2 كيلو فليفلة حمراء
ملح خشن
3 ملعقة  كبيرة زيت زيتون

·          يجب اختيار مزيج من الفليفلة الحمراء الحلوة و الحرّة حسب الذوق , بالنسبة لي استخدم  استخدم أغلب الكمية من الفليلفة الحلوة مع بضع قرون من الفليفلة الحرّة .

·          تغسل حبات الفليفلة و تقسم إلى نصفين و يتم التخلص من البذور ثم تسلق لمدة 15 إلى 20 دقيقة حتى تطرى .

·          تقشر الفليفلة بسهولة بعد سلقها ثم تطحن بالخلاط حتى تصبح ناعمة تماماً .

·          يوضع معجون الفليفلة في صينية كبيرة مسطحة و توضع في الشمس الحادة لمدة يوم كامل كي يتم التأكد من تبخر كل الماء .

تعليقات (14)

2  الكاتب منى, on 29-08-2007 18:47 مية أهلا و سهلا فيك أختي ام نور أخت جديدة و عزيزة

3  الكاتب ام عمر, on 02-02-2009 09:49 اختي منى ضروري ننرها بالشمس؟؟؟؟؟   هون عندي مافي شمس   وتسلم ايدك مقدماااااااااا

4  الكاتب منى, on 02-02-2009 12:23 أختي رفقاتي بانكلترا بينشفوها في الفرن على نار اهدى ما يمكن لحتى تتبخر منها المي و تنشف و الا رح تحمض و تنتزع كل الوصفة

5  الكاتب ام عمر, on 04-02-2009 22:12 ان شاء الله رح جرب نصيحتك  الله يجزيكي كي خير   قديش بدها بالفرن ؟؟؟؟؟؟ اكيد رح تشلفيني بحجر على اسئلتي يلي ما بتخلص   على فكرة انا ببلجيكا

6  الكاتب منى, on 05-02-2009 05:44 له يا اختي ام عمر , انا تحت الامر و بالخدمة دوما و اسئلتك على العين و الراس     يا ستي بتنوري و الله يرجعك من الغربة سالمة و غانمة و الله يربط على قلبك و يقوي الايمان الي فيه لان الغربة مو سهلة     الصراحة ما عندي فكرة تمام , بس اتوقع ان الفترة رح تكون طويلة يعني ممكن ساعة او أكتر بس حطي بعينك ان النار أخف أخف الشي ممكن يكون , يعني متل ضو الشمعة و انت بتبقي بتقلبيها كل شوي لحتى تصير ناشفة متل ما بتحبي , بس رح يكون اللون شوي غامق

7  الكاتب ام عمر, on 05-02-2009 08:49 روحي الله يجبر بخاطرك يا رب على هالدعوات الحلوة   والله رغم اني ما شفتك الا انو حبيتك من وقت ما كنت شوف مشاركاتك بعالم حواء ومنتدي لك   الله يخليكي لعيلتك لانو ما شاء الله كنز

8  الكاتب منى, on 05-02-2009 10:01 القلب على القلب ام عمر و ان شاء الله تستفيدي من هل الوصفة و تجربيها و تعجيك

9  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-06-2009 06:47 صباح الخير  وشكرا كتيرلإلك على الوصفة  بس بدي اسألك ازا ما بدي احفظ المرطبانات بالفريزر ..بكون في مشكلة؟؟وللا لاء   وشكرا

10  الكاتب منى, on 11-06-2009 13:46 هلا اختي   لازم في الفريزر و حتى مو بالبراد , بالفريزر و الا بتحمض و بيطلع عليها عفن

11  صارت فعلا وصفه اساسيه فمطبخي الكاتب سندس, on 21-01-2011 10:32 سويته مرتين لحد الان وبصراحه حبيته مره صرت ادهنه على الخبز العربي مع شوي ثوم مدقوق واورغانو واحمصه تحت الشوايه يمي مره طعم واحيان اكله مع الجبنه او اللبنه     وان شاء الله بجرب اسوي اضنه كباب و اضيفه له لاني مره حبيت الاضنه كباب يوم زرت تركيا    على فكره   انا اجففه في المجففه dehydrator بدال الشمس انظف لي خاصه اننا في السعوديه اغلب الوقت عواصف غباريه الله يرحم حالنا

12  الكاتب منى, on 21-01-2011 13:42 ان شاء الله الف الف صحة و هنا , بتعرفي اديه انبسطت من ردك , لان اتشجعتي و جربتيه و كمان حبيتيه , بالفعل اساسي في المطبخ و استخدمه في اغلب وصفاتي     صحة سندس و شكرا للاضافة

13  الكاتب iamprettymemo, on 11-04-2011 13:30 السلام عليكم   لو سمحتي اختي منى عندي سؤالين :   الاول : يا ترا منسلقها وبعدين منطحن الفليفلة مع البذور ولا منكب البذر قبل السلق ؟   التاني : هل ضروري حط الاطرميزات بالشمس بعد ما عبيها؟ لانو ما في مجال اعمل هالخطوة عندي     ومشكووووووووووورة

14  الكاتب منى, on 11-04-2011 19:55 هلا فيك اختي منورة الموقع     الفليفلة منشيل منها البذر و بعدها نسلقهاو بعدها نقشرها و نطحنها  المزيج نمده على صواني و نجففه بالشمس قبل تعبيته بالمرطبانات     متل ما قالت الاخت سندس ممكن تجففيف في المجففة , و اذا مو متوفرة فممكن تشعلي الفرن على اقل عيار ممكن و تحطي الصواني على اعلى رف مع فتح الفرن بشكل خفيف و تخليهالحتى تجف , رفقاتي ببريطانيا بيعملوا هيك لان ما في عندهم شمس

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved