الباتون ساليه وصفة بسيطة وسهلة كثير تنفع كوجبة خفيفة ( سناك )

2 كوب دقيق
نصف كوب سمنة بحرارة الغرفة
نصف ملعقة صغيرة ملح
3 ملقعة صغيرة كمون مطحون
2 ملعقة صغيرة خميرة فورية ( حبيبات )
أقل بقليل من ثلثين كوب ماء دافئ
ملعقة كبيرة كمون حب





·         نضع الدقيق مع الملح والكمون ونقلب المواد جيدا .

·         نضع السمنة ونفرك الخليط باليد حتي يصبح كأنه مفتت .

·         نذوب الخميرة في الماء ونضعها على الخليط ونعجن جيدا للحصول على عجينة طرية متماسكة لا تلتصق باليد أو الوعاء  وسهلة التشكيل  .

·         تغطى العجينة وتترك حوالي ساعة لتخمر أو حسب  حالة الجو .

·         نأخذ مقدار من العجينة ونبرمها على الطاولة باليد على شكل أصابع طويلة .

·         تقسم الأصابع بالسكين أو المقص على هيئة أصابع طويلة أو قصيرة حسب الرغبة .

·         ترص الأصابع في صينية الخبز ويمسح وجهها بالقليل  القليل من الماء بحيث لا يصل الماء إلى القاعدة فيصعب إزالة الأصابع من الصينية .

·         يرش على كل حبة  قليل  من الملح والكمون المطحون والحب أيضا .

·         تخبز في فرن محمي مسبقا حوالي 160 درجة من تحت أولا ثم من فوق  مدة 10 إلى 15 دقيقة أو حسب فرنك  بحيث  يكون لونها فاتح جدا .

·         تترك مكشوفة لتبرد تماما ثم تحفظ في علبة محكمة الإغلاق  لحين التقديم .


إضافات :  

·         ممكن رش وجه الأصابع بحبة البركة أو حبوب الشمار .

·         يمكن استخدام الزيت النباتي أو الزبدة بدل السمنة وتكون بحرارة الغرفة .

·         عمل الأصابع الطويلة يوفر عليك الوقت والجهد أكثر من الأصابع القصيرة .

·         يجب الإنتباه عند برم الأصابع أن لاتكون رقيقة بل متوسطة حتى لاتحترق .   

·         لا داعي لدهن صواني الخبز لأن كمية السمنة داخل العجينة كافية لتعطيها عازل من الخارج .

·         يجب تحميص حبوب الكمون قليلا دون أن تتحمر قبل طحنها لتظهر نكتهتها بشكل أكبر .

·         يمكن التقليل من كمية الملح أكثر سواء داخل العجينة أو على الوجه لمن لايرغب به .

تعليقات (47)

2  الكاتب منى, on 20-08-2009 20:53 يم يمم يمم لارا   وصفة هيك شكلها بيشهي من وصفك و التفاصيل الي ذاكرتيها و الصور شكلها شغل احترااف , مممم    و لو ما الي هلكانة اليوم كنت جربتها فوراً لان انا هل النوع بحبه كتير و بعرف ان المصاروة شاطريين فيه كتير بقى سلم ديات ثناء لان عطتك الوصفة و سلم دياتك لانك شاركتينا اياها, لا شكرا كتيرر كبيرة .    لارا عندي سؤال , يا ترى يالسمنة بتطلع طعمتها متل الزيت و الا في فرق , انا حابة جربها بالزيت بس اذا بالسمنة اطيب فرح اطبقها متلك

4  الكاتب لارا مينا, on 22-08-2009 00:41 أهلين أخت gsm   عادي مش ضروري الكمون الحب لأن أكثر من مرة عملتها من دونه مع إني أفضل طحن الكمون كل فترة وفترة لأن إذا كان مطحون من مدة طويلة بيفقد نكهته ورائحته النفاثة.  وبالنسبة للخميرة الفورية مافهمت ليش ماتقدرين تذوبينها بالماء الدافئ ؟ بس عادي لأن مرة عجنتها بدون ماأذوبها وطلعت كويسة .  ويارب تعجبك وأحب أطمنك إن العجينة متسامحة مع الجميع وكيف ماعملتيها بتزبط إن شاء الله .

5  الكاتب لارا مينا, on 22-08-2009 02:03 أهلا وسهلا أخت منى   وما بيدنا إلا نجدد الشكر لك على مجهودك الطيب كل فترة وفترة ونعمله إعادة   والله يا ست الكل أنا مجربتها بالزيت و الزبدة والسمنة وكله طيب لأن ثناء لما أعطتني الوصفة   قالتلي اعملي حسب المتوفر عندك والفرق بالطعم بسيط كثير ويمكن ماتحسي فيه  وإن شاء الله تعمليها وتعجبك وأسمع أخبارك  عما قريب وصور تطبيقك كمان .  وعلى فكرة ريحة البيت كله مش المطبخ بس رح تكون معباه بريحة الكمون .  وتسلمين يارب وكل أحبابك .

7  الكاتب منى, on 22-08-2009 14:19 هلا حنونة   و عليك و على كل احبابك و الغوالي عليك يا حق

14  الكاتب souha, on 27-08-2009 11:52 السلام عليكم  كل عام و أنت بخير لارا مباركة طاعتك   يسلم دياتك أول ما قريت الأسم و لسا ما شفت الصورة خطر ببالي أنو الوصفة فرنسي أن بحب الوصفات الفرنسية الله يعطيك العافية و تسلم الديات

15  الكاتب لارا مينا, on 27-08-2009 14:14 وإنت بخير أخت سهى,, ويسلم يديكي يارب على كل الوصفات إلي قدمتيها... وجربيها رح تنبسطي فيها كثير بالعافية إن شاء الله

17  الكاتب لارا مينا, on 06-09-2009 22:47 الله يسلمك أخت سوما.. مزبوط أغلب المحلات والمخابز تبيعهابس أنصحك تجربيها لأن بتشوفي فررررررررررق كبير بينهم وبانتظار تجربتك أكيد .  تحياتي

18  الكاتب laraye, on 09-09-2009 04:43 مرحبا لارا   انا كمان اسمي لارا    بسلموا ايديكي انا كتير بحبن  رح اجربا انشالله هاليومين      منى ما بيصير اصوت لاكتر من وصفة؟؟؟

19  الكاتب رنا, on 10-09-2009 23:35 يسلم ايديكي يالارا ...ساويتها وطلعت رائعة كتير كتير وبالفعل كل الي داقها اخد الوصفة

20  الكاتب منى, on 11-09-2009 11:57 هلا لارا     لا اختي ما بيصير , كل واحد اله صوت بس , و بعرف ان القصة صعبة بس هيك لحتى الكل ياخد فرص متل بعضه       هنا و عوافي رنونة , ريتو الف صحة و عافية

21  الكاتب لارا مينا, on 12-09-2009 14:25 أهلين لارا وعاشت الأسامي وخصوووووووصا اسم لارا .. جربيها رح تنبسطي فيها كثير وبانتظار رأيك أكيد, تحياتي .

24  الكاتب لارا مينا, on 12-09-2009 20:57 ألف صحة وهناأخي ..فرحت كثير لأن زبطت الوصفة معك , والشكل مش مشكلة المرة الجاية بتكون أفضل أكيد أهم شيء لما تبرمها تستخدم أطراف أصابع اليدين كلها مع بعض مثل لما تستخدمهاعلى لوحة المفاتيح للكمبيوتر ومايكون البرم لفترة طويلة, وفرحت لفرحك لأنها اول عجينة تزبط معك ودايما مشوار الألف ميل يبدأ بخطوة والحمد لله يلي انفكت العقدة على وجه الباتون ساليه   وانا أذكر أول عجينة عملتها كانت عجينة البيتزا ونفشت نفشة مثل جاتوه الفورييه نوار تبع سهى وماعاد بين فيها طعم أي شيء من المكونات إلي على وجهها والزيتون الأسود حطيته عليها كامل مع البذر ماكنت عارفة إنهم يشيلوه   ودايما في حياة الإنسان لازم يكون فيه أول مرة .

26  كل عام وأنتم بألف خير الكاتب آرام, on 19-09-2009 14:32 مرحبا أخت لارا  جربت الوصفة كمان مرة وطلعت أفضل من المرة السابقة .. عملت الأصابع أقصر وأنحف فكان تشكيلهم أسهل بس أخذ وقت أطول .. وطلع شكلهم مقبول نسبياً .. بعض القطع رشيت عليها حبة البركة وكمان طلعت طيبة كتير .. يسلموا إيديك أختي.  أخت رنا شكراً على الاهتمام .. لا تستغربي أختي .. يمكن الموضوع بالنسبة إلكن سهل .. بس بالنسبة إلي فيه صعوبة كبيرة بأي شيء يحتاج إلى مهارة يدوية .. حتى بمعجون لعب الأطفال كنت فاشل .. يعني بدل السمكة يطلع معي فيل وبدل العصفور يطلع ديناصور وهكذا

29  الكاتب dado, on 22-09-2009 07:50 كل عام وإنتي بخير لارا  هي الوصفة هي آخر ما حرر من تجاربي مع المنيو الرمضاني.. حضرتها مبارح الضهر.. وما عاد اصبر حتى تطلع من الفرن.. ريحتها بتاخد العقل.. حتى أبو الشباب كان نايم وقلي أثرتلي على أحلامي هالريحة.. بس بدي فيق وأعرف شو عم تخترعي   انا غلطت وجربت نص الكمية.. كان لازم أعمل الضعف. من أول ما طلعت بالفرن لهفت 3 أصابع قبل ما تبرد.. وبعدين حجزت مكان ثابت بالمطبخ.. تقريبا خلصتن (ضل بس 3)   يسلموا إيديكي لارا.. وإذا عندك وصفات تانية من هالنمط ما تقطعينا

30  فطر سعيد الكاتب لارا مينا, on 22-09-2009 17:40 وإنتي بخير دادو   وكل حبابيك وعيدكم مبارك يارب   وألف صحة وهنا وعافية   وفعلا فكرة المنيو الرمضاني رائعة جدا بتعطي خيارات للواحد وأنا عني جربت معظمها والباقي على الطريق بإذن الله .  ومزبوط كلامك الأصابع شغلتها شغلة مستحيل أي واحد يتركها في حالها ... وإذا بيجينا ضيوف أحتار أنا وأمي وين نخبيهاويمكن تضحكي علينا مرة خبيناها في دولاب الملابس وحطيناها في حافظة مكتومة علشان ماتطلع ريحتها ,, وإذا عندك أطفال رح يجنوا عليها ,,أخوي الصغير يقولي أبغاكي كل يوم تسوين لنا هاذي على باله ماعندي شيء فاضيييييييييييية على الآخر   وأبشري بالخير بإذن الله كل ماكان عندي وقت فراغ رح أبعث وصفات ثانية .تحياتي .

34  الكاتب farah, on 09-01-2010 23:35 شكل هالوصفة ظريفة انشاء الله بدي جربها بس بدي اسالك عزيزتي منى اذا بتقدري تفيديني كيف استطيع اختبار الخميرة الفورية اذا كانت صالحة ام منتهية الصلاحية لأني بصراحة بحتفظ فيها بالبراد ومن يومين جربت فيها طريقة البوب كورن تشيكن بس حطيت سمك بدك الدجاج المشكلة اللي صارت انة بعد ما طلع من الزيت طري وصار متل طبقة العجة هو طلع كتير طيب بس مش مقرمش  فيا ترى الخميرة السبب اليوم حطيت شوي بصحن وضفتلهم ماء ساخن فما عطت اي تفاعل شو رأيك يمكن منتهية؟؟؟  آسفة لطول السؤال بس في كذا وصفة متعطلة على هالخميرة

37  الكاتب farah, on 12-01-2010 21:12 بعد التجربة يا دووووب طلع رغوة بالنصف بظن من اثر التحريك هلأ ريحتها خميرة   بس يا ترى هيك بيكفي انها شغالة ؟؟؟ شو رأيك ارميهم مع ان عندي ظرفين كاملين منها

39  الكاتب لارا مينا, on 02-04-2010 09:50 وتسلم إيديكي كمان أخت لمياء شكرا لتعليقك .    الأخت أم روكساناأنا بعملها وبدخلها الفرن لأن أنابعمل صينيتين فعبال ماأبرهم كلهم وأقطعهم وأرش عليهم ملح وكمون وبأخذلي دورة أو دورتين بالمطبخ بتكون خمرت للمرة الثانية خلص ومافيه حاجة إنك تنتظري عليها مرة ثانية وعلى فكرة الصينية إلا برمتها قبل هي يلي بدخلها أول وبتنتفخ مثل الصلاة على النبي _ والأصابع تكون طويلة وماتكون ثخينة ولا رفيعة وسط وبعدين قصيها مثل طول إصبع اليد أو حسب ذوقك   وماتقطعيها صغار كثير ويارب تزبط معك .    شكرا لإضافتك أخت فرح.    الأخت أم حمزة ماأظن إنها رح تزبط بالبيكنغ باودر لأنها مش مثل الكيك وتعتبر شبيهه بالخبز ومن المعجنات ولازم خميرة فورية.  وعلى فكرة إعجنيها واتركيها حتى لو كنتي مشغولة ومجرد ماتفضي إعمليها وخلي الأولاد يساعدونك لأن أنا لما اعمل كميةكبيرة للبيت بتنسد نفسي من كثر البرم فبنادي إخواني الثنين الصغار والله وكيلك بيبرموها في ثلث ساعة

40  جربتها وفعلا لذيذه الكاتب أمــ نــــدى, on 27-10-2010 11:47 يعطيك العافيه أخت لارا  الوصفه حلوه جدا وانا من عشاق الباتون ساليه   وجربتها من قبل كده بطريقتك ووالله ما قعدت ساعتين وكان المقدار خلص بالهنا والشفا , كتير عجبهم ..     لكن لدي سؤال . وقت جربته طلعته من الفرن وهو فاتح متل اللون اللى عندك تمام   كانت الاطراف مقرمشه وحلوه لكن من الداخل كان لايزال فيه بعض الطراوه مع العلم انه ما كان سميك بالعكس كان في سمك الجاهز تمام   والجاهز يكون كله مقرمش فيا تري شو السبب   اه كمان فيه صينيه نسيتها شوي بالفرن   وخدت بس لون زياده ما انحرقت وطلعت اطيب طعمه فيهم كلهم ومتل الجاهز ومقرمشه جدا   يعطيك العافيه وانا بحب وصفاتك كتيييييييييييير

42  الكاتب منى, on 04-01-2011 07:42 صحتين و الف الف هنا اخي احمد بكل لقمة و كمان شكرا كتير للافكار , بالفعل متل ما قلت ممكن الواحد يتفنن فيها , عنا بسوريا بيحطوا فلفل احمر و نوع بالسمسم و نوع بحبة البركة و اكيد اول نوع هو الكمون

43  الكاتب لارا مينا, on 11-02-2011 21:41 مساء الخير أخت أم ندى   ألف ألف صحة وهنا, مبسوطة كثير لأن عجبك    بالنسبة للطراوة ممكن النار كانت عالية أو بعد مايطلع من الفرن خليه فترة وهو مكشوف بيرجع بيقرمش أكثر لأن أول ماطلعيه من الفرن لازم يكون طري وبعدها لا    تحياتي     أهلين أخ أحمد     ألف صحة وهنا والحمد لله يلي انتهى الإحتكار على إيدي     الأفكار إلي قدمتها جدا ممتازة وإن شاء الله المرة الجاية بنعمل العجينة بالنصف مالح وحالي    وكمان إضافات الأخت منى بالفلفل حلوة وجديدة     ألف ألف شكر

44  الكاتب رغد غسان علاء الدين, on 17-02-2011 21:11 ما شفت صور ولا هم يحزنون..مالي علاقة بدي صور

45  الكاتب منى, on 17-02-2011 21:57 كيف , الصور واضحة و طالعة عندي رغود , شو القصة

47  الكاتب منى, on 19-02-2011 08:59

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved