بالصحة و الهنا

2 كيلو كوسا حجم متوسط
حبة أو حبتين فليلفة حمراء كبيرة


الحشوة :

نصف كيلو لحمة مدهنة
3 كوب رز مصري
نصف ملعقة صغيرة بهار مشكل
رشة  قرفة
1 – 2  ملعقة كبيرة رب البندورة
ملح

المرقة  :

ماء يكفي لغمر المحشي
4 فص كبير ثوم مهرووس
ملعقة كبيرة نعناع ناشف
2 – 3 ملعقة كبيرة رب البندورة  
فنجان صغير حصرم معصور ( أو عصير تمر هندي )
ملح
عظام خاروف

تعليقات (28)

1  الكاتب رنا, on 04-09-2009 15:35 الله الله عالمحشي وصلت ريحته لعندي  ياستي يسلموا ايديكي والمحشي من الاكلات الصعبة نوعا ما...خصوصي قصة الفلفلة من شي سنة تقريبا سافرت حماتي وقررت اعمل محشي من اوله لاخره من الحفر للحشي للطبخ والمشكلة انه عمي ابو زوجي بينتزع مرائه اذا المحشي مخبوص .. جربت اشتغل ومع انه طلع عندي مصابين وجرحى كتير بعملية الحفر بس مايئست لانه كمية المحشي كانت خمسة كيلو يعني بيطلع طبخة قد مانقص المهم مع كل كوساية احشيها اقرأ اية الكرسي وقيسها واوزنها وقلبها ...بس شو طلع محشي تحفة بالاخير وبشهادة الشهود

3  الكاتب نادين, on 04-09-2009 17:30 امممممممممممممممممم يسلم ايديكي يا منى المحشي بحمض مافي اطيب منو والله كتير كتير اشتهيت عليه بس شو بدي اعمل يا حسرة   انا اشتقتلك كتير واشتقت للموقع   و بعتلك وصفه من اسبوع و بعتلك ايميلين واحد رد والتاني سؤال بس حسيت انو ما وصلك شي مني فقلت بسالك هون وبتاكد لانو في كتير عالم عم يقلولي انو ماعم يوصلهم ايميلات مني وقت ببعت  فوصل شي مني 3 ايميلات ؟؟ 000 حول

5  الكاتب غيث, on 05-09-2009 19:00 الله يمسيكم بالخير وبنفحات عطرة من هالشهر الكريم والله يسلم ايديك منى انا بقى بموت بالمحاشي افخر اكلة عندي هيه المحشي لدرجة لما بنزل عسوريا بتتسابق امي وحما تي الله يخليهم لي بعمل المحشي لي بيعرفوني بموت فيه وحياتك وشي منفنف من تحت دياتك الله يعطيهم و يعطيك العافية والاجر والثواب ويسلم ايديك

6  الكاتب منى, on 06-09-2009 20:31 هلا رنونة   جيبي الفليلفة و الفجل على بال ما جهز الطاولة , بس كتري الفليلفة الحدة , انا بحبها كتيرر جنب المحشي     يا ستي انا اول محشي ساويته صار مصافي و بعدها حولت الاكلة من محشي لمتومة     هنا و الف عافية و الاختبار الي مريتي فيه مو قليل و خصوصا لاول مرة , هنا على قلبك و قلب عمك و كل العيلة واحد واحد , بوسيلي الفتفوتة الحلوة

7  الكاتب منى, on 06-09-2009 20:33 هلا gsm  يا ستي بيصير , هلا بالغنم المدهنة اطيبي بس اذا مو متوفرة فيكي تستبدليها بالسمنة و على فكرة بالربف عنا بسوريا بضيفي زيت زيتون عوض عن الدهن و السمن و انا مجربتها فيه و عجبني

8  الكاتب منى, on 06-09-2009 20:37 هلا ندوش   لا تزعلي و لا على بالك , خلص هلا رح ابعتلكم طنجرة محشي , و انتي تبقى مزمزيها على كيفك , بس ركزي حمضها قبل الصيام     وصلوا الايميلات و انا الحق علي ما رديت , بس و الله ما تزعلي مني , رمضان و صيام و عزيمات     وصلوا الايميلات حول

9  الكاتب منى, on 06-09-2009 20:41 هلا سيمو   و الله ما بعرف شو المشكلة , انا متاكدة من عيار الزبدة , ممكن يكون الطحين الي استعملتيه مو خاص بالحلويات ؟ انا هلا قايمة اعمله بكرة عندي ضيوف و اذا ربنا يسر رح صور الخطوات المصورة للتاكد من كل شي

11  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-09-2009 02:49 يا ستي قال لحتى يكون المحشي طيب لازم يكون فبه 3 حاءات   يعني حار و حاد وحامض وهدا السر بطيابة المحشي   يعني على قول ولادي كل يوم بدنا محشي مرقة وهم بيأمروا وأنا علي التنفيذ

12  الكاتب semo, on 07-09-2009 11:45 انا استخدمت طحين ابيض فاخر    معقول في فرق بينو وبين طحين الحلويات؟؟

14  الكاتب منى, on 12-09-2009 14:25 هلا سيمو   ما في فرق , الصراحة عصرت مخي كتير ما عرفت وين الغلط , يا ترى نوع الزبدة كان منيح او عادي ؟    بكل الاحوال اكيد في حلقة مفقودة , صرت متل المفتشين , بس و الله عن جد الوصفة كتير يممي و مستاهلة تعيديها

15  الكاتب منى, on 12-09-2009 14:30 هلا gsm  هنا و الف الف صحة و عافية و هنا يا حق على المحشيات , ما في اطيب منهم و يا ستي الحاجة ام الاختراع , ممم بأى جربتيه بالسماق , فرط ريقي الله يسامحك     الله يخليك و يوفق انت و كل الغوالي على البك يا رب

16  الكاتب منى, on 12-09-2009 14:47 هلا غيوثة   اي معك حق المحشي اذا كان على اصوله و حمضه راطز ما في اطيب منه .    بعد زمان القمر ما بان , ان شاء الله تكوني مشغولة بالخير دوما , بوسيلي القطط الحلوة

17  الكاتب semo, on 19-09-2009 13:00 انا بعرف انها وصفة بتجنن ونوع الزبدة كان من افخر انواع الزبدة    رح جربها مرة تانية انا من النوع اللي ما بيأس من اول مرة    بس المرة الجاية رح قلل مقدار الزبدة رح حط اصبع صغير 125 غرام وشوف النتيجة وخبرك      اسفة اذا زعجتك باسئلتك

18  الكاتب منى, on 19-09-2009 15:10 له سمسومة شو زعجتيني و ما زعجتيني بالعكس انا دوما تحت امرك و امر ايا واحدة من الخوات .     ان شاء الله تجربيها مرة تانية و تطلع متل ما بدك

19  الكاتب GHADA, on 23-11-2009 08:29 يسلم دياتك اخت منى شو بيشهي المحشي  بس للاسف انا دائما بيخبص معي وماكنت اعرف السبب  مع اني بعملو بنفس الطريقة والمقاييس  هو بيطلع كتير طيب بس صار حلمي انويتفلفل معي   وما عم يمشي الحال

20  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 23-11-2009 08:34 يسلم دياتك اخت منى على المحشي اللي بيشهي  انا بعملو كتير وبيطلع كتير طيب بس للاسف دايما بيطلع مخبوص مع اني بعملو بنفس الطريقة والمقادير  وكل ما بعملوا بيكون عندي امل انو يتفلفل بس مافي فايدة مابعرف اذا المشكلة بالرز

21  الكاتب منى, on 23-11-2009 11:03 مممم هلا غادة اختي شرفتي الموقع و نورتيه   اختي عم يطلع مخبوص من طريقة الحشي نوعية الرز ما الها علاقة, هادا هو السبب , بقى فيك تجربي مرة تانية و تكون الحبة نافصة شي نص عقدة اصبع و يا رب يزبط معك هل المرة

22  الكاتب GHADA, on 03-12-2009 15:55 شكرا كتير اخت منى وراح اعمل بنصيحتك   وان شاء الله بيزبط معي هالمرة

23  الكاتب منى, on 04-12-2009 20:26 ان شاء الله و يا رب يضبط

25  الكاتب منى, on 08-12-2009 11:19 و الله فكرة يا ميوسة , اكيد رح جربها , لان رح اعمل محشي جزر و ملفوف هل الكم يوم و رح الطش الفكرة منك , خليلي عينك الف شكر الك لاغناء الوصفة

26  يا هما لالي يا هما لالي الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 02-09-2010 00:40 السلام عليكم ورحمة الله    لك ما حليلو الليميت تبع الدخول للموقع يخلص إلا بنص رمضان ؟؟؟؟؟ .. يا ستي مين قدك، الكل بدو يفوت يعمل من هالأكلات الطيبة     بس تأخر أول الشهر ليرجع يفتح الموقع ههههه عملت محشي كوسا من كام يوم وأخدت الطبخة من ماما، ما كتير بتختلف عن مقاديرك. بس أنا غلللللطت وكترت بهارات بالحشوة وحطيت كزبرة زيادة وووووو ... لذلك لما تاني مرة عملت غير محشي تاني يوم، ما حطيت للحشوة إلا متل ما حكيتي ... يا عيني على كلامك. وأنا عم اتحزر: يا ترى منى شو بتكون حاطة ؟ ههههههه    بس بدي اسألك حمض أو منقوع التمر الهندي ؟ حمض البندورة ما بيكفي ؟  عملت غير محشي تاني يوم وما عملتو بالبندورة وإنما بمرقة حامضة. حطيت ليمون ودبس رمان طلعت طيبة ماشي حالها، قولتك انتي بيغنوا ولا إجباري اللي حكيتي عليون ؟ يعني للمرات الجاية ...    الله يعطيكي العافية     والسلام عليكم

27  الكاتب منى, on 05-09-2010 13:23   هي على يا هلما لالي , طلعنا منحب نفس الواح , قصدي المسلسل     شو بدنا نعمل , كل رمضان بيصير نفس القصة , بس هل المرة كانت اكتر بكتير , الحمد لله رب العالمين على كل شي     المحشي بده حمض , و ما بيكفي حمض البندورة , ممكن تستعملي الحصرم او منقوع التمر هندي و اذا مو متوفريين عندك فيكي تستعملي شوية ليمون , مع انه ما بيطلع تمام و متل مو متعوديين بس لا جود الا بالموجود     هلا شوفي كل شي و اله شي , محشي الكوسا بيصير باكتر من طريقة , اما بندورة و بصل و ملح و بهار , هي مسقعة البندورة , و اما متل مو كتوب بهل الوصفة و ما فيكي تغيري فيها شي والا بتنقص الطعمة , و اما مع ثوم و ملح و بهار و هادا من دون بندورة و بيتقدم مع اللبن و إما مع الشوكي او الكماية و ملح و بهار و بس و كمان هادا مع اللبن     الله يعافيكي و انا ممنونة كتير ردودك الحلوة الطيبة

28  اذا حكا الواح بتقولو الواح حكا واذا ما ح الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-09-2010 03:29 السلام عليكم    حيوتي اتّى منوشة    ممممممممم طيب، المرة الجاية بعمل معناها بمنقوع التمر الهندي. وما ححيد عن الوصفة نهائي .. (لو تعرفي لما كان ما عم يفتح معي الموقع شو دورت بالنيت وشو طلعلي شغلات وبيحطوا شغلات وعملات للمحشي تشيب شعر الراس) .. بس أنا ما بثق ولا بشي بقرا طريقتو بالنيت العربي غير هون ..... حاحكيلكون قصة بس لا تضحكوا علي .. مرة أول ما حماتي بعتتلي فول يابس مو سوريا جوزي قلي اعملي: "فول مقلّى" ... قلتلو شو هادا فول مقلى كمان ؟  ولقيت وصفة باحدى المنتديات الزاخرة العربية، أن بينتقع بالمي بعدين بيتصفى وبينحط بالزيت عنار قوية ليستوي ... ... وأنا شو بيعرفني كيف بينعمل الفول اليابس ؟  ومع إني اتبعت الوصفة بشكل دقيق بس اكتشفت بعدين إني وقعت ضحية عبث أحداهن أو حتى أحدهم قاعدين وعم يشتغلوا بهالعالم عالنيت ومصير الأكلة طبعا كان قريب عالزبالة. يا حرام     شكرا منوشة إلك على ردودك على ردودنا اللي بتجنن

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved