L2ma.com | لقمة طيبة | L2ma.com | لقمة طيبة | مكسرات هندية | الحمص, على, · , نوع, حتى | L2ma.com

القائمة الرئيسية

الأكثر تصفحاً

مكسرات هندية

الكاتب/ لارا مينا

18/05/2010

صديقتي هندية من جنوب الهند كل مرة تزورني فيها مع إن زياراتها قليلة جدا بحكم ظروف عملي وعملها بحس إني جالسة مع حكيم من حكماء الهند وليس مع شخص عادي ودايما ماتجي إلا ومعها طبقين او ثلاثة من أصول المطبخ الهندي وهي عاشقة للطبخ بشكل غير طبيعي .. ومعظم أطباقها أتوقف عن كتاية الوصفة إما لصعوبة عمل الوصفة أو لكثرة تفاصيلهابحيث يكون التطبيق العملي أسهل من الشرح النظري او لأن المواد الأولية المستخدمة فيها من الهند ويصعب توفرها عندنا..

ووصفة المكسرات طبعا لها اسم بس لصعوبة اللهجة ماعرفت أكتبه فما حبيت أكتب شيئ مش واضح بس هي قالتلي إنها نوع من انواع المكسرات عندهم تنفع كوجبة خفيفة وهذا نوع من بين ألف نوع ونوع مكسرات مثل البرياني تمام وكل منطقة تتميز بوصفاتها ومكسراتها ونادرا مايكون أصحاب كل منطقة بيعرفوا وصفات المنطقة الثانية ماعدا الوصفات المشتركة بين مناطق الهند.

وبالصحة والهنا

2كوب حمص جاف
بهار شات ماسالا الجاهز
زيت للقلي
direction

·         ينقع الحمص بماء مدة 24 ساعة ويغير الماء كل فترة .

·         يوضع الحمص في مصفاة ويترك ليتصفى تماما من الماء .

·         نحمي الزيت في مقلاة عميقة ونقلي فيه الحمص على دفعتين أولا على نار عالية مدة دقيقة ثم نهدئ النار بحيث تكون وسط إلى هادئة ويترك حتى تطفو حبات الحمص على الوجه أو حتى تصبح مقرمشة. (بالإمكان تذوق حبةواحدة للتأكد من نضجها)

·         نضع الحمص في مصفاة ونضع عليه مباشرة وهو لايزال ساخن ملعقتين أو ثلاث من البهارات حتى تلتصق حبات البهارات به ونحركه جيدا .

·         نتركها حتى تبرد تماماوتقدم .

· هذه صورة بهار شات ماسالا وهو نوع من البهارات لايمكن تحضيره بالبيت مثل الكاري وغيره لأن من ضمن مكوناته ملح البارود او الملح الأسود

إضافات :

يمكن إضافة ملح _ كركم _ بودرة الفلفل الأحمر الحار ( تشيلي ) حسب الذوق العام على الحمص وهو لايزال ساخن .

تحذير :

يجب الحذر والإنتباه من حبات الحمص عندما تطفو على السطح لأنها ممكن ان تنفجر في الوجه او على اليد ومعها الزيت الساخن .

أضافة إلى المفضلة (0) |

أقتباس | مشاهدات : 2944

تعليقات (8)

1 الكاتب منى, on 18-05-2010 21:08
ووواو كبيرة لارا , يعني و الله مو مبالغة , بس كل وصفة نزلتيها مميزة اكتر من الي قبلها و كلها كلها بدها تحية و سلام .

اول مرة اسمع بهيك وصفة و هدولة البهارات اكيد ما عنا منهم بسوريا , بينفع حط مجموعة بهارات على كيفي و اذا اي , شو بتقترحي

ممنوتك لارا اكتر ما بتتخيلي على هيك وصفات , سلم هل الايدين

2 الكاتب semo, on 18-05-2010 21:55
ياترى بيكون مقرمش متل الشيبس ولا لأ

بس كتير الفكرة حلوة وجديدة ماشاء الله يالارامينا مقدمة مينيو كامل الله يعطيكي العافية
ويخليلنا منى يارب

3 الكاتب farah, on 19-05-2010 21:54
عن جد ابداع وطريقة تقديمك رائعة يا ستي الله يعطيكي ألف عافية بس خوفتيني من قصة الزيت :eek

انا مجربة حرق صغييير كتير الله يجيرنا من حر جهنم فكيف ما يفقع بوجهي :cry

الله يستر بس بدي جربها وأبعد مترين عن المقلاية دخلك بدهم وقت ولا بيتحمرو بسرعة؟؟

4 الكاتب لارا مينا, on 21-05-2010 10:35
والله يا أخت منى إنت إلي وصفاتك مميزة بالأساس, ولو ما كان عندك هالموقع الطيب ما كنت فكرت أبدا أكتب وصفة وانشرها لدرجة إنها ممكن توصل لناس ما يخطر على بالنا إنهم يعرفوها , لأن عادة نتبادل الوصفات بين الأهل و الأصحاب المقربين بس ..وبالنسبة للبهارات والله أنا مش مجربة حط نوع ثاني لأن هي كمان عطتني وصفتين ثانية لمكسرات مختلفة وكل نوع له بهاراته شي لقيته وشي ما لقيته ,, عالعموم رح أكتب لك مكونات الشات ماسالا الموجود عالعبوة وممكن تعمليها وتخلطيها بالمتوفر عندك والمكونات كلها بودرة وهي : ( فلفل أحمر حار ( شيلي ) – كزبرة ناشفة – كركم – كمون – ثوم مجفف بودرة – زنجبيل مجفف بودرة – الفص – قرفة – هيل هندي - محمص غرام المانجو المجففة _ ملح البارود ) . أما نسبة الخلط بينهم مش موضحة بس هو من النوع الحار وفيه حموضة يمكن من المانجو.
وهذا لونه وشكله.

http://www3.0zz0.com/2010/05/21/08/873160224.jpg

أهلين مرة ثانية وثالثة بالأخت سيمو مزبوط كلامك هو مقرمش مثل المكسرات يلي بنعرفها وصحة وهنا على قلبكم جميعا :zzz

يامرحبا بفرح .. خليك قبضاية وقوي قلبك ومافيه داعي للخوف أنا عادة بقليها وماعمرها فرقعت بوجهي إلا هالمرة يمكن حست إني رح أصورها و أنزلها بالنت فكانت مبسوطة وعملت حفلة , والوقت تقريبا من 10 دقايق أو ربع ساعة حسب ...إنتي ذوقي وحدة وشوفي,, وعلى فكرة الحمص مابيتحمر أبدا مهما طول على النارمش مثل الشيبس بس بيصير لونه يبهت وكأنه بدا ييبس ,, وكمان بإمكانك تحتفظي فيها بعلبة بعد مايبرد تماما مدة شهر ويمكن أكثر مابيضر لأن عملية قليه مثل عملية التجفيف تمام وصحة على قلبك.

5 الكاتب farah, on 26-05-2010 21:46
حبيبتي لارا اليوم جربتها وطلعت ظريفة أول وجبة يمكن زدت عليها القلي فشوي قسيت بس كانت لذيذة بالذات بعد ما ضفتلها مجموعة بهارات بخلطتي الخاصة والمهم انهم ما فرقعوا بالزيت والحمد لله واللي بقي خبيتهم بمطربان زجاجي بالبراد بينفعوا وقت طلب التسالي مشكورة يا قمر :zzz

6 الكاتب لارا مينا, on 27-05-2010 17:00
أهلين بفرح ... جدا مبسوطة إنك جربتيها وعقبال الباقين وشوي شوي بيستفيد الواحد من تجاربه وخبرته. ألف صحة وألف هنا

7 حفلة تنظيف
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-08-2010 12:48
الوصفه حلوه وغريبه وأنا دايما بحب التجريب، والمشكله انو حبات الحمص بلشت تنط من الزيت وتطير شي على الأرض وشي على الغاز هنن مو كتار اللي نطوا بس طرطشوا وعبوا الدنيا وعملت حفلة تنظيف بعدها.
تحذير مهم إخلاء المطبخ من الأطفال عند القلي.

8 الكاتب لارا مينا, on 03-09-2010 15:01
مساء الخير أخت قمر .. ألف صحة وهناوشكرا لتجريبك الوصفة , وصدقيني الحبات نطت من الفرحة أكيد... وإذا عملتي حفلة تنظيف أنا دايما عندي بالمطبخ حفلات تنظيف وقريبا جدا رح أصير متعهد حفلات رسمي :grin

تحياتي.

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

< السابق		التالى >

[ عودة ]