ألذ الأطباق التي تقدم كطبق للفطور يوم الجمعة أو في المناسبات في مدينة حلب ..

يمكن أن تقدم المامونية مع القشطة الطازجة أو مع قطع الجبنة المالحة , ممم , سيعجبك تضارب الطعم المالح مع الطعم الحلو .

بالصحة و الهنا

2 – 3 كوب صغير سكر ( حسب الذوق )
4 كوب صغير ماء
2 ملعقة كبيرة سمنة بلدية او بقرية
كوب صغير سميد
ملعقة صغيرة ماء زهر

للتقديم :

قشطة طازجة أو جبنة
قرفة ناعمة للزينة
direction

·          يوضع الماء و السكر على النار و يترك المزيج حتى يغلي و يذوب السكر تماماً .

·          في هذا الوقت توضع السمنة و السميد على نار هادئة و يقلب الكل حتى يشقر السميد من دون أن يتغير لونه , يضاف مزيج الماء و السكر و يغطى الوعاء و تترك على النار الهادئة مدة 10 دقيقة تقريباً حتى تشتد قليلاً .

·          تبعد المامونية عن النار و يضاف ماء الزهر و تترك مغطاة لمدة 10 دقائق , سيزداد سمك المامونية .

·          أصبحت المامونية جاهزة , تسكب في طبق التقديم , توضع فوقها القشطة أو تقدم مع الجبنة و ترش القرفة و تقدم ساخنة مع الخبز العربي .

تنويعات :

يمكن تقديم المامونية مع الجبنة المحلاة , تستخدم الجبنة العكاوي المنقوعة بالماء حتى تفقد كل ملوحتها ثم تقطع إلى شرائح سميكة و بعد أن تنضج المامونية و يضاف لها ماء الزهر تضاف شرائح الجبنة و يغطى القدر و تترك حتى تذوب الجبنة ثم تسكب و يرش الوجه بالقرفة و تقدم مع الخبز العربي .

أضافة إلى المفضلة (0) |

أقتباس | مشاهدات : 6218

تعليقات (22)

1 الكاتب linda, on 14-06-2007 21:03
كانو رفقات اخي من حلب دائما يحكو عن هل الاكلة و مرة عزموه عليها
بس انا ما بعرف طعمها
ان شالله بجربها شي يوم
انا كتير مبسوطة اني عم اتعلم منك شغلات جديدة وطيبة

:zzz

2 الكاتب منى, on 14-06-2007 22:35
هلا ليندا

هي كتير طيبة و اكيد رح تعجبك باذن الله , هي طريقة ستي , و هي الله يخليلي ياها منفنفة و ما في أطيب من أكلها

و انا مبسوطة فيك كتير و بوجودك معي

نورتي

3 مشكورة
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-08-2007 06:00

تسلمين على هالحلا الطيب

4 الكاتب منى, on 21-08-2007 09:08
الله يسلمك بلسم

و الشكر ليك على تواجدك الطيب في الموقع

5 الكاتب ام دانية, on 16-09-2008 15:51
نيال عيلتك علي ماشاء الله انا كتير بحب هل الاكلة وخصوصا اذا على وشا قشطة بس للاسف ما بعرف اعملا نهائيا حماتي الله يجزيها الخير بتبعتلي من حلب الممونية وانا بغليها بس بالمي :grin

بس ان شاء الله رح جرب اعملا ويارب تنجح

6 الكاتب muna.g.7, on 16-09-2008 21:23
اول مرة اضوقها في حلب من سنتين كنا راجعين من لبنان علىاساس ليلة مرور ولما تذوقناها في بوفيه الفطور اخرنا سفرتنا ثلاثة ايام تجولنا في الاسواق الشعبيه غرامي وتمتعنا باطيب اكل

7 الكاتب منى, on 17-09-2008 06:21
هلا أم دانية

, أنا بحبها أكتر الشي مع الجبنة العكاوي , يممي ..
و الله مو مستاهلة من حلب لألمانيا اي شغلتها ااقل من 5 دقايق ,. الله يخليلنا هل الأمهات و الحموات شو تعبوا معنا لحتى صار عندنا شوية من خبرتهم

8 الكاتب منى, on 17-09-2008 06:30
هلا منونة

نورت حلب بأحلى و أغلى ضيفة من السعودية , ان شاء الله تكون منعادة و تنبسطي بزيارة حلب و سوريا

9 الكاتب فطوم باك, on 18-09-2008 12:43
يسلمووووو الايادى

يعطيك العافية ...

10 الكاتب منى, on 18-09-2008 13:10
هلا فطوم

نور الموقع فيك و بتواجدك و ربي يسلمك و يخليك

11 الكاتب الدمشقية, on 30-11-2008 08:22
فعلاً طيبة كتيييييييييييير نحن بالشام منقول عنها حلاوة بسميد والكل بطير عقله عليها بالفعل خصوصاً مع الجبنة يممممممممممم :upset

تسلم ايدك يا منمونة

12 الكاتب منى, on 30-11-2008 10:22
عن دمشقية

كنت فاكرة ان مو معروفة برة حلب لان أصحاب زوجي لما بيجوا من الشام بيحكوا معه بالموبايل ان هنن رح يوصوا : بيقولوا حضرولنا المامونية و الشعبيات :zzz

الله يسلمك يا عسل , نورتي

13 الكاتب ام نور, on 05-07-2009 17:56
ما بتسدقي يا منى اني صرت عاملة المانونية شي 15 مرة اداش بسيطة وسهلة واداش طيبة ما كنت متوقعتا هيك لا جربتا بس انا شو عملت بالاخير قبل ما اطفي النار بحط الجبنة وهي جبنة حلوة وبحرك بسرعة فبتدوب الجبنة وبسكبا وبزينا بالقرفة وطيبة سخنة لقيتا وكل الي اكلوها عندي اخدوا مني الطريقة سلم دياتك يا رب

14 الكاتب منى, on 05-07-2009 18:23
هنا و الف الف عافية ام نور

هي الطريقة بيعملوها عنا كمان لحتى تدوب الجبنة و تصير طرية و تدوب دوبان :zzz

متل ما قلتي ما ممكن الواحد يتوقع هيك طعمة من هيك مكونات بسيطة , الف صحة و هنا على قلبك و قلب ضيوفك واحد واحد

15 الكاتب laraye, on 18-08-2009 16:03
منى لو سمحتي شو بتقصدقي بالكوب الصغير يعني فنجان قهوه؟ بعدا استخدم هالكمية لشخصين؟؟ ما بريد تكون كتيرة ...
سؤال كمان القشطة هي الحليب المكثف الا كل واحد شي؟؟
شكراواسفه ع كتر الاسئلة

16 الكاتب منى, on 20-08-2009 14:34
هلا اختي

الكوب الصغير هو كوب الشاي و اذا انتي حابة تجربي الوصفة اول مرة ممكن تستعملي فنجان القهوة للقياسات و بنفس النسب , يعني فنجان سميد , فنجانين او تلاتة سكر , اربعة مي و حمصي السميد بملعقة سمنة و الكمية هي رح تطلع صغيرة و مناسبة لشخصين ان شاء الله

17 الكاتب محبةالمصطفى ملك, on 16-06-2010 05:36
امممم المامونية أكلة مشهورة بعيلتنا و خصوصي يوم الجمعة :zzz

بس أنا بعملها بغير مقادير و الطريقة جابوها خوالي من عند مهروسة من شي 10 سنين :eek

كوب سميد..3كوب ماء..3كوب سكر و طبعا ماء زهر و سمنة
بس ما بعرف شو الفرق بين الطريقتين بس أكيد التنتين طيبيييييييييييييييين :zzz

18 الكاتب منى, on 16-06-2010 11:33
هلا ما كتير في فرق بالمقادير , يعني هل اكاسة السكر رح تخلي مامونيتك اسمك من الوصفة الي بحضرها , انا ما كتير بحبها سميكة , بس هادا زوءي الشخصي , و يمكن لان اتعودت عليها هيك :roll

شكرا كتير للاضافة و متل ما قلتي , المامونية خاطرها لااازم و خصوصا يوم الجمعة :zzz

19 الكاتب ام احمد الغالي, on 25-07-2010 07:06
بحبا كتير للمامونيه خانوم بس بحياتها ما ظبطت معي كتير بتطلع سميكه

يسلم دياتك منى والله يجزيكي الخير على تعبك معنا
ماقلتيلي في مسابقه برمضان السنه ولا نو؟؟؟
بلكي بجهز طبقي من هلااء :zzz

20 الكاتب منى, on 25-07-2010 10:37
هلا ام احمد

ان شاء الله تجربيها هل المرة متل ما اتعلمتها من نانا و تزبط معك

و الله ام أحمد هي المسابقات حلوة كتير , بس عم تاخد وقت , اذا الفكرة عابتكم رح نعملها , شو رايك ؟

21 الكاتب ريم ز, on 15-11-2010 22:08
هلق انا بعرف اعمل مامونية بس بدي الشعيبيات الحلبية
لانو المامونية بدها معها شعيبيات يوم الجمعة
ولا اش رأيك ست منى

22 الكاتب منى, on 16-11-2010 00:43
:roll

بيصير يجي يوم و اعملها , ليش لا

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 05/07/2009 )

< السابق		التالى >

[ عودة ]