L2ma.com | لقمة طيبة | L2ma.com | لقمة طيبة | خضرة مشكلة على الطريقة التركية | كبيرة, الي, حبة, كتير, مقطعة | L2ma.com

القائمة الرئيسية

الأكثر تصفحاً

خضرة مشكلة على الطريقة التركية

الكاتب/ منى

17/10/2011

ما أكثر من ينام في العواصف , في حين تزعجه بعوضة !

رح نكمل مع الباذنجان و لحتى ما حدى يزعل رح نزل وصفة بتنجان وصفة لا , هيك لحتى يخلصوا الوصفات الي محضرتهن فيه و بقيان عشر وصفات تقريباً ..

رجعنا للمطبخ التركي كمان وصفة مميزة و طيبة و مو صعبة و هل الوصفة قريبة للحمة بالفرن و كمان قريبة للخضرة المشكلة الي بتعملها هلا اخت ابو الشباب , مكونات كتير مشتركة بس الطعمة مختلفة و كلو مع العافية طيب بس احيانا الواح فينا بيحب التغير .

لما بقلي الخضرة استعمل طنجرة تيفال و بهل الطريقة بيكون القلي اسهل و ما بياخد زيت او سمنة كتير , يا دوب معلقتين تلاتة زيت زيتون قليت فيهم كل هل الخضرة و اللحمة و بعد ما اتسبكت الطبخة و اتعقدت رجعوا طلعوا على الوج و طلعنا خالصين منهم .

أولادي بيحبوا هل الوصفة كتير , يمكن لان فيهم يبعدوا الخضرة الي ما بيحبوها ... انا بهل القصص ما عندي ديمقراطية , كلو رح يخلص صحنو , بقى في منهم بياكلو الخضرة الي ما بيحبوها بالاول و بيتهنوا بعدها و منهم بيتهنوا بالاول و بيخلوا الاشيا الي ما بيحبوها لبعدها .. من هل القصص الصغيرة الام بتعرف اولادها متل كتاب مفتوح , بتعرف طبيعتهم و نفسيتهم و كيف بيفكروا , المهم انهم يعرفوا انها بتعرف و انها بتحبهن لو شو ما عملوا و لو شو ما كانوا .

عم استعمل فلفل أسود كبهار للطبخات الي مو حلبية , عن جد لازم تجربيه لان عم يعطي طعمة بتاخد العقل وين ما رشيته . و لحتى احكي الصدق مو كل ما لزمني عم اطحن فوق الطبخة , بعدها بيصير معي وجع بايدي , الي عملته اني طحنت كمية صغيرة كتير , يا دوب تلات ملاعق كبيرة , وحطيتها بمرطبان صغير و صار الي عم استعملها شي 15 يوم , بس ريحته لساها حلوة و قوية متل اول ما طحنته . جربي الفلفل الاسود لوحده مع الطبخ رح تحبيه كتير .

بالصحة و الهنا

نصف كوب حمص جاف , مغسول و منقوع طوال الليل و مصفى من الماء
ملعقة كبيرة سمنة أو 3 ملعقة كبيرة زيت زيتون
1 حبة كبيرة باذنجان , مقطع مكعبات
1 حبة كبيرة كوسا , مقطعة مكعبات
1 حبة متوسطة بطاطا , مقطعة مكعبات
نصف كيلو لحمة غنم , مقطعة مكعبات كبيرة نوعا ما
حبة متوسطة بصل , مقطعة جوانح رقيقة
1 حبة متوسطة فليفلة حمرا أو خضراء , مقطعة مكعبات
2 فص ثوم , مهروس
3 -4 حبة كبيرة بندورة
3 كوب مرق
1 – 2 ملعقة كبيرة عصير ليمون
نصف ملعقة صغيرة نعناع
ملح و فلفل أسود
direction

·         تحمى السمنة أو الزيت في قدر غير لاصق على نار متوسطة , يضاف الباذنجان و يقلب لبضع دقائق بلطف حتى يشقر ثم يرفع . تقلى البطاطا ثم الكوسا بنفس الطريقة ثم ترفع جانباً .

·         تقلب اللحمة بنفس الزيت على نار قوية حتى تشقر من كل الاطراف , يضاف البصل و يقلب لبضع دقائق أخرى على نار متوسطة , تضاف الفليفلة و تقلب لمدة دقيقة أخرى .

·         تضاف البندورة و المرق و الحمص و الثوم و النعناع و عصير الليمون و الفلفل الاسود و يغطى القدر و يترك حتى تقارب اللحمة النضج و ذلك حسب نوعيتها و حجمها . يضاف المزيد من الماء المغلي اذا دعت الحاجة .

·         ترجع الخضار للقدر و توزع فوق اللحمة من دون تقليب , تترك حتى تنضج الخضار بالبخار المتصاعد من اللحمة و المرق . تقلب بلطف و تترك لعشر دقائق أخرى . تسكب في طبق التقديم و ترش بالمزيد من النعناع و تقدم مع الارز بالشعيرية .

أضافة إلى المفضلة (0) |

أقتباس | مشاهدات : 2165

تعليقات (16)

1 الكاتب Rasha33, on 17-10-2011 12:43
it is looks so yammmmy, i am new here but i had tried a lot of your recipes , everything was so good , also i will prepare my husband Phd party this friday and many of your recipes will be present.
i will tell you the result later
thank you Mona[/LIST] :zzz

2 الكاتب منى, on 17-10-2011 17:30
Thanks Rasha , very glad to hear from you

.. you are welcome
Wish your party goes well and I will be here to hear from you again :zzz

3 الكاتب آرام, on 17-10-2011 18:34
الثوم والبصل مخلوقات رائعة بس متواضعة .. بيعطوا أي طبخة نكهتها وطعمتها ولذتها.

بس مدري ليش دائماً بيسقطوا سهواً من خرج المقادير

يمكن لأنهم متواضعين زيادة عن اللزوم

4 الكاتب منى, on 18-10-2011 08:42
:grin

علم

5 الكاتب violet, on 17-10-2011 19:58
شكلا طيبة وسهلة ومابتاخد كتير وقت
بس زوجي مابحب اللحمة الخشنة ( الشقف ) بقدر أبدلها باللحمة الكباب ؟؟؟

6 الكاتب منى, on 18-10-2011 10:25
هلا اصولها بالشقف , بس اكيد فيكي تغيري حسب الي بيناسبك

7 الكاتب رهف, on 18-10-2011 16:33
السلام عليكم منى

اشتقتلك واشتقت لطبخاتك أكيد بهل اليومين رح جربها تسلم ايديكي

8 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 19-10-2011 02:06
السلام عليكم هي الأكلةبتشبه كتييير أكلة الكواج اللي بنعملها بحماةيعني نفس المكونات عدا الحمص والشكل كمان نفسه بس الطريقة غير بنقطع الخضرة كلها وبنحطها بصينية وبالفرن بس للتغيير رح جرب هالطريقة باذن الله وتسلم دياتك ست منى.

9 الكاتب منى, on 19-10-2011 12:58
تشتاق الك العافية رهوفة

الله يسلمك , ان شاء الله تجربيها و تكون يممي

بعد زمان

10 الكاتب منى, on 19-10-2011 13:00
هلا bobo

كمان بتشبه وصفة الكواج الي منعملها بحلب , بس غير طعمة تماما

ان شاء الله تكون على زووءك

11 الكاتب آرام, on 19-10-2011 15:44
بس ملاحظة صغيرة .. مو لازم نسلق الحمص :roll

12 الكاتب منى, on 19-10-2011 20:59
رح ينسلق مع اللحمة

13 الكاتب laraye, on 21-10-2011 04:05
انشالله رح جربا بهلاسبوعين كتير انبسطت انو ممكن استخدم معها لحمة قطع

14 الكاتب آرام, on 21-10-2011 08:13
البارحة كان عندي ضيوف والصراحة كنت متخوف من النتائج، فعملت جنبها يخنة بازيلا وهي سهلة ومضمونة والكل بيحبها. الحمد لله الكل تركوا البازيلا وهجموا على الأكلة الجديدة، أبادوها عن بكرة أبيها .. صحتين وهنا على قلوبهم. تسلم إيديك أختي عالوصفة المميزة واللذيذة.

15 الكاتب منى, on 29-10-2011 14:21
هلا لارا

رح استنى رايك و ان شاء الله تعجبك

16 الكاتب منى, on 29-10-2011 15:20
هلا اخي ارام

شكرا لان حضرتها بعزيمة , هي ثقة انا ممنوتك عليها و الحمد لله انها عجبت ضيوفك , صحتين و هنا على البك و البهن
الله يسلمك و يحفظك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 18/10/2011 )

< السابق		التالى >

[ عودة ]