L2ma.com | لقمة طيبة | L2ma.com | لقمة طيبة | كاتو التمر بدون بيض | حتى, كوب, · , نصف, يترك | L2ma.com

القائمة الرئيسية

الأكثر تصفحاً

كاتو التمر بدون بيض

الكاتب/ منى

25/04/2007

25 تمرة منزوعة النوى و مقسومة بالنصف
كوب و نصف حليب
كوب و نصف طحين حلويات
كوب سكر
نصف كوب زيت
ملعقة و نصف صغيرة بيكنغ بودر
نصف ملعقة صغيرة بيكربونات الصودا
2 ملعقة كبيرة حليب بودرة

للتزيين :

صلصة التوفي كريم
قرفة مطحونة

طريقة التحضير

·          يوضع الحليب على النار حتى يغلي ثم يضاف التمر و يغطى القدر و تهدي النار و يترك يغلي لمدة دقيقتين ثم يبعد عن النار و يترك بعدها التمر في الحليب لمدة 4 ساعات مع تغطيه القدر .

·          بواسطة شوكة يهرس التمر حتى ينعم و يمكن ترك بضع القطع الكبيرة فيه حسب الذوق , يحمى الفرن على حرارة 180 درجة , يدهن قالب كيك بالزبدة ثم يغلف بورق زبدة و يدهن الورق.

·          توضع باقي المقادير في خلاط الكوكتيل و تمزج حتى تتجانس جيداً ثم يضاف المزيج للتمر و يقلب الكل جيداً حتى تتجانس المواد .

·          يصب المزيج في القالب المدهون و يخبز في الفرن لمدة ساعة أو حتى يخرج نصل السكين نظيفاً .

·          يترك الكاتو ليرتاح في القالب لمدة ربع ساعة ثم يقلب و بعد أن يبرد يزين بصلصة التوفي كريم و ترش القرفة و يقدم .

أضافة إلى المفضلة (1) |

أقتباس | مشاهدات : 4607

تعليقات (23)

1 hi
الكاتب بتول, on 05-11-2007 19:08
سلامات هل يختلف طحين الكاتو عن طحين الحلويات؟؟؟؟؟؟؟؟؟؟؟؟؟

2 الكاتب منى, on 06-11-2007 10:11
لا بتول ما بيختلف ..

طحين الكاتو هو نفسه طحين الحلويات

3 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-04-2008 11:58
هل ممكن نستغنى عن بيكربونات الصودا ونضيف بيكنغ بودر بدالها ؟؟؟؟

4 الكاتب منى, on 01-04-2008 13:21
فيك تستغني عن البيكربونات , و ما في داعي تستبدليها بالبيكنغ بودر

5 الكاتب سارونات, on 15-07-2008 19:37
السلام عليكم و رحمة الله و

بركاته

ان شاء الله راح اعملها لمن

بشتري تمر و ان شاء الله تطلع

النتيجة حلوة

بدي اعرف شكل الصينية اللي

عملتيها فيها و حجمها ازا

ممكن

وربنا يجازيك كل خير على

وصفاتك الطيبة و المميزة

6 الكاتب سارونات, on 11-09-2008 13:35
السلام عليكم و رحمة الله و بركاته
اختي منى انا كاتويين التمر ان شاء الله تنيناتهن راح جربهن يمكن برمضان او بعده بس بدي اسال عن كيفية حفظ التمر مو مشان ناكلو بعدين كحبات و انما مشان اعمل فيه كاتو التمر يعني ساعات بيضل شوية تمر و ازا طول بينتزع يعني فيني بس شيل النوى و اقسم الحبة نصين او لارباع و حطها بكيس و بعدين بالفريزر هل هالشي بينفع او لا و ازا بينفع فقديش بيضاين بالفريزر
بالتوفيق
سلام

7 الكاتب منى, on 11-09-2008 14:56
اكيد فيك اختي و بالفريزر بيبقى لاكتر من شهر او شهريين من دون ما يصير اله شي , و بعدها منستعمله متل ما منحب

8 الكاتب سارونات, on 11-09-2008 16:50
السلام عليكم و رحمة الله و بركاته
حلو كتير كتير فرحت
و سؤالي المزعج المعتاد عن حجم الصينية ازا فيكي تقليلي
بالتوفيق
سلام

9 الكاتب سارونات, on 08-10-2008 02:28
السلام عليكم و رحمة الله و بركاته
:cry

هالكاتو من زمان بدي ساويه و كنت ناطرة ساوي توفي بس ما ضبط :sigh

مع اني راح ظل وراه وراه تيضبط بدي اسأل ازا راح يطلع الكاتو طيب ازا كان ساده و هل فينا نستبدل التوفي بشي صوص تاني و كمان السؤال المزعج عن الصينية
بالتوفيق
سلام
سلام

10 الكاتب منى, on 08-10-2008 10:30
هلا اختي , حجم الصنية هو نفس قالب التوست ما بقى اذكر قديه قلت الك قياساته بس هو نفسه

و التوفي مو ضروري ابداً , أصلا انا ما بحط التوفي الا للضيوف :zzz

11 الكاتب سارونات, on 08-10-2008 14:03
السلام عليكم و رحمة الله و بركاته
جازاك الله خيرا اختي منى كتير فرحت لانو قالب توست الحمد لله قلتيلي و الا كنت راح ساويه بقالب تاني لكان ان شاء الله راح ساويه قريبا و خبرك بالنتيجة
بالتوفيق
سلام

12 الكاتب منى, on 09-10-2008 08:15
ان شاء الله

بانتظار النتيجة اختي

13 الكاتب سارونات, on 09-10-2008 19:30
السلام عليكم و رحمة الله و بركاته
اختي منى ما في مشكلة ازا ما حطيت ورق زبدة ما هيك
بالتوفيق
سلام

14 الكاتب منى, on 10-10-2008 09:04
لا اختي ضرروري لان هل الكيك ممكن يلزق بالقالب و لازم يتغلف بورق زبدة :zzz

15 الكاتب سارونات, on 10-10-2008 14:44
السلام عليكم و رحمة الله و بركاته
ساويتو امس لما كتبت السؤال كانت مرت " ساعات على وضع التمر بالحليب
انا ساويتو من غير ورق زبدة و طلع كتير طيب و اخد51 دقيقة بالفرن و ان شاء الله المرة الجاية بساويه بورق زبدة
طلع كتير طيب وهش و ريحتو بتجنن و نفش و كمان حسيت انو كوب سكر كمية كبيرة لان التمر اصلا حلو فحطيت نصف كوب و النتيجة روعة
بدي اسال هل لازم اربع ساعات ما ممكن نقلل الوقت و نقطع التمر شقف صغيرة تحتى يصير سهل هرسه
جازاك الله خيرا اختي منى على الوصفة
بالتوفيق
سلام

16 الكاتب dado, on 11-02-2009 07:37
أما شو كاتو يا منى؟
شي بياخد العقل.. عنجد من أطيب الكيكات يلي دقتها بحياتي.. عملتها من يومين وكان عندي ضيوف ومعهن ولاد زغار.. ما شاء الله ما هدّى القالب خمس دقايق.. وانا طلعلي نتوفة زغيرة بس :cry

ريتو صحة وهنا على قلبهن

أنا عملت متل سارونات وحطيت نص كاسة سكر بس وطلعت حلاوته ممتازة مع حلاوة التمر الاساسية.
حسيته اكتر كاتو زبط معي لهلأ ونفش كتير ومنظرو وريحتو بياخدو العقل وكمان صحي أكتر لأنو ما في سكر كتير والتمر مفيد جداً.
يالله حاجتي حكي.. حاسة جاي على بالي اكتب معلّقة بهل الكاتو :grin

يسلمو إيديك يا قمر

17 الكاتب منى, on 11-02-2009 15:30
هلا سارونات

هنا و عافية يا حق , منيح عدلت الوصفة و طلعت على زووءك وانا متلك احيانا بزيد أو بنفص السكر اذا كانت كميته مو مناسبة لعيلتي و زوءها

شو خسرانة سارونات على اربع ساعات ! ما دامها هيك الوصفة نجحت معك لا تعدلي عليها

18 الكاتب منى, on 11-02-2009 15:34
هنااااا و الف الف عافية على هل الكيك دالو , بتعرفي بعد ما قرأت ردك حسيت حالي لازم اركض على المطبخ انقع التمراات :grin

لازم تدوقيني شي قطعة منه , الف هنا على قلبك و قلب ضيوفك و كمان هل الكيك مناسب نوعا ما لمرضى للكوليسترول و السكري بس أكيد من دون التوفي :zzz

19 الكاتب DOUHA, on 14-03-2009 21:08
يميميميميممييي شو طيب هل الكاتوو كتير خفيف وتغيير شكل كترونا من هل الوصفات
مرسي منى

20 الكاتب منى, on 15-03-2009 06:57
هنا و الف عافية ضحى

كتير انبسطت انه عجبك و تكرم هل العيون

21 الكاتب إسراء, on 14-02-2011 01:24
السلام عليكم ورحمة الله وبركاته
اليوم جربت هالكاتو و الشغلة الحلوة اللي فيه انو لما طلعته من الفرن ما هبت عليي ريحة زنخة متل بقية الكيكات بس انا عملت تعديلات بسيطة مع انو اول مرة بجربو ... حطيت نصف كوب سكر لانو لقيت التمر مع كوب سكر لح يطلع حلو كتير وخفقت التمر بالخلاط لانو ما منحب يطلعلنا شقف ونحنا عم ناكل قام صار لونو بيج وماحلو بنوب قمت من خوفي مايطلع طيب حطيت رشة قرفة ورشة زنجبيل زغنونة ودخلتو للفرن وطلعت ريحتو طيبة كتير وراقبته وهوي عم بنفش نفشته متل كيكة الموز بالميكرويف وحتى بتوقع انو بنفع انو نخبزه ع الميكرويف بقا المرة الجاية هيك لح اعمل

لك صحي نسيت ما اكتب تعليقي ع الكاتو الاسفنجي مبارح عملتلن ياه لاهلي واهلي مكيفين عليي كل يوم عم جرب وصفة شكل والله من الملل طاقة روحي وعم اتفشش بهالحلويات بس عم خبيلو لزوجي من كل شغلة بعملا كم قطعة وبحطن بالفريزر بقا مابعرف اذا بنتزعوا؟؟؟؟؟؟

شكرا كتير ست منى والله يعطيكي العافية
عم حط الصور بصقحتي ع الفيس بوك بس الله وكيلك عم اذكر المصدر مشان الأمانة

سلام
........ إسراء

22 الكاتب محبةالمصطفى ملك, on 08-03-2011 19:13
منى أنا ناوية أعمل هالكاتو بس بدي أسألك كم سؤال..(كالعادة)..
أول شي هلأ الكاتو رح يطلع لونه بيج و لا شو؟
تانيا اذا خلطت التمر بالخلاط في مشكلة؟
تالتا أنا عندي تمر بس قريب شوي من الرطب يعني قصدي مو حلو كتير بيصير؟؟

23 الكاتب محبةالمصطفى ملك, on 09-03-2011 21:31
منى ليش ما في صورة للكيك؟

تعودنا على الصور المشهية

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 06/05/2010 )

< السابق		التالى >

[ عودة ]