الطبقة الاولى :

ثلاث ارباع كوب سكر
100غ زبدة
علبة اناناس بوزن 450 غ(9 شرائح اناناس)

الكاتو:

6 بيض
كأس وربع طحين
نصف كأس سكرناعم
نصف كأس ماء
ملعقة فانيليا
ملعقة كبيرة بيكينغ باودر





الطبقة الاولى:

·         نضع السكر والزبدة مع بعضهم في صينية الكاتو (وانا استعملت صينية تيفال قطرها 22)ونحرك على نار متوسطة حتى يصبح لون السكر مائل للاحمر ويذوب السكر نهائيا .

·         نفتح علبة الاناناس ونصف شرائح الاناناس فوق خليط السكر والزبدة حتى يغطي قاع الصينية ومع الاحتفاظ بماء عصير الاناناس .

تعليقات (18)

1  الكاتب منى, on 25-08-2009 13:11 الله يعطيكي الف عافية رنونة , اي شو هل الكاتويات , كل واحد بيقول للتاني زيح لااقعد محلك     كتير الوصفة سهلة و شكلها حلو

3  الكاتب ام نور, on 26-08-2009 23:03 حبابة رنا عندي استفسار لو سمحت لما تشيلي القالب من الفرن مباشرة بتسقي بعصير الاناناس هو وساخن يعني ما بتستني شوي لا يفتر ولما تحطي العصير ما بيتشتش

4  الكاتب رنا, on 28-08-2009 13:41 عزيزتي ام نور ...اسفة على التاخر بالرد بس والله بنتي الصغيرة كانت مريضة وكنت بالمشفى 3 ايام ...واليوم طلعت     ياستي بتحطي ماء الاناناس والكاتو سخن هلأ هو مارح يتشتش بالعكس رح تعطيه طراوة رائعة وهي ماء الاناناس مابتطلع كتير حوالي نص كوب يمكن ياريت تجربيه وتخبريني  وبدي قلك كمان هلأ الزبدة فيكي تقلليها انا احيانا بستعمل 100 غ والنتيجة دائما رائعة     بس لاتنسي بعد ماتسقيه تستنيه ليبرد تمااااما يعني مابتقلبيه لوقت التقديم خليه بالبراد       ومنى خانم الله يخليلنا ياكي شو منطلع قدام شطارتك ...واحد بالمليوووون

5  الكاتب رنا, on 28-08-2009 13:44 بس بدي قلكن ياجماعة يلي بده يجرب هالكاتو وقت نخلص من عمل الكراميل ياريت تصفوا الانانا بدون ماتحركوا الصينية من محلها يعني خلوها عالفرن وهو مطفي لانه انا مسكتها لبعدها عن الغاز قام تزحلطت الصينية ووقعت عالارض وللاسف انحرقت ايدي بالسكر والله يبعد عنكم كل شر لانه حرق السكر كتير مؤلم وصارلي عشرين يوم بقصة الحرق بقا ديروا بالكن

6  الكاتب منى, on 28-08-2009 14:49 عليكي العافية   حرق السكر فظيع , اله يحمينا و يرحمنا من نار جهنم

8  الكاتب رنا, on 08-09-2009 23:56 سألت عليكي العافية اختي ...انا كنت بالمشفى من اكلة فول...بنتي عمرها شهر ونص تقريبا ونزل معدل خضاب الدم عندها فجأة للنص تقريبا والسبب متل ماقالوا الدكتور انه طلع دمها بيتكسر من شي اسمه فول ...والله لا يورجيكي تلات ايام بالمشفى تحاليل وااخد دم...بالاخير عطوها شوية دم ومشي حالها الحمد لله  وبالنسبة للكاتو بنصحك نصيحة تجربيه عن جد كتييييير سهل بس ديري بالك من السكر مشان ماتحرقي ايدك متلي ...وكمان شغلة استعملي صينية تيفال واسقيه بالماء وهو ساخن وماتقلبيه ليبرد تماااااااااما واخيرا خبريني بالنتائج  سلامات

9  الكاتب منى, on 09-09-2009 16:23 رنونة ما انتبهت انك كنتي في المستشفى     ولي على البي , سلامة القطة الحلوة , ان شاء الله تكون هلا تمام و هل الشغلة مرت على خير , الله يحميها و يخليها و الله يبعد عنا المستشفى و دخلتو .    سلامات و بوسات كتيرة و كبيرة الك و لبنوتك

10  الكاتب رنا, on 09-09-2009 14:58 عادي منى كلنا مشغولين بالصيام ..ياستي سألت عليكي العافية زينة تمام وصحتها كتير كويسة الحمد لله المهم اني ضل بعيدة عن الفول ...وهي لازم ماتدوقه طول عمرها ...بتعرفي زعلت عليها الفول طيب

11  الكاتب منى, on 09-09-2009 16:13 ايه البنت اكابر بطبيعة جيناتها , انتي على شو زعلانة     الحمد الله ان هي هي القصة و بس , يلا معافاية يا رب و ان شاء الله لا بقى تنعاد

13  الكاتب gsm, on 10-10-2009 11:46 من شان الله ما تواخذيني هلق كنت عم اقراء التعليقات انتبهت انو بنوتك كانت تعبانة ان شاء الله معافاية وما على قلبها شر وانتي كمان سلالالالالالالالالامات والله ما في اصعب من حرق السكر بزمانو انحرقت بالسكر وضل الحرق معلم تقريبا سنة بقى عليك العافية انتي وبنوتك الحلوة بوسيلي ياها امانة

14  الكاتب رنا, on 30-10-2009 16:40 الله يسلمك اختي وشكرا لتجربتك وصحتين وعوافي

16  الكاتب tala.87, on 18-05-2010 12:51 بس صحي عندي سؤال السكر والزبدة بيطلعو طيبين مع بعض؟مو ممكن يطلع دسم هيك ؟

17  الكاتب منى, on 18-05-2010 14:19 مية هلا فيك نورتينا و شرفتينا اختي     اتمنى ان تعجبك الوصفة و تكون على زووءك و هلا ان شاء الله رنا تشوف سؤالك و ترد

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved