بسم الله الرحمن الرحيم
أول شي السلام عليكم جميعا(منى الشيف وباقي الأعضاء)
وبما إنه هي أول مرة بشارك بطبق؛ فحبيت أبدأ بحلو تفاؤلاً بحلاوة أيامي وأيامكم بهالمنتدى الرائع
طبقي هو (حلوى الجلاب) نوع من الحلويات الهندية المشهورة، وبما إنه جوزي بحبه كتييييييير فبقيت أجرب بهالوصفات وشي بينجح وشي ما بينجح لحتى اعتمدت هالوصفة ومشيت عليها، وميزتهاإنه كتير سهلة وسريعة ومابتحتاج مكونات كتير وماأطيبها مع فنجان قهوة بتمنى تعجبكون.
و كمان اللي بيعجبني بهالطبق إنه صح مقلي بس أبدا ما بيشرب زيت
بتمنى تجربوه

1 كوب حليب بودرة(نيدو)
ربع كوب طحين أبيض
1 ملعقة كبيرة زيت ذرة
نصف ملعقة صغيرة بيكنج باودر
ربع ملعقة هيل مطحون ناعم جدا(اختياري)أنا بحبها بدون هيل.
ربع كوب حليب بارد للعجن
زيت للقلي
قطر خفيف (كوب سكر مع كوبين ماء وعصرة ليمون)





·         يخلط الحليب البودرة مع الطحين والبيكنج باودر والهيل إذا حبيتِ.

·         تضاف ملعقة الزيت وتفرك باليد حتى يتوزع الزيت

·         يضاف الحليب بالتدريج وقد لا يحتاج كل الكمية حسب نوع الحليب حتى الحصول على عجينة طرية (في البداية تلتصق باليد لكن مع الاستمرار بيمشي الحال)

·          تترك لترتاح عشر دقائق ثم تكور كور صغيرة بحجم حبة الجوز أو أصغر قليلا أو العكس (بإمكانك تكويرها ثم تركها ترتاح)

·         يحمى الزيت على نار هادئة (رقم 3 بالفرن الكهربائي)

·         تقلى حتى تصبح ذهبية ثم توضع في طبق عميق.

·         تغمر بالقطر الساخن وتترك لتبرد ثم يزين الطبق بالفستق الحلبي .وصحة وعافية

تعليقات (25)

1  الكاتب منى, on 08-05-2010 11:36 هي اول مرة اسمع بهل الحلى , بس من شرحك و تفصيلك فرط ريقي     عجبني اكتر الشي انه ما بيشرب زيت , ممم    سلم ايدك على هل الوصفة و بانتظار اشياطيبة كمان منك

3  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-05-2010 16:00 alsalam alikom madame mona bas knt habi ataman iza osltkom alosfa iali batha an tarik almail washkrn

4  الكاتب فرفوشة, on 08-05-2010 17:28 الله يسلمك أختي منى  هلأ ع الوصف هو طيب كتير  ولسه بس اتجربيه ما ح تتركيه خصوصا إنهكمان مغذي للأطفال كمان لأنه أكتر مكوناته حليب  جربيه وخبريني بالنتيجة إن شاء الله بيطلع على زووءك

5  الكاتب فرفوشة, on 08-05-2010 17:32 أهلين REAM  الله يسلمك يارب  أنا حاولت نزل صورة للطبق  بس للأسف ما نزلت أو بالأحرى ما عرفت شلون أنزلها

6  الكاتب منى, on 08-05-2010 19:40 هلا فيك اختي فرفوشة   على فكرة اسمك عاجبي كتير , بينعنش القلب     الصور الي بعتيها ما بانت عندي , ممكن تحمليها على موقع متل العملاق لحتى ااقدر افتحها و يا ريت لو ما تكون كتير كبيرة

7  الكاتب منى, on 08-05-2010 20:13 اختي sunlune   ما وصلني شي , ممكن لما تبعتيها على اتصبل بنا تبعتيها الي مو للمهندس المختص

8  الكاتب farah, on 08-05-2010 21:20 بصراحة الوصفة عجبتني وبكرة بدي جربها بس كأن القطر بيطلع كتيير سائل يعني كوب سكر على كوبين ماء ؟؟ ولا بتغليه زيادة ليصير بقوام القطر   وعندي سؤال عن اسم الوصفة يعني ما بتقرب الجلاب بشي فليه اسمها حلوى الجلاب

9  الكاتب فرفوشة, on 08-05-2010 22:57 تسلميلي يا منى  كلك زوء   إن شاء الله الأكلات يطلعو هيك كمان    أنا أرسلت الصور مرة تانية وإن شاء الله هالمرة يوصلو

10  الكاتب فرفوشة, on 09-05-2010 09:41 أهلا farah  صح القطر المفروض يكون قطر خفيف ومو متل القطر اللي بينحط على العوامات لأنه نحن بدنا يدخل لقلب الجلاب ويشرب منه شوي وإذا كان سميك مابيدخل . صح؟  بس لازم ينغلى شي عشر دقايق وينحط وهوساخن   أما عن الاسم فهو هندي يعني الجلاب (بضم الباء) أو الجولاب عند الهنود غير الجلاب عندنا ... بعتقد هيك زال الإشكال

11  الكاتب farah, on 09-05-2010 20:07 اليوم جربتها قبل ما اقرأ ردك وطبعا استعملت قطر كان موجود عندي انا بساويه وبخبيه بزجاجة لوقت الحاجة ومتل ما قلتي ما شربت القطر وبقيت حلو خفيف انا حبيتها وطلعت من نصيبي لوحدي لأن الاولاد لقوها دلعة يعني خرج الدايت اللي مبلشة فيه من اسبوع   واليوم كرمال وصفتك خربناه بس من بكرة رح ارجع شد الحزام مشكورة فرفوشة   على فكرة عندي وصفة ايرانية بتشبهها ببقى بنزلها

12  الكاتب فرفوشة, on 10-05-2010 05:21 صحة ومية هنا ع قلبك farah  انبسطت لأنه عجبتك  ع فكرة حلو الشد والرخي بالريجيم لحتى ما تملي وترخي ع طول   الله يوفقك يارب  ع بستنى وصفتك

13  salam الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-05-2010 08:43 صباح الخير مدام منى و على كل زوار لقمة طيبة .بعت الوصفة على الإميل الموقع هذا البريد محمى من المتطفلين , تحتاج إلى تشغيل الجافا سكريبت لمشاهدته مع صورة أول مرة. بس عدت بعتها عن طريق إتصل بنا بس الصورة ما مشي حالها ما كانت تنطبع . إن شاء الله يمشي الحال

14  الكاتب سحر الشرق, on 12-05-2010 11:25

15  كريمة الشوربات الكاتب سحر الشرق, on 12-05-2010 11:28 حابه اعرف مقادير وطريقة عمل الكريمه الي تظاف للشوربه بشكل عام اما اذا كانت جاهزة ارغب بمعرفة اسمها في الاسواق شكرا سلف

16  hi all الكاتب سحر الشرق, on 12-05-2010 11:42

17  الكاتب منى, on 13-05-2010 12:47 هلا اختي سحر   الكريما جاهزة و بتكون تحت اسم whippipg cream و ممكن احيانا تسالي البياع عن الكريما السائلة او الفريش و يدلك عليها و في احيانا نوعين نوع للحلو و نوع للمالح اختاري النوع الي نستعمله للمالح

19  thank you الكاتب سحر الشرق, on 13-05-2010 12:54

21  الكاتب منى, on 14-05-2010 18:50 welcome Sahar

22  الكاتب فرفوشة, on 15-05-2010 15:26 يعطيك ألف عافية مدام منى  فرحت لما شفت الصور

24  الكاتب منى, on 17-05-2010 08:14 الشكر الك فرفوشة على الوصفة و الصور           اختي لفا ان شاء الله تندلي على مرادك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved