السمبوسك من ألذ المقبلات الساخنة التي لا تخلو منها أي عزيمة أو سفرة رمضان , يمكن حشوة حسب الذوق بالجبنة أو باللحمة . يمكن تفريز القطع و ذلك بصفها على طبق مستو مغطى بنايلون ثم وضعها في قسم التجليد من البراد و بعد أن تجمد القطع تماماً تصف في وعاء محكم الاغلاق بشكل طبقات يفصل بين كل طبقة و الأخرى ورق نايلون و عند الاستعمال تخرج من الفريزر و توضع في طبق مغطى بورق نايلون ليذوب عنها الثلج لمدة 10 دقائق  ثم تقلى .

من أهم شروط نجاح السمبوسك هو طريقة قليه , يجب ان يكون الزيت حار و أن يقلى على دفعات بحيث لا تزيد القطع الموضوعة في الزيت عن خمسة أو ثمان قطع حسب حجم السمبوسك .و هي صورة تانية من قريب و بشكل تاني

بالصحة و الهنا

2 كوب طحين
ربع كوب زيت زيتون أو زيت ذرة
ثلاث أرباع كوب حليب
رشة ملح

تعليقات (93)

2  الكاتب منى, on 10-06-2007 20:05 الله يعافي قلبك و بدنك و ينولك كل الي ببالك ...  شوفي ليندا , منحط الحليب و الزيت على النار و بس ما غلوا مع بعض و قبل ما يفور الحليب نبعده عن النار و منحطه فوق الطحين ,,  هلا رح يصير المزيج سخن شوي لهيك فيك بالأول تخلطيهم بالشوكة و بس ما اختلطوا ببعضهم رح تخف درجة الحرارة و رح يصير فيك تعجنيهم بإيدك ..    و اي سؤال انا بخدمة الناس الطيبة   نورتي

4  الكاتب منى, on 25-12-2007 22:51 مية أهلا و سهلا فيك أخت ام عبادة أخت جديدة و عزيزة في الموقع     أختي الحليب حيعطيها طعم ألذو كمان حيكون لون العجين كاشف أكتر و بيشهي أكتر من لما بتستعملي الماء      أختي جربيها و ان شاء الله رح تعجبك كتير

5  سهلة ورائعة الكاتب نور, on 03-05-2008 11:23 الله يعطيك العافية .. الوصفة روعة .. جربتها اليوم وظبطت معي .. مشكووووووووورة أختي

6  الكاتب منى, on 04-05-2008 12:18 مية اهلا و سهلا فيك نور هنا و عوافي يا رب على قلبك و ان شاء الله تجربي غير و صفة و تكون على زووءك كمان

7  الكاتب رانيا, on 18-05-2008 19:35 تسلمى يداك يا منى بجدتجنن ان شاء الله بجربها

8  الكاتب منى, on 19-05-2008 11:15 جربيها رانيا و ان شاء الله رح تعجبك كتير , هل الوصفة انتشرت بكل عيلتي و كل الي جربها حبهااا كتير

12  رنا الكاتب adfd2006, on 17-11-2008 21:19 جربتها و طلعت تحفة,و مش شربة زيت ولا حاجة, و مقرمشة و طعمها يجنن, الف شكر يا منى على الوصفة دي و تسلم ايدك

13  الكاتب منى, on 19-11-2008 19:14 هلا سارونات   اذا جربتيه بالمي تبدلي كمية الحليب بالمي , فيك تحضري السمبوسك و تحفظيه في الفريزر و لما حابة تجربيه ممكن تطالعيه و تخليه ليفك عنه التلج بس شوي و بعدها تقليه   حشوة السبانخ نفس حشوة فطاير السبانخ و هي موجودة يقسم المعجنات و الخبز     اختي ما لزقتها بشي لحالها بتلزق مع بعضها و ما في داعي للعزاب ..    القلي متل ما بتحبي , اذا عندك عزيمة حضريها قبل بيوم و احفظيها فيالبراد مغطاية كتير منيح و بعدها ااقليها

14  الكاتب منى, on 19-11-2008 19:16 هلا اختي قهوة   الله يسلمك و هنا و عافية يا قمر

15  الكاتب منى, on 19-11-2008 19:16 هلا رنونة   الله يسلمك حبيتي , كتير انبسطت انها عجبتك و طلعت على زووءك   و كمان انبسطت انك خبرتيني , هناااا

17  الكاتب منى, on 13-12-2008 09:53 مية هلا ميسون  و انت بالف الف خير و ان شاء الله ينعاد عليك و كل عيلتك بالخير و البركة يا حق   خليلي عينك على الرد الحلو و انا صار الي فترة بشوف اسمك بين المتصفحين و كنت حابة اتعرف عليك اكتر   العجينة الوحيدة الي ممكن تنشوى و تطلع طيبة هي الباف باستري , صار جربت كتير بس ما عم تطلع طيبة كتير   من فترة شفت وصفة فيها السمبوسك بينشوى و بعجينة عادية , اذا جربتها و طلعت طيبة اكيد ببقى بنزل الوصفة   نورتي اختي و ان شاء الله تبقى مبسوطة معنا و نشوفك دايما

19  الكاتب منى, on 22-02-2009 10:08 هلا نور   ان شاء الله تجربيها و بتزبط معك , اما اذا استوت من برة و من جوى لا معناها ان النار كانت قوية كتير

20  الكاتب نور الأسلام, on 17-03-2009 17:48 مرحبا منى اليوم جربت السمبوسك وطلعت العجينه ممتازه وكتير طيبه بس بدي اسالك شو الفرق بين ان نضع الحليب والزيت على الطحين مباشرة دون مانخليه على النار شكرا الك كتير

21  الكاتب منى, on 18-03-2009 07:09 هلا نور عافية و صحة و هنا   الغلي رح يخلي العجينة طرية و سخنة و تنمد معك أحسن و حتى بتفرق بعدها بالطعم , هي الطريقة رح تخلي فيهافقاعات صغيرة لمن تجي تقليها و بيطلع منظرهاو كمان طعمتها بتجنن

22  الكاتب ام احمد الغالي, on 25-07-2009 20:10 يسلمو يا احلى منى بلعالم   انا كتير كتير مشتهيه اعمل سمبوسك وتنجح معي   كل مرة ما بتطلع بلشكل اللي بتمناه هالمرة رح جرب طريقتك ويارب اعتمدها   ساويت دفتر وسميتواكلات لقمه طيبه والمبدعه منى وعم حط فيه هالوصفات الرائعه الله يسلم دياتك يارب

23  الكاتب منى, on 28-07-2009 12:55 ان شاء الله تجربها و تشوفي شو سهلة هل العجينة و ممتازة من كل النواحي , خفيفة و مقرمشة و ما بتشرب زيت و لونها حلو , المهم انك تقليها على نار وسط لقوية و باذن الله بتطلع يممي

24  الكاتب شفاء, on 16-08-2009 11:52 انا دخلت لاعمل السمبوسك اتذكرت اني نسيت اتشكرك عليه لما عملته المرة الماضية    لانه طلع كتير طيب وبشهي وتغير شكل عن الرقائق    خاصة انو انا عندي بالبيت اله شعبية كبيرة كتير  لدرجة انو جوزي بيقلي بكرة برمضان مافي داعي تطبخي بكفي سمبوسك وشوربة     مشان هيك صرت احاول اغير بالحشوات    يعني حشوة اللحمة صرت اضيفلها جزر مكعبات مسلوق وبازيلا وشوية بقدونس بتطلع كتيير كتيير طيبة    وصرت اعمل حشوة بطاطامسلوقة وجبنة صفرا    واذا عندك افكار تانية لحشوات ياريت تضيفيها   لانك متل مالك شايفة ادمان سمبوسك      مع كل الشكر الك ولجهودك

25  الكاتب منى, on 16-08-2009 12:35 هنا و الف عافية و صحة يا حق .    فيكي كمان جبنة بيضا و قشقوان مع زعتر اخضر فريش    فيكي بصلة و لحمة و فليلفة و جزر مبشور     فيكي لحمة و بصل و جوز    انت بقى و افكارك و هادا بحر ما بيخلص

26  كل عام وانتم جميعا بخير الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 23-08-2009 14:46 كل عام وانتم جميعا بالف خير     اليوم ان شاء الله رح جربها شكلها كتير زاكية

27  الكاتب آرام, on 12-09-2009 15:43 مرحبا أخت منى  مهما شكرتك ما راح أوفيك حقك .. وفضلك علي محفوظ طول العمر .. أخيراً عملت سمبوسك .. نفذت الوصفة حرفياً وعملت نص بلحمة ونص بجبنة .. طلع لذيذ جداً ومقرمش وأكتر من رائع وفرحتي به لا توصف .. بنفس الليلة عملت وصفتين الباتون ساليه والسمبوسك .. أعطوني ثقة كبيرة بالنفس وصار عندي إحساس أنو ما عاد في وصفة صعبة علي .. مشكلتي الوحيدة في الوصفتين كانت بتشكيل العجينة .. أصابع الباتون ساليه طلعت متل أغصان الشجر وكرات عجينة السمبوسك تحولت معي تحت الشوبك إلى كل الأشكال التي تخطر ببالك إلا الدائرة وبالنهاية طلعت قطع السمبوسك عجيبة غريبة .. على كل حال أنا ما كتير بيهمني الشكل .. المهم الطعم كان رائع .. والفكرة من أسهل ما يكون   بس عندي سؤال أختى بالنسبة للمعجنات .. ليش بعض العجائن بتحتاج خميرة وغيرها لأ

28  الكاتب منى, on 12-09-2009 20:07 هلا حنان   اتمنى تجربيها و تكون يممي و زاكية و على زووءك

29  الكاتب منى, on 15-09-2009 09:27 هلا ارام   بالاول الف صحة و هنا على السمبوسكات لو شو ما كان شكلهم يكون , و تاني شي برافو عليك ان هل الوصفات الي ممكن تعتبرها شوي صعبة , او بالاحرى جديدة , ما عم تلغي فكرة تجربتهم , و تالت شي لازم خبرك اني عن جد استمتع بقراءة تجاربك لان احسها بث حي و مباشر من جهة و من جهة تانية بتذكرني بحماستي لما بحضر وصفة لاول مرة و كيف ببقى اتنغم فيها اذا نجحت , أو حاكلها يعني حاكلها اذا نو .    بالنسبة للاشكال العجيبة , شايف السمبوسكات الي فوق و شكلهم حلو و مرتب و متكيات بفخر على الطبق , هدولة اكيد مو من ابداعاتي الهندسية , عندي قوالب بلاستيك كتير رخاص , يمكن التلاتة ب 25 ليرة , هنن الي بشتغل عليهم و في منهم متل الشكلين الي بالصورة , شي مثلث و شي نصف دائرة , لو جبتهم رح يسهلوا عليك كتير و بتطلع السمبوسك معك بتشبه السمبوسك , شكلا و طعما    العجائن الي نضيف الها الخميرة بيكون المطلوب منها ان يكون قوامها فيه شي متل الاسفنج , لهيك الخميرة رح تساعد و تعمل فقاعات بقلب العجين لحتى يطلع الشي الي عم نخبزه خفيف و نافش .     اخر الشي حاكيت خالو مروان و سالته عن الكتاب , طلعت انا فهمانة غلط و الي فكرته جزء تاني هو كتاب تاني , يعني الكتاب الي عندك هو الجزء الوحيد و ما في غيره و انا اسفة للخبطة الي اتسببت فيها

30  الكاتب رامة, on 29-09-2009 15:50 السلام عليكم   أنا كتير بحبك ست منى وبحب كلماتك الحلوة   وكمان بحب أكلاتك الطيبة   جربت السمبوسك وبنفس الخطوات   هو عم يطلع طيب منظره حلو كتير  لكن .. للأسف عم يطلع معجن شوي     يا ترى لماذا

31  الكاتب منى, on 30-09-2009 07:22 هلا رامة   يمكن عم يطلع معجن لان سميك , السمبوسك لازم ترقيه كتير و بهيك بيطلع مقرمش و طيب و مستحيل يكون في اي اثر للتعجين

33  الكاتب منى, on 07-10-2009 07:45 مممم , على فكرة انا كتير بعمل اخت هل الدراسة لما بيكن جاي على بالي جرب وصفة جديدة .  السمبوسك يا قمر غير البرك بالسماكة , السمبوسك رقيق والبرك شوي اسمك , بس الاتنين ناعمين من برة و ملسين و مقرمشين     فيكي تشوفي طريقتي بالسمبوسا الهندية على هل الرابط

36  الكاتب منى, on 13-02-2010 17:39 هلا قمر   اي في طريقة للبرك المشوية , اذا ربنا راد بنزلها قريب .  في ناس بتشوي الشيشبرك بالفرن , انا ما بحب اشويهن , هيك بحس بتتغير طعمة الشيشبرك

37  الكاتب منى, on 13-02-2010 17:42 هلا حورية   الله يسلمك , ان شاء الله تجربيها و تكون متل ما بتحبي و اطيب

38  الكاتب shimOoO, on 13-07-2010 20:23 ماشاءالله فعلا اللون بيفتح النفس ان شاءالله راح اجربها برمضان او قبل واردلكو خبر وماتخافي خالتو منى راح ادعيلك انشاءالله

39  الكاتب shimOoO, on 13-07-2010 20:30 اه نسيت أسألك هلا لو عملتها العجينة وغلفتها وحطيتها بالفريزر بتفتفت او بتتغر؟ وحابة اعطي نصيحة لاخواتي اللي في المنتدى والك بدل ماتقلوها ممكن وهيا لسى عجينة ومحشيةممكن تدهن بالزيت سواء بالزيتون او الذزة وجه وضهر وبتنشوي شوي والنتيجة رووووعة طبعا اللي بتعمل رجيم واللي بيعانو من الكوليسترول العالي راح تنفعهم كتيير وماتنسوني من صالح دعائكم شيمو

40  الكاتب roroo51, on 02-08-2010 01:31 كتير بتشهي شكرا  بس انا كتير عبتطلع معي العجينة سميكة  يعني بستخد الشوبك و بساويها رقيقة و بترجع بتسمك   شو الحل برأيك؟

41  مو معقول ... !!! الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-08-2010 18:01 السلام عليكم ورحمة الله    لما مريت وقريت هالوصفة عدة مرات، كان كتير جاي عبالي أعملها بس اليوم لحتى قررت، رح قلك منى بصراحة أنا قلت لحالي: شو هالوصفة الغريبة؟ أوكي رح جرب بس ما اتوقع تطلع احسن من اللي انا بعملها، يله بجرب وما زبطت برجع بعمل عجينتي (طحين وماء وزيت وبيضة) .. ((صحي ليه مافي بيض هون؟)).  معاذ الله ما كون واثقة بوصفاتك عسلامتك ..  حطيت الكميات تمام متل ما كاتبة ... ولا لاقي سحر ! ... العجينة لحالها انعجنت وما اخدت معي 30 ثانية ولحالها انعملت وما احتاجت شي زيادة لا طحين ولا مي. وجهزت محل فرد العجينة وكالعادة مسحت المحل والشوبك بالطحين ... أتاري العجينة مااااااا بتلزق بشي .. معقووووول ؟   ويا عيني ما أحلى فردها، ما بترجع بعد الترقيق بالشوبك لتصغر كالعادة. يعني ما بعرف شو بدي قول، عملتون وقليتون وأكلناهون وأنا لسه مصدومة   شكرا كتير كتير معلمة منى   وعالقلي يا عييييني عالعجينة، لا معجنة ولا مشربة زيت ومقرمشة وطرية ما قاسية وطيبة.  الله يجزيك كل الخير يا رب

42  الكاتب منى, on 13-08-2010 14:03 بتعرفي ان ردك واحد من احلى الردود الي وصلتني     حسيت حالي معك و على فكرة كتير احيانا بيصير معي متلك , بجرب و انا مو كتير واثقة و ممكن احيانا النتيجة تفاجئني     الف الف هنا و صحة على البك و الب العيلة و اا كتير مبسوطة ان الوصفة عجبتك و كانت متل ما بتحبي و الف شكر الك لردك و كلمك الي اجى فيه و ربي دوما يديم المعروف

43  الكاتب منى, on 13-08-2010 14:28 هلا رورو   بدك تطولي بالك عليها و ترقيها أكتر كمان لحتى تصير رقيقة متل ما بدك , ما الها غير حلة و كمان ممكن تخليها ترتاح شوي و ترجعي ترقيها

45  الكاتب منى, on 16-08-2010 10:26 ان شاء الله تجربيها و تطلع على زووءك

46  الكاتب منى, on 16-08-2010 10:36 هلا شيمو     شكرا كتير للاضافة , ان شاء الله يستفادوا منها الاخوات     بينفع تشيليه للفريزر , جلديه و لما حابة تستعملي طالعة كم واحدة على منشفة مطبخ نظيفة و خليها نص ساعة مش اكتر او ااقل و اقليها

47  الكاتب فرفوشة, on 20-08-2010 21:56 وأخيرا جربت الوصفة  فعلا طلعت روعة وطيبة  يسلم إيديك يارب ويجزيك الخير يامنى  ما شاء الله  شي قليته وشي بالفرن وكله طلع طيب   هش ومقرمش     وبالنسبة للحشوات بحب أضيف للي ذكرتيه وذكرته الأخت شفاء  حشوة الدجاج المسخن   اللي هي بصلة ودجاج مسلوق وسماق وليمون وأنا بضيفلا بهار وشطة.    وحشوة الخضار المشكلة مع النقانق المقطع والقليل من الصويا صوص.    وحشوة الخضار(بصل وبطاطا مبشورة وجزر مبشور وملفوف مفروم ناعم وفليفلة خضرا) مع شرايح زيتون وجبنة شيدر مبشورة    حبيت أفيد بوصفاتي متل ما استفدت من الوصفات    شكرا للجميع

49  الكاتب منى, on 16-09-2010 12:16 هلا ام ندى   الف صحة و هنا يا رب على البك و الب مين داقها     ممكن تبعتي الوصفات عن طريق اتصل بنا و انا ان شاء الله رح انشرهم باسمك     هلا فيك اختي

50  الكاتب منى, on 16-09-2010 13:15 هلا فرفوشة   مممم , شكل هل الحشوات بيشهي و خصوصا الخضار ,مممم , رح جربها و خبرك ان شاء الله     شكرا كتير الك و ممنوتك على الاضافات اللذيذة

52  الكاتب سدومه, on 22-09-2010 23:34 جدا جدا رااااااائعه فوووق الوصف     تسللم ايديك    وتقبلوني ضيفه جديده عليكم

53  الكاتب منى, on 24-09-2010 11:39 هلا ام ندى   الوصفات وصلوا و شي بيشهي , رح نزلهم بكرة ان شاء الله , الف الف شكر الك

54  الكاتب منى, on 25-09-2010 09:52 هلا سدومة   مية اهلا و سهلا فيك أختي ببيتك و مطرحك نورتي و الف صحة و هنا على السمبوسك     اتمنى تبقي معنا على طول

56  الكاتب إسراء, on 18-10-2010 21:47 بتجنن هي العجينة زوجي كتير حبها يسلموا هالديات يا ست منى .......

57  الكاتب منى, on 25-10-2010 08:08 هلا رهف   الف الف صحة و هنا على البك حبيبتي , كتير مبسوطة انها عجبتك , صحتبين و عافية    على فكرة اختك حكت مع اية , صحة و هنا على كل شي , ممنوتك لثقتك في

58  الكاتب منى, on 25-10-2010 08:10 هلا اسراء   الف الف صحة و هنا على البك و الحمد لله انها عجبت الباشا

59  الكاتب نجمة, on 04-01-2011 11:45 يسلمو ايديك اش هيك وصفة بتجنن برمضان كل يومين اسويه ماشاالله شقد حبوه الولاد وابوهم جزاك الله كل خير

60  الكاتب منى, on 04-01-2011 18:19 ان شاء الله صحتين و الف عافية يا رب بكل لقمة على البك و الب كل العيلة واحد واحد

63  الكاتب منى, on 15-01-2011 12:15 هلا نورا     اتوقع انك زدت كمية القطع وقت القلي لان هل العجينة ما بتشرب زيت نهائيا اكيد بتعرف ان الزيت لازم يكون حامي قبل ما نقلي السمبوسك , و اذا انت فرضا حطيتي 8 قطع كل مرة , قللي الكمية ل 5 قطع , و ان شاء الله بتكوني رضيانة عن النتيجة     تكرم عينك اختي ,س مو هلا لان شوي مشغولة , باذن الله فترة تانية بنزل البرك     مية اهلا و سهلا فيك و ايا سؤال تاني من عيوني

64  zyabczxcvbnmasdfjhjkjkkkj,;lnhtbrntdcsdw الكاتب foton, on 06-02-2011 21:35 gtfrr5e4

65  الكاتب منى, on 07-02-2011 10:32 هااااا     شو في

67  الكاتب منى, on 22-04-2011 11:56 هلا فيك مرجانة     منورة , ابقي طلي دوما و شرفينا برد حبيبتي

68  شي بشهي الكاتب بنت دير عطية, on 28-04-2011 02:57 السلام عليكم : كيف صحتك اخت منى ان شاء الله تكوني بخير وكل اهل سورية بخير وامان يا رب وبشكرك ع هالدعوة الحلوة اولاً وع هالاكلات الطيبين كتير المشكلة انو انا بحب الشغل بالمطبخ وهالاكلات كتير وما عم يمشي الحال مع الرجيم ؟؟؟شو بدنا نعمل دخيلك والله شي بشهي ومو بس يم يمي ويممممممممممممممممممممممي ويمي يمممممممممي

69  سلام خاص من مامي الكاتب بنت دير عطية, on 14-06-2011 22:06 السلام عليكم كيفك يا غالية ان شاء الله تكوني انت والاهل بخير يارب انا جربت هالعجينة الطيبة وكمان عطيت الطريقة لأمي بس مشان الامانة قلتلها من الموقع وحكيتلها قديش حلو وهي كمان جربتها وبتقلك يسلمو ايديكي والله يجزيكي الخير ووصتني ابعتلك سلام .اليوم كمان خالتي داقتها عند امي وطلبت الطريقة .طولت عليكي بس طمنينا عنك والله يفرجها آآآآآآآآآآآمين

72  الكاتب منى, on 17-07-2011 10:50 هلا مسك   الله يبل قلبك , على هل الدعوة الكريمة من اخت كريمة , انت كمان اختي     شكرا كتيررر للحشوة شكلها بيشهي كتير , ممنونتك حبيبتي و منورة الموقع

79  الكاتب منى, on 29-10-2011 14:21 هلا ورد   كتير مبسوطة انك اتشجعتي و جربتيها و بالفعل ممكن احيانا ياف من تجربة شي جديد , الحمد لله انها كانت تمام و عجبت الباشا     منورة حبيبتي

80  الكاتب منى, on 29-10-2011 15:21 هلا لولو   ممنوتك حبيبتي على ردك و كل الكلام الي فيه , ان شاء الله الف عافية على البك   شكرا للدعاية و الله يديم هل الود و ان شاء الله بتبقي معنا على طول

81  الكاتب منى, on 29-10-2011 19:02 هلا نور   و الله حبيبتي صار جربت اكتر من مرة بس ما عم حب الننتيجة و عم يبقى المقلي غير , بس حاطة الفكرة بذهني و ان شاء الله تزبط معي قريب

82  الكاتب منى, on 29-10-2011 20:55 هلا ام جواد   يسلم ايديكي مية هلا فيك

83  الكاتب منى, on 29-10-2011 22:15 هلا اختي فستق و بندق   الحمد لله انها زبطت معك و كانت على زووءك , مبسوطة كتير انها عجبتك , هنا حبيبتي

84  الكاتب منى, on 30-10-2011 20:48 هلا اريج   صحتين و الف عافية يا رب , و كتير انبسطت انها زبطت معك و مقاديرها كانت تمام , هنا و صحة

85  الكاتب sweetlole, on 18-03-2012 16:46 مرحبا ست منى ريتو تسلم هالايادي على هل الاكلات الطيبة والله مو عرفانة شلون بدي اتشكرك انا مو مصدقة انو في هيك موقع عن اكلاتنا الحلبية وفرتي علي تلفونات كتير لامي مشان اسألا عن الطبخات اللي ماكنت اعرف منا غير شلون بتتاكل هههه وهلا بالغربة عم ابدع بالطبخات لحالي والحمدلله عم اتعلم شوي شوي وبفضل هالموقع الحلو رحاكون شيف نظامي تقبشي قلبي شغلك مرتب ومنظوووم

87  الكاتب منى, on 22-03-2012 23:57 الله يخليك , اديه مبسوطة بردك و تواجدك معنا , منورة حبيبة قلبي , انا الي حابة اشكرك على ردك و كلامك و ان شاء الله تجربي من الوصفات و تكون متل طبخات ماماتك الغالية

89  الكاتب ام شهلا, on 24-03-2012 22:12 مدام منى حضرتك حلبية ولا شامية ؟ طبخك حلبي بس حكياتك شامية وبالحالتين انتي احلى منى بالعالم

90  الكاتب منى, on 26-03-2012 21:55 هلا ام شهلا و مية السلامة بهل القامة   فيك تستعملي برغل ناعم كتير بتنقعيه بشوية مي باردة و بعدها بتضريبيه كم ضربة على محضرة الطعام و بتدعكيه مع البرغل , بتزبط بس مو تمام متل كبتنا     شكرا حبيبة قلبي , انا حلبية احية

91  الكاتب ghad, on 17-04-2012 07:00 السلام عليكم ان شاء الله اليوم رح جرب هالوصفة والبيتزا بالتتبيلة الخاصة وفطر وموزاريلا

92  تسلم ايدك الكاتب ام بودى, on 09-05-2012 00:20 انا لسه جديدة واول مرة بحياتى اشارك في موقع اكتب فيه لانى ماكنت بقتنع باى موقع لعدم المصدقيه في الوصفات بس موقع لقمه طيبه واكلاتك الجميله مينفعش معلقش عليها واقولك تسلم ايدكوانشاء الله هعمل السمبوسه ونبقى على تواصل حبتك وانا معرفكيش انا اسماء من مصر

93  الكاتب منولة, on 12-05-2012 03:13 من أول ما تزوجت لهلأ كلما بعمل السمبوسك المفروض تطن إدنك اليمين ع أد ما بذكرك بالخير وبقول لحالي والله هالطريقة خيييييييييلة..   لأنو استعمال الحليب بدل الماء بيعطي قرمشة رهيبة ..  يسلمو منمن   طبعاً حشوة الدجاج المنقوع بعصير ليمون كمان بتعطي نكهة رائعة وبتدوب بالتم دوبان

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved