بصراحة هالكيكة لما بعملها ما بتهدي ولا بينطروها لتبرد لأن من ريحتها وهي عم تنضج بيغرف الب الواحد عليها انشاء الله تجربوها وتعجبكم انا بعمل معها صوص الكراميل اللي انا مخترعته  او صوص الشوكولا كمان بلا فخر اختراعي رح ضيفهم بآخر الوصفة ولكم حرية الاختيار

فانيليا

تعليقات (49)

1  الكاتب منى, on 01-01-2010 22:53 سلم ايدك فرح , كتير فكرة جديدة للكيك و مع هل الصوص طلعت لسا مميزة اكتر و اكتر     هلا انا مو كتير من انصار الميكروويف , بس صار سمعت اكتر من واحدة عم تحكي قصص و حكايا عن كيك الميكروويف , لهيك رح جربه ان شاء الله باقرب وقت     الف شكر الك للوصفة الطيبة و الفكرة المميزة

3  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 02-01-2010 17:25 اهلين فرح. يسلموا ايديكي عالوصفه. مبين طيبه. و عجبوني وصفات الصوص كمان. راح اجربا قريب. لانو دايما بيضل عندي شي موزتين او تلاته ما حدا بياكلون.

6  كتير طيب الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 03-01-2010 12:13 انا جربت كاتو الموز اليوم الصبح بالمايكروويف وكتير طلع طيب و نفش كتير منيح. بس احتجت اضيف كمان دقيقتين للخبز فصارو عشر دقايق .بس متل ما قلتي طار وهو سخن حتى ما لحقت احط الصوص. حطيت بس حليب مركز محلى وطلع كمان رائع

7  الكاتب منى, on 03-01-2010 16:22 ممم , الف هنا و صحة يا رب على الكيك , عندي شوي موز و جاي على بالي جربه , بركي بكرة اذا ربنا راد

8  الكاتب ام عمر, on 03-01-2010 16:35 بصراحة حابة جربو بس خايفة   هلا اي ميكرويف بيمشي الحال ولا لازم يكون فيه خاصية الشوي ؟؟؟؟  مستنية الرد

10  الكاتب منى, on 03-01-2010 16:54 انا الي عندي ما اله , معناها راحت علي , بس جاي على بالي جربه بالفرن العادي مع صوص الشوكولا

11  الكاتب ام جنى عبيدات, on 04-01-2010 14:53 يسلم ايديكي يارب.. المايكرويف اللي عندي فيه شوايه ب مابعرف استخدمها.. رح اجرب خصوصا هادالكيك بنفع للضيوف الفجاه

12  الكاتب سوزان, on 04-01-2010 14:53 شلونك منوش والله اشتقنالك واشتقنا للموقع كتيييير   يسلم دياتك يا فروحة بالصراحة انا ما كنت مقتنعة بفكرة المايكرويف بعدين قلت لحالي شو خسرانة جربي   حطيت الكاتو بالمايكرويف على عيار الشواية ربع ساعة و بالاخير طلع الكاتو معجن ومو مستوي ابدا قلت لحالي اكلتها هالمرة صواب غير شكل   بعدين خطرلي حطيت على عيار المايكرويف العادي لعشر دقايق والنتيجة   روعة فعلا يسلمو ايديك كان كتير طيب ونفش وخاصة مع سوس الكراميل بيجنن  بنصح الكل يجربوا ويا منوش انا عملت كاتو الجلاس والكل فكروه من عند شي محل فخم   يسلمو ايديك والله لا يضيع لك تعب يا قمر

13  الكاتب منى, on 04-01-2010 17:24 تشتاق الك العافية يا رب سوزان , الف هنا على كيك الموز و كمان على كاتو الجلاس , ايه اكيد شغل افخم محل و لو     كتير انبسطت انهم زبطوا معك .يعني هل الكيك بقدر احضره على الميكرويف العادي

15  الكاتب farah, on 05-01-2010 15:51 الله يسلمك يا لبان وانشاء الله بتجربيه وبيعجبك      عزيزتي ايمان انشاء الله بتجربيهم وبيطلعوا على ذوقك ومتل ما قلتي انا بتذكر ساويه بس لاقي بالبراد زايد موزتين مسودين هم بيكونو مستويين كتير من قلبهم ومناسبين كتير لهيك وصفة       حبيبتي سمسة عجبني اسمك نصيحة جربي القرفة والزنجبيل معه رح تلاقي الوصفة اختلفت كتييير للأطيب وبالسبة للمكروييف بإذن الله ما بيضر انا كنت شوفه باوربا بالمستشفيات بيعتمدوا كتير عليه ولو كان بيضر هم اول ناس كانوا بطلوا استعماله فاتكلي على الله وجربي هالوصفة    العزيزة غيث والله ما قلتي نحنا بحاجة اي طريقة توفرلنا الوقت وبالنسبة للفرن نفس الوصفة تماما بتدخليها فرن حرارته175 درجة بالقسم الأسفل من الفرن وبياخذ ساعة كاملة لذلك قررت جربه بالمكروويف وكانت النتيجة روعة فليش لأستنى ساعة   وبالنسبة للمكروييف بتوقع اي نوع بيمشي حاله والشواية ما لها علاقة انشاء الله بيزبط معك وبيعجبك     ألف صحة وهنا يا فري سول اسمك حلو الروح الحرة   فرحت كتيير انك جربتيه ونجح معك وعلى فكرة انا ما بستعمل الشواية تبع المكرويف بس الحمد لله نجح معك

16  الكاتب farah, on 05-01-2010 16:04 أهلين ام عمر حبيبتي ولا يهمك اي مكروييف بيمشي حاله وابدا ما بيحتاج شواية  توكلي على الله وجربيه وانشاء الله بينجح معك وبتدعيلي       حبيبتي منى جربيه ما راحت عليكي ولاشي واكيد رح يزبط معك    الله يسلمك يا ام جنى انتي مو بحاجة الشواية شغلي المكروويف بالنظام العادي وانشاء الله بيزبط معك    الف صحة على البك والب كل من أكل يا سوزان الحمد لله اللي خطر ببالك تعيديه بالنظام العادي للمكروويف حقكم عليي انا كان لازم الفت نظركم انه ما بيحتاج الشواية   بتمنى الكل يجربه وينجح معه

17  الكاتب larooo, on 05-01-2010 23:07 مممممم شكل الوصفة شي بشهي وسريعة   بس ممكن اسأل اذا حدا بيعرف بيكربونات الصودا   بالألماني شو ؟؟   الله يعطيكم العافية

19  الكاتب farah, on 06-01-2010 20:46 والله يا لاروانا بعرفها بالسويدي وبتخيل بتكون قريبة وهيbikarbonat  انشاء الله تطلع نفس الكلمة وتعملي الوصفة وتعطينا رأيك       أختي ام البراء الكربونة هي غير البكنج بودر الكربونة اللي عادة بيستعملوها لنقع الحمص  وبالنسبة للمكروويف على درجته العادية اللي بتستعمليها عادة لتسخين الأكل وانشاء الله تجربيها وتعجبك

20  الكاتب roro1, on 07-01-2010 21:05 يسلمووووووووووووو كتير و شكلها كتير طيب و بد أطلب منكون شغلة إذا في أي حدا بيعرف كيف بينعمل كاتو قدرة قادر و بكون ممنونة

21  الكاتب منى, on 07-01-2010 22:46 رورو نورتينا اختي , بيتك و مطرحك     الوصفة موجودة بالصورة على الرابط التاليان شاء الله يعجبك

22  الكاتب larooo, on 11-01-2010 22:13 اليوم جربت الوصفة ..والكاتو طلع طيب كتيييييير   يسلمو ايدكي ..بس للأسف جربت اعمل صوص الكراميل  وللأسف طلع سيئ جدا   طبعا الحق علي اكيد ..لأنو هي اول مرة جرب هيك شي   اول شي طلع مر شوي ..كأنو طول عالنار ولما ضفت الحليب مدري شو صرلو كأنو عم اعمل تفاعل كيميائي    يمكن كان بارد شوي الحليب ..مابعرف ليش هيك صار   بس اكلنا الكاتو لحالو ...طيب كتير

23  الكاتب منى, on 12-01-2010 16:29 ايه اكيد زودتي على السكر شوي , الف هنا و عافية على الكيك و سلم ديات فرح على هيك وصفة

24  الكاتب farah, on 12-01-2010 20:41 ألف صحا وهنا يا لارو كتير فرحت انه نجح معك  اما بالنسبة للصوص هادا يا ستي مرمر معناها حرقتي السكر زيادة شوي لازم تبعديه عن النار اول ما يصير لونه عقيقي فاتح واذا بتستعملي الحليب المركز لازم يزبط معك يا ستي انشاء الله خيرها بغيرها انشاء الله بتعيديه وبينجح واذا بدك جربي صوس الشوكولا كمان كتير لذيذ معها

25  الكاتب sahreeg, on 16-01-2010 02:54 باين فعلا بيشهى بس بقدر ابدل النسكافيه بالبن او كاكاوالا الغيه

26  الكاتب farah, on 17-01-2010 23:58 أهلين عزيزتي بتوقع فيكي تبدليه بالكاكاو اذا مصرة ما تستعملي النسكافيه   على كل حال جربيه وخبرينا النتيجة

28  الكاتب ام عمر, on 02-02-2010 20:51 اختي فرني ما فيه خاصية الشوي ( قصدي المايكرويف)  بقدر ساويه ولا لاء

30  الكاتب ام عمر, on 04-02-2010 15:17 ريتو يسلم هالايدين خلص لكان لقوم جربو

31  الكاتب ام عمر, on 04-02-2010 17:56 اخت فرح الله يجزيكي كل كل كل خير يا رب   ويجزيها الخير لمنى لانو عرفنا على هالناس الطيبة   ساويتو هلا صبيت عليه صوص الكراميل طلعت يمممممممممممممم بصراحة لما حطيتو بالمايكرويف قلت معقول يكلع كاتو مستوي ومو معجن !!!  قلت يمكن يكلع جاج مشوي بدالو   روحي الله يبيض وجك

32  الكاتب farah, on 08-02-2010 21:35 انشاء الله الف صحة وهنا والف الحمد لله ان نجح معك  وما طلع دجاج مشوي   وانشاء الله بيبض وجهنا معكم دايما

33  الكاتب منى, on 09-02-2010 14:17

34  الكاتب سارونات, on 12-02-2010 00:41 السلام عليكم و رحمة الله و بركاته    منووووووووووووووووش اشتقتلك و اشتقت للموقع كتير     كأنكم ما اشتقتولي     جازاك الله خيرا على الوصفة و ان شاء الله راح جربها    سلام

35  الكاتب Mays, on 15-04-2010 06:40 سلام يا صبايا    فروحة حبيبتي ، أنا امبارح جربت الوصفة تبعك و لما طالعتو من الميكرويف كان بيجنن ، نافش و ري وريحته بتاخد العقل و فعلا قسمت قطعة و هو بعده سخن ودقتها كانت رائعة ، بس لوقت ما عملت الصوص و حطيته عليه نشف كتير و صار كإنوا إلو 3 إيام بدون غطا يعني صار متل البسكوت ، يا ترى شو السبب ؟؟؟؟ مع إني اتقيدت بالوصفة بحذافيرها     و يا ترى فينا نعملوا بغير نوع فواكه ، يعني تفاح مثلا

36  الكاتب منى, on 15-04-2010 14:25 سارونات كيف ما اشتقنالك , ان شاء الله الغيبة على خير     ميوسة , ان شاء الله تشوف فرح السؤال و تجاوبك , بس اتوقع انك زدتي لوقت الخبز بالنسبة لفرنك

37  الكاتب farah, on 20-04-2010 10:45 حبيبتي ميس تمام بتوقع متل ما ذكرت العزيزة منى شكلك زدتي الوقت شوي لأن عادة بيبقى لتاني يوم قطعة يتيمة وبتبقى طرية وبتجنن وبيصير حرب عليها مين بده يسبق وياكلها   حاولي تنقصي من الوقت دقيقة او دقيقة ونص جربي بطرف السكين الرفيع بالوسط وشوفي اذا نشف الخليط بيكون بيكفيها وقت اقل حسب جهازك وخبريني النتيجة وانشاء الله بيزبط معك ولا تخافي يهبط اذا فتحتي قبل وقت لذة هالوصفة انه ما بيهبط وفيكي تبقي تزيدي الوقت لحتى ينشف من الوسط

38  الكاتب farah, on 20-04-2010 10:51 بالنسبة لنوع الفواكه بعد ما بعتت الرد انتبهت لباقي السؤال يا ستي انا جربت كيكة التفاح اللي منى منزلتها بس اخدت وقت اطول وبعد ما نفش خفس شوي بس اكلناه وكان لذيذ بس ما بظن مناسب اذا عندك حدا لأن شكله طلع عجبة   اذا بدك عندي وصفة تانية بالجزر للمكروويف او اي وصفة كيك بسيطة بدون فواكه فيكي تجربيها لحالك أنا معظم وصفاتي نتيجة تجارب مرتين فاشلة ومرة ناجحة بس مو مشكلة الوحدة بتتعلم من تجربتها

39  الكاتب منى, on 20-04-2010 11:12 متل حكايتي فروحة , كتير احيان الوصفات الي بنزلها بيون في وراه اكتر من تجربة فاشلة , بس الحمد لله الواحد بيتعلم من غلطه و كل شي بيزيده خبرة

40  الكاتب Mays, on 28-04-2010 08:48 يسلمو فروحة ع الرد   إن شاء الله راح أجرب متل ما قلتي

41  الكاتب karamela, on 13-05-2010 07:42 السلام عليكم اخت فرح  انا عضوة جديدة بالموقع بس من زمان بجرب بالوصفات  حبيت اتشكرك على هالوصفة الحلوة يعني ماضل اسهل من هيك بالعالم  انا عملتها يوم عيد ميلاد زوجي وكنت يومها مريضة وماني حابة فوت هالمناسبة   قام اجت وصفتك لتنقذني بس مو كتير لانو بصراحة ومن دون مبالغة بنتي اكلت تلت القالب على بين ما اجا ابوها   وبحب قول للاخوات اني طبقتها بحذافيرها مع صوص الشوكولا بس ضفتلها دقيقتين بالمايكرويف  اخت فرح بس انا الي عندك طلب ان شاء الله ما بتخجليني   بدي مقادير كاتو الجزر بالمايكرويف  وشكرا الك سلفا وللاخت منى اللي عرفتنا على بعض

42  الكاتب منى, on 13-05-2010 12:28 الف هنا و صحة يا رب

43  الكاتب إسراء, on 19-05-2010 22:48 السلام عليكم   مبارح جربت هالوصفة وطلعت طيبة كتير واهم الشي انها مابدها غير 9 دقايق بالميكرويف بس صوص الشوكولا حسيتو مريء شوي بس مابعرف اذا هوي هيك لازم يكون مريء؟؟؟؟  والله يعطيكن العافية على هالموقع الحلو

44  الكاتب منى, on 20-05-2010 10:29 مية هلا فيك و الف هنا و صحة

46  الكاتب منى, on 21-05-2011 18:43 راااائعة يا فرح , مو معقول شو طيبة و سهلة , وصفة معتمدة تسلم ايديكي

47  الكاتب farah, on 29-05-2011 18:47 يا ستي ألف صحة وهنا والحمد لله انك جربتيها يعني بعد سنة ونصف من تنزيل الوصفة

48  الكاتب منى, on 30-05-2011 06:54 لا انا جربتها من زمااان , بس من دون الصلصات و كانت يممم , بس هلا جربتها كما انزلت و كانت مميزة كتير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved