برمضان و الشوب الي عدى ما كنت عم ااقدر اكل الا سلطة , بدي شي خفيف و ينعنشلي قلبي و كنت رافعة شعار " لا لأي شي شامم ريحة النار " , لهيك كنت حضر كل يوم طبق سلطة شكل و هادا واحد من ألذ و أسهل و أحلى الوصفات الي عملتها .الصلصة ناعمة و طيبة و الزعتر الخضر فيها بيجنن , عن جد حتى الي ما بيعجبهن العجب رح يحبوا هل الوصفة

بالصحة و الهنا

تعليقات (18)

2  الكاتب gsm, on 06-09-2010 15:54 اول شي كل عام وإنتي بألف خييير ولكل أخواتنا بلقمة طيبة تاني شي يميييييييييييي خلص اان اليوم من كل بدي رح اعملها اليوم بإذن لله واكيد رح تطلع طيبة ويمي متل كل وصفاتك يا منوش بس بدي أسأل قولتك معلش بلا المايونيز ولا رح يأثر على النكهة قلت لحالي يعني بالناقص دسم إسمي عم اعمل رجيم

3  الكاتب منى, on 06-09-2010 16:18 امين ام ياسمين تنعاد علينا و نحنا اقرب من رب العالمين و بطاعته قلوبنا عامرة و مليانة , امين    ان شاء الله دوما في جديد , الله يديمك و يحفظك من كل شر

4  من وحي رمضان والحمل الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-09-2010 01:57 السلام عليكم ورحمة الله    تحضير الأكلة برمضان (خصوصي وصفة جديدة) متل الحمل ...... بتتشوقي كتير وانتي ولا درياااانة شو ناطرك ولا عندك فكرة، وحتى أحيانا ما بتسترجي تسكبي صحن للجيران ..... ليصير وقت الافطار وتدوقيهاوتروقي أعصابك ... متل الحمل يلي بتستنيه وبالولادة بترضي عن حالك وبترتاحي ههههههه    ما توقعت هالدريسينغ يطلع لهالدرجة طيب .. طيب طيب طيب  يسلمو كتير حصير اعملها عطول      والسلام عليكم

7  الكاتب نور الأسلام, on 12-09-2010 04:26 السلام عليكم كيفك منى كل عام وانت بخير ينعاد عليك وعلى عيلتك واهلك واحبابك بالخير واليمن والبركه وعلى جميع اسرة لقمه طيبه كل سنه وانتو سالمين وجميع الامه الاسلاميه

8  الكاتب منى, on 12-09-2010 15:43 السلام عليكم وداد  ولي على قلبي ان شاء الله , و الله العظيم حسيت فيك و وجعني قلبي و انا عم اقرا ردك . ما عندي فكرة عن السحر او هيك قصص , ممكن تشوفي طبيب لحتى تقطعي الشك باليقين     و الله وداد كلنا متلك , الا ما تعدي علينا هل القصص مع الحمل و بعده , اكتر شي فادني ان كون بجنب أهلي و خواتي و ما ابقى لوحدي لان كل ما بقيتي لوحدك بتفكري أفكار سلبية اكتر و بتاخدك هل الافكار و بتجيبك و بتتسلى فيكي و بتإذيكي من جوى     لازم تركزي على النقاط الايجابية بحياتك و تحاولي تعملي الاشياء الي بتهويها أو ممكن تعملي شي خاص فيك بتحبيه كتير و كنت ماجلتيه لسبب او لاخر . يعني هلا احسن وقت لتمارسي شي من الانانية و تفكري بحالك اول الشي لحتى تطالعي حالك من الجورة الي انتي فيها , و حطي بذهنك ان ما في حدى ممكن يساعدك اكتر منك انت بهل الظروف .  و لازم تحطي ببالك انك هلا في أحلى مراحل الانوثة و أجملها لان انت عم تحققي الشي الي ربنا خلقك أنثى مشانه     حبي حالك كتير و ديري بالك عليها و يا رب يا رب تكون فترة و بتعدي و نحنا كلنا معك دوما و انا اتمنى ان تفضفضي لحتى ترتاحي     ب

9  الكاتب منى, on 12-09-2010 15:37 و عليكم السلام نور   و يتعاد عليك و على احبابك و الغوالي عليك باحسن حال , و ان شاء الله نكون من عتقاء الشهر

12  الكاتب منى, on 16-09-2010 12:17 هلا فيك ام رومل   و انت بخير و عافية و صحة   ان شاء الله اختي , بس ما بتعرفي اديه مشغولة و حتى النت ما عم ااقدر فوت عليه بالايام

13  الكاتب منى, on 16-09-2010 12:49 هلا وداد   و عليك ان شاء الله و ان شاء الله فترة و بتمرق , حتى لو كنت لحالك , ممكن يكون حدى قريب منك يساعدك   انا هون دوما للمساعدة و طمنيني عنك حبيبتي

14  الكاتب منى, on 16-09-2010 13:01 هلا اماني   و عليك و على كل عيلتك الكريمة   ان شاء الله تجربيها و تكون طيبة و مستاهلة

16  الكاتب منى, on 10-11-2010 19:54 ممم يا سلام , كان متاكدة ان طعمتها رح تكون طيبة و انا صوص الهني مسترد بحبه كتير    يسلموا كتير على الاضافة و الف صحة و هنا على البكم

18  الكاتب منى, on 20-11-2010 17:03 انا استخدمت الزعتر اليابس , بس اذا متوفر الاخضر بيطلع لسا اطيب واطيب و فيك تستعملي حوالي معلقتين كبار من الزعتر الطازج

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved