هي السلطة من سلطاتي المفضلة وألوانها بتفتح النفس كتير. ما بعرف بالأصل الوصفة من وين بس لكون الجبنة الزرقاء من مكوناتها بالوصفة الأصلية فاحتمال تكون فرنسية. وبما إنو الغالبية ما بتحب الجبنة الزرقاء (مع إنها بنت عمه اللزم للشنكليش) رح نستخدم جبنة البارمزان المبشورة بدل الجبنة الزرقا.

خسة صغيرة
ملء الكف جوز مكسر.
6 ملاعق كريم فرش أو أكثر.
2-4 ملعقة كبيرة جبنز بارمزان مبشورة.

للصلصة:

2 ملعقة كبيرة زيت زيتون.
ملعقة كبيرة عصير ليمون.
ملعقة كبيرة عصير ليمون.
ملح
برش جوزة الطيب طازج.
رشة فلفل أسود مطحون طازج.

تعليقات (12)

1  الكاتب منى, on 02-04-2010 00:24 هي السلطة متل ما بيقولوا must have  اول شي لانها سلطتك المفضلة   تاني شي لان فيها خس و جوز و جبنة و كمان كريم فريش , يعني كل شي طيب في الدني و اخر الشي لانها سلطتك المفضلة       سلم ايدك دلوش و الله لا يحرمني من هل الكرم و هل الوصفات الي بطير العقل

4  الكاتب نادين, on 02-04-2010 13:06 حدا عندو فكرة جبنه البارميزان شو اسمها بالانكليزي لانو طالعتها مرة ونسيت..؟؟

6  الكاتب dado, on 03-04-2010 01:20 مرحبا منوش  كنت متوقعة إنو هالسلطة رح تعجبك.. لأنو بيعجبك كل شي مرتب وفيه تغيير. صحة وهنا على قلبك وقلب القطاقيط     أهلين لارا.. شكرا لمرورك.. معك حق الخس يلي استخدمته هو خس افرنجي "بريطاني مو امريكي". السلطة بتصير بالخس العادي، بس إذا بيصحلك الافرنجي بيكون أطيب لأنو طعمه شوي حلو، أو ممكن تستخدمي قلوب الخس وهي أساس الوصفة الأصلية.    أهلين نادين.. الحمدلله على سلامتك. انشالله بتجربي الوصفات وبيعجبوكيز جبنة البارمزان هي parmesan cheese .

7  طلب الكاتب أطمح أكون أ/ منى 2 !, on 07-04-2010 19:44 السلام عليكم .. وصفات شهيه شي فوووق الخيال ماشاء الله , أ/ منى بدي اتواصل معك بقولك شي محتاجته ضروري وان شاء الله ماراح تقصرين بس كيف اتواصل وياك ؟ الله يسعدك بعدد السعادة والانشرااح اللي بقلبي وانا اقرأ وصفاتك .. ( طالبتك )

8  الكاتب منى, on 08-04-2010 07:20 هلا فيك اختي شرفتينا و نورتينا    اختي ممكن تبعتيلي ايميل عن طريق اتصل بنا و انا رح رد عليك و رح اخدمك من عيوني ان شاء الله

9  الكاتب DOUHA, on 12-04-2010 17:49 سلطة تغيير شكل فكروة الجوز عجبتني كتير   انا مرة عملتا بالهندباء والجبنة البامزان والجوز والصوص الحامض كانت روعة  بس انا عملت الجوز محمص على النار طبعا بدون مواد دهينة عطا الوصفة طعمة طيبة  رح جربا بالخس   ممنونة كتير   تسلم ايديك

10  الكاتب آرام, on 23-03-2011 09:28 مرحبا أخت منى  كل ما مرقت من جنب هالسلطة أتوقف وأتأمل فيها وأتخيل طعمتها وأشتهيها، خصوصاً أن الوصفة الأصلية بجبنة الروكفور وأنا من المغرمين بها، ونادراً ما يخلو برادي منها، بس لما شوف الكريم فريش بين مكوناتها أغض النظر عنها لأن ما بعرفه وما جربته سابقاً.  هالمرة ناوي جربها، وسؤالي عن الكريم فريش، بعتقد موجود بالمولات بس هل يوجد منه أنواع أو ماركات معينة

11  الكاتب منى, on 23-03-2011 11:54 انا جربت هل السلطة و ما دام بتحب الركفورد فرح تحبها كتير , سبحان الله رح نزل استفتاء بيتعلق بهل الجبنة و غيرها هل الكم يوم .    المهم في انواع كتير و انا كنت استعمل elle هي عليها برج ايفل و هي كريما حيوانية .  بس من فترة رحت عند رفيقتي و كانت محضرة وصفة و مستخدمة فيها كريما برافو و هي كريما نباتية , طعمتها حبيتها كتير و من وقتها ما عدت استعمل غيرها : bravo crem و هي كريبما ايطالية و انصحك كبداية تشتري اصغر عبوة .  في نوعين , كريما للحلويات و كريما الطبخ و الي لازمك هون هي كريما الطبخ   ايا سؤال تاني من عيوني

12  الكاتب آرام, on 29-03-2011 06:41 مرحبا أخت منى  وأخيراً جربت هالسلطة، لذيذة جدا مع أن طعمتها جديدة وغريبة كتير علي. وصارت من سلطاتي المعتمدة.  بالنسبة للكريما شفت بالمول كريما برافو بس بعبوة كبيرة 1 لتر، وكريما Elle بعبوة 200 سل، احترت بيناتن وبالأخير اشتريت التنتين   استخدمت Elle بالسلطة، ولسا ما فتحت برافو، مكتوب عليها لازم تستهلك خلال 3 ـ 4 أيام من فتحها، إذا بتقدري أختي تدليني على وصفات أستخدم فيها الكريما وأكون لك من الشاكرين.

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved