زردة

 زعفران و ماء الزهر : رح يعطوا لهل الوصفة لون بيجنن و ريحة بتاخد العقل . هي الوصفة من الحلويات التراثية الي كانت تتقدم كضيافة في حفلات الأعراس و للضيوف الي بيجوا للمباركة للحجاج .  و لهلأ محافظة على مكانتها في قائمة الحلويات .

لون الزردة اله علاقة بنوعية الزعفران , إذا كان من نوعية منيحة رح يصير لونها مشرق و فاتح للشهية أما إذا كان من نوعية مو منيحة كتير رح يطلع لونها غامق .


بيقول المثل في حلب : بعد العرس ما في زردة    .أما عندنا في لقمة طيبة كل يوم في زردة

بالصحة و الهنا

كوب رز مصري
12 كوب ماء
كوبان و نصف سكر أو كوبان فقط
علبة صغيرة زعفران
نصف كوب ماء لنقع الزعفران
2 – 3 ملعقة كبيرة ماز زهر

تعليقات (17)

1  حلا لذيذ الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-08-2007 06:04   جزاك الله خير

2  الكاتب منى, on 21-08-2007 09:14 هلا بلسم     و جزاك الله بالمثل أختي ..    نورتي

4  الكاتب منى, on 10-02-2008 07:54 هلا نورا الزعفران العلبة الصغيرة و إذا كان نوعيته كتير منيحة يمكن ما نستعمل العلبة كلها

5  الكاتب ام نور, on 24-11-2008 22:04 منى كوب رز بدو 12 كوب ماء ما كتير بالنسبة لا كوب

6  الكاتب منى, on 25-11-2008 05:22 و الله يا ام نور هي هي عيارات الزردة , بعرف بالمنطق مو زابطة بس هيك نحنا نعملها .  لا تنسي ان الرز من دون نقع بس غسلة و على المي الغالية

7  الكاتب ام نور, on 25-11-2008 10:56 منى سؤال اخير لان حابة جرب عالوصفة بدي اعرف كيف بتطلع الزردة بالاخير متل الرز بحليب قصدي ساءلة ولا جامدة

8  الكاتب منى, on 25-11-2008 14:04 بتطلع متل الرز بحليب تمام , لا سايلة و لا جامدة وسط

9  الكاتب ام عمر, on 18-06-2009 01:17 اخت منى   بدي اسالك كم زبدية بتطلع هالكمية ؟؟؟؟؟؟   لانو حابة جربها وخايفة ما تعجب ابو الشياب!!!!   ما بدي ياها تكون كميتها كبيرة   مشكورة مقدما

10  الكاتب منى, on 18-06-2009 08:09 هل الكمية بتطلع حوالي 14 زبدية من الي حجمهم طالع في الصورة     ان شاء الله تجربيها و تعجبه

11  الكاتب ام عمر, on 19-06-2009 19:33 تسلميلي يا منى

14  الكاتب منى, on 04-12-2011 14:23     هلا شفت الصور , انصدمت من اللون ما بيشبه و لا زردة شفتها بحياتي حتى الزردات الي ما بتنجح بيطلع لونها اصفر ما بيشهي , مخنق , بس مو احمر , لو ما شفت الصور كنت رح قلك انو ممكن تقلل كمية الزعفران ما دام عم تقول انه من افضل نوعية , بس لا هادا مو زعفران     ما فيني دلك على نوع معين لان انا بشتري زعفران ايراني , واحد بعلبة مستطيلة و التاني بشي بيشبه قنينة البارفان الصغيرة ,, مممم متل حنجور صغير , بس حتى هل النوعيين مرات ما بيكونوا متل العادة ... بس هادا لا يعني انو كتير من تجارنا مو غشاشين , الغش و لبس لبس الدين ماشي بدمهن    الله يرحم نانا و يرحم كل الغوالي و ان شاء الله بتعيش و بتتذكر , و ان شاء الله تكون المرة التانية متل ما بتحب

15  الكاتب منى, on 04-12-2011 14:31 كمان شغلة انتبهت عليها , كانو طالعة معك سميكة شوي ؟  ممكن من نوعية الرز او ممكن زردت عليها وقت بالطبخ , انا بحب يكون رزها ااقل شوي لهيك اذا حسيت انها سميكة بزيدها شوية مي , بحب تطلع طبقة من غير رز , يعني متل الصورة الي معشبقة فوق

16  الكاتب آرام, on 04-12-2011 16:28 الزعفران اللي جبته على أساس أنه إيراني ومن أفخر نوعية، بس طلع ماله علاقة بالزعفران. وعلى فكرة شفت هدا الحنجور اللي قلتي عليه، سعره 500 ليرة، بس كان أرخص من اللي أنا جبته     بالنسبة للسماكة أنا بعكسك، بحب هيك أكلات متل الرز بحليب والحبوب وغيره تكون سميكة، ولذلك بغليه شوي زيادة حتى يسمك. ما كان عندي أي مشكلة بالوصفة غير الزعفران، وللأسف هو كل شي بهالوصفة!

17  الكاتب منى, on 07-12-2011 07:39 يا حرام , يلا معلش خيرها بغيرها , ان شاء الله المرة التانية بتتوفق بزعفران منيح و بتزبط متل الي في بالك ..    500 ليرة , شو عم يصير بالدني !! انا اخدته من كم شهر بس اكيدد مو بهل السعر , الله يلطف

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved