L2ma.com | لقمة طيبة | L2ma.com | لقمة طيبة | خل العنب | · , المرطبان, العنب, توضع, حبات | L2ma.com

القائمة الرئيسية

خل العنب

الكاتب/ souha

28/10/2009

هلا منونة كيفك إنشاء الله ما كون تأخرت بالوصفة : خل العنب

عنب ( الكمية حسب الرغبة )
طريقة التحضير

· تفرط حبات العنب و تغسل جيداً.

· توضع حبات العنب بخلاط الكوكتيل و تضرب ثم توضع في مرطبان و تكرر العملية حتى يمتلئ المرطبان.

· يغلق المرطبان جيدا و يكتب تاريخ اليوم عليه ولا يفتح المرطبان أبدا أبدا قبل 41 يوم و كل ما طول أكثر رح تحصلي على خل أطيب نحن منخلي 3 أشهر .

· بعد مرور 41 يوم يفتح المرطبان و يصب المزيج على مصفاية ألمنيوم و تحتها طشت و يعصر باليدين ثم يصفى العصير بشاشة نظيفة و يعبئ في زجاجات .

ملاحظات :

إذا كان عندك مربى قديمة ما بيحبوها الأولاد حطيها خلطيها مع العنب لأنو السكر بيساعد في التخليل .

أضافة إلى المفضلة (1) |

أقتباس | مشاهدات : 4480

تعليقات (88)

1 الكاتب منى, on 28-10-2009 20:20
انا ممنونة الوصفة سهى , جربتها و هلا هي بالمرطبان ..ما اتوقعتا كل هل الادة سهلة , هلا انا اضفت سكر من دون مربى , ما دامه احسن للتخليل , بقى خللوه :grin

رح نزل صورة لوصفتك و صورة لمرطباني بس بكرة ان شاء الله :zzz

2 الكاتب اماني, on 28-10-2009 20:34
انا مشتركة جديد معكن

بس من زمان بتابع الموقع بس بجد يسلمو ايديكي على هل الوصفات والاكلات اللذيذة

3 الكاتب منى, on 28-10-2009 20:39
هلا اماني

مية السلامة بهل القامة , شرفتي اختي و اتمنى تبقي معنا على طول

4 الكاتب gsm, on 28-10-2009 22:54
السلام عليكم اخت سهى بس حبيت اسالك انتي قلتي بتتركوا الخل ل 3 شهور طيب يا ترى ما ممكن يتحول لنبيد؟
بعرف اكتر من 40 يوم ما بصير يبقى والا بيتحول الخل لكحول ؟؟؟ يا ترى معلوماتي دقيقة ؟

5 الكاتب DOUHA, on 29-10-2009 02:52
شكرا سهى كتير سهل

بجربوا قربيا

6 الكاتب بشرى, on 29-10-2009 11:35
يلا سلام
تسلم ايديكي يا سهي طريقة سهلة كتير ان شاء الله بجربهاليصير موسم العنب

بس سؤال خل التفاح بيصير بنفس الطريقة ولا كيف ؟

منونة صباح الخير حبيبتي ..

7 الكاتب سمسمة, on 29-10-2009 13:24
الله يسلم ايديك ياعسل
أنا مساوية خل عنب من أسبوعين بس حاطة العنقود كامل ياترى بيظبط ولا لأ
حبيبة قلبي سهى في سؤال عن الفليفلة الحمراء بوصفتك الفليفلة مع الفيتا شوفي ورديلي

8 الكاتب لارا مينا, on 29-10-2009 20:38
يعطيكي ألف عافية أخت سهى وتسلم إيديكي يارب لأن عطيتينا سر من أسرار المطبخ ,
وأكيد عالتجريب فورا بس العنب المستخدم هو العنب الأبيض ولا أي نوع بيمشي الحال؟
لأن أول مرة أجربه و مش شايفته قبل ,
لأن المتوفر عندنا خل التفاح وخل القصب بس .
وأتوقع أخت gsm إن فيه فرق كبير جدا بين صناعة الخل والكحول ومش نفس الطريقة أبدا , ودايما الناس بيتلخبطوا بينهم كثير.
تحياتي للجميع

9 الكاتب ام نور, on 29-10-2009 20:45
السلام عليكم ورحمة الله وبركاته
سلم دياتك سهى على هالوصفة المفيدة بدي اسالك العنب الموجود عندي كتير حلو في مشكلة يعني ما بيهم الطعم وكمان فينا نخلط عنب احمر واخضر ولا لازم يكون العنب فرد شكل الف شكر

10 الكاتب منى, on 29-10-2009 22:27
مسا الخيرات و الورد بشورة :zzz

و كل الاخوات الغاليات

11 الكاتب رنا, on 30-10-2009 16:32
من كم يوم كبيت شي كيلو عنب للاسف كانوا دبلانين وبديانين ينتزعوا ...كانوا خرج خل
يلا بجربها اكيد ..الف شكر سهى ...لانه هالوصفة مهمة لانه خل السوق في مواد كيميائية وحاليا زوجي عم يشرب بعد الاكل كاسة مي فيها خل مشان ينحف ...لذلك اذا كان الخل طببيعي احسن واحسن

12 الكاتب سوزان, on 30-10-2009 21:13
فعلا وصفة مفيدة كتيرخاصة الخل الموجود بالسوق اغلبو مو مضمون شو فيو واذا كان طبيعي ولا لأ

وفي حديث شريف عن الرسول صلى الله عليه وسلم نعم الادام الخل .لهيك ضروري كل ست بيت تحضر خلاتها بايدها ويا ريت اذا حدا بيقدر يفيدنا بخل التفاح :grin

شلونك منمن ان شاء الله كل ايامك خير وسعادة وصحة :roll

13 الكاتب جمانة, on 01-11-2009 12:00
مرحباكيفكم صباياوحدة وحدة تسلملي بنات حلب وغير حلب وخصوصا انت يا منى :zzz

14 الكاتب جمانة, on 01-11-2009 12:01
انا جديدة معكم وان شالله منبقى سوا

15 الكاتب souha, on 01-11-2009 14:45
السلام عليكم كيفك منونة
كتير فرحت إنك جربتي الوصفة و انشاء الله بعد ما تعصري يطلع طيب و يعجبك و انشاء الله صحة و عوافي
بتعرفي امبارح بعد ما رحتي قلتلها لماما نحن نسينا نضيف منى قهوة بس صار أنو تأخرتي و كانت السفرة جاهزة لذلك هي ما حسبنالك ياها يله الجايات أكتر من الرايحات عفكرة اليوم دخلت على الموقع بالصدفة و إذ الوصفة نازلة بنفس تاريخ عيد ميلادي سبحان الله شلون بتصير الصدف

بالنسبة للصورة منى لون الخل بالحقيقة أكشف من هيك بكتير بس حطيت ورا الصورة أرتي غامق مشان يعطي أنعكاس حلو على التصوير و خل التفاح أكشف و من بعيد بتحسبي عصير أناناس من كتر مو لونو حلو يالله عم أستنه صورة المرطبان
سلام

16 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-11-2009 14:49
شكرا على هالوصفه بيعش الواحد وبتعلم حتى واو صار عمره 100 سنه\شكرامره اخرى

17 الكاتب souha, on 01-11-2009 14:54
هلا بشرى كيفك
بالنسبة لخل التفاح بتجيبي أي نوع تفاح و ممكن تستخدمي التفاح الناعم و ما ضروري يكون من نوعية ممتازة و بتغسلي منيح و بعدين بتقسمي أربع أرباع و بدون تنضيف البذور بس إذا في مناطق مضروبة بالتفاحات بتنضفيها و لازم تنتبهي أحيانا بعض التفاح بيكون لاحقتو دودة كمان بتنضفي محلها و بتغسليها و بتحطي التفاحات بمرطبان و بتغلي ماء مع سكر و بتصبي فوق التفاح بالنسبة لخل العنب ما بيحتاج ماء لأنو هو فيو عصير بعدين بتختمي المرطبان و بترخي عليه و ما بتفتحي لبعد مرور 41 يوم و بتصفي و إذا نعصر معك بيكون أحسن بس ممكن التفاحات يضلو قاسيات و صحة و هنا

18 الكاتب منى, on 01-11-2009 15:02
شايفة ام السوس , بقى لهيك ما حسبتها للعزيمة ابدا ابدا , بدي واحدة تانية و ما تنسي فيها القهوة لحتى احسبها :grin

ااقلك حل اسهل , انك تعلمينا الوصفات الي عاملتيها , التيراميسو الختيررر و الفطيرة الي بتاخد العقل و كمان الايتش , اما اليالنجي امنت عليه طريقته علمتينا ياها من قبل

عن جد سهى ما شاء الله عليك , الحكي مو متل الشوف و التصوير مو متل لما الواحد بيشمر عن اكمامه و بيدوق , الله يسلم هل الديات , الله يسلم ايديك و ايدين الماما و انا كتير ممنونة هل الجمعة الحلوة الي اتذكرتيي فيها :zzz

سهى ان شاء الله رح جرب خل التفاح كمان على طريقتك ..

بالنسبة لخل العنب ما بعرف انا ما رخيت المرطبان , بالعكس شديت عليه كتير منيح , بقى شو ؟ خبصت و الا ماشي الحال ؟

سلام خاص لماما

19 الكاتب souha, on 01-11-2009 14:59
هلا سمسة كيفك
حبيبتي أنا بصراحة مو مجربة أنو حط العنب بالعنقود مع إني سمعانة بهالطريقة لذلك إذا نجحت معك ياريت تخبريني مشان كلنا نستفيد و في شغلة كمان أنا ما جربت بكامل العنقود خفت يعفن و تلحقو دودة و بالطريق يلي ذكرتها بيطلع الخل نضيف
سلام

20 الكاتب منى, on 01-11-2009 17:17
هلا جمانة

مية السلامة فيك اختي , شرفتي و نورتي الموقع

هلا سوزان

سالت عليك العافية و الخير دوما يا حلوو

21 الكاتب DOUHA, on 01-11-2009 15:11
سها انا سمعت عن الاكلات الطيبة يميميميي
ماشاء الله عليكي بحس طبخك بيجننن

وهلا

22 الكاتب سمسمة, on 01-11-2009 15:54
مرحبا سها
شوفي حبيبة قلبي أنا مالي زعلانة أبدا لأنك ماعزمتينا

يعني لافنجان قهوة ولا تيراميسيو مو معقولة على الأقل تعطينا المقادير منشان نحس أنو نحنا معكن

23 الكاتب منى, on 01-11-2009 17:13
لا لا لا

شريرة انا :grin

24 الكاتب جمانة, on 01-11-2009 17:16
مسا الخير اناشلون بدي ادخل وصفة معكم ولا مو مسموح :sigh

25 الكاتب منى, on 01-11-2009 17:21
لا بالعكس جمانة , رح كون ممنونتك :zzz

فيكي تبعتي ايا وصفة كرد عادي و انا رح انشرها باسمك

26 الكاتب DOUHA, on 01-11-2009 20:12
نطالب سها بشي وصفة من اختيارها

يعني مو شرط التيرامسو

اي شي كرمال هيك نحس انا كنا مع بعض
نيالك يا منى

27 الكاتب souha, on 01-11-2009 20:45
هلا gsm
حبيبتي أنا سألت شخص بيعرف بأمور الشرع و هالأمور وقلي ما لازم ينفتح الخل قبل 41 يوم و كمان سألت أم رفيقتي لأنو والدها الله يرحمو كان يعمل خل و قالتلي نفس الحكي و كمان قالتلي كلما تعتق الخل كل ما طلع أطيب و سألت ناس مسيحيين كمان نفس الجواب لذالك اتشجعت و ساويتو و انشاء الله تجربيي و يعجبك
سلام

28 الكاتب souha, on 01-11-2009 20:49
هلا منونة
حبيبتي أنا قصدت بكلمة بترخي عالمرطبان أنو تكتبي تاريخ اليوم يلي ساويتي فيو بس كتبت الكلمة بالعامية أم هيك طلعت :grin

بالنسبة للأكلات تكرم عيونك بس بدي تصبري علي شوي و ا،شاء الله ببعتهن مصورات خطوة بخطوة

29 الكاتب souha, on 01-11-2009 20:55
هلا لارمينا كيفك
حبيبتي أي نوع عنب بيمشي حالو حتى أنا بتذكر نانتي الله يرحمها كانت تخلط تفاح و عنب و قشر دراق و فواكه تانية و يطلع خل طيب كتير بس لون العنب أعتقد بيأثر على اللون النهائي للخل بس ما بيهم الأهم الطعمة و بس تجربي خبريني عن رأيك و عوافي مقدما

30 الكاتب souha, on 01-11-2009 20:59
هلا أم نور
حبيبتي ما بيهم أنو العنب حلو بالعكس السكر بيسرع التفاعل بس أهم شي بالنسبة لخل العنب أنو ما تحطي معو ماء لأنو أنا و ماما عملنا كمية خل كبيرة كأنو رح نشتغل بالتصدير :grin

و مرة حطينت ماء و مرة بدون ماء يلي حطينالو ماء طلع سايط بس خل التفاح بدو ماء و فيكي تخلطي أنواع عنب على كيفك ما بيهم
سلام

31 الكاتب souha, on 01-11-2009 21:17
هلا بشرى

كيفك
أنا بتشكرك على الكلمات الحلوة و بشكرك أنك جربتي من الوصفات و إنشاء الله صحة و هنا
كمان بدي أسألك أنت كنت معنا بنابلس ولا أنت و منى رفقة من أيام الجامعة

32 الكاتب منى, on 02-11-2009 07:49
هلا ام السوس

هلا فهمت

, الصراحة ما خطر ببالك ابدا انك قاصدة التاريخ , معناها شغلي في السليم ان شاء الله ..

هيك المرطبان تمام او في ملاحظات ؟

على مية مهلك سهى , المهم انك لما بتفضي تعلمينا كم وصفة على زووءك و لو كمان كاتو الفراشات ما منقول لا , شو انتي كريمة و نحنا منستاهل :zzz

33 الكاتب بشرى, on 02-11-2009 10:18
أهلين سهى صباح الخير

إلي الشرف ولمنى الفضل إني تعرفت عهالناس الطيبة

أما كيف بعرف منى بقى لا هي ولا هي والله ياسهى :grin

34 الكاتب DOUHA, on 02-11-2009 17:21
اي سها بدنا كاتو الفراشات اذا مو صعب

واذا صعب اي نوع بتحبيه

شفتي شو انا مسايرة هههههههههههههه

35 الكاتب souha, on 02-11-2009 21:37
السلام عليكم
هلا منى يا ستي شغلك في السليم و هالمرطبانات كتير بشوفون ظراف و بيحفظو الأكل منيح و مو بقيان كتيير لحتى تفتحي المرطبان يعني قبل العيد بأسبوع و على سيرة العيد كل عام و أنت بخير مقدما وكل الصبايا

بشرى تسلميلي حبيبتي بس أنا كنت قاصدة ضحى بهالتعليق بس خطأ مطبعي :roll

و أنا كمان إلي الشرف أنو تعرفت عالصبايا و ‘نشاء الله الله بيجمعنا بالجنة متل ما جمعنا في الدنيا آمين
كيفك ضحى
تكرم عيونك بس متل ما قلتلها لمنى هالفترة في مذاكرات للطلاب و تصحيح بتعرفي و إنشاء الله بأقرب فرصة و كاتو الفراشات مو صعب بس بدو طولة بال

36 مرحبا من جديد
الكاتب امونه, on 03-11-2009 13:56
مرحباااا يا حلوووين

مشتاقيتلكم كتير كتير لما خطبت ما كنت عارفه انه الخطبه راح تاخدني من احلى ستات بالدنيا و بصراحه الكل عتبان عليي لآني مقصره بالسؤال بس جد دايما بفكر فيكن و بحكي لحالي يا ترى شو الوصفات الجديده الي نزلت و انا غايبه عن هالمكان الحلوا ابو ريحه بتشهي :zzz

ست منى مافي مجال انه يكون في زاويه تنزل فيها الوصفات الجديده اول بأول ؟؟؟

لآنه مو دايما بتكون نازله بالصفحه الرئيسيه على ما أعتقد فيا ريت تنتبهوا لهالشغله لآني دايما بفوت و ببحبش بكل السايت و انا بدور شو في وصفات جديده

مشتاااقيتلكم كتير و بحكيلكم كل عام و انتوا بألف خير لآنه الشتويه دخلت و الحمد لله الأمطار ما وقفت من يومين بالاردن و عمااان ريحتهااا بتشهي بالشتااا بالزبط متل هالسااايت

و مره تانيه miss u all

37 الكاتب رنا, on 03-11-2009 15:59
يعطيكي العافية ياسهى لسه الوصفة بالصور اروع واروع
بس شو ضحكت على بترخي ...لانه حتى انا فكرت انه قصدك ترخي ايدك عن المطربان مشان يدخل الهوا :grin

بس شو مشان العزيمة ...مو حلوة منكن تشوفوا بعض من ورانا ...ع كل حال عزمت حالي لعندك مسبقا ...شي شهر وجاية ع حلب والله يعينكن ماتاخدوني :grin

عم بمزح معكن الله يقويكن وتتحفونا بوصفات كمان وكمااان

38 الكاتب منى, on 03-11-2009 16:51
رنون اي موتكرم عيونك , احلى جمعة لهل العيون الحلوة , بركي انتي و ندوشة و بشورة و كل مشتهي :zzz

39 الكاتب منى, on 03-11-2009 16:52
هلا امونة

و لا يهمك حبيبتي ايااامك هلا اتهني فيها يوم بيوم , ربي يسعدك و تشوفي من هل الزلمة كل الخير و يشوفك شمس و قمر , انت و بس :zzz

امونة دايما الوصفات الجديدة بتكون على الصفحة الرئيسية و كل ما نزل وصفة بتروح واحدة قديمة , ما فيني حط كتير على الصفحة الرئيسية و الا بيصير تحميلها صعب على الي بيفوتوا لاول مرة :roll

هادا بس من زووءك , ربي يبعت الخير و نحنا كمان المطر ما وقف من كم يوم و اجا البرتقال و اعلن الشتي وصوله بشكل رسمي

40 الكاتب امونه, on 03-11-2009 18:06
ربي يسلمك يا ست منى على هالدعوه الحلوه و تشوفي حبيبتك عروس يا رب

طيب ما بينفع يكون في قسم زي الحلويات و المشروبات تنزل فيه الوصفات الجديده اسبوع زمن بعدين تتأرشف تحت البند الي بتنتمي اله

ما بعرف بس الفكره انه الواحد يمكن يقعد كم يوم ما يدخل الموقع و يمكن ما يعرف انه في شي جديد

لووولز غلبتك انا بس يعني بنحاول نعمل شي يرحنا و يغلبكم شوي :upset

41 الكاتب امونه, on 03-11-2009 18:07
هلا بالنسبه للخل ما فهمت في يعني فرق بين خل العنب الاحمر و الابيض؟؟؟

42 الكاتب منى, on 03-11-2009 20:13
امون شوي صعب , رح يصير خريطة و شوربة و مخلوطة هيك :grin

امين امين , انت و كل الغوالي على البك

43 الكاتب آرام, on 04-11-2009 06:29
شكراً أخت سهى على الوصفة المهمة .. جهزت الخل البارحة وبانتظار النتيجة بعد 41 يوم .. عصرت العنب بإيدي بدل الخلاط حتى ما تنطحن البذور لأني جربت تحضير دبس الرمان بطريقتين .. مرة بالخلاط ومرة عصر باليد وبالطريقة التانية كانت أفضل بكتير.

44 الكاتب جمانة, on 04-11-2009 15:44
مرحبا صباياشلونكموالله اشتقتلكم صايرين انتو سلوتي شلونها حلب صارت الدنيا برد ولا لسه شلونك منى كني ماعجبتك الوصفة ولا لا :cry

45 الكاتب منى, on 04-11-2009 18:46
ايا وصفة جمانة ؟؟ ليكون بعتي شي و ما وصلني :roll

حلب بلشنا مطر و بررررد و من يومين مديت السجاد و الصيفي و الشتوي ..

رجعت الشتوية :zzz

46 الكاتب souha, on 04-11-2009 22:04
هلا رنا

بتنور حلب بجيتك و إنشاء الله أحلى جمعة بتستناك

47 الكاتب souha, on 04-11-2009 22:08
هلا أمونة

نحن كمان مشتاقينلك بس منعرف إنك مشغولة بس مادام بالخير الله يهنيك و يتمم عليك بالخير و السعادة
بالنسبة للعنب الأحمر و الأبيض أكيد في فرق باللون بس الطعمة أنا مو مجربة الخل إلا بالعنب الأحمر :zzz

48 الكاتب souha, on 04-11-2009 22:11
السلام عليكم أخ آرام
شكرا إلك لتجريب الوصفة و بالنسبة للعصر مو مهم لأنو الخل رح يتصفى بشاشة ناعمة و أنا بنتظار رأيك بعد 41 يوم و صحة و عوافي

49 هام ( خل التفاح )
الكاتب souha, on 07-11-2009 19:31
السلام عليكم يا صبايا

بالنسبة لخل التفاح أنا ذكرت أنو مو ضروري ينعصروا التفاحات بس رجعت سألت و دقدست طلع ضروري ينعصروا لأنوا رح يزيدو تركيز الخل و في معلومة عرفتها من شخص كيماوي أنو بعد ما تعصروا التفاح لا تصفوا التفل و رجعوا خلطو العصير مع التفل بنفس المرطبان و عيفوا 3 - 4 أيام بتضمنوا أنو ما يضل في كحول بالخل و أنا شفت المعلومة منطقية لأنو أهل زمان كانوا يقولوا لما بيتعتق الخل بيصير أطيب لأنو الخل بيمر بالمراحل التالية كحول ثم حمض ثم خل و إنشاء الله يكون شرحي وافي و صحة و هنا
سلام

50 الكاتب منى, on 08-11-2009 07:05
ام السوس يعني نعصرهم على الخلاطة تبعة الكوكتيل و الا شو ؟؟

انا سمعت في بيدروها على ماكينة الكبة

شغلة تانية , في ناس قالولي ان الاماية ضرورية , و الاماية يعني خل من مرة سابقة , شو رايك :zzz

51 الكاتب souha, on 08-11-2009 12:59
هلا منى
نحن عصرنا على عصارة الجزر يلي من جهاز أمي بس بعد نص الشغل مدري شو صرلى ضربت الكهربا فغلقنا على عصارة الكوكتيل و بالنسبة للأماية مو سمعانة بهالطريقة بس بخطرلي مو ضروري لأنو التفاح رح يتفاعل خاصة أنو معو سكر و أنا سألت أكتر من شخص على طريقة الخل و لا حدا ذكر قصت الأماية
سلام

52 الكاتب آرام, on 15-12-2009 04:30
مرحبا أخت سهى
أخيرا صاروا 41 يوم .. عصرت الخل وصفيته .. طعمته روعة بس فيها شوية حلاوة .. يا ترى طبيعي هالشي ولا فيه مشكلة .. لأنو خل السوق فيه طعمة حموضة لاذعة أكتر !
أخت منى جربتي خل التفاح ولا لأ .. يا ريت إذا جربتيه تعطينا ملاحظاتك :roll

53 الكاتب souha, on 16-12-2009 11:09
السلام عليكم
أخ آرام شكرا لتعليقك و لتجريبك الوصفة
بالنسبة لطعمة الخل البيتوتي لا يمكن أنو تقارنها بالخل الصناعي لأنو طريقة التصنيع مختلفة و بيعتمدو على مواد كيماوية أما بالنسبة لطعمة الحلاوة فما بعرف أديش أنت حطيت سكر لأنو السكر و ظيفتو تسريع التفاعل و من خلال تجربتي لاحظت أنو السكر بيعطي طعمة أطيب للخل
جوز جارتي كيماوي و بيعمل خل بيتوتي و ما بيحط سكر بس لما ضيفتون من الخل يلي عاملتو قلي مع السكر أطيب بكتير
و على فكرة نحن من فترة فتحنا خل التفاح كمان طيب جربوا بالطريقة يلي ذكرتها و إنشاء الله بيعجبك
سلام

54 الكاتب منى, on 18-12-2009 15:37
سهى اليوم فقت الصبح و صفيت الخل , المفروض صفيه من شهر , بس بما انك قلتي بتخليه تلات اشهر طولت بالي عليه .

مو معقولة الطعمة , يعني شي بياخد العقل , بديع و انا مو مسدقة النتيجة , متل ما قال ارام فيه طعمة حلاوة خفيفة بس كتير كتير طيبة ,

انا السنة الماضية جربت خل بس بغير طريقة و النتيجة هل السنة لا يمكن مقارنتها بالسنة الماضية , بتعرفي شو , طول ما عم ملي القناني عم ادعيلك و عم اشكر ربي , الحمد لله الذي علمنيه من غير حول مني و لا قوة

الف الف شكر الك و لماما , و بانتظار ايا شي بيطلع من مطبخكم

اخي ارام لسا ما جربته , بس بعد خل العنب لازم جربه اكيد ان شاء الله

55 الكاتب منى, on 18-12-2009 11:40
على فكرة انا ما صفيته بالشاشة لان حبيت هل الاشياء الناعمة الي فيه كتير و كمان اذا لاحظتي في فرق باللون بين المراطبين لان واحد من خل اصفر و واحد من خل أحمر

56 الكاتب souha, on 18-12-2009 15:42
السلام عليكم

منونة أنا كتيييير مبسوطة لأنو الخل نجح و حبيتوهلأ أنتو عم تحسو أنو فيو طعمة حلاوة شي طبيعي لأنو العنب بالأساس حلو كمان الخل ما بيكون حامض متل عصير الليمون أو الحصرم بتعرفي منونة أنا بحط للسلطة خل و عصير ليمون بس شو بتطلع سلطة دوقي و دعيلي على سيرة الدعوات بتشكرك والله يجعلن من نصيبي و لك مثلهم إنشاء الله
منونة بدي قلك أنا من فترة بعتلك وصفة شوربة يا ترى وصلت و لأ وإلك عندي مفاجئتين قريبا

بس شو هنين .......؟ خليها سر

سلام

57 الكاتب منى, on 18-12-2009 17:16
اااامين يا رب , الله يخليلي ياكي ام السوس , رح جرب السلطة مع خلي اللذيذ و الليمون , يييمممم

الشوربة وصلت , و المفااجاة بس لتكون واحدة منهم صورة جماعية للسفرة الي عملتيلنا ياها :eek

اخر سؤال ام السوس , كيف رح احفظ الخل , بالبراد و الا شو ؟

على فكرة هلا عم اشرب من الخل ,عن جد بيااااخد العقل , ابوس روحك سهى

58 الكاتب souha, on 19-12-2009 11:00
السلام عليكم

صباح الخير منونة
الخل ما بدو براد حطي بأي خزانة عادية نحن عنا خزانة على البلكون منحطو فيها

سلام

59 الكاتب منى, on 21-12-2009 17:00
مممم , علم , هلا رح طالع القناني على المقززة ان شاء الله

60 الكاتب نادين, on 03-01-2010 20:34
يسلم ايديكي سهى
انا جربت خل التفاح من يومين على الطريقه الي كاتبتيها لبشرى وبانتظار النتائج... ياريت تنزلي الطريقه بالتفصيل تماما حتى اتاكد انو كلو تمام و ما غلط انا عملت مرتبان بتفس الحجم الي محطوط بالصوورة من شان هيك مااعتقد رح يعطي خل اكتر من فنجان شاي ..

61 الكاتب منى, on 04-01-2010 11:05
ندوشة هل المرطبان الي بالصورة عطاني حوالي اللترين و نص , شلون ما بعرف :zzz

62 الكاتب souha, on 10-01-2010 20:38
السلام عليكم

هلا نادين بالنسبة لخل التفاح هلأ واقع تحت إيدي طريقة جديدة عم يقولولي أنو طيبة كتير لذلك بدي جربها و يلي بتطلع أطيب ببعتها إنشاء الله :zzz

بس الموضوع بدو شوية وقت

سلامي للجميع

63 الكاتب منى, on 11-01-2010 11:32
ام السوس انا رح استنى طريقتك لكن لحتى جرب , كنت موصية على تفاح , هلا رح الغي التوصاية ..

سهى الخل هلا و بعد حوالي الاسبوعين من عصره صار حامض و اختفت فيه طعم الحلاوة الي كانت اول ما عصرته , يا ترى هيك تمام و الا في شي انا معفسته :roll

64 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-01-2010 15:28
راح أجرب الوصفة قريبا... شكرا جزيلا

65 الكاتب souha, on 12-01-2010 22:07
السلام عليكم
هلا منى شغلك مزبوط لأنو الخل كل ما تعتق بيحمض أكتر

--------------
هلا swan
إنشاء الله بتجربيها و بتعجبك و عم أستناه رأيك
سلامي للجميع

66 خل التفاح
الكاتب freesoul, on 14-01-2010 08:34
مرحبا
من كتر ما صار تعليقات على خل التفاح ضا عت على الطريقة وفتت بالحيط وما فهمت شي
ياريت لو تنزل طريقة خل التفاح بالتفاصيل لحالها بوصفة او تتوضح من قبل الاخت سهى عن جديد ولكم جزيل الشكر والامتنان

67 الكاتب souha, on 20-01-2010 21:19
هلا reesoul
حبيبتي متل ما قلتت لنادين عندي طريقة جديدة لخل التفاح بس بدي شوية وقت لأنو التفاح الصغير يلي بينعمل منو الخل مو دائما بيتواجد بقى شو رأيك تنتظري و إنشاء الله الوصفة الأطيب ببعتها

سلامي للجميع

68 الكاتب منى, on 21-01-2010 07:13
رح استنى ام السوس

سؤال , على جروب لقمة طيبة على الفيس بوك في اخت جربت خل التفاح , قام فار المرطبان , فتحته و حطته بمرطبان جديد و ترخت عليه من اول و جديد , , هيك ما بيصير ما هيك و الا شو رايك ؟

69 الكاتب souha, on 22-01-2010 00:07
السلام عليكم
هلا منى , ياريتها ما فتحت المرطبان لأنو الخل مو لازم ينفتح قبل 41 يوم يعني هلأ صار على الكب :sigh

يا جماعة شو رأيكن تستنو لأعمل التجربة الجديدة لشو العجلة

سلامي للجميع

70 الكاتب منى, on 22-01-2010 13:18
و لا يهمك ام السوس , ما في عجلة و لا من يحزنون , على ااقل من مهلك و نحنا بانتظار نتائج تجربتك الجديدة :zzz

رح خبرها لسنا , حسبي الله و نعم الوكيل , راح تعبها على الفاضي :sigh

71 سؤال
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 23-10-2010 02:59
مرحبا كيف الجميع أنا عضوة جديدة وكتير بحب هل موقع وعم اتعلم منه كتير شغلات وبدي اسأل على خل التفاح إذا ممكن

72 الكاتب tota2010, on 06-11-2010 15:42
مرحبا منون اسفة عالغيبة بس كنت مشغوووووولة المهم حبيبتي كنت بدي اسألك انا كان عندي عنب بينفع للخل وحبيت اعمله بس كان الخلاط ما بيشتغل فعملت الوصفة نفسها بس بدل ما اخلط العنب قسمته انصاف لكل حبة وحطيت معه شوية سكر وسكرت عليه منيح وصار وقت افتحه وزيادة :zzz

سؤالي هو بصير هلأ اكمل الوصفة ولا هيك انا غلطت؟ ارجوك منون تردي علي قبل ما صفيهون

73 الكاتب منى, on 06-11-2010 21:08
هلا نورا

رح نزل وصفة خل التفاح و هي كمان كتيرر سهلة

74 الكاتب منى, on 06-11-2010 21:12
هلا توتا

اكيد بيصير بس هلا رح تتعزبي شوي بتصفيتهم ولو كنت عاملة طريقة سهى كان رح يصيروا اسهل

المهم رح يزبط معك كتير باذن الله و تدعيلها لسهى على هل الوصفة المميزة :zzz

75 الكاتب tota2010, on 07-11-2010 10:52
شكرا منون عالرد بس انا هلأ فتحت المرطبان حتى صفيه بس عمل كأني عم افتح قنينة كولا صار يفور شوي لفوق منيح اني ما كان معبى عالاخر وطلع ريحة قوية لما تقربي منه

هيك صار معك ولا انا تحول معي شي تاني :eek

هلأ انا خليته زي سهى 3 شهور وبهالفترة عملت كمان مرطبان بنفس طريقتها بس حسيت التاني لونه غير بس ناوية افتحه انشالله بعد ما يصيرله 3 شهور :zzz

ومبارك عليك العشر والله ينولك فضلهم انت وكل الصبايا والمشاركين وزوار لقمة طيبة والله يجمعنا دايما بالخييييير

76 الكاتب tota2010, on 07-11-2010 11:28
منون انا صفيته هلأ بس لا تغلبت ولا شي لان العنب كان كتييييير طري وبسرعة تصفوا لون الخل طلع متل اللي باخر صورة عندك الخل الفاتح لان عملته بعنب ابيض

بس الصراحة ما استرجيت دوقه الا لما تجاوبيني عن سؤالي حتى دوق وانا مطمنة مع اني كتير مشتهياه قد ما هو لونه حلو :roll

اخر سؤال لو سمحتي انه بصير اصب الخل في قنينة خل فاضية بس لسه فيها اثر الخل القديم (يعني قبل ما اغسلها) ولا لازم اغسلها فبل ما اصبه؟
وسامحينا يا قمررررررررررر :zzz

77 الكاتب منى, on 08-11-2010 12:50
هلا توتا

هلا انا فار معي بعد ما سكرته ’ و لما سالت قال هادا شي طبيعي , و ما دامك سكرتي عليه 40 يوم وما فتحتيه قبل مرورهم معناها باذن الله شغلك بالسليم :zzz

يلا دوقيه و خبريني كيف الطعم ؟

اكيد بيصير تمليه بنفس القنينة

كل سنة و انت بالف خير و ربي يجعلنا اقرب منه بكل يوم عم يمر علينا , و ان شاء الله تبقي انت و كل احبابك بخير

78 معايدة
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 17-11-2010 00:26
زهرة حمرا بعتلك ومن هل قلب قطفتلك حتى تروح وتقلك:
كل عام وأنتي بألف ألف خير أخت منى
بمناسبة عيد الأضحى المبارك وإن شاء الله السنة القادمة بتكوني بصعيد عرفة

79 الكاتب 666, on 25-11-2010 03:05
اناجديدةمعكم موقعكم كتيرحلوومفيدعندي سؤال:الخل بدوشمس ولاظل

80 Noora
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-01-2011 11:19
شو القصة مدام منى ليش ماعم تردي على الأسئلة أنا عم استنى أجوبتك بالدقيقة وكل يوم بدخل عالموقع لحتى اسمع أجوبتك وما بتكوني مجاوبة وألي على هل حالة شهرين وكتير أكلات انتزعت معي ومشي الحال منها مخلل الشوندر يلي سألتك عنه من شهر وما رديتي علي وطريقة خل التفاح ألك زمان واعدتيني تنزلي الطريقة ولهلق ما نزلتيها

81 الكاتب منى, on 09-01-2011 08:37
هلا نورا

حقك علي حبيبتي , بس بتعرفي كل يوم عم ااقعد حوالي الساعة لحتى رد على الاسئلة و الاستفسارات و الردود و احيانا ما عم لحق للكل , بقى مشان الله لا تزعلي و لازم تعزريني :roll

مو نسيانة وعدي بوصفة خل التفاح , رح نزله كتير قريب ان شاء الله , و هلا رايحو لوصفة المخلل :zzz

82 الكاتب منى, on 09-01-2011 08:41
هلا اختي 666

هلا بعد ما منعصره منخليه بالخزانة , يعني لا شمس و لا ظل

83 الكاتب 666, on 23-01-2011 02:29
اختي منى شكراكتيرالموقع مفيدورائع نقدرجهودك

84 الكاتب منى, on 23-01-2011 07:07
مية هلا فيك نورتي

85 Noora
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 04-02-2011 00:11
معذورة أخت منى والله يعطيكي ألف عافية بس متل مابتعرفي لكل شي موسم ووقت محدد بقى يا ريت ما تتأخري علينا بالرد

86 الكاتب القانتة لله, on 16-10-2011 23:00
سؤال منى
اناهلا ساويتوبدي اسالك البيت عندي دافئ لان شتاء بيناسبو هيك ولا حطهن بالبرندة ابرد بيكون ؟؟؟؟
الله يخليكي جاوبيني مستنيتك لانو ما بدي اخسرهن
حاكم فرحانة انو ساويتهن وكانو سهلين :zzz

87 الكاتب منى, on 17-10-2011 08:42
انا بحطهن بالبردنة صيف شتي و ما بتفرق وين ما حطيتيهم

بالهنا حبيبتي , ان شاء الله بيزبطوا معك تمام

88 الكاتب القانتة لله, on 17-10-2011 10:01
تسلملي عينك يا منى

ان شاء الله بيزبطو

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 18/12/2009 )

< السابق		التالى >

[ عودة ]