واحدة من الف باء الطبخ المكسيكي هل الصلصة الطيبة السهلة الي منستعملها بكتيرررر وصفات , و فيكي بس تحضريها و تغمسي فيها رقائق التورتيا الي ممكن تشتريها جاهزة باكياس و ممكن تحضريها على ايدك , متل ما رح نعمل بلقمة طيبة ..

بالمكسيك في كتير انواع صلصات , اسهل و ابسط وصفة هي الصلصة الي رح نحضرها اليوم , في صلصة بندورة مطبوخة , صلصة افوكادو , صلصة الفليفلة , صلصة المانجو , و حتى صلصة بطيخ أحمر

الوصفة ما الها سر غير انك تحضريها بالصيف وقت بتكون الخضرة طيبة و الها و كلها طعم , و مرة شفت بالمول بندورة جبلية و جبتها و حضرت منها هل الصلصة , كانت الطعمة ما بتنوصف على اد مو طيبة .. يعني اذا حضرتيها بالخضرة البلاستيكية , لا تزعلي من وصقتي ..


بالصحة و الهنا

4 حبة بندورة ناضجة , مقشرة و مفرومة ناعماً
حبة صغيرة بصل أحمر , مفروم ناعماً
نصف كوب كزبرة خضراء , مفرومة ناعماً
2 حبة فلفل أخضر أو أحمر , مفروم ناعماً
ملح و فلفل أسود
1 - 2 ملعقة كبيرة خل أحمر
ملعقة كبيرة زيت زيتون
حبة ليمون أو ليمون أخضر
نصف ملعقة صغيرة فليفلة حمراء ناعمة
ملعقة صغيرة كمون

تعليقات (7)

3  الكاتب ام نبيل, on 02-11-2011 13:11 واو نحن كتير منحب رقائق التورتيا في هون مطعم مكسيكي بيعملن طيبات بس مو مناسبة تاكليها بالمطعم لاني رح تشبعي وما تاكلي شي تاني ولذلك احيانا منطلبها هي والصوص تبعها ومناخدن على البيت وشي يوم متنقرشن المسا  ان شاء الله بس تنزلي طريقة الرقائق رح جربها   بس في مشكلة ما بحب الكزبرة الخضرة ابدا وعالأغلب رح استغني عنها  وكمان للأسف البندورة هون بلاستيكية ونادرا ما تجي بندورة حمرة وشهية   طولت عليك تسلم دياتك والله يعطيك العافية على الوصفات الرائعة والمميزة

4  الكاتب منى, on 02-11-2011 19:43 هلا مدام الصن   منورة حبيبتي و انا بنبسط كتير لما بشوفك بين المتصفحين و بنبسط اكتر لما بتخبريني شو أخبارك و شو جربتي و اذا ظبطو معك او نو     صحتين و الف الف هنا يا رب على كعك العيد , ان شاء الله تاكلوا انت و ضيوفك بالف صحة

5  الكاتب منى, on 04-11-2011 00:04 هلا ام نبيل   ممم , شهيتين نقرش معك , صحتين و الف عافية يا رب     هي أغلب الحلبية ما بيحبوا الكزبرة الخضرة , بس و الله طيبة بس بدك تتعودي عليها , بكل الاحوال صحتين و الف هنا مقدما     ان شاء الله رح نزل لوصفةالتورتيل كتير قريب , و الله يعافي قلبك و بدنك يا رب

7  الكاتب مروه, on 13-12-2011 18:06 انا اول مره ليا هنا اتمني تتقبلوني صديقه داءمه ان شاء الله انا اسكندرنيه ام ريتال (روتي)

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved