العجينة  :

كوب طحين + ملعقتان كبيرتان طحين
ربع كوب سكر بودرة
اصبع زبدة طرية ( 125 غ )

الحشوة  :

12 حبة كيري
علبة قشطة ( أو 4 ملعقة كبيرة قشطة طازجة )
ملعقة كبيرة لبنة
3 بيضات
فانيليا
نصف كوب سكر
كوب شوكولا بالحليب مكسرة لقطع

 ·          تدهن صينية بايركس ( القياس المتوسط ) بالزبدة ثم تغلف بورق زبدة و يشعل الفرن على درجة حرارة 180 .

·          يوضع الطحين و السكر البودرة و الزبدة في وعاء و تفرك المقادير بلطف بأطراف الاإصابع حتى الحصول على عجينة متماسكة , بعد أن يتماسك العجين لا تعجن لوقت اضافي كي لا تصبح قاسية بعد الخبز .

·          تمد العجينة في القالب المجهز بشكل متساوي ثم تخبز الصينية في الفرن لمدة 10 – 15 دقيقة ثم تترك جانباً حتى تبرد .

·          في هذه الأثناء تحضر الحشوة , توضع الكيري و القشطة و اللبنة و البيض و الفانيليا و السكر في خلاط العصير و يمزج الكل حتى الحصول على مزيج ناعم ثم يسكب على العجينة الباردة .

·          تذوب الشوكولا على حمام مائي و تحرك حتى تذوب الشوكولا تماماً .

·          تسكب الشوكولا بشكل خيط رفيع على مزيج الجبنة بحيث توزع على وجه التشيز كيك بالتساوي , ثم تحرك الشوكولا بلطف باستخدام شوكة حتى الحصول على الشكل الرخامي المتموج  مع الانتباه كي لا يمس القاع , يجب تنفيذ هذه المرحلة بسرعة كي لا تتجمد الشوكولا قبل اعطاء الشكل المطلوب .

·          تعاد الصينية للفرن و تترك لمدة نصف ساعة تقريباً أو حتى يجمد مزيج الجبن , تخرج صينية التشيز كيك من الفرن و تترك حتى تبرد .

·          توضع الصينية في الثلاجة لمدة أربع ساعات على الأقل ثم تقسم إلى مربعات و توضع في محافظ بليسيه ثم تقدم .  

سر الطبخة  :

·          للحصول على أفضل طعم لمربعات التشيز كيك  تترك المربعات خارج البراد  لفترة بسيطة قبل تقديمها أي  تقدم و هي بحرارة الغرفة .

تعليقات (28)

2  الكاتب منى, on 23-09-2007 20:17 مية أهلا و سهلا فيك قطة     ان شاء الله عوافي و هنا و صحة على قلبك و قلوب القطط الصغيرة يا رب

4  الكاتب منى, on 04-11-2007 13:33 هلا بتول     القشطة تباع بعلب و أشهر نوع بسوريا هو قشطة نستله ..    و فيك تحضريه يدوياً و رح حط لك الطريقة اليوم على الصفحة الرئيسية إذا الله راد ..

6  الكاتب منى, on 05-11-2007 11:46 من عيوني بتول     الموضوع فيك تشوفيه على هل الرابط

7  الكاتب بدور, on 19-04-2008 14:41 يم يم يم ما اطيبا و ما ادسما     عملتا مبارحة و كتير حبوها اخواتي..    الله يسلو هالايدين الحلوين يا رب..    بس أنا بعد ما حطيت طبقة الجبنة و حطيت فوقها الشوكولا حركتا بالشوكة شوي متل ما ئلتي و رجعتا عالفرن و كلو متل عادة بس وئت صارت جاهزة للأكل و ئسمتها نتبهت انو معظم الشوكولا ترسب تحت طبقة الجبنة يعني صار عندي تئريبا 3 طبقات..  ليش عزلت برأيك؟  كان لازم أحرك الشوكولا أكتر؟  ولا نخفقت الجبنة كتير؟  ولا شو؟    و يسلمو كتير كتير كتير  طلعت كتير طيبة

8  الكاتب منى, on 20-04-2008 16:16 أكيد ما كان لازم تحركي الشوكولا اكتر , السبب الوحيد الي بيخطر ببالي ان الطبقة البيضا كانت سايلة كتير من اللبنة ما كانت سميكة أو حجم البيض كان كتيررر كبير أو ممكن تكوني أضفتي شوية سوائل مع الشوكولا لما دوبتيها , يا ترى فيك هي شي ؟؟    و على كل هنا و عوافي و المرة التانية ان شاء الله بتظبط معك تمام التمام

9  الكاتب بدور, on 23-04-2008 23:39 والله برافو عليكي يا منى الحلوة..    صح طبقة الجبنة كانت سائلة منيح, و كميت البيض مع انو حطيت متل ما ئلتي 3 بيضات, بس حسيتون طلعوا كتار..    هاااااااااااا..  هلأ عرفت السبب.. يسلمو كتير و رح ارجع جربا مرة تانية ونشالله بتطلع أنجح     بس الحمدلله كلون حبوها و خلصت بسرعة

10  الكاتب منى, on 24-04-2008 12:26 صحة و هنا على قلبك و قلبون يا رب , بس انا صاار لازم دوء       ملحوقة مو هيك , عم امزح معك , ان شاء الله بتجربيها مرة تانية و بتظبط معك

11  الكاتب dado, on 15-02-2009 17:20 أما شو وصفة يا منى!  بتتقلي بالدهب عليها   حضرتها أول مبارح وقدمتها مبارح لضيوفي.. ما شاء الله اختفت الصينية خلال دقائق.. طيبة كتير وخفيفة وما بتزعج متل التشيزكيك تبع المحلات والشوكولا متجانسة مع مزيج الجبنة بطريقة خيالية.. طرية وبتدوب بالتم.. يممممميي..   يالله حاجتي غزل فيها     شكرا كتير منوش بتعرفي بحس إنو ما فيني جرب شي وما احكيلك.. بيجيني شعور بالذنب.. ما فيني ردلك جميلك بشي فـ عالقليلة قلك شكرا وإنت أكيد بتنبسطي إني جربت الطبق وعجبني كتير

12  الكاتب منى, on 16-02-2009 16:52 مممم , و الله دالو انك خطيرة بالوصف , يا عمي حاسة حالي غطست في الشوكولا     خليلي عينك و الله كتير بنبسط انك جربتي الوصفة بالاول و كمان بنبسط اكتر لما بشوف انها نجحت معك و عجبتك , عوافي دالو يا قمر و الشكر كل الشكر الك

14  الكاتب منى, on 07-03-2009 06:24 هلا اختي     انا مو مجربتها الا بالافاش كيري و ممكن تستعملي الفيلادلفيا اكيد   الشوكولا 100 غ و اي سؤال تاني انا بالخدمة

17  الكاتب عبورة, on 02-09-2009 14:35 يسلمو على هالحلو.....لسا ما جربتو     بس بدي اسأل انو نحنا مندوب شزكلا خام ومنحطها...ما بتنحرق بالفرن؟؟؟طيب بعد ما بتطلع مو بتيبس متل ما كانت؟؟  طيب شو رئيك لو حطينا بدالها شوكلا سائلة..الي بتجي بعلب

18  الكاتب منى, on 25-02-2010 22:44 هلا عبورة ع  انا بحضرها بهل الطريقة و بتطلع يم يم , بس اكيد فيكي تجربي , اتوقع بالشوكولا السائلة رح تصير اسهل , رح استنى رايك بعد التجربة

20  الكاتب منى, on 09-03-2010 07:54 هلا ليان   مستاهلة ان شاء الله التجربة و ان شاء الله تظبط معك و تحبيها     ما بده تشعلي الفرن من فوق , نحنا بنا تجمد طبقة التشيز كيك من دون ما يتغير لونها

22  الكاتب منى, on 15-03-2010 08:28 اللبنة رح تعطي طعم حموضة خفيفة , و انا جربت من دنها مرة , بس حسيت باللبنة بتطلع اطيب . و اذا مو حابة تضيفيها , احذفيها من الوصفة من دون استبدال

24  الكاتب منى, on 15-03-2010 18:43 ان شاء الله اتمنى تعجبك

26  الكاتب منى, on 16-03-2010 11:38 لا لازم تكون مقرمشة متل ايا طبقة تارت و طبقة الجبنة بتكون طرية     هنا و الف صحة و عافية

28  الكاتب منى, on 17-03-2010 09:13 الله يسلمك هنا و صحة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved