أول ما وقعت هالوصفة تحت ايدي قلت لحالي غريبة بس لازم جربها و كنت متوقعة إنو ناس يحبوها و ناس لأ بس بعد التجربة العيلة كلها حبتها حتى ماما قالتلي جربي ضيفي عليها بيض مسلوق قلت بجرب و لبين ما سلقت البيض و عم استناه يبرد شوي كان ما بقي من السلطة غير ............ شوية ذكريات جميلة , على كل حال المرة الجاية بجرب أعمل عليها أبحاث و أطورها .
8 حبة خيار حجم وسط 1 بصلة حجم وسط 1 علبة صغار الذرة بوزن 425 غ
التتبيلة :
¼ كوب خل 4 ملعقة كبيرة عصير ليمون 2 ملعقة كبيرة ماء 1 ملعقة كبيرة سكر ½ ملعقة صغيرة ملح 1 ملعقة صغيرة فليفلة حمراء بودرة ½ ملعقة صغيرة فلفل القليل من زيت الزيتون
·يقشر الخيار و يغسل و يفرم ثم تفرم البصلة جناح و تضاف إلى الخيار.
·تصفى الذرة من مائها و تغسل من المواد الحافظة و تقطع إلى قطع خشنة و توضع فوق الخيار .
·تخلط مكونات التتبيلة جيدا في وعاء آخر ثم تصب فوق السلطة و تحرك .
ملاحظة : أنا استعملت خل عنب بيتوتي شغل الوالدة الله يحفظها و متل ما بتعرفو خل البيت غير شكل و ما بيكون حامض كتير متل الصناعي لذلك إذا استعملتو خل صناعي ركزوا التتبيلة قبل و بعدها ضيفوها لازم الطعم يكون بين الحلو و الحامض .
تعليقات (7)
