بيضة
بضع قطرات من زيت الزيتون
كعك مدقوق ( بقسماط )
رشة ملح و بهار

·          تقطع الصدور المسلوقة إلى قطع صغيرة جدا و توضع جانباً .

·          تقلى البصلة بزيت الزيتون حتى تشقر , يضاف الثوم و يقلب لمدة دقيقتين ثم يضاف الدجاج و يتبل بالبهار و القرفة و يقلب , يضاف مكعب المرق و نصف فنجان صغير من ماء سلق الدجاج و يترك الدجاج على نار متوسطة حتى يتبخر كل المرق و تتمازج كل النكهات مع بعضها البعض .

·          في هذه الأثناء تسلق حبة البطاطا حتى تنضج ثم تصفى جيداً من الماء و تقشر و تهرس بالشوكة و هي لا تزال ساخنة حتى تصبح بيوريه و تختفي كل القطع الكبيرة ثم تخلط البطاطا مع الدجاج وحتى تتجانس المكونات ثم توضع في البراد حتى تبرد تماماً و بعد أن تبرد يضاف المايونيز .

·          يقسم المزيج إلى كرات , يعمل تجويف في كل كرة و تحشى بمكعب جبنة و قطعة فطر ثم تغلق جيداً و تشكل بهيئة فخذات الدجاج بحيث تكون الحشوة في القسم المنفوخ من الفخذة و توضع القطع الجاهزة على صينية مغطاة بورق نايلون .

·          يتبل البقسماط بالملح و رشة بهار ثم تغمس الفخذات بالبيض المخفوق مع القليل من زيت الزيتون ثم الكعك المتبل و يضغط على الفخذات بلطف كيف تلتصق حبات البقسماط جيداً ثم توضع بالفريزر لمدة ساعة حتى تتماسك , تقلى بعدها بالزيت الغميق و تقدم ساخنة مع كريم الثوم .

 



وصفات تانية ممكن تعجبك :

بطاطا كوينز

المعقودة

 

ليرات الكوسا المقرمشة

تعليقات (47)

1  الكاتب linda, on 28-06-2007 14:56 يمييييييييييييييييييييييييييييييييييييي  انا من غير شي ميتة من الجوع   يعني شوفة الوصفة و قرائتها تعذيب     يعطيكي كل العوافي على هل الوصفات يلي بتجنن

2  الكاتب منى, on 28-06-2007 18:09 له له له     سلامتك من العذااب ليندا     في ادامك حلين     يا اما تروحي للمطبخ و تعمليها ..    أو تأخدي أول طيارة و تجي لعندي و أنا عازمتك على أطيب و أأقرمش فخدات دجاج     نورتي ليندا

3  الكاتب Eman, on 01-10-2007 07:38 السلام عليكم ورحمة الله وبركاته،،جزاك الله خيرا على هذا المجهود الأكثر من رائع،،لقد أتحفتنا بوصفاتك المدهشة ،،فبعد أن عثرت على موقعك المذهل لم أعد مضطرة لأتصل بأمي لأسألها عن أي وصفة(خصوصا وأنك حلبية متلنا)،،فموقعك (ماشاء الله )زاخر بالوصفات اللذيذة واضحة الشرح ،،،سلمت يداك

4  الكاتب Eman, on 01-10-2007 07:51 بلا معلمية عليك أختي،،أنا جربت أفخاد الدجاج من قبل وكانوا طيبات كمان،، بس كانت السيدة اللي عاملتهن ضايفة فكرة حلوة،،وهي إنو حاطة لكل طابة دجاج حبة معكرونة اسطوانية الشكل(ما بعرف إش بسموا) حتى تعطي شكل عظمة الفخذة ،، وسلااااااااام

5  الكاتب منى, on 01-10-2007 11:59 مية أهلا و سهلا فيك اختي ام ايمان عضوة جديدة و عزيزة     الف شكر ليك على الكلام الحلو الي بيبل القلب     و الله يرجعك لبلدك سالمة غانمة ان شاء الله     فكرة رائعة جداً , المرة التانية اذا الله راد رح جربها

7  الكاتب منى, on 28-06-2008 19:26 طبعا فيك , يلا ان شاء الله تجربيها و تعجبك

8  الكاتب رنا, on 21-08-2008 15:10 طيبة طيبة كتير ونجحت نجاح باهر الله يبيض وجهك عالوصفات الرائعة

9  الكاتب منى, on 21-08-2008 16:39 عوافي رنونة , و ان شاء الله صحتين و الف هنا على قلب مين عملها و داقها, شكرا على الدعوات الحلوة و ان شاء الله وجك ابيض على طول

10  الكاتب رنا, on 24-08-2008 15:26 جاب جوزي كيلين دجاج قال لانه ماتهنى فيهن هديك المرة طاروا بسرعة بس سمعت شغلة انه مااستخدم معهن مايونيز قال لانه بيعمل تسمم اذا تعرض للحرارة ..بماانه رح ينقلوا .فشو بتقولي

11  الكاتب منى, on 24-08-2008 16:46 إذا كان المايونيز شغل اليت فممكن يعمل تسمم و خصوصا ان هلا ممكن يفسد بسرعة , اما المايونيز الجاهز لا , و كمان الله اعلم , انا هيك بعرف من التجربة و الخبرة بس مو اكيدة

12  الكاتب رنا, on 24-08-2008 21:29 اخر مرة بستعمله بهالاكلة لانه انا عملت المايونيز على ايدي ...رح نسمي بالله قبل ماناكله وانشالله تاني مرة رح استعمل كريم التوم تبع النشا ..ادعيلنا مانتسمم

13  فخدات الدجاج شكلها بتشهي الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-09-2008 13:48 يعطيك العافية و يسلموا ايديك على هالأكلات الي بتجنن,هاي الوصفة كتير حابة جربها بس مو عرفانة ازا رح أعرف أشكلها   بدي أغلبك ممكن تنزلي وصفة للأكل الصيني؟و طريقة عمل الدونات ازا في مجال.  شكرا كتير.

14  الكاتب منى, on 09-09-2008 13:18 هلا رنونة   ان شاء الله ما بيصير شي , ولي على قامتي , خبريني شو صار معك

15  الكاتب منى, on 09-09-2008 13:18 هلا أختي fofosam    مو المهم تعرفي تشكليها من أول مرة , ممكن تعمليها على شكل أصابع أو كرات و بتبقى بتجنن و على مسؤوليتي ان شاء الله     تكرم عيونك على الوصفات , ان شاء الله بعد رمضان مية هلا فيك اختي نور الموقع

17  الكاتب منى, on 18-10-2008 07:13 انا بتركهم بالفريزر تقريبا ساعةو اذا حابة تحضريهم قبل ممكن تحضريهم من البح و تتركيهم لوقت الغدا بالبراد , أكيد بيصير

18  الكاتب رنا, on 12-11-2008 06:05 الفخذات رائعات كتير كتير وصرت مجربتهن كذا مرة وهي صورة احد التجارب

19  الكاتب منى, on 11-11-2008 17:10 الف هنا و عافية رنونة   كتير مبسوطة فيك و بالصور الي عم تضيفيهن , ان شاء الله تتشجع بقية الاخوات و تجربها

21  الكاتب منى, on 12-11-2008 06:02 هلا عملت تعديل على ردك لان غلطانة بطريقة اضافة الصور

22  الكاتب مريوم, on 01-07-2009 06:56 السلام عليكم منى الغالية   يعني الوصفة شكلها طيبة، جربتها ولكن ما زبطت. فرطوا انا وعمبقليهم يعني ما ضلهم متماسكين. فشو المشكلة يا ست الستات.؟؟؟؟

23  الكاتب منى, on 01-07-2009 10:37 له يا مريومة و الله شو زعلت لان ما زبطةا .    عم فكر بمشكلة و اعتقد ان فا في غيرها و هي السوائل , يا ترى صفيتي البطاطا منيح قبل ما تهرسيها , و الدجاج نفس القصة , يا ترى صفيتيه منيح ..    مريومة هي الوصفة بالذات لازم تعيديها , لان اذا زبطت معك ما بقى تستغني عنها و رح تصير وصفة معتمدة عندك دوما ..    على فكرة مفتقدتك و صار الك زمان ما بينتي , ان شاء الله خير

24  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-07-2009 12:56   يم يم شو شكلها بيشهي ، اكيد ان شا ءالله لازم جربها

25  الكاتب منى, on 15-07-2009 13:27 ان شاء الله تجربيها و تشوفي شو طيبة و مستاهلة     يلا خبريني اذا جربتيها

26  الكاتب مريوم, on 23-07-2009 01:24 شو بدي قلك يا منمون ، اول شي شكرا على النصيحة والظاهر انك جبتيها لانوانا قشرت البطاطا و سلقتهم فشربو كل الماي و طحنتهم بميتهم.والظاهر هيدا اللي خربلي الوصفة.  والله انا عمبتصفح الموقع هيك عالسريع بس لاقي معي وقت لانو اجا عندي بايبي جديد عمرو شهرين و نصف وماخدلي كل وقتي والله . ما عملحق على شي. وفوق هيدا اجت لعندي مرت عمي زيارة ، و كل يوم بقعد بفكر باكلة جديدة و طيبة فبجي وبجرب كم فكرة من هيدي الاكلات الطيبة . يعطيكي العافية يا امورة على هالسفرة المميزة .

27  الكاتب منى, on 23-07-2009 10:27 اي هيك بينت مريومة , المشكلة بمة سلق البطاطا معناها , يلا المهم ان الواحد عرف وين المشكلة و ما بدي تقولي عم نق عليك بس لااازم تعيديها , لازم ها و الا رح تروح عليك     ابوس البي بي الجديد , الله يخليه و يحفظه و يبارك فيه و تشوفي منه خير كتير انت و باباته و يكون من المسعدين بالدنيا و الاخرة , بيجننوا الاولاد بهل العمر , على بالي بوسه شي مية بوسة

28  الكاتب مريوم, on 29-07-2009 22:44 شكرا يا قمر ، ووصلو البوسات .  خلص ضروري جربها وخبرك شو بصير معي.  اهم شي الواحد يتبع الوصفة بحذافيرها وبدون فلسفته الخاصة والا بتخرب الطبخة على راسو وراس ضيوفو.  ويعطيكي العافية على هالااكل الطيب،يعني ايمتى لح اعملك زيارة بتعقد سفرتك نيال جوزك علهيا   بتعرفي انا جوزي ما بهمو الاكل بالمرة فكرمال هيك بطل يهمني جرب و اخبص حالي بالمطبخ ،بس لما فوت على مطبخك بشم ريحة الطبخ الاصلي بقول ضروري قوم جرب كم وصفة حلوين.

29  الكاتب منى, on 30-07-2009 13:07 ان شاء الله تجربيها مرة تانية و تزبط معك من دون فلسلفة الله يخليك خلينا بالطبخ اطيب     بتشرفي و بتنوري يا قمر و يا رب تجربي هل الوصفة و غيرها و تنول رضا الباشا

31  الكاتب منى, on 04-09-2009 12:47 هنا و الف الف عافية و صحة على قلبك و قلب كل العيلة , يا ستي انا متل حالتك , بيقبوا بيروحوا و يجوا على البراد لحتى تخلص , هنا يا رب     تكرم عيونك الحلوة هيا

33  الكاتب منى, on 06-09-2009 15:00 ان شاء الله بتصير اشطر يا قمر , مية السلامة بهل القامة , نورتينا

36  الكاتب منى, on 04-01-2010 17:25 يا رب تجربيها و تكون متل ما بتحبي و اكتر

38  الكاتب منى, on 20-01-2010 13:08 يمكن البطاطا او مزيج الدجاج ما كان ناشف كتير منيح , لان هي رح تطلع متماسكة و كتير سهلة للتشكيل , ممكن تقللي كمية المايونيز شوي مرة تانية

39  ...... الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-06-2010 19:55 سلام منى  أنا بكرة عاملة جـَمعة لكل رفقاتي  و من الشغلات الي عاملتا هدول الفخدات  ادعيلي يزبطو معي   ان شاء الله بحاول آخدلي كم صورة للسفرة و الأكل   بلكي بكرة بخبرك شو صار معي   7ayah

40  ....... الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-06-2010 19:57 صح نسيت قلك إني حسيت العجينة مو كتير ناشفة فضفتلا رشة طحين صغيرة مشان تمسك أكتر   بمشي الحال هيك ولا رح تفرط معي بالقلي   الله يستر بكرة العزيمة

41  الكاتب منى, on 21-06-2010 11:04 ليش ما نشفتيها منيح     هلا ان شاء الله بتزبط معك , و يا رب ما تخجلك ادام ضيوفك , لازم ما تاثر رشة الطحين     رح استنى اخبارك

42  ......... الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 21-06-2010 17:01 سلام منى  من شوي طلعو ضيوفي من عندي   و الفخدات طلعو كتير كتير طيبات  أنا ضفت للعجينة آخر شي شوية سميد مشان تقرمش  و طلعت واااااااااو   يسلمو ايديكي على هالوصفة الطيبة   7ayah

43  الكاتب منى, on 22-06-2010 05:03 الحمد لله   الف الف صحة و هنا على البك بكل لقمة انت و ضيوفك , ابسطت انها ظبطت و خصوصا ادام الضيوف     وشك ابيض على طول

45  الكاتب منى, on 24-07-2010 12:49 الله يسلمك شيمو و ان شاء الله تجربيها و تكون نم نمم

46  سلمى الكاتب ssweetangela, on 17-04-2011 01:28 مرحبا ست منى الله يسعد ايامك ويسلم ايديكي على هالموقع من اول ما بلشت جرب منه اختلفت سفرتي كتير وصار كل شي ينجح معي .جربت الفخدات وطلعو كتير طيبين وكمان جربت المسبحة او الحمص وجوزي والاولاد حبوهن كتير ولا عجينة العشر دقايق يا عيني عليها تحفة شو ما عم بعمل فيها عم يطلع روعة .انا بعتلك ايميل فيه وصفة لبسكويت رقايق الشوكولا بس ما وصلني منك رد وكمان ما عرفت كيف حمل الصور يا ريت بس تقري الرد تخبريني كيف مشان ابعتلك ياهن .يسلمو كتير طولت عليكي بس انا لحالي بالغربة ما بصدق ايمتى لاقي حدا وكركر معه

47  الكاتب منى, on 17-04-2011 10:53 اهلا و سهلا سلمى   ايامك كلها فرح و خير و هنا ان شاء الله   صحتين و هنا على الوصفات الي جربتيها , ممنونة ردك و كلامك , الله يديم المحبة و الود     وصفتك وصلتني , حقك علي ما بعت ايميل لاقلك انو وصلت , بس ما بتتخيلي اديه مشغولة هل الكم يوم     الصور فيك تحمليهن على جروب لقمة طيبة في الفيس بوك , شغلتهم كتير سهلة     ايا سؤال تاني من عيوني و منورتينا يا جميل

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved