5 - 6 ملعقة كبيرة زيت زيتون
1 حبة كبيرة بصل , مفروم ناعماً
1 رأس قرنبيط متوسط , حوالي كيلو و ربع
قطعة زنجبيل كبيرة , مقشرة و مبشورة
ثلث كيلو لحمة غنم , مفرومة
2 ملعقة صغيرة فليفلة حمراء حلوة
2 ملعقة صغيرة كمون
2 ملعقة صغيرة كركم
ملح
باقة صغيرة كزبرة خضراء, مفرومة ناعماً





·         تنزع أوراق القرنبيط الخارجية القاسية , تغسل الأوراق الداخلية و تفرم . يقطع القرنبيط الى زهرات متوسطة .

·         يسخن الزيت و يقلب البصل حتى يشقر . يضاف الزنجبيل و اللحمة المفرومة و تقلب حتى تنضج اللحمة و يجف مرقها , يضاف ورق القرنبيط المفروم و يقلب لبضع دقائق .

·         تضاف زهرات القرنبيط و البهارات و تقلب حتى تغلف البهارات القرنبيط , يغطى القرنبيط و يترك لمدة 10 – 15 دقيقة حتى يطرى مع التقليب اللطيف بين الحين و الأخر .

·         تضاف نصف الكزبرة الخضراء و تقلب لمدة دقيقة , يرفع الكاري عن النار و تضاف بقية  الكزبرة الخضراء , يقدم الكاري ساخناً مع الأرز أو الخبز .

فكرة :

يمكن الاستغناء عن اللحمة في هذه الوصفة و تقدم كطبق مرافق للبرياني أو كطبق رئيسي نباتي مع الأرز أو الخبز .

تعليقات (13)

1  الكاتب farah, on 23-01-2012 17:10 عزيزتي منى انا من محبي أكلات الكاري بس كأنك بهالوصفة ما استعملتي بهارات الكاري واكتفيتي بالتوابل المشكلة ولا نسانة تكتبيها؟؟   بصراحة انا مرة طبخت الزهرة من غير قلي ما كتي استسغناها بدي جرب هالوصفة على مسؤوليتك   شو رأيك

2  الكاتب farah, on 23-01-2012 17:14 انا بعرف ان في كتير اكلات هندية بيكون الكزبرا و الزنجبيل والكمون هو الكاري تقريبا بوصفاتهم   على كل حال تسلم ايديكي يا عسل

4  الكاتب غيث, on 31-01-2012 21:11 اهلين منى والله اش زعلت لانو الموقع صار له فترة ما عم يفتح واليوم كتير انبسطت انو رجع الحمد لله على سلامتك وسلامته اشتقنا للمتكم يا لقمة طيبة يسلم هالايدين على كل جديد كانو الكل الو مشاكل مع القرنبيط انا بعملو لفوائده بس يعني مو كتير مستساغ شكرا منى ونورت والله

5  الكاتب منى, on 01-02-2012 07:02 هلا فرح   لا حبيبتي , هي هي البهارات المطلوبة مع الكزبرة الخضرا صار عنا خلطة الكاري     فيكي تقلي الزهرة , انا صايرة بكتير وصفات ما عم ااقليها و عم حبها كتير , بس ااقليها لحتى اخلي المسؤولية     الله يسلمك و يا ريت تجربيها و تكون نممم

6  الكاتب منى, on 01-02-2012 08:25 هلا ام نبيل     شكرا حبيبتي لسؤالك , الحمد مشكلة صغيرة و انحلت ...    و لا يهمك ان شاء الله الوصفة التانية بتكون على زوء الراي العام العالمي عندك

7  الكاتب منى, on 01-02-2012 08:30 هلا غيوثة حبيبتي   الله يسلمك و يخليك يا رب , اي قولتك مع اني بحبه كتير و ما عم افهم ليش     شكرا الك و انت الي منورة اللقمة

8  الكاتب Rasha33, on 01-02-2012 20:58 مساء الخير منى ومبسوطين كتير انو انحلت قصة    الموقع لازم تعلقيله خرزة زرقا مشان ما بقا   يصير هيك مرة تانية  الاكلة باينتها كتير طيبة   وبالنسبة لعمو قرنبيط المشكلة عامة الكل موكتير صحبة معه بس انا بحبه وعم حاول عود بنتي تاكله  زميلي بالجامعه عم يعمل دكتوراته عنه وخصوصي انو فيه نسبة عالية من مضادات سرطان الثدي لهيك الاهتمام فيه عم يزيد  هالاكلات كنز مرسي كتير ميمي

9  الكاتب nanita, on 05-02-2012 09:29 يسلم ايديكي على هالوصفة الرائعة , أنا من عشاق القرنبيط وبدور على وصفاته دوارة وأكتر الشي عم حبه مشوي بالفرن ممممم, كمان هون في كزبرة خضرة شي لذيذ كتير  أختي عندي سؤال هون لما ضفتي زهرات القرنبيط كنتي سالقتيهم من قبل؟ ولا لما ضفتيهم للحمة حطيتي عليهم ماء؟ في عندي وصفة للقرنبيط باللبنة كتير طيبة كيف أبعتلك اياها؟

10  الكاتب kuwaiti_girl, on 08-02-2012 09:34 مممممم حسيت بطعمتها     تسلم الايادي    بحب القرنبيط او الزهره بكل اشكالها والحمدالله عندي راس بالثلاجه ان شاء الله بسويه اليوم بعشاي     بس من غير ورق لانهم يشيلونه قبل العرض بالجمعيات      اختي ناريتا .. ناطرين وصفه القرنبيط باللبنه احس طعمتها بتكون طيبه

11  الكاتب منى, on 09-02-2012 19:44 هلا nanita   متل حكايتي على الظبط , كتير بشوفه طيب , بستغرب من هل السمعة الي اله     أنا ما كنت سالقة القرنبيطات قبل ما ضيفهم , و هنن طالعوا مي فاستوا من ميتهم و مرقة اللحمة , بس اذا حسيتس انها شوي ناشفة , فيك تضيفي شوية مي ..    اكيد بانتظار هل الوصفة , ممكن تبعتيها برد هون

12  الكاتب منى, on 09-02-2012 19:51 هلا كويتية   بعد زمااااان كتير مو مبينة , اشتقتلك     هي الوصفة انا بحضرها اساسا من دون الورق و بتطلع تمام , بقى بانتظار رايك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved