كاسه عدس حب
كاستين جريشة قمح ( ويمكن الأستعاضة عن الجريشة بالبرغل الناعم ) ولكن الجريشة اطيب بكثير
2كيلو لبن مخيض
كاسة حمص ( حسب الرغبة )
معلقه صغيره بهارات سمنه بلدية
ملح حسب الذوق
راس بصل كبير
سمنه بلديه





·         يسلق العدس حتى يوشك على الاستواء في هذه الاثناء تكون الجريشه منقوعه بعد غسلها لمده لا تقل عن نصف ساعه ، نضع الجريشه المنقوعه مع العدس فوق البصلة .. يغلي غلوة بماء نظيف ولا يكون الماء كثير .. يعني ما يكفي لتغطية العدس والجريشة .

·         بعدها يصب اللبن على الخليط ويغلى مدة نصف ساعة

·         ويضاف اليه كاسة الحمص المسلوق

·         قبل الاستواء بخمس دقائق يقلى البصل بالسمن البلدي وتضاف اليه بهارات السمنه البلديه ونضيفه فوق الرشوف .

·         يحضر بجانبها .. الزيتون .. والبصل الأخضر .. والفجل .. يعني مقبلات .. وكام رغيف مشروح . 

تعليقات (15)

1  الكاتب منى, on 25-08-2009 16:12 الله يعطيكي الف عافية عروستنا الحلوة . شكلو هل الزلمة امو داعيتله     امون عندي كم سؤال , اللبن المخيض شو بتقصدي فيه ؟ و الجريشة هي البرغل الي انعم من الناعم ؟ صح او نو

2  الكاتب امونه, on 26-08-2009 16:43 هلا ست منى هلا بصاحبة الدار و احنا ضيوفها     تسلميلي يا ام الزوووء كله و الله الباشا كتير نحيف و انا ناويه أجرب عليه كل الي اتعلمته منك على أمل انه ينفشله شوي     اللبن المخيض هو لبن الغنم.. لقيت انكم بالموقع بتسموه بتر ملك ... يا رب تكوني عرفتيه     أما الجريش هو القمح بعد ما يتقشر و يذهب قشره يعني قمح مجروش ... يا رب أكون شرحت صح لووووووول     ع فكره هاي الوصفه من قلب الباديه و انتقلت معنا لبيوت المدينه و فعلاً اذا جربتيها بالشتويه و الشتويه قربت راح تدعيلي من قلبك أكلت بتشهي و طعمتها هلآ دايبه بتمي

3  الكاتب امونه, on 26-08-2009 16:45 ست منى بما انه انا مو لاقيه قسم للأسئله فراح أكتبلك سؤالي هون     بدي طريقة عمل خبز التورتيلا تبع الفاهيتا

4  الكاتب ام نور, on 26-08-2009 17:11 ماشالله عليك عنجد ست بيت ومتل ما قالت منى امو داعيتلو رح يكيف خصوصي اذا بيحب الاكل انا قبل ما اتزوج ما كنت اعرف اقلي الا بيض وبطاطا سبحان مغير الاحوال لما تزوجت صرت مضطرة اتعلم

5  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 27-08-2009 02:47 سلم ايديها عروستنا الحلوه. والله يا امونه سمعت بهالاكله بس اول مره بشوفا و يم يم يم شكلا بتجنن. كل شي فيه حبوب و لبن بموت عليه. و الحمدلله انو في هون لبن ماعز. بس الباتر ميلك هوه شي تاني. راح اجربا قريبا يسموا ايديكي مره تانيه.

6  الكاتب souha, on 27-08-2009 11:21 السلام عليكم   كيفك أمونة كل عام و أنت بخير و ألف مبروك على الخطبة الله يتمملك بخير صح مباركتي أجت متأخرة بس عذريني أول رمضان بيكون في عزايم و بتعرفي   يسلم دياتك على الشوربة شكلها لذيذ أنا بحب الأكلات التراثية الله يعطيك العافية

7  الكاتب رنا, on 28-08-2009 15:25 ماشاء الله اكلة رائعة ومغذية يسلم دياتك

8  ام نور الكاتب امونه, on 02-09-2009 21:13 هلا يا ام نور بالمناسبه خطيبي اسمه مهند     الله يسلمك يا قلبي والله انا مو كتير بطبخ بس على طول بحب اجرب و أتعلم لآني بنت وحيده بين اربع صبيان بتلاقي المطبخ و الحلويات خصوصاً تسلايتي

9  ايمان خانم الكاتب امونه, on 02-09-2009 21:15 ست ايمان سميتي     الرشوف اكلتي المفلضله خصوصي بليالي الشتي     يا رب تعجبك بعتصد انه بيمشي الحال بلبن الماعز على كل حال خبريني كيف بتلاقيها و صحتين مسبقاً

10  سهى الكاتب امونه, on 02-09-2009 21:18 سهى الأموره بتعرفي لو مني و علي كان بختارك الفائزه رقم واحد بمسابقة المنيو الرمضاني لآنه ما شاء الله عليكي ما خليتي ولا بئيتي متل ما بئولوا     كل عام و انتي و عيلتك بألف خير يا رب و الله يبارك فيكي يا عمري تسلميلي كلك زوء    و الله يعنا نحنا ستات البيوت و الله الواحد ما عم بيعرف يعبد ربه كما يجب من كتر الأشغال و المشاغل    الله يغفرلنا

11  رنا الكاتب امونه, on 02-09-2009 21:19 تسلم ايك و عينك يا بطه و صحتين و عافيه ع الجميع

13  الكاتب منى, on 13-09-2009 22:03 هلا ام الوليد   انا كتير سعيدة بتواجدك في الموقع , شرفتيه و نورتيه و ان شاء الله ترجعي سالمة و غانمة و تتهني مع كل العيلة و اللمة الحلوة     الف شكر الك للتوضيح و للمعلومات الجديدة , الصراحة و لا انا ما عرفت البهارات , بس اتوقع ممكن الواحدة تجرب الوصفة بشوية بهارات خفيفة تناسب عيلتها

15  الكاتب منى, on 28-09-2009 19:35 ممم , انا ما عرفت و لا نوع من الاعشاب الي ذكرتيها , بس اتوقع لازم تتوفر عند العطار , الف شكر الك للافادة و المعلومات و كمان رح استنى رايك بعد التجربة للبهارات الي ذكرتيها .    منورة مرة تانية اختي ام الوليد و الف شكر الك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved