طبق مقبلات شهي و مفعم بالألوان الحذابة  و رح يضيف حيوية لسفرتك ,أنا حبيتو كتير و انشاء الله أنتو كمان تحيو و بالصحة و العافية .

 3 حبة فليفلة حمراء من النوع الكبير

الحشوة :


100 غ جبنة فيتا
1 حبة بصل أخضر ( يمكن استعمال البصل العادي )
1 ملعقة كبيرة زيت زيتون
2 ملعقة كبيرة جوز مفروم ناعم
½ ملعقة صغيرة أوريغانو
½  ملعقة صغيرة فليفلة حمراء ( بودرة )





·         تغسل حبات الفليفلة و تجفف و تقطع طوليا و تنظف من البذور و الخيوط البيضاء  ثم يحمى الفرن ( الشواية ) و توضع حبات الفليفلة على صينية فرن الجزء المقطوع للأسفل و تشوى مدة 15 دقيقة تقريبا .

·          تقشر حبات الفليفلة ما أمكن ذالك ثم تقطع إلى شرائط بعرض 2.5 سم و تترك جانبا .

·          تخلط مكونات الحشوة مع بعضها البعض ثم توزع بالتساوي على أطراف الفليفلة و تلف .

·         ترتب اللفافات في طبق التقديم و تزين بالبقدونس و حبات العطون . 

تعليقات (15)

1  الكاتب منى, on 25-08-2009 11:46 شفت هل الطبق عند واحدة تركية من معارفي , بس بعا لفروقات اللغة كان بس فيني شوف و ما ااقدر اسال     الله يعطيكي الف عافية سهى على الوصفة اليمممي , الوان حلوة و التركيبة كلها على بعضها مميزة

3  الكاتب منى, on 26-08-2009 20:30 يا سلام يا ام نور , أفكارك ما في احلى منها كالعادة و اله فكرة حلوة كتير و على السفرة بيطلع شكلها بيشهي , يا ترى بينفع ام السوس او نو

4  الكاتب souha, on 27-08-2009 11:25 السلام عليكم   منونة فعلا هلأكلة من المقبلات التركية بس الطعمة قريبة كتيير للمطبخ الحلبي لأنو المكونات متشابهة انشاء الله تجربيها و تعجبك

5  الكاتب souha, on 27-08-2009 11:28 السلام عليكم   كل عام و أنت بخير أخت أم النور مباركة طاعتك  يا ستي الوصفة بلأساس بتنعمل بالفلفلة الحمرا بس هادا ما بيمنع إنو الوحدة تغير و تبدل و فعلا فكرتك حلوة رح يصير عنا ألوان بتفتح النفس الله يعطيك العافية

6  الكاتب بشرى, on 28-08-2009 05:00 يا سلام شي طيب كتير وبتنفع للبوفيهات كتير ..    مرة دقت الفيلفلة بهالطريقة بس محشية تونة كمان طيبة بس هي شكلهاأطيب ورح جربها قريباً     يسلمو ايديكي سهى

7  الكاتب سارونات, on 29-08-2009 00:35 السلام عليكم و رحمة الله و بركاته    حلوة كتير الفكرة و بدي قول ملاحظة بالنسبة لتقضير الفلفل اذا بدكم تقشروه بسهولة بعد ما تشووه حطوه مباشرة بكيش نايلون تحتى يعرق )) مسكين الفلفل اذا بدو فيه ياخذ دوش بعدين )) و بعدها راح يصير التقشير سهل كتير متل ما بتقول منوش متل الصلاة على النبي عليه الصلاة و السلام    اختي سهى هل لازم جبنة فيتا او فيني استعمل جبنة عادية لان ما بتتوفر عندي الفيتا    بالتوفيق  سلام

8  الكاتب souha, on 29-08-2009 12:19 هلا سارونات   شكرا على الملاحظة الحلوة ورح جربها إنشاء الله لما بعمل شي أكلة فيها فليفلة مشوية بالنسبة للجبنة لازم فيتا أولا من ناحية الطعمة و ثانيا الفيتا فيها شوية رطوبة و رح تمسك المكونات مع بعضها  سلام

9  الكاتب ام دانية, on 01-09-2009 11:39 يعطيكي العافية اخت سهى يممممممم انا كتير بحب هل الاكلة وخصوصا مع كاسة شاي بالعادة بشتريها جاهزة من السوبر ماركت الالماني بس هلا رح اجرب اعملها بنفسي

12  السلام عليكم الكاتب souha, on 02-09-2009 23:32 كيفكن يا صبايا إنشاء الله خير  هلا أم دانية ريتو صحة و هنا على قلبك و خاصة مع كاسة شاي أنا من عشاق الشاي يعني إذا عدا النهار و ما شربت شاي بحس حالي ضايعة   هلا هيا الله يبارك فيكي ويتقبل صيامك إنشاء الله تجربيها عن قريب و تعجبك   هلا soma تسلميلي حبيبتي إنشاء الله تجربيها و ألف صحة على قلبك و قلب العيلة

14  الكاتب souha, on 01-11-2009 15:04 هلا سمسة  حبيبتي أنا مو مجربة أشويها و أكبسها بالزيت بخاف قلك عمليها تقوم تحمض و تصير متل المكدوس ما بعرف بس إذا جربتي لا تخاطري بكميات كبيرة أضمن   سلام

15  الكاتب hajar, on 26-11-2010 14:51   سلام هالطبق ييجنن جربته برمضان ونال اعجاب اهلي كتير وهادا كان تطبيقي للوصفة يسلموووووووو كتير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved