كرات اللبنة اللذيذة طبق شهي مناسب للإفطار أو العشاء , تجهز كرات اللبنة في الربيع ما بين

لتر و نصف لبن ( زبادي )
ملعقة كبيرة ملح
ملعقة كبيرة حبة بركة  ( اختياري )

تعليقات (34)

1  الكاتب ام نور, on 01-12-2007 15:10 اخت منى معناها كتير سهلة هاللبنة لان انا كنت جيبة معي من لبنان كانت امي تعمل الكور وتشمسون عالسطح ويصيروا ناشفين تماما ولما اوصل على فرنسا اضعهم بمرطبان واضيف فوقهم الزيت طريقتك ما بدا تشميس وممكن اعملا هون وفي اي وقت اريد لان اللبن هون ما بيتغير نفس النوعية صيف ولا شتي ونوعية ممتازة فشو رايك بجرب بهذه الاوقات على طريقتك

2  الكاتب منى, on 01-12-2007 16:31 هلا ام نور     جربيها و على ضمانتي ان شاء الله    من زمان كنا نشفها بالشمس ..    بس كمان من زمان ما عدنا نشفناها غير هيك    جربيها و ان شاء الله تكون من لبنة ماماتك

3  الكاتب ام نور, on 07-12-2007 22:27 اخت منى انا عم صفي اللبن وانشالله غدا رح اعملو كرات بدي اسال ممكن استبدل زيت الزيتون بزيت المازولا وكمان لما بعمل الكور بغطسون بالزعتر وبعدين اضعهم في الزيت ولا عند الاكل بشيلون من الزيت واغطسهم بالزعتر عم عذبك باسالتي بس هيدي اول مرة بجربها لان

4  الكاتب منى, on 08-12-2007 07:24 مية أهلا و سهلا أم نور     أختي أنا و لا مرة ما جربت حضره بغير زيت الزيتون   أكيد الطعمة أطيب بزيت الزيتون ..  مع ان العلب الجاهزة الي ممكن الواحد يلاقيها بالسوق بتكون كلها مغمورة بزيت عادي .        لما بيكون عندي زعتر أخضر , بنقيه و بشيل منه العود و بعدها بغمس كرات اللبنة فيه , بهيك رح يتخلل الزعتر الأخضر بالزيت و رح تاخد اللبنة من طعمته   بس اذا مو متعودة على هل الطعمة بيصير ما تحبيها    الله يخليك ام نور , لا بقى تقولي عم تعزبيني , اختي انت بتامري أمر و أي سؤال أنا بخدمتك أختي

5  الكاتب ام نور, on 11-12-2007 09:36 اختي بدي اسالك سؤال انا عملت اللبنة وحطيتون بمرطبان وحطيت علي زيت ولا اروع واسهل شغلا طلع بس لازم خلي المرطبان بالبراد ولا ما بيهم وبخلي مسكر اقل شي 10 ايام ولا ما بيهم فيني دوء كيف

6  الكاتب منى, on 11-12-2007 13:41 هلا ام نور     حبيبتي فيك تدوقي على كيفك و تفتحي المرطبان على كيفك و ما بدهم براد بس بشرط أن تكون الكرات كلها مغمورة بالزيت لحتى ما تعفن ..  بس هي ما بتحمض مضبوط إلا لبعد شي اسبوع

8  الكاتب منى, on 11-12-2007 19:08 ما كتير فهمت عليك ام نور     بس المهم هي بدها شي اسبوع لتصير جاهزة , متل المكدوس كيف منتركه شي اسبوع ليصير حامض و جاهز للأكل

9  الكاتب ام نور, on 13-12-2007 20:51 الف شكر انا فهمت عليكي خلص صرلون 3 ايام رح انطر اسا 7 ايام وشوفون وبقلك كيف   بدي اسالك انتو بحلب بتعملو شي اسمو شنكليش هاك بيسمو عنا ما بعرف شو بتسمو بسوريا

10  الكاتب منى, on 13-12-2007 22:20 مسا الخير ام نور     ان شاء الله بيصير و بيكون على زوءك     الشنكليش هيك اسمه عنا بسوريا و هو بيعملوه أطيب الشي بالساحل عنا باللاذقية و مرة بجبلة دقت أطيب شنكليش بحياتي ..    بس أنا ما بعرف اعمله , مرة واحدة من جاراتي ببيتي القديم حكتلي انها بتعرف تعمله , بس لما سالتها عن طريقته صارت تتهرب و بالاخير فهمتني بأسلوب لطيف انها ما فيني تعلمني

11  الكاتب ام نور, on 14-12-2007 22:20 مسا النور يا اختي  غريب امر جارتك واذا علمتك شو بتخسر انا نانتي بتعملوا بس كمان كيف ما بعرف بس كتير شغلو صعب وما بيعملو الا الستات الكبار لان نوعو قديم بس طيب طيب مع زيت زيتون اصلي يممممممممممم

12  الكاتب منى, on 15-12-2007 07:29 ما بعرف و الله ام نور     على فكرة في كتير ستات هيك , لما بيكون عندهم شي وصفة حلوة ما بيحبو يعلموا لحدا ..      أنا كتير بحبوا لما بيكون على اصوله مع بندورة مفرومة و بصلة و زيت زيتووون كتير , يممم يممي

13  الكاتب ام نور, on 01-01-2008 18:27 الله يمسيكي بانوار النبي يا اخت منى بدي اتشكرك على هالوصفة فعلا نجحت معي وطلعت شي بيشهي ورح ضل اعملا عطول انشالله بس المرة اقادمة رح اعمل شي 6 كيلو لبن لان 2 كيلو كتير قلال بدي اسالك ما بيهمون اذا ضلوا بالزيت مغمورين وقت طويل ولا الاحسن كل مرة اعمل 2 كيلو اضمن

14  الكاتب منى, on 02-01-2008 12:59 لا بالعكس ام نور اعملي قد ما بدك     انا كاتبة هون كمية قليلة بس لحتى إذا الواحد جاي على باله يجرب لحتى إذا ما كانت على زوءه ما يتورط بكمية كبيرة     صحتين و هنا يا رب

16  الكاتب منى, on 22-01-2008 10:41 هلا بطبوطة     إن شاء الله تجربيها و تكون متل ما بتحبيها

17  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-02-2008 13:17 سويت اللبنه وشلت جزء وخليته بالصحن مع زيت زيتون ونعنع والجزء الاخر كورته ووضعته بزيت الزيتون وناطره السواء    بس حتى وهي بالصحن طعمتها لذييذه... وصار افطاري المفضل مع خبز السمسم    وهنا الصورة        واشكر الغاليه مس انجيل على تصغير الصور ووضع اسم الموقع فيه

18  الكاتب Eman, on 14-02-2008 17:47 حبيبة قلبي منى     مابعرف شلون ماشفت هالوصفة من قبل، زعلت كتير لما لقيتهاهلأ بعد فوات الأوان     كنت كتير مشتهية أعمل لبنة على إيدي، وأنا مابعرف شلون بتنعمل ، بس بعرف لما تنشف المي تبعت اللبن بتصير لبنة،بس شلون بتنشف مابعرف.    بلا طولة سيرة،جبت اللبنة وليفتها بشاش وحطيتها بمصفاية بالبراد ،بعدين انتظرت أسبوع ،ماصارت لبنة ،قام قال لي زوجي لأنها بالبراد، طالعيها لبرا بتصير لبنة بسرعة، ومن شوي وجدت الفاجعة ، اللبن عفن     المهم ،عملتها هلأ بطريقتك ،بس حسيت الملح ظاهر ،مابعرف برأيك بيخف بعدين؟    ولازم حطها بزيت ،ولا بصير أكلها بس صارت لبنة؟    ولا مرة عملنا طريقة غمرها بالزيت ، بس إذا أطيب وأحسن بعملها،شو رأيك؟

19  الكاتب منى, on 14-02-2008 19:21 هلا أمولة     كله طيب ايمان اذا غمرتيها كتير طيبة و بتبقى معك أكتر من اللبنة العادية شي تلات أو اربع شهور , و اذا ما غمرتيها كتير طيبة ..    الملح ما رح يخف و هي رح تكون شوي صغيرة مالحة لحتى تنحفظ منيح بالزيت       أنا بحبها هيك و بحبها هيك , جربي مرطبان صغير بالزيت مو خسرانة شي , اكيدة رح يعجبك       على فكرة ما فهمت ليش ما ظبطت معك لما حطيتيها بالشاش بالبراد

20  الكاتب Eman, on 14-02-2008 21:28 شكرا لردك أختي .    أعتقد ما ضبطت معي لأنو ماحطيتها بمصفاة ،وما حطيت ثقل فوقها ، والشاش حطيته على وجه اللبن بس ،وماحطيت ملح للبن، مشان هيك ما فقست المي من اللبن ، مو هيك؟

21  الكاتب منى, on 16-02-2008 06:07 يا كويتية شو هل اللبنة الطيبة هي شي بيشهي و لا أطيب منظرها..  انا كتير بحب اللبنة متلك مع نعناع و فليلفة حمراء ناعمة و رشة كمون و غمسي بالخبز مع كاسة شاي سخنة ... جعت هلأ     صحتين و هنا يا رب , و ان شاء مطرح ما بسري يمري

22  الكاتب منى, on 16-02-2008 06:08 امولة ما عملتي شي صح بهل اللبنة   الملح مو ضروري من دون ما تحطيه بس ما حطيتي اللبن بمصفاية على مصفاية و فوقه تقل رح يمشي حاله

24  الكاتب منى, on 23-02-2009 18:06 هلا أختي   اللبنة ما رح تشرب الزيت , الزيت رح يغمرها و تعطيها من من نكهتة و كمان اللبنة رح تعطي الزيت من نكهتها .    ما فيك تحضريها بلا زيت , الزيت ضروري لحتى يعطي للبنة طعمة حموضة خفيفة , و الباقي من الزيت فيك تستعمليه للسلطات , ما اطيب السلطة بتصير لمن تبليها فيه

26  الكاتب منى, on 03-09-2009 12:14 ان شاء الله بتجربيها و بتشوفي شو سهلة و ما بدها شي و رح تصير وصفة معتمدة عندك باذن الله   تروحي و ترجعي بالسلامة

27  الكاتب منى, on 03-09-2009 12:55 ان شاء الله بتجربيها و بتشوفي شو سهلة و ما بدها شي و رح تصير وصفة معتمدة عندك باذن الله   تروحي و ترجعي بالسلامة

28  الكاتب gsm, on 08-10-2009 13:53 السلام عليكم منونة انا من شوي دعبلت هل اللبنات وحطيتن بقلب المطربان وغمرتن بالزيت بس نسيت نسوة ما ضفتلهن حبة البركة مع إنو طلعتها وجهزتها لحتى أضيفها بس ما بعرف ليش نسيتها على كل إن شاء الله تطلع طيبة وتزبط وهلق عم استناها لتستوي هل اللبنات ببقى بخبرك على النتيجة يا قمر

29  الكاتب gsm, on 20-10-2009 23:32 السلام عليكم منى انا كتيير متحمسة لحتى اخبرك عن نتيجة اللبنة المكبوسة يا ستي بعد مرور 10 ايام بالتمام والكمال فتحنالك هل المطربان ودقنا من هل اللبنة ويا الله شو طلعت طيبة عن جد كتيييييير طلعت طيبة بتشبه اللبنة يللي كنا نجيبها مكبوسة بالسوق بس طبعا طلعت معي اطيب لأنو استعملت زيت الزيتون اما اللبنة الكبوسة يللي بتوصلنا اغلب الزيب بكون زيت نباتي بس يسلموا يا ستى على هل الوصفة وصارت من وصفاتي المعتمدة صحيح اكلتلك كم كرة لبنة يعني اكلتن عنك ما تاكلي هم

30  الكاتب منى, on 21-10-2009 11:44 و عليكم السلام و رحمة الله و بركاته   ان شاء الله الف صحة يا رب , يا ستي شغل البيت غيررر , انظف و اضمن و احلى بكتير , الله يعطيكي العافية و هياته النونو عم ياكل على كل درس لون     هلا اهم ما في الموضوع انك اكلتي حصتي , و انا عم قول لحالي ليش ما قدرت افطر منيح , تاريني فطرانة عندك     حبة البركة مو مهمة لنجاح الوصففة , بس هي كانت رح تعطي طعمة طيبة لهيك فيكي ترشي شوي على اللبنة بس ما طالعيها .    الف الف صحة اختي على البك و الب كل العيلة الحلوة

34  الكاتب منى, on 15-05-2011 10:38 هلا فيك اختي   لا تزعلي مني , بتعرفي اديه بقدر كل الاخوات هون و اديه بفرح لردودهم و تواجدهم , بس و الله يا اختي الظروف كلها مخربطة و انا ما عندي نفس لايا شي     المهم بالنسبة للوصفة , تكرم عيونك ان شاء الله بحط الصور قريب لما حضر اللبنة مرة تانية , القماش انا استعمل قماش قطني , ممكن قميص نظيف و عتيق شوي , ممكن شاش ابيض و ما دام حضرتك بفرنسا فاتوقع انو متوفر عندكم شي اسمه...cheesecloth و هادا خصوصي لصناعة الاجبان و الالبان

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved