من المعروف إنو الشوفان من المواد المغذية كتير وللأسف مو منتشر ببلادنا بكثرة.. بينما بأوروبا هو بيحتل المرتبة الأولى قبل القمح نظراً لأنو بيحتوي على نسبة سعرات حرارية ونشويات أقل وفيه فيتامينات أكتر.

الشوفان بيدخل بتحضير أطباق لا تعد ولا تحصى.. بدءً من طبخه مع الحليب مروراً بالكاتويات والبسكويت وانتهاءً بتقديمه مالح مع اللحوم.

أنا أكتر شي بحبه محمص مع اللبن أو مطبوخ بالحليب.. وانشالله رح ابعتلك الوصفة التانية لاحقاً..

يمكن تكون فكرة تقديمه مع اللبن غريبة .. بس عنجد فطور كتير ظريف ومغذي خاصة للأطفال. وحلاوة المربى مع قرمشة الشوفان وحموضة اللبن.. بيعطوا طعم إنما إيــه

هون موجود جاهز بالسوبرماركت .. بس أنا بحب حضره بالبيت على إيدي .. أنضف وأطيب. وممكن يضاين معك بقطرميز محكم الإغلاق أكتر من 3 شهور بمكان جاف وبارد... وإنتي بتغني الوصفة على كيفك وحسب مو متوفر عندك من مكسرات أو فواكه مجففة.

انشالله تجربيها وتدعيلي.

كمية الشوفان هذه تكفيكي لتحضير ما يقارب خمسة صحون صغيرة.

فواكه مقطعة (موز – فريز- اجاص- دراق- أناناس) وهذه الإضافة اختيارية

تعليقات (12)

1  الكاتب منى, on 08-11-2009 07:10 دلوش انا هل الفكرة و الوصفة بالذاات كتير خارطة مشطي و بعرف انها رح تعجبني .  عندي كم سؤال , الشوفان الي متوفر عندي هو الشوفان المعلب الي بيجي بعلبة , بينقع احضر فيه الوصفة او نو .    العسل مع الشوفان ما رح يصير متل الكراميل و يلازق بالصينية .    اخر الشي الصحن شكله تحفة , و التصوووير بيشهي , الف صحة و هنا على قلبك على هل الفطووور , يممم .      سلم هل الديات دلوش و الحمد لله على السلامة و الف شكر الك لكل الوصفااات الطيبة

2  الكاتب dado, on 08-11-2009 08:27 صباح الخير منوش  أول شي شكرا لأنك نزلتي الوصفة.. وطالعة عندك بالموقع مع اللون الكيوي مغرية كتير   بخصوص الشوفان .. طالما إنو مو معالج .. يعني مو داخل عليه أي تعديل.. أكيد بيمشي حاله.  أما مشان العسل.. ما كتير بيلزق طالما حاطة ألمنيوم على الصينية.. وهو المفروض إنو يجمع حبات الشوفان على بعض.. بس إنتي حاولي توزعيهن بالمعلقة لحتى ما يصير عندك كتل كبيرة وما تستوي حبات الشوفان من جوا.  انشالله تجربيها وتعجبك.. أنا بحبها كتير وما بشبع منها.. حتى مرات بتضل خاطرة على بالي على الغدا

4  الكاتب DOUHA, on 08-11-2009 09:59 في وصفات بتقول للواحد تعال جربني شو ناطر          سؤالي نفس سؤال متى فينا نحضروا بالمعلب؟     وتسلم ايديك

5  الكاتب semo, on 08-11-2009 10:09 فعلا هالفطور فطور ملوك     والصورة بتشهي في تضارب كتير حلو بالنكهات حسيت هذا الفطور خرج عرسان بشهر العسل     يسلمو ايديكي بس سؤالي بيشبه س}ال منى طبعا انا ما بقدر دوق شي اسمه عسل اذا حطيت كراميل بداله بيمشي لحال وبيلزق بالصينية اولا؟؟    وكمان الشوفان هو اللي بيجي بالعلب بالسوق

6  الكاتب منى, on 09-11-2009 10:28 هلا دلوشة , ان شاء الله رح جربه و انا اكيدة ان رح يعجبني , لان كله على بعضه متل زووءي     الشكر الك دلوشة لمشاركتنا وصفاتك و عن جد متل ما قلتي طالعة غيررر شكل , خرج الواحد يغطس فيها على اد ما شكلها بيشهي

7  الكاتب منى, on 09-11-2009 10:31 يا مية هلا فيك اختي سنو وايت , شرفتي انت و كل اهل الاحساء و منورة بيتك   اتمنى تجربي شي وصفة و تعجبك , و مية السلامة مرة تانية

9  الكاتب منى, on 09-11-2009 14:21 الله يسلمك وسيلة

10  الكاتب dado, on 10-11-2009 13:50 مرحبا يا حلوين  ما شاء الله .. مبارح تفقدت الصفحة وما كان في غير رد واحد.. وهلأ يخزي العين تسعة..   بدي اتشكركن كلكن.. وآسفة إذا ما جاوبت كل اخت على حدا.  بخصوص نوعية الشوفان .. ممكن استخدام يلي بالعلب.. وهو يلي انا باستخدمه.  حبيبتي سبمو للأسف ما بعرف إذا بتقدري تستبدلي العسل بالكراميل. الوصفة أصلها بالعسل. وبعتقد إنة الكراميل ممكن ينحرق إذا دخل للفرن.  منوش.. بس تعمليها خدي احتياطاتك قبل ما تغطسي ... لأنو انا ما بستغني عنك

12  الكاتب dado, on 06-04-2010 12:59 أخي أحمد أنا قلت إنو متوفر جاهز بالسوق هون .. بس هون مو سوريا بالنسبة إلي   ما بعرف إذا موجود بالسوبرماركتات الكبار بالبلد.  انشالله قريبا ببعت الشوفان بالحليب.. كمان يممممي كتير.

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved