عدنا مع سفرة جديدة عامرة بالخيرات و اهم الشي عامرة بالحب لكل الي كانوا , رفقاتي و كم واحدة من معارفي و اكيدة عيلتي الحلوة . يعني بالفصيح المعازيم كانوا حوالي التلاتينشخصاية ,,لهيك اخد معي التحضير وقت كتير و اكيدة بمساعدة ماما و خواتي اية و سيما ايد بايد , الحمد لله بالاخير البوفيه طلع حلو.
تعليقي على البوفيه : السفرة ككل كنت بتجنن , اخدت معي شغل كتير , يمكن اكتر سفرة بتاخد معي وقت , ما عدا حفلة تخرجي . أكتر الشي تعبني ما عدا التحضير هو ان يكون كل الاطباق جاهزة بوقت واحد على السفرة و تكون سخنة متل النار , شي مهم كتير برايي , لهيك ما كان عندي وقت نهائيا اني زين الاطباق باي زينة اضافية . اليالنجي طلع طيب كتير , كمان فطيرة الشاورما و الازانيا و لقمة تشكن . صينية البطاطا المفروض انها تكون صينية كرات بطاطا بس بقدرة قادر بعد ما خبزتها اختفت الكرات و صارت مسطحة . الكبسة بتاخد العقل . صينية التوست بتجنن . و البيتزا من الاطباق الي انحكى فيها و اكتر وصفة انطلبت وصفتها مني , السلطة المقلمة منظرها طلع حلو كتير بس طعمتها بتكون كل مرة اطيب , ما عرفت شو الي ناقص . و كمان صلصة الفلافل طلعت شوي ناشفة و كانت بتتحمل ان يكون صوصها اكتر , صينية الروزاليتا , وصفة جديدة , بالعادة بتطلع معي اطيب . فطيرة السلق و الزعتر و الفليلفة , بصراحة ما كان الهن محل بجنب الاصناف التانية . و حتى واحدة من الضيوف سكبت قطعة من الزعتر قام قالتلها التانية تركتي هل السفرة كلها و عم تاكلي زيت و زعتر , قالتلها الاولانية على سفرة منى لازم دوق كل شي .
الحلويات الحمد لله كانت ناجحة كلها , و كلهن لفتوا النظر . كاتو الكراميل ضاعفت كميته المعتادة و كنت ناوية اعمل قالب كبير بس بناء على اقتراح جودي الحلوة عملت قالبين و حطيتهن فوق بعض لحتى يصيروا طبقات , نسيت حط مع الكريما من صوص التوفي كريم لهيك ما عطاني النكهةو اللون الي بدي ياهن , و كمان زينته قبل ما يجوا الضيوف بساعة لما كنت في قمة التوتر لهيك ما كان مرتب متل ما بدي , بس بالاخير طعمته كانت طيبة . كاتو جوز الهند ما عدا طعمته الطيبة طلع منظره بيجنن , متل التلج يممممي . و كاتو البوظة بيجنن , مو معقول شو طيب .
حبيت يكون التقديم جديد لهيك فرشت الطاولة بساتان أبيض و جعدته و كان في صواعد و نوازل و اطباق فوف و تانية تحت , و اخيرا لزوم الاكشن دخلت الضيوف على السفرة على ضوء الشموع
السفرة من الطرف التاني
هادا كل شي لليوم , اللهم ادمها نعمة و لا تجعلها الى زوال , الحمد لله الذي اطعمنيه و سقانيه من غير حول مني و لا قوة , و الله يرزقه لشريف الرزق الحلال الطيب المبارك و يبقى بيتنا دوما عامر بالنعم و الشكر و الخير .
, صينية الروزاليتا , وصفة جديدة , بالعادة بتطلع معي اطيب 
. فطيرة السلق و الزعتر و الفليلفة , بصراحة ما كان الهن محل بجنب الاصناف التانية . و حتى واحدة من الضيوف سكبت قطعة من الزعتر قام قالتلها التانية تركتي هل السفرة كلها و عم تاكلي زيت و زعتر 
, قالتلها الاولانية على سفرة منى لازم دوق كل شي .
, و كمان زينته قبل ما يجوا الضيوف بساعة لما كنت في قمة التوتر لهيك ما كان مرتب متل ما بدي , بس بالاخير طعمته كانت طيبة . كاتو جوز الهند ما عدا طعمته الطيبة طلع منظره بيجنن , متل التلج يممممي . و كاتو البوظة بيجنن , مو معقول شو طيب .
تعليقات (123)
