كيلو فول أخضر
نصف كيلو لحمة طرية
2 ملعقة كبيرة سمنة
4 فص ثوم , مهروس
ملعقة صغيرة كزبرة ناشفة
نصف ملعقة صغيرة بهار
ملح

تعليقات (25)

1  الكاتب آرام, on 28-05-2010 08:23 يسلموا إيديك أخت منى  الفولية بلحمة من أكلات الربيع اللذيذة جدا .. بس كمان الفولية بزيت ما بتشكي من شي، خصوصا مع رشة فليفلة حمرا حراقة وعودين ثوم أخضر.    ظريفة قصة الخضار الفريش .. خصوصا الفاصوليا

4  الكاتب نور الأسلام, on 28-05-2010 20:00 السلام عليكم اي شو هالطبق اكلة كتير كتير طيبه انا بحبا مع البصل الاخضر واللبن العيران مممممممم

5  الكاتب غيث, on 28-05-2010 23:28 والله انا ما عمري اكلت هالاكلة والان نسيانتا تماما ومتل ما قلتي سابقا ما باكلها وبقول يا حيف على اللحمة بقلب الفول بقى طلعت القصة غير شكل الله يعطيك العافية ما لي خبر بس والله جد رح اجربها قريبا ان صح لي فول مرتب منشان اولادي ياخدو نفعها من جهة وتغيير شكل عن باقي الطبخ من جهة اخرى الله يجزيك الخير رجعتيني لحلب واكلات اول بحلب الغالية شكرا منى

6  الكاتب منى, on 29-05-2010 18:29 هلا أخي ارام   ممم , اكيد الفولية بزيت غير شكل مع خبز تازة و عصرة ليمون . انا دايما بفضل اكلات الزيت لان بحسها اخف و نكهتها مميزة.

7  الكاتب منى, on 29-05-2010 18:39 هلا ام نوران   ما في اطيب منه صح ,بس مو كتير صحي و خصوصا مع اليبارق و الكبب و الدهن للركب     مية هلا فيك ام نوران , منورة

8  الكاتب منى, on 29-05-2010 19:26 هلا سمسومة   حقك علي يا عسل و ان شاء الله تجربيها لما بيصح الك و ان شاء الله تعجبك     سمسومة بعرف بقصة التاريخ , بس هيك صار

9  الكاتب منى, on 29-05-2010 19:29 هلا نور   انا بحبه اكتر الشي مع عصير الليمون , ممم حامض و بيشهي     فرط ريقي

10  الكاتب منى, on 29-05-2010 19:54 هلا غيوثة   لااا القصة غير ما كنا فاهمين و ان شاء الله تجربيها و تعجبك كتير و ترجعي تعيدي العلاقات الدبلوماسية معها     شكرا الك غيوثة لانك دوما هون , بوسات كتيرة للاولاد و ان شاء الله تعحبهن

11  الكاتب farah, on 30-05-2010 22:08 والله يا منى هالأكلة من أكلاتي المفضلة بس طريقتنا بالشام مختلفة متل ما خبرتي بعطيكم فكرة موجزة عنها ان بنحط حب الفول مع ورق السلق بنفرمه الورقة والساق وباقي الطريقة تقريبا نفس طريقتك يسلم دياتك ومن زمان كانو يعملو هالأكلة بالفول اليابس بعد نقعه قبل بيوم انا شخصيا ما بعرفها الا بالفول الأخضر وألذ شي لما بتكون بلحمة الخاروف الظريفة وكلما طبخت هالأكلة تاني نهار بقلبها لأكلة تانية اسمها مشمشية مين يا شاطرين بيعرفها ؟؟ هي حزورة وبكرة بحكيلكم عنها

13  الكاتب farah, on 01-06-2010 15:00 حبيبتي انتي الك كل الصلاحية تحكي بلا استأذان ولووو   لنشوف مين من رواد الموقع بيعرفها كمان

14  الكاتب منى, on 01-06-2010 21:52 لا خلص ما رح احكي , لنشوف مين رح يعرف

16  الكاتب منى, on 03-06-2010 19:13 كتير سهلة و طيبة , ان شاء الله تجربيها و تعجبك

17  الكاتب ميساء, on 06-06-2010 10:53 يسلم ايديكي يا منى يعني هي الأكلة من أكلاتي اللي بحبها كتير وبدي جربها عالطريقة الحلبية باذن الله وبالنسبةلحزورة farah ولوووو يا حبيبتي هي المشمشية شغلتها شغلة وأكلة عن جد معتبرة بس يمكن يلي ما بيعرفها يستغرب بالأول لأنها فولية+كبة بلبنية   انشاالله كون أول وحدة حزرت الحزورة لأني هلأ شفتا للحزورة وامبارح كان عندي ضيوف وما صار لي فرصة طلطل على بيتي التاني الحلو اللي يخليلي صاحبتو القمر يا رب ويسعد أوقاتها ويوفقها

18  الكاتب farah, on 06-06-2010 20:30 برافو عليكي يا ميساء لو في ايدين بيصفقوا لصفقتلك   عن جد هالأكلة هي كبة لبنية بتنضاف عليها الفولية الشامية بتصير اسمها مشمشية ولهلأ مشتهية اعرف ليه هيك مسمينها مع ان مالها علاقة بالمشمش لا من قريب ولا من بعيد

19  الكاتب منى, on 06-06-2010 20:40 عن جد انا كمان متلك فرح مستغربة , لان لا باللون و لا بالشكل     برافو عليك ميوس , و يا ريت تجربي الطريقة الحلبية و تعجبك و كمان شكرا فروحة للحرزورة الحلوة

20  الكاتب ميساء, on 07-06-2010 10:20 شكرا farah الصفقة وصلت لعندي وبالنسبة لاسم الأكلةفعلا اسمها مالو علاقة لا بالشكل ولا بالمضمون بس يمكن لما طبخوها أول مرة كانوا بالسيران بالغوطة تحت شي شجرة مشمش قام هبت نسمة هوا وقعت كام حبة مشمش بالطنجرة وصارت مشمشية   شكرا ميمو وأكيد بدي جرب فوليتك الحلبية من تحت دياتك الحلوين

21  الكاتب منى, on 07-06-2010 19:54 ميوس حلو تحليليك للاسم و عن جد ما تستغربي ممكن يكون هيك الاصل

22  الكاتب farah, on 09-06-2010 21:14 عن جد حلو هالتحليل للأسم بس قولك شو طلع طعم هالمشمشية ساعتها؟؟   مين بيتجرأ وبيجرب هالتحليل الظريف ميوسة؟؟

25  الكاتب بشرى, on 15-04-2011 02:04 منوشة يسلم إيديكي يارب .. هههههههههه بالنسبة إلي كنت عم دور على وصفة الفولية بزيت وما لقيتها ممكن تدليني وين أو تكتبلي رؤوس الأقلام هون عالسريع بليز.. لإني ما بحبا بلحمة يعني يا حيف عاللحمة يا فول

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved