750 غ صدور دجاج منزوع عنها الجلد و مفرومة
100 غ دهنة غنم
½ كوب أرز بسمتي مطبوخ ( يكال المقدار بعد الطبخ )
½ كوب حمص مطبوخ و مقسوم
½ كوب بقدونس طازج مفروم
¼ كوب كزبرة خضراء مفرومة ( اختياري)
¼ كوب شبت مفروم
4 ملعقة كبيرة زيت نباتي
1 حبة بصل حجم وسط مفرومة
2 حبة ليمون مجفف
رشة صغيرة من أوراق الزعفران
½ ملعقة صغيرة من مسحوق الكركم
2 حبة بندورة متوسطة الحجم و مبشورة بدون القشر
3 ملعقة كبيرة من معجون الطماطم
 ½ ملعقة صغيرة فلفل
2 مكعب مرقة الدجاج
4 أكواب ماء









·         يوضع الدجاج المفروم مع الدهنة في وعاء كبير و يدعك جيدا ثم يضاف الشبت و البقدونس و الكزبرة و الرز و الحمص و يتبل المزيج بالبهار و الملح و القرفة و جوزة الطيب و تمزج المواد جيدا ثم ترطب اليدان بالماء و يشكل الدجاج على شكل كرات بحجم الجوزة .

·          يسخن الزيت في قدر و يقلى البصل حتى يكتسب اللون الذهبي ثم يضاف الليمون المجفف و أوراق الزعفران و الكركم و الفلفل و البندورة المبشورة و  معجون الطماطم و مكعبي المرق و يحرك المزيج لمدة 5 دقائق .

·         يضاف الماء( قد يحتاج إلى أكثر من أربع أكواب ) و يترك المزيج حتى يغلي و عند الغليان تضاف كرات الدجاج على دفعتين أو حسب حجم القدر .

·         بعد أن تنضج الكرات يترك المزيج على نار خفيفة حتى يتسبك و يصبح قوامه أكثف قليلاً ثم يقدم بجانب الرز المفلفل و بالصحة و العافية

تعليقات (21)

3  الكاتب منى, on 27-08-2009 10:54 كتير كتير الوصفة شكلها يمي , و هي الدهنة اكيد من اقتراحات الماما     سهى يا ترى من وين عم تجيبي شبت ؟ انا لقيت منه مرة واحدة بس في شي مول من هل المولات نسيت ايا واحد , بس كانت مرة و ما انعادت , انت من وين عم تجيبيه

4  الكاتب souha, on 27-08-2009 11:36 هلا أم النور مزبوط كلامك لأنو هي عبارة عن كفته بس بالدجاج و هالأكلة مارح تاخد منك وقت كتير بالطبخ عم استنا تجربها و تخبريني رأيك

5  الكاتب souha, on 27-08-2009 11:36 هلا أم النور مزبوط كلامك لأنو هي عبارة عن كفته بس بالدجاج و هالأكلة مارح تاخد منك وقت كتير بالطبخ عم استنا تجربها و تخبريني رأيك

6  الكاتب souha, on 27-08-2009 11:40 هلا منى كيفك يا ستي هي الدهنة من اقتراحاتي بس الكمية من اقتراحات ماما   الشبت أنا ما كنت بعرف وين بيلاقو لحتى وحدة رفيقتي دلتني أنو بالنيو تاون بتلاقي و فعلا طرقت الطريق خصوصي كرمال هالأكلة و جبت الشبت و الليمون المجفف من هنيك   سلام

7  الكاتب souha, on 27-08-2009 11:44 السلام عليكم   هلا إيمان كل عام و أنت بخير مباركة طاعتك   شكرا على كلماتك الحلوة هادا من زووءك   والله ما بعرف إذا هالأكلة أكيد من المطبخ الهندي بس شكلها هيك بيقول   أنا مالي دايقة الرز بالهيل و الفستق كيف بتعملي   سلام

8  الكاتب منى, on 27-08-2009 13:57 خلص رح جرب ارجع اسأل , الله يعطيكي الف عافية انت و الماما و الله يخليكم لبعض و يديمكم بالصحة و العافية

9  الكاتب سارونات, on 04-09-2009 03:10 السلام عليكم و رحمة الله و بركاته    كتير حلوة الوصفةاختي سهى و بما اني قريت في الردود ان دهنة الغنم اضافة شخصية للوصفة فهذا يعني انها بتنعمل من غير دهن صحيح يا ريت تخبريني اذا بتنفع و تطلع طيبة من غيره مشان جربها    بالتوفيق    سلام

10  الكاتب souha, on 04-09-2009 14:30 السلام عليكم   هلا أخت سارونات الوصفة الأصلية ما فيها دهنة بس أنا اخترت حطلها دهنة لأنو صدور الدجاج بتبقى ناشفة شوي و الدهنة رح تعطيها طراوة فيكي تجربيها بدون دهنة بس إذا بدك نصيحتي جربيها بنص كمية الدهنة يعني 50 غ يلا ناطرتك تجربيها و تقوليلي رأيك و أنشاء الله صحة و هنا مقدما

11  الكاتب Eman, on 26-10-2009 04:06 السلام عليكم ورحمة الله وبركاته ،  اليوم جربت الوصفة ، وصفة رائعة بكل معنى الكلمة ، ونكهاتها تعبر عن الذوق العربي الأصيل ،باستخدام الزعفران والشبت والكركم ، جعلني أدعو الله أن يرزقني الجنة حتى أنعم بفراش الزعفران الذي يملأ أرضها ,, رزقنا الله وإياكم الجنة ونعيمها أجمعين.  عودة للوصفة الرائعة، استخدمت جميع المواد المذكورة ما عدا :الكزبرة ،اللومي ،الارز والدهنة.. حتى الزيت ما استخدمته بتقلاية البصل واستعضت عنه بزيت سبراي (من أجل الصحة)، وقدمتها مع أرز بالهيل ونثرت على وجهه شبت مقطف .  وزوجي سألني عن مصدرها ، وطلب مني أن أشكرك سهى وأشكر موقع لقمة طيبة ، سألني عن أصلها ، وأتمنى أن أعرف منك سهى مسقط رأس هذه الأكلة ...  مع خالص حبي ودعائي لك بالجنة ونعيمها سهى الغالية

12  الكاتب souha, on 01-12-2009 23:24 هلا إيمان كيفك   أولا أسفة لتأخير الرد صدقيتي اليوم حتى شفتو و بشكرك أولا على الدعوات الحلوة و ربي يرزفنا الجنة أجمعين و ثانيا بشكرك على تطبيق الوصفة لأنو بحسها مظلومة بس صدقوني يلي بيجربها رح يحبها كتير ما تقولو عم تعمل دعاية للوصفة بس فعلا طيبة و بدي قلك صحة و هنا على قلب العيلة كلها بالنسبة لتاريخ الوصفة ما بعرف عنو شي مع إني بهتم كتير بتاريخ الطبخ بس بحس إنها أخدة شوي من المطبخ العربي و شوي من المطبخ الهندي على كل حال المهم في انهاية الطعمة   و كل عام و أنتي بخير بمناسبة عيد الأضحى و منى و كل زوار الموقع

14  الكاتب منى, on 21-11-2010 10:37 كل سنة و انت سالمة كرميلا     رح ابدا من الاخير للاول     انا هلا عم حضر شي مهم و عندي اخر وقت راس السنة , لهيك مشغولة كتير و ما ووقتي ضيق كتير   ان شاء الله فترة و بتعدي و بدي تدعيلي بالتوفيق و ربي يبارك بوقتي     الحمص المقسوم , هو بعد ما تسلقي الحمصات بتحطيها بمي باردة و بتحركيها , بتلاقي القشة طلعت لفوق و حبة الحمص نفسها صارت نصيين     ما عندي فكرة اذا فيك تحضري الوصفة بدون شبت و زعفران , هي بدها سهى لتجاوب    اخر الشي الشبت هي صورته         و هو مو متوفر الا بالمولات الكبيرة

16  الكاتب souha, on 31-01-2011 23:09 هلا صبايا كيفكن   هلا كرميلا أسفة إني متأخرة بالرد بس عذريني شغلي لفوق راسي بالنسبة للحمص متل ما قالت منى شغلتو سهلة كتير يعني إذا بتغطي عليه بعد السلق بيستسلم لحالو أما الزعفران و الشبت ما فيكي تستغني عنهن لأنو هالوصفة مكوناتها قليلة و بتعتمد على المطيبات لحتى تحصلي على النكهة المميزة و بالنسب للشبت بنصحك تجربي طعمتو خيال و بيلاقي استحسان عند معظم الناس و معلومة عالطاير لما تشتري الشبت لا ترمي منو و لا تنتوفة قصي الأعواد السفلية و حطيها مع المخلل لما بتكبسه بس شو مخلل بيطلع غراااااااام   كيفك منونة من وين جايبة صورة الشبت غرف قلبي رح نط جوا الشاشة   سلام لكل الصبايا

17  الكاتب souha, on 31-01-2011 23:09 هلا صبايا كيفكن   هلا كرميلا أسفة إني متأخرة بالرد بس عذريني شغلي لفوق راسي بالنسبة للحمص متل ما قالت منى شغلتو سهلة كتير يعني إذا بتغطي عليه بعد السلق بيستسلم لحالو أما الزعفران و الشبت ما فيكي تستغني عنهن لأنو هالوصفة مكوناتها قليلة و بتعتمد على المطيبات لحتى تحصلي على النكهة المميزة و بالنسب للشبت بنصحك تجربي طعمتو خيال و بيلاقي استحسان عند معظم الناس و معلومة عالطاير لما تشتري الشبت لا ترمي منو و لا تنتوفة قصي الأعواد السفلية و حطيها مع المخلل لما بتكبسه بس شو مخلل بيطلع غراااااااام   كيفك منونة من وين جايبة صورة الشبت غرف قلبي رح نط جوا الشاشة   سلام لكل الصبايا

18  الكاتب منى, on 01-02-2011 18:06 الله يخليك كرميلا على الدعوات الحلوة الكريمة من اخت كريمة متلك و متل ما قلتي هادا الشي الي شاغلني           ام السوس طولتي الغيبة هل المرة   بتعرفي من وقت ما دليتيني على الشبت و انا بجيب منه دوما و كتير بيعطي نكهة طيبة و انا عم استعمله كتير للسلطة , بس لسا ما جربته للمخلل , هلا رح جربه ان شاء الله    يا ستي هي الصورة من بابا جوجل , حبيب الملايين الله يخليلنا ياه

19  السلام عليكم جميعا الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-03-2011 18:55 تسلم إيدكون على هاوصفة اللذيذة ،أنا بحب كتييييير الشبت والزعفران لذلك ركضت ركض وعملت هالأكلة بس للأسف فرطوا الطابات أثناء الطبخ!!!!ياترى شو الغلط اللي عملتو؟؟

21  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 22-03-2011 16:34 والله ممكن شوي ، أو ممكن قللت الحمص شوي على كل حال رح جربها مرة تانية وبخبرك انشاءالله. ألف شكر

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved