كنت دائما شوف الهليون أو (الأسباراغوس) بالمحلات وإتحسر لأني ما بعرف إعمل وصفة بهالنبتة يلي شكلها مغري وألوانها بتاخد العقل بكل درجات الأخضر والبراعم البنفسجية يلي بتذكر بشوك الورد الجوري.
لمرة رحت على مطعم إيطالي وشفت بالمنيو Asparagus Risotto وحبيت إني جربها .. هاد الحكي من شي سنتين بعد ما أكلتها رجعت عالبيت فوراً ودورت عالإنترنت عالوصفة ولقيت كم وصفة جربتهن كلهن لحتى اعتمدت وصفتي النهائية.
طبعا الريتزوتو هو تالت اشهر وصفة إيطالية بعد البيتزا والباستا.. وبيتحضر بطرق كتيرة بالخضار واللحوم وثمار البحر وإنشالله لاحقاً رح أعطيكي وصفات تانية. قوام الريزوتو بيكون كريمي .. أو فيه صوص سميك هو خلاصة نشاء الرز والمواد التانية المحطوطة بالطبق.
أفضل أرز للريزوتو هو Arborio Rice وهو رز قصير وحبته منفوخة شوي. طبعاً مو متوافر عنا .. لهيك ممكن استبداله بالرز المصري القصير. ولكن لا يستخدم الأرز الطويل أو البسمتي وإلا سنحصل على خبصة على الطريقة الإيطالية .
المقادير بتكفي لشخصين وممكن تزيديها على كيفك حسب حاجة عيلتك.
4/3 كوب أربوريو رايس أو رز مصري قصير. باقة من الهليون بوزن 250 غ بصلة متوسطة الحجم مفرومة ناعما فص ثوم مهروس ملعقة كبيرة زيت زيتون ملعقة كبيرة زبدة فلفل أسود ملح لتر من المرق المغلي (يفضل إبقاء الإناء على نار هادئة طوال تحضير الوصفة) 4 ملاعق كبيرة جبنة بارمزان مبشورة 2 ملعقة كبيرة بقدونس مفروم
للتقديم : مزيد من جبن البارمزان وفلفل أسود مطحون
·نقطع البصلة لقطع صغيرة، نهرس الثوم، نغسل الهليون ونقطعه لقطع بحجم 2 سم (نقطع كامل العود وليس فقط الرؤوس).
·نحمي زيت الزيتون والزبدة نقلي البصلة حتى تصبح شفافة دون تغير لونها، نضيف الثوم ونقلب حتى ظهور رائحته، نضيف الملح والفلفل الأسود.
·نضيف الأرز (بدون نقع أو غسيل) ونحمره مع البصلة قليلاً لعدة دقائق ثم نضيف دفعة من المرق المغلي بحيث تغطي الأرز قليلاً ونقلب حتى يمتص الأرز كل المرق.
·نضيف الهليون المقطع والجبنة البارمزان وكمية أخرى من المرق ونقلب حتى يمتص الأرز المرق ثانية.
·نكرر إضافة المرق حتى تنتهي الكمية الموجودة لدينا ونضوج الرز (قد نحتاج أكتر من ليتر). مع التقليب بعد كل إضافة.
·بعد نضوج الأرز نضيف البقدونس المفروم ونقلبه تقليبة واحدة ونبعد الطبق عن النار.
·يقدم ساخنا مع مزيد من جبنة البارمزان والفلفل الأسود المطحون طازجاً.
سر الطبخة:
·لا نضيف المرق دفعة واحدة، وفي كل مرة لا نضيفه قبل أن يكون الرز قد استوعب كامل المرق.
·لا نضيف الجبنة على الرز دون أن يمتص أول كمية من المرق وإلا ستحترق الجبنة وتعطي طعماً غير محبب.
·يمكن إضافة بازلاء خضراء مع الطبق وتعطي طعماً رائعاً جدا. في حال استخدامها نحمرها مع البصل حتى تقارب النضج ثم نضيف الأرز ونتابع الوصفة. أضافة إلى المفضلة (0) | أقتباس | مشاهدات : 1896
تعليقات (5)
فقط الأعضاء يستطيعون إضافة التعليقات إذا كنت عضواً فقم بتسجل الدخول و إن لم تكن فقم بتسجيل أشتراك جديد
تعليقات (5)
