طريقتها بسيطة و السر بنوع اللحمة الي رح نستخدمها , لازم نستخدم لحمة طرية كتير و من لهبة بستوي على قولة حماتي الله يخليلي ياها  و كمان نوع الكماية كل ما كان لونها غامق بتكون طعمتها اطيب .  نحنا بحلب ما منضيف لهل الوصفة بصل او توم او دبس بندورة , لحتى ناكل و نستمتع بنكهة الكماية و بس , لازم قلكم ان الطبق الظاهر كان اطيب كماية بدوقها بحياتي و لهلا طعنتها تحت سناني و اشتهيت كل واحد بحبه بهل الاكلة الملوكية .

بالصحة و الهنا

1 كيلو كماية من اللون الغامق
كيلو لحمة طرية مقطعة مكعبات ( لحمة فتايل )
2 ملعقة كبيرة سمنة بلدية
ملعقة صغيرة بهار مشكل
ملح





·         تفرك الكماية بفرشاة للتخلص من الرمل الموجود على القشرة ثم تغسل و تقطع لمكعبات .

·         تذوب السمنة على نار متوسطة ثم تضاف اللحمة و تقلى حتى يختفي اللون الأحمر و تمتص مرقها .

·         تضاف الكماية و تقلب لمدة 5 دقائق قم يغمر الكل بالماء و يتبل بالملح و البهار و تترك حتى تغلي .

·         تهدى النار و يغطى القدر و يترك حتى تنضج اللحمة لمدة نصف ساعة , بما أن اللحمة طرية .

·         تقدم الكماية مع الرز المفلفل و نوع من السلطة الحامضة حسب الرغبة .

تعليقات (27)

1  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 04-11-2009 15:18 مرحبا منى كيف الحال انا قرأت المقدمة اللي انت كاتبتيها وفعلا الانسان ما معصوم من الخطأ وفي كثير اشياء بنحكيها وللأسف الناس عم تفهما بنمعنى ثاني  وبتفسرها مثل ما هي بدها   هلأ نرجع للوصفة شكلها كثير طيب بس عندي سؤال مثل العادة نحن هون بالامارات ما بتتواجد عنا الكماية يعني انا ولا مرة شفتها بسوق الخضار هلأ فيني استعمل الفطر بدل الكماية بس ما تضحكي علي   يا ريت تفيديني وشكرا جزيلا الك

2  الكماية وما ادراك ما الكماية الكاتب ام دانية, on 04-11-2009 16:55 يسلم دياتك يارب منظرها بشهي وفعلا هي طيبة كتيررررررر بس لما انزلت على حلب اكلتا عند حماتي مع محشي البانجان واووووووو شو طيبة ياريت تنزلها مع المحشي وعندي سؤال عملت مبارح مني صمون بعجينة العشر دقائق بصراحة كتيرطلع طيب وزوجي كتير حبو بس طلع قاس شوي يعني موطري ياترى شو بتتوقعي يكون السبب

6  الكاتب DOUHA, on 04-11-2009 22:10 اطيب اكلة بالكون انا كتير بحباااااا    ذكريتني فيا يسلموا

9  الكاتب ام نور, on 05-11-2009 21:33 يا سلام شي بيشهي اد ما سمعت عنها من الاخوات الحلبيات اشتهيت ادوقها بس منوش شو هاي الكماية ما عندك صورة الها وما في منها الا بحلب

10  الكاتب منى, on 06-11-2009 10:17 هلا هيا   بالعكس أختي نبهتيني لملاحظة كان لازم اذكرها و هي ان نفس الوصفة ممكن تتحضر بالفطر الفريش او المعلب , كل حبة نقسمها قسمين أو ممكن نقطعهم شرايح و نفس الطريقة بعدها , طيبة اكيد بس مو متل الكماية , كل وصفة نكهة و بالكماية اطيببببببب اكيد

11  الكاتب منى, on 06-11-2009 10:24 هلا ام دانية     ايه مع محشي البانجان شغلة فخمة كتيررر , سبحان الله مع ان كنت ناوية و حاسبة حسابي , بس هل الصيفية بطولها و عرضها و لا مرة ما جربتها     ان شاء الله صحة و هنا على قلبك و ان شاء الله بنزل الوصفة الي طلبتيها .    الصمون طلع قاسي , يا ترى اتبعتي الوصفة مزبوط من دون ايا تغير , لان وصفة هل العجينة تحفة , بحياتها ما طلعت معي الا متل ما بدي يمكن زدتي شوي طحين او شو ؟؟

12  الكاتب منى, on 06-11-2009 10:41 هلا هاجر   هادا من زووءك اختي ,سالت عليك العافية و الخير دوما و لا تنسي تاكلي عني كم لقمة لما بتتغدي منها

13  الكاتب منى, on 06-11-2009 10:44 هلا كارمن   اي و الله كانت طيبة كتير , اشتهيت فيها كل المحبين .    مية هلا اختي

15  الكاتب منى, on 07-11-2009 13:59 هلا امون   ان شاء الله تلاقي و تجربي و تدعيلللي و لا تنسي تاكلي عني .. مستاهلة امونة كتير

16  الكاتب منى, on 07-11-2009 14:03 هلا ضحى   و انا كماان من رايك , اطيب اكلة ...    ضحى حبيبتي و لا مرة ما شفتها بالمولات , بس اذا صارت متوفرة بتكون كتير سهلت على ست البيت ..    نورتي يا قمر

17  الكاتب منى, on 07-11-2009 14:04 هلا ميادة   ما وصلني ايميل منك , ممكن ترجعي تبعتيه لو سمحتي

18  الكاتب منى, on 07-11-2009 14:08 هلا ام نور   هلا ما عندي صورة الها , بس هي متل الفطر تقريبا متل كرة من برة اما لونها اسود او بني كاشف وز من جوى بني أو متل الموكا و هي متوفرة اكيد بكل سوريا و برة سوريا و ممكن يسموها بالخليج فقع

19  الكاتب بشرى, on 07-11-2009 20:08 الله عليكي على عهالمقدمة يا منون فعلاً ياما صاير هيك سوء فهم بسبب كلمة انقالت بالغلط أو الي إدامنا فهمنا غلط , ذكرتيني بدرس misunderstanding بالبكالوريا     يا سلامممممم على هالأكلة الملوكية , شهيتيني عليها كتير والله بس ماعم لاقي منها هون

20  الكاتب منى, on 08-11-2009 07:15 و انا بشورة كتير صاير معي هيك قصص , بالاخير منفوت بالحيط من كتر ما بيكون الواحد حكى شي و التاني فهم شي ما اله علاقة     ان شاء الله تلاقي منها و تجربيها و كالعاااادةو ..    لا تنسي تاكلي عني كم لقمة

22  الكاتب DOUHA, on 09-11-2009 16:06 منى انا شفتا بكافور حدا المربى او الفكر نسيت هيك علبة معدن والورقة بني

23  الكاتب رنا, on 14-11-2009 18:11 الله عالكماية .....بتجنن ...بتطير العقل ...خيتو عن جد بحسها من اكلات الجنة ... مابشبع منها وطعمتها مابتشبه ولا شي تاني ....لذيذة ومغذية وشوووو كمان ...مدللة باللحمة واسعارها غالية ...وفي ناس بتقول اذا لقوا اللحمة بالكماية اكتر من الكماية انه هي الطبخة مغشوشة بماانه الكماية اغلى من اللحمة   ياستي يسلم دياتك ...انا احيانا باكلها نية واحيانا بحطها بالسلطة ...احيانا بلفها بخبزة مع ملح وبهار ...وياعيني عليها مع اللحمة المشوية شي تحفة وناهي ولا اطيب منه   شو بدي قلك ...حماتي بتعمل بعبها محشي بتجيب كم وحدة كبار يعني اكبر مقاس موجود بتحفرها وبتحشيها رز ولحمة وبتطبخها متلك ...عن جد رائعة ...بس اذا جربتيها لاتكبي اللب وانتي عم تحفري حطيه بالطبخة

27  الكاتب sndrla, on 23-02-2010 00:52 السلام عليكم يابنات كيفكم انا عضو جديد على الموقع   ويسعدني التواجد معكم بس من افتتاح الموقع وانا متابعة جيدة شو هل وصفات الحلوة الله يعطيكن العافية يسلمو ايديكي يا منى الله يحميك من العين والحسد بتقبليني عضو جديد

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved