Forêt Noire بالفرنسية , Black Forest  بالإنكليزية ,و  Schwarzwنlderkirschtorte بالألمانية , ثلاث تسميات تعني شيئاً واحداً , عدة طبقات من كاتو الشوكولا محشية بالكريما الفريش  أو الكريم شانتيه مع الكرز الحامض و مزينه أيضاً بالكريما و الكرز و برش الشوكولا.

على الرغم من أن تاريخ المأكولات غير موثق بشكل جيد إلا أن المؤرخين يعتقدون بأن الظهور الأول لهذه الحلوى كان في أواخر القرن السادس عشر في جنوب ألمانيا في إقليم الغابة السوداء ( Black Forest Region ) المتوضع في ولاية (Baden-Württemberg) و يعرف هذا الإقليم بإنتاجه للكرز الحامض و شراب الكرز المخمر المعروف باسم ( Kirsch ( أو   ( Kirschwasser ) .

الشكل النموذجي لهذا الكاتو كما ذكرت سابقاً إلا أن الطبقات يتم تسقيتها بعصير الكرز المسكر (Kirsch) و هذا لا يتفق مع شريعتنا لذلك هذه الوصفة ستغنيك عن التسقية لأن قوام الكاتو طري للغاية و تحضيره سهل جداً حيث نقوم بمزج المقادير دفعة واحدة و اسمي هذا النوع من الكاتو ( One Mix Cake ) .

من كم يوم كان عندي ضيوف و عملت هالكاتو مع فطيرة التفاح على الطريقة التركية و الحمد لله نالوا إعجاب الجميع أتمنى أن ينالوا إعجابكم و تجربوهم لأن رأيكم عزيز على قلبي.

·         في اليوم التالي ضعي الكاتو على طبق التقديم , سنقوم بتقسيم الكاتو إلى ثلاث طبقات , بواسطة سكين منشار قومي بعمل شق على محيط الكاتو في الثلث الأول بعمق 2 سم كما في الصورة و كرري العملية في الثلث الثاني .

·         ادخلي خيط من النايلون في الشق ثم أمسكي طرفي الخيط بكلتا يديك بشكل متعاكس و شدي الخيط حتى ينقسم الكاتو كما في الصورة , أرفعي الطبقة بحذر و ضعيها جانباً و كرري العملية مع الطبقة الثانية .

·         ضعي قصاصات ورقية تحت الكاتو حتى لا يتسخ الطبق أثناء التزيين.مدي ربع كمية الكريما على أول طبقة ثم ضعي نصف كمية الكرز مع القليل من الشيرة و وزعيه بشكل متساوي ثم ضعي فوقها الطبقة الثانية و كرري العملية

تعليقات (14)

1  الكاتب منى, on 25-08-2009 15:58 بتعرفي ام السوس , على قولة واحدة لذيذة بالموقع , اشتهيت اسبح بهل القالب , ادخل بأوله و اطلع من الطرف التاني و انا عم غمس بكل هل الأطايب , شوكولا و كريما و كرز و شي بياخد العقل , عندي احساس انك عاملة بزمناتك دورة حلويات لان شي بيشهي و شغل احتراف و مع ذلك و بنفس الوقت مو صعب و و قصة الطبق الواحد مو قليلة لان بتلاقي الواحدة فينا بس ما خلصت قالب الكيك , طلع عندها شغل عن ساعتين     الله يعطيكي الف الف عافية سهى , و الف شكر الك لكل وصفاتك المميزة .    و شو كمان , اه يا ريت لو تكتبي كل فترة و فترة وصفة من عندك و تشاركينا فيها

2  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 27-08-2009 03:40 سهى اول ما تزوجت كنا نطلب هالكيكيه من محل مختص فيها و كانت تذوب بالفم ذوبان. كيكتك بتشبهها كتير. اسمالله شكلا كتير حلو و بيبيض الوش. مش بس راح تعجب الضيو بتعجب الملك كمان. اختيار جيد للمسابقه. ياللا بقا طلعي اللي عندك كله و ما تستني مسابقات لانو كلو محرز.

3  الكاتب رنا, on 28-08-2009 15:40 ياعيني عن جد بيشهي خصوصي مع كرز الوشنة الحامض والكيك .......يالطيييييييييف شي رائع   حتى شكله يعني اسمه غابة سوداء بس بيبض الوش غييييير شكل   ياريت كانت الكرزات متوفرة عندي كنت جربته هلأ مضطرة استنى للسنة الجاية بس الوصفة دغري للحفظ   شكرا لانك وضحتيلي طريقة قسم الكيكة بالخيط بس في شغلة مافحمتها هلأ انتي بتقصيه من الطرفين بالسكين بعدين بتكملي بالخيط ؟

4  الكاتب souha, on 29-08-2009 00:10 هلا منونة   يا ستي إذا بدك تسبحي خديني معك نسبح سوا بهالقالب الله لايحرمنا من نعيمو و يرزقنا الجنة أجمعين وعلى سيرة دورة الحلويات لأ أنا مو عاملة أي دورة بس بتابع برامج طبخ كتييير و بنتبه على التكنيك يلي عم يستخدمو الشيفات و طول السهرة على فتافيت عاملتلون حظر تجول على التلفزيون حتى أخوي يلي بحب الأخبار و قناة الجزيرة استسلم   و أنا كمان بدي أتشكرك على المسابقة ما شاء الله كل الأكلات بهالمسابقة ظريفة يعني أطايب و أطايف   سلام

5  الكاتب souha, on 29-08-2009 00:11 هلا إيمان   تسلمي حبيبتي كلماتك مشجهة و هادا من بعض ما عندكم يا قمر

6  الكاتب souha, on 29-08-2009 00:16 هلا رنونة   حبيبتي ما في داعي تستني للسنة الجاية إذا عندك مربى الوشنا فيك تحطي على النار مع شوية مي و شوية كورن فلور و تضلي تحركي ليسمك المزيج شي شوي و تتركي يبرد و تزيني في وجه الكاتو بالنسبة لقص الكاتو أنا بغرز السكسنة بالكاتو شي 2 سم و بمشي السكينة داير مندار الكاتو و بعدها بغلق بالخيط و هالعملية مشان الخيط يثبت منيح لأنو بدون ما تعملي هيك رح يزحط معك الخيط ما بتطلع الطبقات سوية منيح  سلام

7  الكاتب Mays, on 02-02-2010 06:31 يسلم إيديكي يا سهى  شكل القلب بيجنن و كتير بيشجع للتجربة خاصة مع طريقة One mix cake يعني ما في أسهل من هيك  عندي سؤالين من بعد إذنك :  قديش بدهن المكونات خفق ؟ يعني كم دقيقة؟؟؟   أنا ما عندي حاليا مربى كرز وشنى لإنو قضينا عليه من زمان و طبعا بالأمارات هالكرز منشوفه بس بالأحلام بقى ممكن إستعمل الكرز المعلب تبع الpie filling و لا ما بيمشي الحال؟؟؟

8  الكاتب souha, on 02-02-2010 15:55 هلا ميس   المكونات ما بيحتاجو خفق كتير بس لحتى تتجانس المكونات مع بعضها و بالنسبة للكرز المعلب ممكن تستعملي بعد ما تشيلي البذرة و طبعا بدون الشراب يلي محفوظ فيه الكرز بس هادا يعتبر خروج عن الوصفة الألمانية الأصلية بس شو بدنا نساوي لا جود إلا بالموجود و صحة و هنا مقدما

10  الكاتب Mays, on 04-06-2010 12:07 كيفكن يا صبايا   عنجد ما بعرف كيف بدي اتشكرك يا سها على هالكاتو الرائع و كلمة رائع قليلة بحقه.  أنا جربته يوم الخميس الماضي و طلع و لا أطيب كاتو فوريه نوار من أفخم محل ، طري و بيدوب بالتم دوبان و ما كان أبدا بدو تسقاية بشي متل ما قلتي بالضبط.  أنا استعملت للحشو الكرز الأسود تبع الباي فيلينغ مع ملعقتين عصير ليمونة حتى تعطيه شوية حموضة و كان كتير منسجم مه نكهة الشوكولا و الكريم فريش.  طبعا كانت المناسبة فوز فريق برشلونة ببطولة الدوري لهيك الزينة ما كانت زينة تقليدية   راح أجرب حط الصورة و إن شاء الله تطلع

12  الكاتب souha, on 04-06-2010 11:49 هلا ميوس   إنشاء الله ريتو صحة و هنا كتيييير فرحت أنو عجبك و ألف مبروك على فوز فريق برشلونة مع أنو أنا من الناس يلي ما بتعرف بكرة القدم شي غير شكل الطابة و بما أنو عم تقولي الزينة غير شكل حمستيني شوف الصورة عم إستنه الصورة لتزبط

13  الكاتب منى, on 04-06-2010 12:08 بعد زمان سهى   هي عدلت الصورة لتشوفيها , وووواو

14  الكاتب lolli, on 16-02-2011 01:59 يسلمو ايديكي يا سهى كتير طلع طيب و فاخر  و هي الصورة اكبر دليل   طبعا لعدم توافر الكرز بدلتو بالتوت و الفواكه الحمرا      و هي من زاوية اخرى

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved