اليوم السلطة جديدة  و مميزة و بتعجب الي بيدور على شي ملفت للنظر يزين سفرته بالشكل , أما عن الطعم بتعجب الي بيكون ذهنه مفتح و ما بيخاف من تجربة شي ما بيعرفه . لما حضرت الطبق و حطيته على الطاولة الكل طلع علي نظرة استغراب   انو فريز مع السلطة !! أقنعتهم يجربوا بأن يا شباب انتو مو بتاكلوا رمان مع السلطة , لو سمحتوا افتحوا مخكم و تمكن معه و جربوها و اعتبروا الفريز بمثابة الرمان .  لما جربوها و داقوها حبوها كتير .

هل الوصفة من المطبخ الغربي و معروفة كتير برة و مكوناتها بيلبقلها كتير نوع من المكسرات متل الجوز أو اللوز لحتى تضيفي قرمشة عليها , و ممكن حتى تستعملي السمسم اذا مو متوفر عندك مكسرات و انا عني شفتها بكل نوع طيبة و مميزة . ممكن تستعملي جبنة ركفور الفرنسية , أنا ما كانت متوفرة عندي لهيك استعملت البارمزان العادي . كمان ممكن تحضيها بأوراق السبانخ الصغيرة و الطرية و كله طيب كتير .


 الجبنة و كمان الجوز مو بالصورة لان  لما حضرت السلطة كنت معبوطة كتير و نسيت رشها على الوج وقت التصوير و لما خلصت شفت الجبنة و الجوز عم يعملولي باي باي من على المرمرة , سماح اعملي حالك كانك شفتيهم على الوج , مبينين ما !

بالصحة و الهنا



السعرات الحرارية من Semo :

عدد الحصص: 4
عدد السعرات الحرارية بالحصة: 148

باقة جرجير
كوب شرائح فريز
ربع كوب جوز أو لوز
ربع كوب جبنة بارمزان
بصلة خضراء مقطعة شرائح رقيقة ( اختياري )


الصلصة :

2 ملعقة كبيرة خل بلسميك
2 ملعقة كبيرة زيت زيتون
رشة ملح
رشة فلفل أسود)

تعليقات (24)

2  الكاتب semo, on 07-06-2010 23:22 شو هاد يامنوشة شي بياخد العقل الألوان كأنها سلة ورد  وشو هالجوز والجبنة اللي عالوش جايبين شكل الطبق   والسعرات الحرارية بالرد الجاي أنا حسبت أنوهالصحن بيكفي 4 أشخاص

4  الكاتب Mays, on 08-06-2010 06:15 يسلموا ، شكلها كتير طيب  المشكلة الفريز اللي بيوصلنا هون مو كتير طيب ،بس لا جود إلا بالموجود.

6  الكاتب منى, on 08-06-2010 12:07 هلا ام نوران   ان شاء الله تجربيها و تحبيها و انا رح استنى رايك  الله يخليلي ياكي على هل الدعوة الحلوة , و ربي يبارك فيك و بعيلتك كلها

7  الكاتب منى, on 08-06-2010 13:14 هلا سمسوم   شا يفة شايفة , بس كاني مكترة شوي جوز , مو       سلم هل الديات على السعرات الحرارية الف شكر , و متل ما قلتي الوصفة بتكفي حوالي 4 اشخاص , سلمن

8  الكاتب منى, on 08-06-2010 13:16 هلا ضحى   ان شاء الله تجربيها و تعتمديها و تكون يممي

9  الكاتب منى, on 08-06-2010 13:17 هلا ميوس   مممم , ما بعرف اذا بتطلع طيبة اذا الفريز مش و لا بد , انتي بتعرفي اكتر     اذا جربتيها يا ريت تخبريني

10  الكاتب منى, on 08-06-2010 13:21 هلا ريومة   بتعرفي من وقت ما قرات ردك و انا عم اغلي غلي و الله , لان طلع الي حكيتيه مزبوط , و سالت اخت أثق في رايها و طلع ظنك في محله , كل انواع الخل الاجنبي محضرة من الخمر , حسبي الله و نعم الوكيل , الف الف شكر الك للتنبيه و انا رح خبر كل مين بقدر خبره و انتي كمان

13  الكاتب sana, on 09-06-2010 01:45 هل السلطة شكلها طيب ولازم اجربها .انا مرة اكلت سلطة عادية بس كان فيها تفاح كمان كتير طيبة .وهون بالبيتزا هوت ببحطوا اناناس فريش مقطع بالسلاد بار .هالشغلة جديدة وطيبة يسلوا ايديكي منوشة.  عندي سؤال :  حكيتي بعيد ميلاد لقمة طيبة انو في مفاجأة لاهالي حلب.  بس ما قلتي لهلق شو هيي .بلكي اذا نزلت على حلب احضر هل المفاجأة

14  Wine Vinegar الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 09-06-2010 22:03 إي شو هالسلطة يا منوش؟ كتير الجبنة والجوز عاطينها رونق   انشالله رح جربها، انا بتعجبني هيك قصص.  بس حبيت إحكي شي منوش إلك ولريم وكل الإخوات، بخصوص الخل يلي اسمه wine vinegar هو حلال، وكل أنواع الخل الأخرى يلي بتجي من برة، لأنو ما بيدخل فيه النبيذ ولكن هو المادة يلي بتنضاف لعصير العنب حتى يتحول لخمر.. أو حتى لو كانت فيه نسبة نبيذ فهو بيتعرض بعدين لمراحل بتلغي خاصية التخمير من السائل، انشالله تكون الصورة وضحت.  هي نص السؤال والجواب:    Question: Are all kinds of vinegar Halal, and which kind is Haram?     Answer: Vinegar is halal and there is nothing wrong with it. As for vinegar that it is not hundred percent pure and there is wine mixed with it, it is also considered halal because even if it is made from wine it has undergone fundamental process of transformation through certain chemical changes that is called “Istihalah” in Islamic law. So, the ruling of wine does not apply to it anymore and we are still allowed to use it.     وهي رابط الموقع يلي فيه: nullالفتوى    ان شاء الله كون أفدت.

15  الكاتب farah, on 09-06-2010 22:03 تسلميلي يا منوشة على هالوصفة انا كل شي جديد وغريب ومعقول بحب جربه واول ما اجتمع بفريزات ظراف بدي جربها  وشو قصة هالخل البلسميك بتعرفي اني من شي سنة وانا ناوية اشتريه ولهلأ ما اعتمدت لأن وجدت بالسوبر ماركات انواع كتير فاحترت وكنت ناوية اسأل عن افضل نوع وسبحان الله اجا حديثكم عنه صاعقة   الله يجزيكم الخير انكم نبهتونا لهالقصة وبدي اهتم انا كمان وشوف مكونات كل الانواع

16  الكاتب نور الأسلام, on 12-06-2010 16:55 السلام عليكم لك شو هالسلطه اول مره يشوفها بس ياينتها غير شكل رح جربها انشاء الله مع اني مو صحاب انا والجرجير بعدين شو هالجوزات مبينين كيف مو مبينين طالعات غير شكل

17  :) الكاتب نور, on 24-06-2010 11:57 السلام عليكم يا حلوين   اكلة كتيرة بتشهي ماشاء الله   حبيت احكي شغلة على سيرة الخل   كل أنواع الخل حتى على عهد الرسول صلى الله عليه وسلم كان يخمر العنب حتى يصبح خمر ثم يترك مدة اطول حتى يصبح خل   مافي خل بنتج هيك مباشرة من الفاكهة.. لازم فاكهة بعدين خمر بعدين خل .. ثلاث مراحل اساسية  طيب شو الفرق بين اللي بيعمل الخمر واللي بيصنع الخل ؟   الفرق الاساسي هو كالتالي : عند تخمير أي فاكهة تترك مغلقة ولا تفتح أبدا والناتج هيك راح يكون خمر . إما إذا بدنا نحضر خل من هالفاكهة نفتح علبة التخمير كل فترة وفترة ونعرضها للهواء الجوي .. عملية اختلاطه بالهواء الجوي راح يحول المادة الى خل   ..ساعة يحكوا (واين فنقر) يعني خمر من نوع الواين تم تحويله الى خل بالطريقة اللي ذكرتها  في لغز او حزورة ظريفة ذكرها الامام الشافعي : حكى وقال ؟ ما هو الشي الذي يكون حلال ثم يصبح حرام ثم يعود حلال مرة اخرى ؟  الاجابة هي العنب يخمر يصبح خمرا ويخمر مرة اخرى مع التعريض للهواء فيصبح خلا   اختم حديثي بقول الرسول صلى الله عليه وسلم ( نعم الإدم الخل )   اعذروني على التطويل بس حبيت أوضح مفهوم الخل وصناعة الخل

18  الكاتب منى, on 08-07-2010 23:08 هلا سنا   ان شاء الله تجربيها و تعجبك و تكون يمييي , و انا كمان مرة شفت اناناس بالبيتزا , بس لهلا مو متخيلة طعمتها , بس بجربها ليش لا     المفاجاة عم تتاجل و ما بعرف اذا رح تتيسر , ربي يسر الامور و يختار الخير يا رب

19  الكاتب mwesal88, on 27-07-2010 00:29 جربت سلطة الجرجير بصراحة رهييييييييييييييييبة انا وجوزي منحبها كتير بس لسه ما جربتها بالفراولة

20  الكاتب منى, on 29-07-2010 08:41 صحتين و عافية يا رب , انا بموت كمان على سلطات الجرجير و اتمنى تجربي هل الوصفة و تعجبك     يا هلا فيك

21  الكاتب منى, on 03-10-2010 20:14 هلا فرح   ان شاء الله تجربيها و تكون يممي , لا خلص البلسميك طلع براءة , الحمد لله الي ما خلانا نغلط حتى لو من دون ما نحس     يلا رح استنى رايك يا حلو

22  الكاتب منى, on 03-10-2010 20:52 هلا دلوش   شايفة شايفة     دلوش ردك ريحني كتير , الحمد لله رب العالمين ان طلع شغلنا في السليم     ان شاء الله تجربيها و تحبيها يا قمر , رح استنى رايك

23  الكاتب منى, on 04-10-2010 06:42 هلا نور الاسلام   ايه و انا كمان عم قول مبينات و طالعات غير شكل   ييييي انا عكسك , كتير بحب الجرجير و نكهته فيها شي حامض و شي من الارض , يمممممم

24  الكاتب منى, on 04-10-2010 06:43 هلا نور   لا بالعكس الف شكر الك للتطويل لان نقطة كان فيها لبس و اتوضحت بشكل كامل الف شكر الك للتوضيح     الحمد لله رب اعالمين طلع الشغل في النظامي , و هلا عاد فين ا نستمتع مرة تانية بالبلسميك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved