ستي لأبي كانت تحرم على حالها و على عيلتها  قص رغيف الخبز بالسكين و كان تقول انه نعمة كبيرة ما بتستاهل نعاملها بغير احترام . هل القصة بعد ما كبر ابي و مررها على عقله الي بيحلل كل شي و بيسأل عن كل شي اكتشف اديه هي سخيفة و ما الها علاقة بالحرام و الحلال لا من قريب و لا من بعيد . و مع هيك اتعذب لما قص أول رغيف خبز بالسكين . كل شي شربناه بالصغر بيصير صعب علينا نغيره بالكبر , بس مو مستحيل . و هل التغير هو الي رح يدفشنا لادام . و لو خطوة صغيرة .انا ما فيني غير كل الكون , خليني ااقدر غير شي بحالي و خلي الكون على رب الكون . اليوم رح غير شي فيني و يمكن بكرة بعيلتي و يمكن بعده بواحدة من رفقاتي و يمكن بعده شوف شي تغير من حوالي و كون انا ورا تغييره من دون حتى ما حس او اشعر .

البيوت البشعة في الحارات العتيقة ما فيني اهدمها و ابني محلها ناطحات سحاب , و لا بيكفيني ان دهنها بالأبيض و حط ادامها كم زرعة خضرا و ورد ملونة . لازم شيل العفن الي جوى بيعود برة بينضف لحاله .

خلصت و في شي بقلبي نويت اغيره , و نويت هل التغير لوجه الله تعالى . شو رايك تعملي متلي ؟

بالصحة و الهنا  

تلات ارباع كيلو صدور دجاج
حبة كبيرة بصل
حبة كبيرة فليلفة حمراء
حبة كبيرة فليلفة خضراء
علبة قشطة
ملعقة كبيرة سمنة بلدية او زبدة
عبوة من عجينة الباف باستري أو مقدار من العجينة الموجودة على هذا الرابط

نقعة الدجاج :

ملعقة كبيرة مسطحة بهارات الشاورما
نصف ملعقة صغيرة كاري
نصف ملعقة صغيرة زنجبيل
ربع كوب زيت زيتون
بشر و عصير حبة ليمون كاملة 
3 ملعقة كبيرة خل
2 فص ثوم مهروس

للوجه :

صفار بيضة
ربع ملعقة صغيرة نسكافييه





·         تقطع صدور الدجاج إلى شرائح رقيقة  باستخدام سكين حادة . ثم توضع شرحات الدجاج في وعاء غميق و تتبل ببهارات الشاورما و  الكاري و الزنجبيل و الخل و الليمون و بشر الليمون و الثوم و الزيت و تقلب ثم  يغطى الوعاء و يترك منقوعاً لمدة 24 ساعة في البراد .

·         تخرج عجينة الباف باستري من الفريزر قبل بيوم و تترك في البراد طول الليل ثم تخرج من البراد قبل الاستعمال بساعتين . يقطع البصل و الفليلفة الحمراء و الخضراء لشرائح رقيقة .

·         يقلب البصل بالسمنة في قدر كبير غير لاصق على نار متوسطة حتى يطرى , تضاف نصف شرائح الدجاج و تقوى النار و تقلب بلطف حتى تشقر من الطرفيين . ترفع ثم يضاف باقي الدجاج و يقلى حتى يشقر و ينضج .

·         يوضع كل الدجاج المقلى في القدر ثم تضاف الفليلفة الحمرا و الخضراء و تقلب بلطف لبضع دقائق , يجب ان تبقى الفليلفة مقرمشة . بعد أن تفتر الحشوة تضاف علبة القشطة و يقلب الكل .

·         يفرد أول قسم من العجينة في طبق بايركس مدهون اكبر قياس ثم تفرد عليه الحشوة و يوضع القسم الثاني من العجينة , و يمكن ان يقص القسم الثاني لشرائط و يرتب فوق الحشوة بالشكل الظاهر بالصورة .

·         يدهن الوجه بمزيج صفار البيض و النسكافييه ثم تخبز على فرن محمى مسبقا على 180 درجة حتى تشقر من فوق و تحت و تقدم فوراً .

تعليقات (68)

2  الكاتب منى, on 26-09-2009 16:19 هلا ميسون   ان شاء الله ينعاد عليك و على كل الغوالي عليك بالخير و البركة و الطاعة .  كتير انبسطت ان المنيو عجبك و عن جد الوصفات كانت مميزة و انا ما فيني الا اشكرهم واحدة واحدة على كرمهم و جودهم    ممم , معناها جربتي منهم شي , الف هنا و صحة على كل شي جربتيه و ان شاء الله تجربي الباقي و يكونوا على زووءك     الشكر الك ميسون على ردك الطيب و مرة تانية كل سنة و انت بالف خير

3  الكاتب سارونات, on 26-09-2009 18:07 السلام عليكم و رحمة الله و بركاته    شو هاد شكلها هالقشطة ورايي ورايي كأنه في ثأر بيناتنا     فرحت كتير لان فينا نستبدل عجينة الباف بايستري بعجينتك بقى هل فينا كمان نساوي بالهجينة فطيرة سيما و فطيرة الدجاج    و اكيد سؤالي المشهور اللي لازم يكون متواجد و سيحدد مصير هذه الوصفة و اذا ما كنت ساجربها او لا و هو هل فينا نستغني عن القشطة و اذا فينا بشو منعوضها او بس منستغني عنها    بالتوفيق    سلام

4  الكاتب بشرى, on 26-09-2009 18:41 منوشة الحلوة ,, كل سنة وإنتي وعيلتك وكل حبابك بألف خير يارب وغن شاء الله ينعاد عليكي وتكوني بألف صحةوخير يارب ..    متلي متل ميسون كل شوي عم افتح الموقع وشوف إذا نزلتي شي وصفة ولا لاء , قول لحالي لسى منى ملتهية بالعيد وعجقتو ..    المقدمة قبل الوصفة , أكتر من رائعة .. بتخليكي فعلاً تحسي بإنو لازم تغيري شي .. وغن شاء الله نويت إني غير كتير اشياء بحياتي ومتل ما قلتي لوجه الله ..    أما وصفتك اللذيذة ,, فالطريقة أسهل مما توقعت بكتير , عنجد لذيذة وسهلة وما بتاخد وقت ولا تعب إطلاقاً ..    عالتجربة بعد يومين إن شاء الله لانو عندي كل المكونات ..    بس هالمرة بدل ساورنات أنا , بصير بلا القشطة ؟     يسلم إيديكي منوشة حبيبتي .. فعلاً مينو العزيمة الخيرة متميز جداً .. متل كل مينو بتعمليه

6  الكاتب نور الأسلام, on 26-09-2009 18:57 السلام عليكم كيف حالك منى كل عام وانتي بخير انت وكل عيلتك واحبابك وجميع الاخوات بالموقع ينعاد عليكم جميعا بالصحه والعافيه والهنا يسلمو اديك والله يعطيك الف عافيه

8  الكاتب منى, on 26-09-2009 19:38 هلا سارونات   لا ثار و لا شي بس انتي اخدة منها موقف , حاولوا تتفاهموا بركي بتوصلوا لشي     هل العجينة ممكن تستعمليها للفطيرتين الي ذكرتيهم و كمان فيكي تحشيها بشو ما بدك او بيخطر ببالك .    القشطة اساسية للوصفة , اذا حابة تستبدليها ممكن بالمايونيز و الجبنة الكريم

9  الكاتب منى, on 26-09-2009 19:39 هلا بشورة   يا رب يا رب يكون التغير للاحسن و يكون التغير دائم .    متل ما قلتي كنت مشغولة كتير بهل العيد و عزمت كل العيلة يوم الاربعاء على الفطور , بقى كنت بيومها اخر روقان     سارونات ما قصرت , و الجواب نفسه , بس يا ريت لو تجربيها بالقشطة لحتى تدوقيها متل ما ما داقوها ضيوفي و عيلتي     اكيد فيك تستعملي بهارات الشاورما الجاهزة , اذا متوفرة احسن و احسن , هنا و الف صحة مقدما و انا رح استنى رايك بعد التجربة و ياا رب تعجبك

10  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 26-09-2009 19:43 السلام عليكم يا منى تسلم هالايادي يارب وكل عام وانت بألف خير يارب وعقبال ما ينعاد رمضان علينا وعليكم باخير يارب   شكل الاكل يا منى كثير مشهي وشجعتيني اني اعملها ان شاءالله نهاية هالاسبوع بعملها واكيد راح تطلع لذيذة

11  الكاتب سمسمة, on 26-09-2009 21:46 كل سنةوأنتو بألف خير   آه يامنى ذكرتيني بكتير شغلات عيد زمان يلي مافي أحلى منه وأيام زمان بتمنا ترجع ويرجع معها كل شي حلو وبسيط   جدي الله يرحمه كان مايخلينا ناكل الزيتونة بلقمة واحدة كان يقول هي نعمة لازم تحافظوا عليها   وستي كانت تقول على كل رزة مكتوب قل هوالله أحد ديروا بالكن لاتكبوها تجي ستي وتشوف الرز يلي عم ينكب الله يعفوا عنا   بالنسبة للطبق كل شي من تحت دياتك غير شكل جربت برمضان آكلات لذيذة كتير وان شاء الله رح اكتبهن بالأطباق المجربة

14  الكاتب منى, on 27-09-2009 11:13 هلا نور   و انت بخير و سلام و صحة و تكوني انت و كل عيلتك باحسن حال     ان شاء الله تجربي الوصفة و تعجبك و تخبريني رايك

15  الكاتب منى, on 27-09-2009 11:20 هلا دكتورتنا الحلوة سوسن   هادا بس من زووءك و الكلام الي بيطلع من القلب بيوصل للقلب , بس القلب الطيب بيفهمه اكتر الشي     يا رب تجربي الوصفة و تطلع طيبة و متل ما بتحبي

16  الكاتب منى, on 27-09-2009 11:22 هلا هيا   ان شاء الله ينعاد عليك و على كل عيلتك بالخير و الطاعات و البركات     يلا ان شاء الله تجربيها و تكون يممي و انا رح استنى رايك

17  الكاتب منى, on 27-09-2009 11:42 هلا سمسومة   كمان هي اول مرة اسمع بقصة الزيتون و الرز , يعني من زمان كان عندهم كتير معتقدات فيها خرافة اكتر ما يكون الها صحة , ممكن اول واحد قالها كان قصده لحتى الاولاد يحترموا النعمة و الرز , او لحتى ما يخلص كل الزيتون بس بعدها صارت تنحكى و الكل يعتقد بصحتها     متل الي بياكل جبنة بينقرع , اي هي اكيد شي اب عايف حاله عندي شي عشرتناعش ولد اخترعها لحتى تكفيهم مونة الجبنة لتاني سنة     رح استنى ردك بالوصفات المجربة و ريتو الف الف صحة و هنا و عافية يا رب يا لذيذ يا رايق انتا

18  الكاتب سارونات, on 27-09-2009 16:08 السلام عليكم و رحمة الله و بركاته    يخليلي ياكي منوووش ان شاء الله بلكي بالعشر سنوات القادمة نساوي قمة ثنائية انا و القشطة و نتوصل لحل يرضي الطرفين     فكرة الجبن مناسبة طيب قديش بدي حط     بالتوفيق    سلام

19  الكاتب منى, on 27-09-2009 18:36 ايه سارونات , بس انا ما الك مصلحة كون مشاركة بهذا المؤتمر لان انا من انصار القشطة     يعني حوالي معلقتين او تلاتة و لو تعملي كمان متل ما قالت سوما فكرة حلوة كتير

20  الكاتب رنا, on 28-09-2009 08:03 شو قصتك مع الذكريات عزيزتي ...بتعرفي يمكن مو بس انتي كلنا احيانا منعيش لحظات ونحنا سجناء للماضي باي تفاصيل عشناها واثرت فينا ومتل ماقلتي يمكن تكون خرافة بسيطة بس نحنا منفكر فيها لانها انغرست فينا بالصغر ..زمن اول بكل خرافاته احسن من هالدنيا الي عم نعيشها عالاقل كان في بركة ...كانوا يحترموا نعمة رب العالمين ومايصير مصيرها سلة المهملات مع جميع القاذورات ...يمكن كانوا يخترعوا هالخرافات لحتى يقنعوا تفكير الاولاد البسيط بالشي الي لازم يعملوه وطبعا قصة المحافظة عالنعمة شغلة كتير ايجابية ..انا وحدة من الصغار الي صدقت انه كل رزة عليها قل هو الله احد ومابتذكر يوم خليت بصحة رزة وحدة او اني رميت بقايا صحني بالزبالة لاني كنت كتييير مقتنعة فيها ..بس طبعا مع الكبر عرفت شو القصد منها ..  انا كأم حاليا عم حاول اني ربي بنتي مو عالخرافات ...مابحب قلها شي مو حقيقي ابدا حتى اذا بقصة حكيتلها ياها وبالمستقبل القريب يمكن رح فهمها هالشغلات بطريقة منطقية اكتر من دون لاقرعة شعر لا غيره     منجي للوصفة العزيزة ..الشاورما لحالها بتطير العقل بقا كيف اذا باطيب عجينة بالعالم ..خلص لازم جربها بس انا مشكلتي عجينتي مربعات صغيرة ...ماعم لاقي باف باستري تكون كبيرة يعني بده يشتغل القص واللصق

22  الكاتب سارونات, on 28-09-2009 16:22 السلام عليكم و رحمة الله و بركاته    منوووش راح عذبك معي بدي اذا ممكن طول و عرض الصينية مشان قم بعمليات حسابية لان راح ساوي كمية صغيرة    بالتوفيق    سلام

23  الكاتب منى, on 28-09-2009 19:36 هلا سوما   هادا بس من زووءك حبيبتي و ان شاء الله كمان تجربيه و يطلع طعمها احلى من منظرها     الف شكر الك للاضافة , فكرة حلوة كتير و المهم الواحدة فينا تعرف تعدل بالوصفة لحتى تناسبها و تكون المقادير متوفر عندها     هلا سوما مرة تانية و يا ريت تجربيها و تخبريني رايك

24  الكاتب ام محمد, on 28-09-2009 20:45 الله يسلم هاالديات يامنمون والله كل شئ من ايدك طيب  انا ماكتير صحبةمع الدجاج بس الشاورما وقت عملتها على طريقتك كانت غيرشكل وان شاء الله ناوية اجرب هاالطبق واخبرك   منمون بدي اتشكرك على فتة المقالي كتيرطيبةالله يعطيكي العافية

25  الكاتب منى, on 29-09-2009 07:49 هلا شيرين   شرفتي الموقع و نورتيه , مية اهلا و سهلا فيكي اختي , كتير انبسطت لان اكتشفتي الموقع و ان شاء الله تبقي دوما معنا و ربي يديم المحبة و المعروف على طول     الي الشرف بهل المعرفة الحلوة و الف صحة و هنا على كل شي جربتيه و كان على زووءك     نورتينا

26  الكاتب منى, on 29-09-2009 08:23 هلا رنونة   لا قصة و لا شي , هي اشيا دايما بكتبها بدفتري الزهري , هلا صرت عم اكتبها على موقعي الاخضر , هادا الفرق بس   و انا كمان معك , الجيل هلا مختلف عن الجيل الي قبله و صار صعبة تضحكي عليه بشي اذا ما عندك اثباتات و دلائل , اصلا انا اذا شي مرة جربت تش على اولادي اخت هل التشة بيكشفوني فوراً , برمضان كانت كل ما فرح تصوم حطلها تحت صحنها شوية مصاري و قلها هي من عمو رمضان , الله وكيلك مشيت عليها بس اول يوم , باليوم التاني طلعت عليها و استنيتها لوقت ما طلعت من المطبخ لحتى حطلها المعلوم و الا ما لحقت رجع الصحن و بشوفها صارت تصرخ من وراي , و الله عرفت انك انتي يا ماما الي عم تحطي المصاري مو عمو رمضان , شفت جيب بنطلونك منفوخ       ان شاء الله تجربيها و تكون ممي و مستاهلة التعب الي رح تتعبيه بالتلزيق

27  الكاتب رنا, on 30-09-2009 14:29 ههههههههه والله هالجيل مابقى ينضحك عليه بالمرة ..بدن يعرفوا البيضة مين باضها والجاجة مين جابها

29  الكاتب منى, on 05-10-2009 19:24 اي و الله رنونة , ما بينضحك عليه ابدا , الله يكون بعونا و نعرف نتعامل معهم منيح

30  الكاتب منى, on 05-10-2009 19:39 هلا سمسومة   هو غيرها , و فيكي تشوفي صورة اله على الرابط    ايا سؤال تاني من عيوني و اسفة كتير للتاخير

32  الكاتب منى, on 08-10-2009 11:15 هنا و الف عافية ام سيمى يا حق على كل لقمة , كتير انبسطت انك جربتيها و انها عجبتك     ممكن تبلي الدجاج بايا شي بتحبيه , المهم الهال و المستكة و بشر الليمونة و عصيرها و كمان الخل و الزيت . ايا بهارات تانية ممكن تتحكمي فيها على حسب المتوفر عندك

33  الكاتب نهى, on 10-10-2009 20:45 والله يامنى انتى بتدخلى القلب بسهولة..  انا بحب تعليقاتك وكلامك كتير ودايما باحس انى كان نفسي اتعرف عليكي من قريب او اكون ساكنة جنبك.. يعنى اتعامل معاكى عن قرب   باحس انك فعلا شخصية متميزة  ربنا يبارك لك في حبايبك كلهم ويبارك لهم فيكي

34  الكاتب منى, on 11-10-2009 12:34 هلا نهولة   هادا بس من زووءك أختي , الي الشرف بهل المعرفة الحلوة من اخت مزوءة متلك     ربي يبارك في صحتك و عافيتك و بدنك كله و يبارك باهل بيتك واحد واحد

36  الكاتب منى, on 14-10-2009 18:46 هلا هيا   القشطة 170 غ بقى ممكن تقدري انت الكمية و ان شاء الله تكون على زووقك .  هيا هل الخاصية تم منعها في الموقع بسبب السرقات الكتيرة الي صارت , بقى هي لحتى نحفظ الحقوق للموقع

38  الكاتب منى, on 16-10-2009 12:24 الله يخليك هيا و الف صحة و عافية و هناااا يا قمر

39  سؤال ؟؟ الكاتب اسماء, on 02-11-2009 21:55 يعطيك العافية على هالوصفة بس اش هالعجينة لانو انا بكندا ماعنا متلها اش بتنصحيني بدالها اذا مافيها سئلة عليكي وشكرا كتير وانا دائما بستنى جديدك اخت منى

40  الكاتب منى, on 03-11-2009 10:05 هلا اسما   لا حبيبتي اكيد عندكم منها , ممكن تتواجد باسم عجينة الميل في , المهم انها عجينة مورقة     و ممكن كمان تحضريها بنفس عجينة فطيرة السلق و الطحينة     انا بانتظار رايك بعد التجربة ان شاء الله

42  الكاتب منى, on 21-12-2009 12:52 الله يسلمك يا رب

45  الكاتب منى, on 02-01-2010 19:59 هلا سارونات   الحمد لله على السلامة و تشتاق الك العافية اختي    هل الفطيرة ممكن تقدميها على الغدا او العشا متل ما بتحبوا , و بتتقدم لحالها او مع سلطة . انا بحسها اكتر الشي مناسبة للبوفيهات     صحتين و الف هنا على الشاورما , اكيد اكلتي عني

46  الكاتب منى, on 02-01-2010 20:22 هلا ليان   مية السلامة بهل القامة , نورتي الموقع اختي  ان شاء الله تنقي وصفات و تكون على زووءك و تطلع طيبة و من اول مرة

48  الكاتب منى, on 14-03-2010 15:51 هلا بتول   معناها رح اسلمك قسم الدعاية و الاعلان في الموقع     الله يخليلي ياكي على هل الدعوة الحلوة , بالنسبة الي اغلى دعوة

49  الكاتب هادينة, on 18-03-2010 13:45 السلام عليكم منى بعد نجاح كل الوصفات اللي جربتها من عندك قررت جرب المعجنات جربت هالوصفة بعجينة فطيرة السلق الحشوة كتير طيبة بس العجينة طلعت معي كتير معجنة وطعمتها خميرة وما نفشت ابدا السبب برايك دايما هيك عبتطلع العجينة ياترى شو السبب برايك   شكرا

50  الكاتب منى, on 18-03-2010 13:51 هلا فيك اختي   مممم , ممكن تكوني ما خمرتي العجينة منيح او الخميرة مو منيحة ؟    يا ترى هل المشكلة عم تصير دوما معك و الا بس بهل العجينة

53  الكاتب هادينة, on 18-03-2010 19:17 بهالوصفة حطيت الفرن عال (180) متل مو مكتوب بالوصفة وصار جربت اكتر من نوع خميرة  ياترى ممكن لانو الجو بارد التخمير ماعم بينجح شكرا للسرعة بالرد

54  الكاتب منى, on 19-03-2010 02:02 كتير ممكن , هلا ما دام الجو عندك بارد معناها لازم نريح العجينة على الاخر , بعد ما تعجني العجينة حطيها بوعاء و غطيها بشكل محكم بورق نايلون لاصق و حطيها بقلب شي خزانة او بقلب الفرن و هو مطفي و اتركيها لوقت ما يتضاعف حجمها , انا دوما بحضر العجينة قبل بيوم بالليل و بتركها تتخمر لتاني يوم , شفتي شتانا بارد     ان شاء الله هل المرة بتزبط معك

55  الكاتب هادينة, on 01-04-2010 12:50 السلام عليكم ورحمة الله وبركاته حبيت اتشكرك كتير  امبارحة جربت الفطيرة ونجحت معي العجينة وطلعت كتير طيبة10/10 ابو الشباب لما شافها قلي ان شاء يكون الطعم متل الشكل بس كان الطعم احلى واحلى   الله يحفظك ويحميكي يارب

56  الكاتب منى, on 01-04-2010 13:57 الف الف صحة و هنا يا رب و الحمد لله انها زبطت معك و عجبت الباشا عوافي

57  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 02-04-2010 21:40 والله لو اشوفك اعطيكي بوسه من عيونك  عنجد يسلموا ايديكي ونفسي اصر مثلك فنانه بالطبخ

58  الكاتب منى, on 02-04-2010 23:12 هلا ام منير , على فكرة اختي اسمها ام منير , نورتينا و شرفتينا و ان شاء الله بتصيري احسن بكتيررر

60  الكاتب منى, on 08-06-2010 20:01 هلا كرميلا   هي هي الرقائق الي استعملها, و الدجاج اذا هيك متوفر عندك بيمشي حاله .    ايا سؤال تاني من عيوني اختي

62  الكاتب منى, on 30-06-2010 17:52 هلا فيك ام عسل     صحتين و الف عافية على قلبك على الفطيرة , الحمد لله انها زبطت معك و عجبتك , شرفتينا اختي       اسمك بيجنن

64  الكاتب منى, on 02-07-2010 11:53 هلا فيك اختي   الف الف صحة و هنا و مية عافية على البك و الب الضيوف و لو تعرفي كلامك شو فرحني و كمان انبسطت انها عجبتك و عجبتهم     منورة اختي

66  الكاتب منى, on 12-11-2010 19:52 مية هلا فيك ريم نورتي اختي و شرفتي     القشطة هون فيك تستبدليها بحوالي النص كوب من الكريم فريش , بيعطيها طعم رااائع    هل الوصفة بتجنن , اختيار موفق لتبدي تجربي من مطبخنا

68  الكاتب منى, on 28-07-2011 11:28 فيكي , بس الاحسن انك تحضري الحشوة قبل بيوم و تمديها على العجينة بيوم التقديم لحتى ما تشتش العجينة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved