السلام عليكم و رحمة الله و بركاته

اليوم معنا سفرة غير شكل لاخت غير شكل , لارا مينا واحدة من أقدم و أميز ( الأكثر تميزا ) العضوات معنا و متل ما خبرتنا مرة هي ما بتشارك بالنت الا في موقع لقمة طيبة , يعني وصفاتها و سفرتها حصرية عنا هون .

خبرتنا انها نجحت و نحنا طلبنا منها طقة سعودية بمناسبة النجاح , بس على اعتبار ان فحصها هلا قرب كتير . رح تعزمنا على كم وصفة حلو و بس ما تخلص بيبقى لكل حادث حديث .

هل الطقة كمان الها مناسبة تانية و هي ان لارا هلا صارت مسؤولة عن قسم جديد تم افتتاحه في الموقع . قسم سمته " طوارئ " , رح يكون فيه وصفات بسيطة و مجربة و  الها فوائد طبية لبعض الأمراض , يمكن من بساطة الوصفات احيانا ما يخطر ببال الواحدة فينا ان تشارك بوصفتها . بس انا أكيدة أن هل الوصفة رح تكون شي جديد على اخت تانية .

شكرا كتير لارا على الوصفات المميزة و مية اهلا و سهلا فيك بفريق الاشراف بلقمة طيبة . و ان شاء الله بالتوفيق في امتحاناتك الجاية و بأحسن المعدلات يا رب . و كمان بالتوفيق لكل الطلاب و الطالبات , الله يوفق الجميع و يبيض وجهم و لا يضيع الهم تعب

تعليقات (27)

1  الكاتب semo, on 19-05-2010 12:41 مبروك لارا عالمنصب الجديد وأكيد أنت أدها وقدود أنا بموت بالأعشاب ومافي عشبة مو مارقة من تحت ايدي بيقلي جوزي أنت لو بجبلك حشيش أخضر من الجنينة بتغليه وبتشربيه     يعني هالقسم كتير مناسبني وأي مساعدة أنا جاهزة    أما السفرة أتا من مبارح معلقة عليهاكل وصفة لحالها والتوفيه اليوم علقت عليه ياسلام كلو مرتب وحلو وبشهي    الله يجزيكي كل خير

2  الكاتب منى, on 19-05-2010 12:54 سمسوم القسم بده هز اكتاف من الكل , و كل واحدة بتعرف وصفة اتمنى ان تشارك فيها     عن جد الوصفات كلهن بيشهوا , و الحمص بالذات مو مارق على راسي ابدا

3  الكاتب semo, on 19-05-2010 13:02 ولا يهمك منوش نحنا كلنا معك ايد وحدة أكيد  فعلا الحمص لحالو حكاية

5  الكاتب DOUHA, on 19-05-2010 13:45 مبروك القسم وشكرا على الاكلات يلي بتشهي وطبعا شكرا لمنى يلي اتاحت فرصة لمشاركة الاعضاء

6  الكاتب بشرى, on 19-05-2010 14:31 يا سلام ..    مبروك الاشراف لارا إنتي قدها وقدود إن شاء الله ونحن معك بأي مساعدة وما رح نبخل بأي وصفة عشبية منعرفها ..    ويا عيني على هالوصفات الحلوة .. دقت مرة التوفي عند رفيقة أردنية كان طيب بس حلووو .. إن شاء الله رح جرب هالوصفة وخبرك بالنتيجة ..    وبالنسبة لعصير الرمان ياويلللييي شو عملتي فيني .. طيب كتيييير كتير ماما كانت تعملنا ياه وما بشبع منو ..    يسلم ايديكي مرة تانية وموفقة بامتحاناتك ومتل ما قالت منى بانتظار الطقة الدسمة

9  الكاتب نور الأسلام, on 19-05-2010 21:14 السلام عليكم الف مبرووووووووووووك القسم الجديد ومبروك لارا على المنصب وبتمنالكم التوفيق واي مساعده انا جاهزه وصفة الكيك كتيير حلوة انشاء الله بجربها

11  الكاتب farah, on 19-05-2010 22:03 حياتي منى بعتلك سؤال عن مربى الجوز يا ريت تفيديني قبل ما ييبس الجوز؟؟

15  الكاتب farah, on 22-05-2010 21:38 تكرم عينك اختي كرميلا من عيوني انشاء الله ببعت الوصفة للأخت منى وبتنزلك ياها قريبا وآسفة للتأخير   و لهالسبب طلبت من العزيزة منى اذا في طريقة يقدر يعرف المشترك او المشتركة بالموقع ان وصل رد لأي وصفة اشترك فيها من قبل يا ترى سألتيلنا عن هالقصة حبيبتي منى

16  الكاتب ام جنى عبيدات, on 23-05-2010 10:16 الف مبروك عزيزتي لارا ويسلمو ايديكي ع هالوصفات الحلوه وانشالله ع قد ما بنقدر وبنعرف نفيد الاخوات جميعا.. منى يامنى كل ما بحكي الموقع هيك حلو وما بدو شي بتطلعي بفكره جديده تزيديه حلا ... الله يسلم ايديكي ويعطيكي الصحه

17  الكاتب semo, on 27-05-2010 11:40 كل يوم بدخل عالموقع مية مرة حتى شوف اذا الوصفات الجديدة عالفيس بوك نزلت ولا لأ بس بنصدم وما بلاقيها     ياترى ايمتى رح تنزل وصفةالفول والزعتر

21  الكاتب منى, on 29-05-2010 20:31 هلا كرميلا   يا ريت كون انا اد ردك و الكلام الي اجى فيه     القسم الجديد رح يكون بمطبخنا ان شاء الله . اما القسم الي اقترحتيه فكرته كتير حلوة و اتمنى من الكل يشارك بوصفات خفيفة اله     الف الف شكر الك للرد و للدعوات , الك متلها و اكتر يا رب

22  الكاتب منى, on 29-05-2010 20:16 هلا سمسومة   بتعرفي هل القصة اديه بتهم ناس , بس كمان بدها شغل و الاهم من الشغل ان يكون كله مدروس و ثقة و انا شفتها صعبة علي لحالي اني ااقعد احسب و عد , شو رايك

23  الكاتب منى, on 29-05-2010 20:53 هلا ام جنى   من زووءك و انتو احلى شي في الموقع بهل اللمة الحلوة و المشاعر الطيبة , مية هلا و الله

24  الكاتب منى, on 29-05-2010 20:56 هلا فيك اختي ام خليل     نورتينا و شرفتينا و ان شاء الله صحتين و هنا على البك بكل الشغلات الي جربتيها و كانت متل ما بتحبي     الشكر الك لانك شاركتي معنا و ان شاء اله بتبقي منورة على طول

25  الكاتب semo, on 30-05-2010 12:11 أوك منوشة لو شايفتيها صعبة بلاها    بس ما كان قصدي أنو أنت تحسبيها قصدي اني اتطوع أنا بالموضوع واحسب السعرات الحرارية ونكتبها تحت كل وصفة و ساهم بشي مفيد بالموقع متل ما استفدت فيد غيري   عكل الاحوال أنا بيهمني يكون الموقع بأحسن أحوالو ويصير أفضل موقع بالعالم العربي والعالم    الله يوفقك يارب ويعطيكي على قد نيتك الطيبة

26  الكاتب منى, on 03-06-2010 18:56 سمسومةبكون ممنوتك و الله و ما بعرف كيف ممكن اشكرك     مممم , الف شكر الك للدعوات و ايا معلومات يا ريت تخبريني و انا رح ضيفها على الوصفة باسمك

27  الكاتب لارا مينا, on 03-08-2010 15:07 تسلمي أخت تورتاية بالكريز على مشاعرك الطيبة , وإن شاء الله أكون عند حسن الظن , والواحد مابيمل من خدمة الناس الطيبين , تحياتي وشكري لكي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved