1- طريقة البيت :

بقدونس مفروم  باقة
بصل مفروم 2 وسط
ثوم مدقوق 2 فص
نعناع يابس 1 ملعقة كبيرة
فليفلة حمرا ناشفة 2\\1 ملعقة كبيرة
بهار مشكل او البهارات السبعة 1 ملعقة صفيرة
بيض 6 -  8  حسب حجم البيض
وشوية ملح
وزيت زيتون للقلي





·         تخلط جميع المقادير مع بعضا البعض و تحمى المقلاة بعيون او عادية وشوية زيت زيتون وتقلى من طرف ثم تقلب للطرف الاخر

·         ونصيحة لتقليل دخان القلي ينصح بتنشيف سوائل البصل المفروم قبل اضافته لانه هو المسؤول عن زيادة الدخان والف صحة


2- المطاعم

العجة بالمحلات اقراص كبيرة وليست عيون مثل المنازل والسبب القلي بيكون بطواية عادية 18 سم

نفس المقادير تماما بس عدا البيض

كل صندويشة بيحطو فقط بيضة وسبب كبر الحجم والطعمةهو اضافة نص ملقعة صغيرة كربونات الصوديوم مع ملعقة ماء وتذوب بها والكل بيعرفها الي بتنحط لنقع الحمص والفول واللوبياء وكتير شغلات  المهم.

تخلط المقادير مع بعضا وتقلى بنفس الطريقة  ونصيحة لاتضعوا الكثير من زيت الزيتون بالطواية ويقدم بجانبها مخلل خس ومخلل لفت وسلطة ناعمة عليها رمان وتسمى سلطة ارمنية ولبن والف صحة وهنا

تعليقات (10)

1  الكاتب منى, on 19-04-2010 08:33 سلم ايديكي لولو على الوصفتين الطيبات , العجة من اكلاتي المفضلة , انا بحضرها بطريقة قريبة من دون النعناع     الف شكر الك للوصفات و المعلومات الجميلة الي اجت فيهن , رح استنى من وصفات تانية .    نورتينا

2  الكاتب ام همام, on 19-04-2010 22:34 ممكن تكون هادي احد انواع العجه بس عن جد جديدة علي انا اعملها غير شكل عموما شكرا وصحتيين

3  الكاتب farah, on 20-04-2010 10:29 العجة من الأكلات المنقذة وقت ما لحقت ست البيت تعمل طبخة او صنف مساعد لكمية طعام قد لا تكفي العائلة وصفتك يا لولو كتير سهلة وظريفة انا عندي وصفة بعملها بالمكروويف طبعا بتطلع قالب واحد كبير والله كنت مفكرة نزلها واعرضها على الست الغالية منى بس بدي جرب مقاديرك باذن الله ومشكورة   حبيبتي منى بدك اسألك سؤال وخجلانة تضحكي عليي   بصراحة ما فهمت عليكي شو يعني مسنرة يا ترى معناها مغلية؟؟ يعني شكلها هالكلمة حلبية لأن مرت معي قبل الآن بشي وصفة من وصفاتك وكنت ناوية اسألك عنها الله يعطيكي الصحة والعافية ويبعتلك ملائكة تعينك

4  الكاتب منى, on 20-04-2010 11:12 معناها مغلية و حقك على راسي كان لازم انتبه على هل الكلمة , لك انا حلبي و اه يا نيالي     الله يخليك يا رب على هل الدعوة الحلوة , ان شاء الله على التقى و الصلاح و كل شي بيقربنا منه

5  الكاتب بشرى, on 20-04-2010 11:37 يسلم ايديكي لولو , ماما علمتني ياها بطريقتك الأولى عنجد شو لذيييييذة ..    يسلمو هالإيدين

6  الكاتب farah, on 20-04-2010 21:00 والله وعلى راسي الحلبية كلهم   يا ستي بدي اقترح اقتراح وما بعرف اذا بيزبط معك هلأ انا عادة بفتح اكتر من 20 وصفة وبعلق على كم وحدة منهم وبعد يوم أو يومين بحب ارجع شوف رد التعليق وبصراحة بنسى بأي وصفات علقت وبصير برجع بفتح على الكل واحيانا الصفحة بتعلق .....ومن هالقصص   فيا ترى في طريقة تقدر كل مشتركة تعرف اذا تم الرد على اشتراكها بأي وصفة في منتديات عندهم هيك شي فشو رأيك بالموضوع؟؟

7  الكاتب منى, on 21-04-2010 11:27 رح خبز المهندس المختص لحتى يشوف كيف ممكن تزبط هل القصة

8  الكاتب farah, on 24-04-2010 22:06 مشكورة يا البي وبعرف انك ما بتقصري عن جد اذا زبطت هالقصة رح تعطي الموقع حيوية ونشاط غير شكل

9  اي صح الكاتب حمودي, on 05-01-2011 18:37 انا مع فرح رح يصير سهل تصفح الاجوبه في الموقع   ...................  اي منوش بدي اطلب منك طلب   اذا ممكن تطلعي وصفه الدونات   .......  مع الف الف شكر لك وللاخت فرح ع الاقتراح   Ahmed

10  الكاتب منى, on 06-01-2011 18:54 هلا فيك اخي أحمد     ما بعرف المشكلة ما عم تنحل , برجع بخبره ان شاء الله     باذن الله وصفة الدونات حابة خليها وصفة خاصة بالكتاب , لان اشتغلت عليها كتير كتير و كمان كتير لحتى زبطت متل ما بدي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved