الدنيا برة حراقي , و انا ما كتير بحب الصيف , دايما بكن فيه نفسي دايق و متنيزقة ( نفذ صبري ) . سمعتوا شي المصطلحات الحلبية على الموبايل ؟

طيب سمعتوا سندريلا و علي بابا و الاسعاف السريع ؟

إذا لا راح عليكم تقريبا نص عمركن . و اذا ايه لك يقبشني الحلبي من تمك يا ام عبدو .


على قولة واحدة من رفقاتي هل الأم عبدوا اللقش معها و العيشة معها بتطول العمر و بينعنش القلب .

عصيرنا اليوم كمان بينعنش بهل الشوبات و مع اول شفة رح تنسي الشوب كله , و فكرة العصير بالاساس هي نفس فكرة لارا مينا بعصير الليمون بالنعناع . و ما دام اني بحب  القريز كتير خطر ببالي جرب عليه الفكرة  و طلع كتير طيب و نعنوش و بيبل القلب .

هل العصير بيعطينا حوالي 4 أو 5 أكواب و ما بينفع نتركه بالبراد , من التحضير على الكاسات على الافواه العطشى على طول

بالصحة و الهنا

 

قشر ليمونة ( الجزء الأصفر فقط )
كوب من اوراق النعناع الطازج
كوب ماء
3 كوب فريز
عصير ليمونة
سكر حسب الرغبة
مكعبات ثلج  , حوالي 5 - 8







·         يوضع الماء و النعناع و قشر الليمون الاصفر في الخلاط و يضرب حتى ينعم تماماً .

·         يصفى المزيج على مصفاة ناعمة ثم يرجع للخلاط مع الفراولة و عصير الليمون و مكعبات الثلج و سكر حسب الرغبة بالحلاوة يخلط حتى يصبح ناعماً .

·         يصب في اكواب و يزين باوراق النعناع و يقدم فوراً .

 

تعليقات (14)

2  الكاتب منى, on 03-06-2010 23:09 ان شاء الله تجربيها و تحبيها و اتمنى تخبريني رايك

4  الكاتب منى, on 03-06-2010 23:36 اكيد فيكي تستغني عني , بس انا حسيتها فرفوشة هل الاضافة , و رح تكون طعمتها ظاهرة اكيد

5  الكاتب غيث, on 04-06-2010 16:55 يا عيني عليك يا ميمو والله الشوب هلكنا واولادي ما بيحبو الفريز ابدا ابدا عبمزح والله رح يجنو على العصير لما رح اساويه يسلم ايدك منى والله يجزيك الخيروالله احترنا وملينا بهالجو ماذا ناكل وماذا نشرب ان شاء الله على التجريب بس كمان لاتوفق بفريز منيح اذا راد الله

6  الكاتب تورتاية بالكريز, on 05-06-2010 06:14 تسلم ايدك منمون حبيبي   انا شوي وامد ايد امسك الكاسة واشرب  والله شكلها كتير مغري خاصة مع الحر والصيف  الصور رائعة والوانها سيمفونية جمال رائعة يسلموا ايدكي ونور عينيكي ياحبوبة والله بنبسط كتير   كل مادخل الموقع ولاقي وصفاتك وقبلها كلماتك الحلوة المحببة للقلب الله يديم لمتنا الحلوة باحلى موقع بالعالم يارب

7  الكاتب منى, on 05-06-2010 11:14 هلا غيوثة   و الله الفريز ما في اطيب منه , انا كتير بحبو بكل احواله , ان شاء الله تجربيه و يعجب القطط الحلوة و يعجبك كمان

8  الكاتب منى, on 05-06-2010 11:18 هلا ام عمر و ياسمين حبيبات قلبي   ما هو انا دايرة الايد مخصوص لحتى تمسكي بالكاسة     من زووءك و لطفك حبيبتي و ان شاء الله دوما مبسوطة و السرور في قلبك و تكوني رضاية دنيا و اخرة

9  الكاتب farah, on 05-06-2010 18:47 يا سلااام يا منى يا ام الأفكار انا بتوقع هالعصير كتير لذيذ ومنعش لأن من فترة لما عملت مهلبية الفراولة صرت آكل اوراق النعنع معها وكانت يميي كتييير سلم دياتك يارب  حبابة منى تركتلك سؤال جديد بمربى الجوز من شي 5 أيام وخجلانة منك بس خايفة يروح تعبي فيه عالفاضي

10  الكاتب منى, on 05-06-2010 19:50 سمسومة ايس كريم الفراولة شوبنا    لاحقتك لا تاخذيني

11  الكاتب رنا, on 10-06-2010 00:21 كان ياما كان بقديم الزمان شب مشراني وفلتان بالشوارع اسمه علي بابا ...يامن تراه فلتان بالصئيئ وع سحب مصاري من امه الارملة هههههههههه  عن جد بتفرط ضحك  غير شكل الحكي الحلبي كله اصالة  بالنسبة للوصفة اكتر من رائعة بس بتوقع اني رح استغني عن النعناع ...بمأأنه زوجي المسكين يلي بجرب فيه الوصفات ماله موجود وانا عند اهلي ومابسترجي قلها لامي فراولة ونعناع بخاف تشبحني عالسلم هههههههههههههههه يسلم ايديكي منوشة

12  الكاتب منى, on 10-06-2010 08:08 ههههههههههههههه     لا دخيلك له الا الشبحة , الله يخليلنا حقول تجاربنا     رنون رح تعجبك اكيد ان شاء الله , هنا و صحة على البك و خبريني اذا اكلتي فلقة و الا عدت سليمة

14  الكاتب منى, on 21-06-2010 12:13 ان شاء الله تجربيه و يعجبك , رح استنى رايك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved