في كتير أكلات بتحتاج للبقدونس أو الكزبرة الخضرا متل الفول المقلى والحراء اصبعو وغيرها.. وبكتير من الأحيان بيكون الطبق بيطلّب كمية قليلة جدا من الكزبرة أو البقدونس بتنضاف بالآخر سواء مشان اللون أو النكهة. متل كاري الخضار والبرغل بفول وفطيرة السلق بالطحينة وشوربة الحريرة.. إلخ
وهيك نوع من المتطلبات بيزعجي... لأنو مو بأي لحظة بتلاقي هدول المادتين فريش عندك بالمطبخ... يعني معظمنا ما بيشتري الخضار الورقية الا اذا منعرف إنو رح نستهلكها خلال فترة قصيرة لأنها بتخرب بسرعة.
وكمان احيانا لما بشتري الكزبرة أو البقدونس لاستخدمهن بشي وصفة بضطر دائما فكر بطبق تاني بيحتاجلن لأنو عيلتي زغيرة وغالبا ما بحتاج لكامل الباقة بوصفة وحدة,
وأكيد في كتير متلي بيكونوا مرات متحمسين على تطبيق شي وصفة وبتكون كل المكونات موجودة بالبراد.. ولما بتوصل لعند البقدونس او الكزبرة بتتراجع الوحدة لأنو هالمكون مو موجود.. أو لأنو بتكره تنقايتن وفرمن " أنا بتجبلي عصبي هي العملية".
بعدين دلتني حماتي الله يخليلي ياها على طريقة بتحفظي فيها البقدونس والكزبرة فريش لحتى تستخدميها بالطبخ
وبما إنو الدنيا جاية على رمضان وفي كتير وصفات رح تحتاج لهالمادتين وأغلب الستات بينعجقوا وبدن من الله توفير دقيقة حبيت ابعتلك هالطريقة لحفظ البقدونس والكزبرة.
هي الطريقة بتحفظ اللون والنكهة والريحة لمدة 3 شهور حسب جودة الحفظ وتبريد الفريزر.. والصورة المرفقة لكمية من الكزبرة صرلها شهر عندي بالفريزر.
أكيد هي الوصفة مو للاستخدام بالسلطات "ولو إنو مرات بحط من البقدونس المفرز على الفول المدمس وما بتأثر على الطعم" بس يفضل للسلطات استخدام الفريش.
باقتان من البقدونس أو الكزبرة "أو حسب رغبتك قديش حابة تجربي بالبداية"
·نقوم بنقع البقدونس أو الكزبرة في الماء مع قليل من الملح أو الخل لمدة عشر دقائق "هذه الخطوة الهدف منها هو التعقيم وليس لها علاقة بالحفظ"
·نصفي البقدونس من الماء ثم بنقوم بفرد الروريقا ت على فوطة مطبخ نظفها ونتركها حتى تجف تماما.
·نقوم بتنقية البقدونس وفرمه ناعما كالمعتاد ونضعه فورا في كيس بلاستيك ونغلق الكيس باحكام ونضعه في الفريزر إلى حين الاستخدام.
·أهم ملاحظتين: يحفظ البقدونس مباشرة بعد فرمه ولا نتركه أبدا في الخارج قبل الحفظ.
·عند الاستخدام نقوم بوضع البقدونس المفروم من الفيزر إلى الطبخة مباشرة بدون أن نتركه خارج الثلاجة ولا دقيقة وإلا فسوف يسود ويتغير لونه. أضافة إلى المفضلة (2) | أقتباس | مشاهدات : 8509
تعليقات (21)
فقط الأعضاء يستطيعون إضافة التعليقات إذا كنت عضواً فقم بتسجل الدخول و إن لم تكن فقم بتسجيل أشتراك جديد
تعليقات (21)
