L2ma.com | لقمة طيبة | L2ma.com | لقمة طيبة | صينية الخضار بالبشاميل | حبة, · , بالموقع, البطاطا, تجربيها | L2ma.com

القائمة الرئيسية

الأكثر تصفحاً

صينية الخضار بالبشاميل

الكاتب/ ris

13/04/2010

انا اليوم ساويت اكله كتير عجبتني فيني قول انها من اختراعي بس ما بعرف اذا حدا جربها قبلي بس شو طلعت رووووعه عن جد وزوجي طار عقلو فيها :p بتمنى تجربيها وتنزليها بالموقع لحتى يجربوها باقي الاعضاء 0المهم :) بدي انزل طريقتها بالموقع وبدي تجربيها وتعطيني رأيك لأنها عن جد رووووعه

2 حبة بطاطا
2 حبة باذنجان
لحمه مفرومه
حبة بصل
فطر مقطع
بيشاميل , حوالي 3 كوب
direction

·         تقطع البطاطا و الباذنجان مكعبات صغيره وتقلى بالزيت ثم تمد بصينية بايركس .

·         تقلى اللحمه المفرومه مع البصل والفطر و تمد فوق البطاطا والباذنجان بالصينيه .

·         تغطى بالبشاميل ثم تخبز في الفرن لمدة ربع ساعه تقريباً .

أضافة إلى المفضلة (0) |

أقتباس | مشاهدات : 3514

تعليقات (12)

1 الكاتب منى, on 13-04-2010 07:43
تسلم ايديك اختي , الوصفة شكلها سهل كتير و ما بتاخد وقت , انا بعمل بنت عمها بس بالدجاج و ناوية جرب طريقتك ان شاء الله بس ما يجي البانجان

2 الكاتب ام جنى عبيدات, on 13-04-2010 11:53
يسلمو الايدين عزيزتي الوصفه سهله وبتنفع وصفه تصير بالوقت الاخير لعزيمه عشاء بتزيد عالسفره طبق بشهي ... انشالله بجربها هالاسبوع :zzz

3 الكاتب semo, on 13-04-2010 12:52
يسلم دياتك والله تغيير حلو وممكن الواحد عمل طبقتين خضار وبينهن لحمة بتصير بتشبه الموساكا

منوش حبيبتي لوسمحت في سؤال بوصفة المايونيز ياريت تجاوبيني عليه

4 الكاتب farah, on 13-04-2010 21:27
عن جد الوصفة شكلها طيبة فيها كل الخضار اللي بحبها انا من جهتي كنت أخترع بشاميل بكل نوع خضار لحاله يعني مرة ساويها بالبروكلي واحيانا ساويها بالكوسا طبعاً البروكلي لازم نسلقه بالماء المضاف لها ملح وكمون وكتييير بيطلع لذيذ بالذات اذا ضفنا شوية كريما للبشاميل وضفنا جبنة مبشورة على الوجه وطبعاً تقدم مع الرز المفلفل
وانا واثقة ان وصفتك بتطلع روعة كمان اكيد رح جربها تسلم ايدك
حبيبتي منى بعتت سؤال بوصفة الجبنة المقلية وما جاوبتيني ومن يومين عدت السؤال بس شكله ما نزل يا ريت عزيزتي تفيديني لأن ناوية اجربها ومشكورة على تعبك معنا

5 الكاتب نادين, on 14-04-2010 01:06
ظريفه كتير الاكله انا بعملها بس مع خضار اكتر متل الجزر والفليفله والبروكلي وممكن كوسا ...يعني باختصار شو في عندي خضار بالبراد بستعملها...شكرا الك ويسلم ايديكي

6 الكاتب Mays, on 14-04-2010 09:34
أنا بعمل متل هالأكلة و بسميها جراتان بالباتنجان ، الإختلاف إني بقطع الباتنجان و البطاطا شرائح و بصف الطبقات متل اللزانياو على الوش جبنة مبشورة و بتطلع يمممممي

7 الكاتب منى, on 14-04-2010 14:16
ميوسة طبقك اسمه موساكا , بيجنن , بحبه كتير و كتير عليه طلب

8 الكاتب أم روان, on 15-04-2010 00:29
السلام عليكم ورحمة الله , الأكلة لذيذة كتير وأنا من النوع اللي بيحب هيك أكلات بس زوجي ما بيحب إلا الأكلات التقليدية وعلى طريقة مامتو بالتحديد , بزماني جربت الموساكا وعرفت إنها أكلة يونانية واسمها بيدل على إنها من أصل عربي موساكا = مسقعة على زمة اللي خبروني بالموضوع . سلام

9 الكاتب roroo51, on 18-04-2010 14:32
أنا اليوم عملت عزيمة صغيرة و على فكرة هي أول عزيمة بعملها بعد ما تزوجت علما اني صرلي سنة متزوجة بس كنت دائما نعزم الناس على بيت حماي و طبعا كنت اساعدها بكل شي بس هي أول مرة بستلم عزمية من أولها لأخرها لحالي و كانت العزيمة هلق لحماتي و خال زوجي و مرتو يعني هنن ما كبار يعني من عمرنا تقريبا مشان هيك حبيت أعمل جمعة و بعدين حبيت أنزل الصور على الموقع بس للأسف ما حسنت أصور الطاولة كلها مع بعض,يعني بتعرفو العزيمة و عبطتها :grin