بسم الله اتفضلوا  و الأكل على أد المحبة

رح نبدأ بالعصير و لارا ضيفتنا أطيب شراب زبيب , وصفة أصيلة

شراب الزبيب ( لارا مينا )



و بعدها الشوربة و عندا تنتين واحدة من أم السوس و التانية من عروستنا الحلوة أمونة

شوربة الفريكة بالخضار (souha)




رشوف (أمونة )




و الي حابب يزين سفرته بشوية سلطات و مقبلات , يختار من هل الأطايب الي بيعجبه



سلطة الخيار بصغار الذرة (souha)





لفائف الفليلفة بجبنة الفيتا(souha)




البيض بالمايونيز (souha)





و الطبق الرئيسي شي جديد و معطر بروايح الهند و توابلها , اتفضلوا على سفرة سهى


كرات الدجاج بالزعفران (souha)



و ما رح ننسى الموالح و الضيافة هل المرة على لارا

باتون ساليه ( لارا مينا )




و هلا وصلنا لمهرجان الحلويات الي كان الها حصة كبيرة على سفرتنا
أشكال و ألوان و من كل البلدان
و الي عمل النا الحلويات , أم أحمد و رنونة و سوما و سهى
يا سلام اتفضلوا يا صبايا و دايما الحلو اله محل




فطيرة التفاح على الطريقة التركية ( souha)




كاتو بشرايح الأناناس ( رنا )





كاتو النسكافييه ( أم أحمد الغالي)



كيكة البسبوسة ( رنا )




تشيز كيك السويسرول (soma)





شبكة العنكبوت  ( رنا )





كاتو الفواكهة بكريما القشطة  ( رنا )




كاتو الفوريييه نوار (souha)





و هيك خلصنا و ان شاء الله تعجبكم سفرتنا

صيامكم مقبول ان شاء الله و طاعاتكم مقبولة

و ربي نكون كلنا من عتقاء هل الشهر نحنا و كل أمة محمد 

تعليقات (91)

2  الكاتب منى, on 08-08-2009 13:59 تسلميلي لارا

3  الكاتب رنا, on 08-08-2009 21:51 شو هالافكار الخطيرة يامنى شي كتير مميز وانشالله رح تعمر سفرتنا بأكلات لذيذة ومن كل النكهات والبلاد والاذواق  ياستي انا اشتقتلكم كتير واشتقت للموقع انا صرلي زمان ماتفقدت الموقع لانه هداك الشهر مابعرف كيف مر ...اجت امي من سوريا وولدت الحمد لله وجبت زينةخانم وصار عندي مسؤولية ولدين ..يلا الله بيعين انشالله رح حاول شارك معكم بالمسابقة والك يامنى كل الحب والتقدير

5  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 09-08-2009 03:40 اهلين منى. شو فكره هالمسابقه الحلوه. عجبتني كتير و ان شاء الله راح اشارك فيها ان الله قدرني. فرصه لنتشارك مع الاخوات بوصفاتنا المختلفه. رمضان كريم و كل سنه و الجميع بخير.

7  الكاتب نور الأسلام, on 09-08-2009 20:09 السلام عليكماختي منى وجميع الاخوات رمضان كريم وخير وبركه للجميع انشاء الله الف الحمدلله على السلامه اخت رنا وريتو الف مبروك تتربه بعزكم ودلالكم يارب بقي الشقا علي بقا والله عم اتوحم عن جديد وعم افطم ابني ومعزبني هاليومين شكرا الك منى مابينفع اذا طبقت وصفه من وصفات الموقع وبعثتها برمضان او لازم قبل رمضان

8  حبيبتي منى الكاتب امونه, on 10-08-2009 17:57 حبيبتي منى انا ايمان من الأردن قبل كل شي بدي ابارك الك و لكل الستات الي معك على سنتين من الجمال و الابداع الي ان شاء الله ما بينتهوا    انا كنت بتابع مطبخكم المميز من أول أيامه و بصراحه ما بقدر ما افوت هالموقع كل يوم حتى لو مو ناويه اطبخ     ما بعرف ليه ما فكرت قبل هيك اني اشترك معكم بهالموقع الرهيب و المميز     بس هيني بالنهايه صرت وحده منكم ان شاء الله و حاسه اني بعرف كل وحده منكم ازا مو بوصفتها بكون بتعليقها الظريف على الوصفات الموجوده    يا رب تقبلوني بينكم و الله يوفقكم بهالمسابقه الجديده ...

9  الكاتب رنا, on 10-08-2009 19:04 شكرا كتير ياسوما كلك ذوق ومابعرف قلك عقبال عندك ولا شو لانه ماسبق وتعرفت عليكي ...بس رح قلك انشالله عقبال ماتحققي كل الي بتحلمي فيه     الله يكون بعونك يانور الاسلام والله حاسة فيكي لاني مريت بهالمرحلة ...الوحام والفطام ...يلا الله بيعين ...الوحدة بس تطلع من بيت اهلها بتقول وداعا للراحة

10  الكاتب منى, on 10-08-2009 19:54 سلام عليكم كل الصبايا المجموعة هون , انا كنت غاطة و مو مبينة , بس مو على فاشوش . كان عندي عزيمة لرفقاتي رح نزلكم اخبارها المصورة و اللذيذة باذن الله    رنونة الحلوة مبارك ما اجاكم و الحمد لله على قيامك بالسلامة و الف مبروك وصول زينة خانم الحلوة , ربي يجعلها تقية نقية صالحة بارة فيك و بابوها و من المسعدات في الدنيا و الاخرة .  و انا عم قول لحالي وين هل الغطة , بس الصراحة ما خطرلي .  هلا اهم الشي صحتك و البي بي و اذ صح الك و طبختي شي فياسلام اذا شاركتينا.  ديري بالك على حالك اهم الشي هلا , ما بعرف شو قول . بس انا بموووت على القطط بهل العمر و هيك اشتهيت شمها من خدها لهل القطة الحلوة , الله يخليلك ياها

11  الكاتب منى, on 10-08-2009 19:54 هلا ام احمد   الوصفة وصلت , اما الصورة ففيك تحمليها على ايا موقع لتحميل الصور و بعدها تحطي الها رابط و انا ما نشرت الوصفة لان رح نزلها بموضوع مستقل ان شاء الله , بس لا تنسي الصورة يا عسل

12  الكاتب رنا, on 10-08-2009 20:22 الله يسلمك يامنى معقول ماخطرلك اني ولدت بس معك حق انا لهلأ مو مصدقة   ياستي صرنا رنونة وزنونة وياريتنا جنب بعض لاعطيكي ياها تشميها وتضميها وتنيميها عندك كمان ..والله انتي يامنى عن جد صرتي اختي عن بعد وبحكي عنك بالخير لكل الناس كاني بعرفك من مية سنة وصرت شايفتك بنومي كذا مرة   انشالله رح حاول شارك بهالمسابقة الظريفة وشكرا الك عالدعوات الحلوة وانشالله الك مثلها يارب

13  الكاتب منى, on 10-08-2009 20:48 هلا امون   يا عين يا عين , رح حضر حالي على وصفتك , و انا بعرف مسبقا انها نغم يا ملكة الكنافة البيتوتية   ان شاء الله ينعاد عليك و على كل عيلتك بالخير و البركة و التقوى و الطاعة و يا رب نكون بالاضحى على جبل عرفات , اامين يا رب اميين

14  الكاتب منى, on 10-08-2009 20:49 هلا سوما   الوصفات فيكي تبعتيها كرد على ايا وصفة و انا رح انشرها باسمك باذن الله   بانتظارك سمسومة

15  الكاتب منى, on 10-08-2009 20:59 هلا نور  كانك رابطة راسك هلا , مو بالله . الحمد لله على الكبر و ...   الله يمرق هل الكم يوم على خير و يا ريت نور لو وصفة جديدة لان الهدف من المسابقة هو التجديد

16  الكاتب منى, on 10-08-2009 21:00 هلا ايمان   نورتي و مية هلا فيك و بكل اهل الاردن على راسي و الله .  كبرت هلا عيلتنا و زادت اخت جديدة و غالية , بس تعي لهون . ما في طلعة من المسابقة , بدنا وصفة اردنية على كيف كيفك , يعني خلص علقتي و ما حدش سما عليكي

17  الكاتب منى, on 10-08-2009 21:01 هلا رنونة , لك شو ما عم امزح معك .. هاتيها و انا بحطها بعيوني بس اذا عزبت كتير بالليل رح رجعها بايميل لعندك لان انتي بتفهمي عليها اكتر     الله يخليلي ياكي رنونة و القلب على القلب و انا رح استنى الوصفة اذا صح الك

18  الكاتب امونه, on 10-08-2009 21:40 اهلا بيكي ست منى و من عيوني راح بحبشلك بمطبخنا على وصفة أردنيه تعجبكم    بس دخلك بما اني جديده هون مو عارفه ازا في مكان معين بقدر اسأل فيه عن وصفات او هيك اشياء    بالعربي الفصيح مطلوب مني أكلة مندي و انا ما بعرف عنها شي ساعدوني

19  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-08-2009 00:36 اهلين منى. فينا نشترك باكتر من صنف? لانو في عندي طبقين جدا غريبين بحي اشترك فيهم. اما الاخت رنا فالف مبروك على زينه. ان شاء الله تتربى في عزكم. بدي منك جاجه و كماجه لانو بنتي كمان اسما زينه. زينتي صارت 22 و بعد كام شهر بتتخرج من الجامعه ان شاء الله. على فكره انا امونه امريكا (امونه الكنافه) لانو صار معانا امونه الاردن ميه اهلا و سهلا فيها معنا.

21  الكاتب رنا, on 11-08-2009 15:29 اهلا ياايمان اميركا وشكرا كتير الك عالمباركة اللطيفة ...ياستي انا سميت بنتي زينة لاني كتير بحب هالاسم وبحس كل اللي اسمهن زينة حلوات وذكيات ...الله يخليلك زنزونتك ويحفظها ..ماشالله حولها صبية معناها بنتك قدي ...انا مواليد 1987 الله يخليلك ياها وتفرحي فيها وعلى عيني وراسي اطلبي وتمني ...بس شو هي جاجة وكماجة ماعرفتها       منى العزيزة شكرا كتير على لطفك وذوقك وصدقيني معجبين زينة كتار ولو بتنبعت بايميل كنت ماخليتها عندي بنووووب       الاخت سوما ..معناتا عقبال عندك بولد او بنت يصيروا اخوات لالمى واكيد زوجك يبعد كم شهر رح يغير رأيه ويشتهي على صغنون

22  الكاتب souha, on 12-08-2009 14:53 كيفكن يا صبايا يا حلوين لمة حلوة و أخبار حلوة   كيفك منونة   جيت بدي أبعت وصفة و كنت كتبتها على الوورد و عم أعمل لصق بس الزر ايمين مو مسموح يا ترى شو القصة على كل حال رح أبعتها باإيميل   سلام

23  الكاتب منى, on 13-08-2009 23:03 هلا امونة الاردن انا عملت المندي مرة يمكن او مرتين , بس هلا نسيانة وين حطيت مقاديرها ان شاء الله بدور عليها و يا رب لاقيها و الف شكر الك للوصفة

24  الكاتب منى, on 13-08-2009 23:28 هلا أمونة الكنافة , قصدي ملكة الكنافة   يا عيني , اكيد ممكن تشتركي باكتر من طبق و في أخت حلوة معنا , شطورة كتير اشتركت و بعتت منيو كامل

25  الكاتب منى, on 13-08-2009 23:48 هلا سوما   الف شكر الك للوصفات , شي بياخد العقل , سلمن يا حق

26  الكاتب بشرى, on 16-08-2009 04:09 السلام عليكم يا حلوات .. كيفك منوشة الحلوة؟    وشي أسود منك والله إنو ما صحلي شوفك هالمرة بسوريا.. بس والله صار معي ظروف ومرض الله يبعده عنك وعنا أجمعين .. بقى سماح مهيك ..     بقى أنا رجعت وإن شاء الله رح ارجع عالموقع متل أول ..     بالنسبة للمسابقة أنا مشاركة وفي عندي كم شغلة جديدة كمان رح ابعتلك ياهن آخر الأسبوع ان شاء الله ..

27  الكاتب بشرى, on 16-08-2009 04:10 رنا .. ان شاء الله ألف ألف مبروك زنزون .. لو تعرفي شو بحب هالاسم .. بكرا اذا الله طعمني ولاد رح سمي بنتي زينة كمان ويصيرو رفقة بنتك وبنت منى وبنتي     ألف مبروك عيني ..

28  الكاتب منى, on 16-08-2009 07:47 هلا ام السوس   هل الخاصية منعناها بسبب السرقات و اللطش الي شغال على ابو موزة     بس فيكي تعملي لصق عن طريق  ctrl+v  المهم الوصفات وصلوا و يمممم

29  الكاتب منى, on 16-08-2009 07:49 هلا بشرى   شو وشك اسود و ما اسود , يييي عادي و الله   ان شاء الله كان شي بسيط     يلا رح استنى الوصفات و نورتي مرة تانية بشورة

31  الكاتب امونه, on 17-08-2009 23:18 منى يا عسل ... الي كم يوم ما دخلت الموقع مع اني بفوت كل يوم حتى لو ما بدي اخد وصفه بس مشان أحافظ على حواسي الذوقيه     جايبتلكم خبر حلو .. يوم الخميس 20/8 راح يكون خطبتي و كتب الكتاب ان شاء الله ... و طبعا انا ما تركت هالموقع بكل الواقات الي مرت و الي سبقت هالارتباط...او مره اجوا شافوني اهل العريس عملتلهم كيكة من هالموقع و تاني مره اجى معهم العريس و عملتله حلو برضه من الموقع و تاني مره اجى عملتله التراميسو و يوم الفاتحه عملتلهم كيكة التفاح و غطيتها بالتوفي كريم ... و طبعاً سمعوا بالكبب الي بعملها و كلها اتعلمتها من منى جزاها الله خير هي و كل الستات الي بفيدونا هون ... و اأول كلمه حكاهى العريس بدنا ندوق عمايل اديكي ... جد كتير مبسوطه فيه هو ابن حلال و شاريني ... و الحمد لله الي عوض صبري فيه ... انا راح أصير بـ 14/2/20010 راح يسير عمري ان شاء الله 29 يعني دوبني لحقت أخرج من ركب العنوسه ههههههه  سبع صنايع و البخت ضايع ... بس الحمدلله الي بعتلي الي يستاهلني و استاهله ان شاء الله   ادعولي الله يتمملي على خير و يكون وجه خير عليي و اكون و يكون الي عون على ديني و دنياي يا رب آآمين ...    منى ما راح أبطل أخد منك و أتعلم انتي بجد عم تفتحي بيوتنا جزاكي الله خير عني و عن الجميع و عقبال ما تفرحي بحبايبك يا رب

33  الكاتب منى, on 20-08-2009 14:36 امونة ان شاء الله الف الف الف مبروك يا رب الخطوبة و الكتاب و يا رب يباركلك فيه و يباركله فيكي و تكوني ستر و غطا لبعض و تكونوا مبسوطين في الدنيا و الاخرة و تعينوا بعض على الحق و الخير يا رب ..    ما بعرف كل ما بشوف عروسة بدمع عيوني , مرحلة جديدة و مهمة بحياتك رح تبدا , و ان شاء الله تكون خير .    هي مبروك كبيرة و هي بوسة من هل الخد و الخد التاني , و هي زلغوطة حلوة

34  الزين للزينة الكاتب لارا مينا, on 20-08-2009 19:50 ألف ألف ألف مبروك أمونة الله يتمم لك على خير إن شاء الله ويسعدك يارب دنيا وآخرة ورح أقولك مثل مابيقولوا بالعامية عندنا أول ماتتملك البنت ( الله يبني بيتك ) - ( وبيتك مبارك ياعروس ) وأنا مثل الأخت منى بفرح كثير لأي وحدة ربي يرزقها بابن الحلال وكأنها أختي بالزبط والله يسعد كل البنات يارب ويفرحهم قريب مين ماكانوا

35  الكاتب منى, on 20-08-2009 20:47 هلا منى   نورتي الموقع و شرفتيه و انستي اختي , مية هلا فيك اخت جديدة كريمة و عزيزة و اتمنى ان تجربي شي من الوصفات و تكون طيبة و على زووءك و كمان اتمنى ان تبقي معنا على طول   الف شكر الك لكلامك و ردك الطيب

37  الكاتب أم الهدى, on 21-08-2009 00:39 أهلا وسهلا أمونة فيك أخت جديدة معنا وألأف مبروك والله يتمم على خير ويسعدك يارب  منونة الحلوة شو هلأفكار الحلوة ان شاء الله رمضان خير بنعاد عليك وعلى كل الأخوات بالخير والصحة والايمان يارب   الصراحة كان عندي كم وصفة كنت حابة شارك فيهم بس خفت اذا نزلتهم أغطي على باقي الوصفات وأفوز أنا قلت بترك دور لغيري ههههه  أكيد عمبمزح بس الصراحة كنت شوي مشغولة وما بقي عندي وقت يلا خيرها بغيرها   بس حبيت أعايد عليك وعلى الأخوات برمضان وأرحب بالأخت أمونة

38  الكاتب نور الأسلام, on 21-08-2009 01:35 السلام عليكم تحياتي الك منى ولجميع الاخوات حبيت اباركلك اخت امونه ويا ريتو انشاالله الف الف مبروك وجمع الله بينكما بالخير وتمام السعاده والفرح والسرور

39  الكاتب رنا, on 21-08-2009 13:23 الف مبروك ياامونة كتير فرحتلك وهادا لقمة طيبة وجهه حلو عليكي ...انشالله تضلي بهالنشاط المطبخي لانه عن جد الطريق الى قلب الرجل معدته ههههههههههههههههواسألي مجربة اللله يتمم على خير يارب وتعيشي حياة سعيدة كتير    شكرا كتير اختي ام كريم عالمباركة وكل سنة وانت سالمة بقدوم شهر رمضان الكريم انتي وكل الاخوات

40  الكاتب ام نور, on 21-08-2009 17:29 السلام عليكم ورحمة الله وبركاته  ماشالله على هل لمة الحلوة الله يديم المحبة اسمحولي اخواتي اعايدكم بمناسبة حلول شهر الخير والرحمة واتمنى شهر مبارك للجميع وينعاد عليكم بالصحة والسلامة وربنا يتقبل مني ومنكم امين يا رب  لا تواخذوني ما رح اقدر اشارك في المسابقة لان سوف ارحل في هذا الشهر الى مدينة اخرى وانا الان كتير مشغولة بتوضيب الاغراض والتحضير للانتقال ادعولي الله يسهلا علي وانشالله مجرد ما وصلت ومشي النت برجع بتواصل معكم

41  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 21-08-2009 20:58 اهلين بكل الاخوات هون. بعد اذنك منى دخلت ابارك لامونه الاردن الف مبروك بنتي الله يباركلك و يسعدك يا رب. ياللا ورجيهم الشطاره لبيت حماكي من هلاء. و بقول للكل رمضان كريم و كل عام و الجميع بالف خير و لمنى الحبيبه الله يخليلنا هالموقع الجميل ه الجمعه الحلوه . و لرنا الحلوه ام زينه جاجه و كماجه يعني جاجه و خبزه بيعطوها اذا سموا ابنهم على اسم ابن حدا هههه.   امونه امريكا

44  الكاتب laraye, on 22-08-2009 06:47 الف مبروك امونة والله يهنيكي يا رب و يهنيو فيكي.   و حبيت ابارك للجميع بقدوم شعر رمضان الكريم والله يجعلنا من عتقائه و ينعاد علينا وع اهالينا بالصحة والعافية

45  الكاتب ميساء, on 22-08-2009 09:43 أخواتي الكريمات كل عام وانتم بخير والله يعيده عليكم بالخير والعافية ويجعل طاعاتكم مباركة وألف مبروك للأخت رنا على المولودة الجديدة الله يجعلها من أبناء السعادة ويبارك لها فيها وكمان أمونة ألف مبوك الخطوبة ويجعل التمام على خير صحيح هو على سلامته وكمان نحنا أختنا في الموقع ست الستات وشطورة وما في متلها الله يو فقكم حبيبتي و يجمع بينكم لما يحب ويرضى   ولميمو الحلوة بقول شهر مبارك عليك وعلى زوجك وأولادك و كل أحبابك

46  الكاتب امونه, on 22-08-2009 11:13 حبيبااااتي و الله عم ابكي و انا عم اكتب هالرد و دوبني شايفه الكيبورد     الحمدلله يا ربي ملكتي كانت روعه و الكل بحكي و بتحاكى فيني و في خطيبي الله يحفظنا من العين يا رب و يبعد عنا كل شر و يحمينا    منى لارا ام هدى رنا ام احمد ام نور و نور الاسلام و الجميع ريتكم سالمين يا رب و الله يبارك فيكم و باعماركم و تشفوا بناتكم و عرايس ان شاء الله ..    عم فكر من هلآ شو بدي أحضر على عزومة النسب الجديد...هنه راح يعزمونا الأسبوع هاد و احنا الأسبوع الي بعده و من هلآ يا منمن الله يهني قلبك دنيا و أخره عن كل وصفه راح أخدها من عندك    و رمضان كريم على الجميع ان شاء الله و يكون شهر خير و بركه عليكم جميعاً يا رب

47  الكاتب منى, on 22-08-2009 12:27 سلام عليكم يا صبايا , اي شو هل اللمة الحلوة , الظاهر لازم يكون في موضوع دايما للفضفضة و لحتى نعرف اخبار بعض و اخر المستجدات على الساحة العائلية .  حسيت ان نحنا اليوم قربنا اكتر و اكتر من بعض , مبروك للعروستنا و للأم الصغنونة الحلوة و الحلوة الحامل الجديد و للعسل الي رح تنتقل ..    انا عني لسا ما صار الي يوم راجعة من السفر و هلا عم حضر الوصفات الي بعتوها و رح نزلها و رح تكتمل كلها ان شاء الله يوم التلاتاء .    هلا عندي عزيمة لأم زوجي و أمي و أخي ,هي اول مرة بيكون عندي عزيمة في بيتي أول يوم برمضان و انا كتير مبسوطة بالضيوف لان رح أخد ثوابهم باول يوم   حبيت طل على السريع و قول للكل ان شاء الله رمضان مبارك بالطاعات و التقى و يا صبايا ما بدنا نضيع وقتنا بالمطبخ , أو بالمسلسلات و التلفزيون , خلي تكون سفرتنا عليها وصفات بسيطة و سريعة لان هل الشهر فرصة للقرب من الله     رح نزل الوصفات كلها بنفس هادا الموضوع ان شاء الله .    سلامي للجميع و لا تنسوني بدعوة حلوة على الفطور اليوم صبايا

48  الكاتب نور الأسلام, on 22-08-2009 14:22 السلام عليكم كل عام وانت بخير اخت منى ينعاد عليك وعلى عيلتك واحبابك بالخير واليمن البركه وكمان بعايد على كل الاخوات الطيبات انشاء الله كل عام وانتن جميعا بخير وينعاد عليكن بالصحه والخير والبركه ولكل احبابكن يارب ولكل الامه الاسلاميه جميعا

49  الكاتب رنا, on 22-08-2009 15:21 احلى جاجة وكماجة وعزيمة مطنطنة لعيونك انتي بس شرفيني ياست ايمان خانم اول مرة بعرف انه كماجة يعني خبزة      شكرا كتير للاخت ميساء عالمباركة والله يهنيكي ويسعدك يارب      مممممممم منى خانم شو وين كنتي مسافرة ..ياستي بالهنا يارب وانشالله تكوني انبسطتي  ياستي بالفعل هالموضوع صار كتير حميمي وفيه الفة رائعة الله يديم المعروف يارب   وبالنسبة لعزيمتك انشالله بيبيض وجهك يارب انا متاكدة انها رح تكون سفرة غير شكل بس لاتنسي الصور  اما للمسابقة انشالله يكونوا عجبوكي وصفاتي المتواضعات قدام شغلك الرووووعة   صيام مقبول وافطار شهي يارب

51  الكاتب بشرى, on 22-08-2009 20:59 أمونة إن شاء الله ألف ألف مبروك .. الله يديم المحبة بينكن ويجعلو من الصالحين يارب ..    موفقة روحي ..

52  الكاتب منى, on 22-08-2009 21:18 هي كمان اول مرة بعرف ان كماجة معناها خبزة , امونة يا ست الستات , اكيد الخبز من تحت دياتك غير شكل , عندي احساس انك بتعمليه     رنونة كيفها البيسة الصغنونة , هي اكيد بعمر بنت اختي او اصغر شوي , بنت اختي اجت بـ 7 - 7 , هواية بالعيلة التواريخ المميزة     كنت بالجبل , شو سفرة اشتهيت فيها الغوالي , جو و منظر و جمعة بتجنن , الله يديم عيلتي علي و تبقى محبتنا و الفتنا و تزيد يا رب و الكل بالصحة و الهنا     صورت السفرة , بس ما كتير عجبوني الصور , خطر ببالي ان جمع كل سفري لرمضان و انزلهم فرد مرة , ما بعرف لشوف شو رح يطلع معي

53  الكاتب منى, on 22-08-2009 21:23 هلا غيوثة و لا يهمك , المه تكوني بخير و اطمن عليك دوما و لا تنسيني من دعوة حلوة

54  الشهر عليكم مبارك الكاتب لارا مينا, on 23-08-2009 00:11 أحب أهني الأخت منى وجميع الأعضاء بالشهر الكريم الله يجعله شهر خير وسعادة على الجميع ويعين كل وحدة عندها عزومة بهذا الشهر ويبيض وجهها قدام أهلها وضيوفها.  والأخت نور الله يتمم لك على خير وتقومي بالسلامة.  والأخت رنا الله يباركلك في البنوتة الحلوة وإذا كان طفلك الأول ولد رح تشوفي فرق كبير بينهم البنات دايما حلوين وهادين وما تحسي بتربيتهم لأن أمي كان كل خلفتها بنات ومع ذلك تقول عمري ماحسيت بتعب في تربيتكم أو دراستكم حتى أنا كنت من عمر 8 سنوات وأنا وأخواتي نساعدها في المطبخ والبيت ... وبعدين جابت آخر شي ولدين طلعوا عينهاوعينا وعين والدي كمان   الله يخليهم ويحفظهم يارب ونشوفهم ناجحين وموفقين دنيا وآخرة

55  الكاتب سمسمة, on 23-08-2009 01:20 ان شاء الله شهر مبارك ورمضان كريم عليكن

56  الكاتب امونه, on 23-08-2009 10:04 صباحكم عسل يا عسولات يا أحلى ستات ببيوتها مستتات     و الله متل ما قلتي يا منوش بدنا زاويه لطق الحنك     منشان ما نخرب الشكل تبع المسابقه    بجد حبيباتي هون بينكم بحس اني بين اخواتي و انا وحيده على سبع شباب يعني ما عندي اخوات بنات     بس هلآ صار عندي عشيرة مو أخت وحده ان شاء الله     يالله شدولنا الهمه بستنى بوصفات جديده للسفره الرمضانيه انا

59  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 24-08-2009 02:46 السلام عليكم انا عضوه جديده وكتير عجبتني وصفاتك يا منى عن جد انتي رووووووووووعه بس بدي منك مربي الكستناء اذا ما فيها ثقله

60  الكاتب عربية, on 24-08-2009 14:21 مرحبا يا بنات ومرحبا ياست منى ما بعرف اذا بتذكريني انا سجلت بالموقع من اشهر بس غمت هالفترة كلها شلووونكم وكل عاااام وانتوا بالف خير ورمضان مبارك .موقع يا ست منى كتتتيييييير مميز اتمنالك التوفيق

61  الكاتب ام دانية, on 24-08-2009 23:01 مساء الورد على احلى صبايا وتحية خاصة للست منى ورمضان كريم علينا وعليكم بس ياترى وين هل الغيبة يا ست منى انشاءالله على خير والله اشتقنا لجديدك لا تحرمينا من طيبات دياتك مابقنا نحسن نستغني

62  الكاتب امونه, on 25-08-2009 12:52 السلام عليكم     كيفكم يا حلوووين ... يا رب يكون غيابك خير يا ست منى و انا متأكده انه راح يكون في صور لموائد رااائعه بعد كل غيبه متل هالغيبه     و متل ما بحكوا عنا يا مطول الغيبات يا جايب الغنايم     بإنتظارك عزيزتي يا أحلى شيف نسائي بالدنيا

63  الكاتب رنا, on 25-08-2009 13:24 ياستي لا بنتي اصغر من بنت اختك ...انا بنتي اجت ب 12\7 يعني في شي اسبوع بيناتن...الحمد لله على رجعتك بالسلامة من الجبل والحقيقة شوبات حلب بدها الواحد يطفش على اعلى قمة ....خصوصي بقطع الكهربا والمي

64  الكاتب رنا, on 25-08-2009 13:26 ياستي الخيار التاني كتير ازبط مشان ماحدا يزعل

65  الكاتب بشرى, on 25-08-2009 17:09 الفكرة التانية كإني زابطة أكتر ..

67  الكاتب نور الأسلام, on 25-08-2009 20:30 مرحبا انا مع الاختيار الثاني

68  الكاتب منى, on 25-08-2009 21:51 سلامات لكل الصبايا صاحبات البيت و كمان الصبايا الجدد , و بحب قلكم نورتوا بيتكم النتي و ان شاء الله تبقوا مشرفين على طول     ميادة المعروك اقرب وصفة اله هي البريوشان شاء الله تشوفيها و تعجبك و يا رب يصحلي نزل شراب اللوز قريب     هلا ris الصراحة انا لسا ما جربت هل المربى , بس ناوية حضره هل الموسم اذا ربنا راد و يسر           هياتنا رح نبقى على الخيار التاني اذا كمان كان راي بقية الاخوات نفس الشي , مع ان كل وصفة حاسستها عروس و بدها تتغنج لوحدها بس هيك صار , معلش

70  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 25-08-2009 23:34 منى سوري حبيبتي لما نزلت الرد ما كنت شفت اخر رد لك انك قررتي. يا ستي اهم شيء انو في هيك حركه بالموقع و اكيد كل الستات هون ما دامهم بيحبوا هالموقع لالالازم يكونوا كلهن مزوئين و معدلين. فالغايه من الاشتراك هو روح المشاركه مو الربح. و الف مبروك سلف للرابحه. و صح تخمينك يا منمن اكتر شي بحبه و برتاح فيه لما اخبز معجنات. و كلمه كماجه تستعمل في اللغه اللبنانيه (كميجه) او الفلسطينيه (كماجه) بيكون رغيف مدور و بسماكه انش تقريبا. كانو من زمان (زمن جدتي) يخبزوه ثم يفتحوه و هو ساخن و يدهنوه بالسمن و يرشوا عليه السكر و ياكلوه. و ما كان حدا لا عندو كوليسترول ولا بلوط متل هلاء هههه. طبعا انا سمعت فقط عنه لاني ربيت بالغربه.

71  الكاتب منى, on 26-08-2009 16:05 امونة كلامك مزبوط اهم الشي المشاركة و ان كلنا نستفيد من بعض و هي اول مرة اسمع بالجاجة و الكماجة .    سبحان الله , كان جدودنا صحتهم حديد , لان كان الاكل مزبوط كله من خير الارض و كمان ما كان عندهم لا تلفزيون يقعدوا عليه و لا سيارات تنقلهم و كانت بيوتهم عامرة بالحب , ما بعرف كل شي قديم اله نكهة غير

72  الكاتب ام دانية, on 27-08-2009 12:47 السلام عليكم يا احلى صبايا ماشاءالله بغط شوي عن الموقع بلاقي مسابقات ووصفات بتجنن والاحلى من هيك عنا عروسة كمان انشاءالله الف الف الف مبروك والتمام على خير اخت امونة الصبر مفتاح الفرج يالله ياستي نححن السابقون وانتم لاحقون وماشاءالله يامنى على هل الموقع قدر يجمع الكل مع بعضوووووووو والله بتستاهلي كل خير وعقبال ما تفرحي بولادك امين

73  الكاتب منى, on 27-08-2009 13:45 اامين ام دانية و انت كمان و بكل حبابك و الوالي على البك يا قمر

74  الكاتب ام احمد الغالي, on 27-08-2009 20:14 عن جد منى وقت حطيت الوصفه ما بعرف كنت بدي شارك باي شي بيخص موقعك وما توقعت هيك تنزل مع المينو وخاصه انو الطبخ كان عقدتي   ما كنت فوت عل مطبخ الا نادرا جدا    يسلمو كتير منوشه يا عسل

75  الكاتب منى, on 27-08-2009 21:58 الله يسلمك ام احمد , على فكرة انا عملت وصفتك و زينتها و هلا رح صورهاقبل ما يصير الانقضاض عليها شاملا و كاملا , نفش القالب و شكله غير شكل و ريحة القرفة مع النسكافييه غرام

77  ساعدوووووووووني الكاتب امونه, on 29-08-2009 13:57 كيفكم يا حلوووووووووووووين     عزموني بيت احماي الجدد انا و اهلي و طبعاً كل قرايبهم و كانت عزووومه رووووعه و اكيد عملوا منسف و على خاروفين و سبقونا     هلآ دورنا بالعزيمه و مو عارفه شو راح اعمل انا و ماما خصوصي انه ما عندنا حد يساعدنا بشي و انا و ماما معنا اسبوع للتجهيز    بس لسه مو عارفين شو نعمل ... بدي افكار معقوله و فيها ابداع ...    يا ريت صنفين او تلات بالكتير لآنه التركيز راح يكون على الكميه     عدد المدعويين أكتر من 30 نفر     ميرسي مسبقا

78  الكاتب منى, on 29-08-2009 16:15 هلا مزونة   عوافي و هنا مسبقا و ريتو مية صحة و هنا .  كتير حلو واحدة عم تدرس تمد ايدها للمطبخ , الله يوفقك بدراستك و كمان بالتجارب الجديدة و يا ريت تخبريني شو بيصير معك

79  الكاتب منى, on 29-08-2009 21:35 هلا امونة   ريتو بالهنا يا قمر العرايس , بس و الله هيك مشكلة , نحنا عنا العزومة ما بتصير الا اذا كان في 5 او 6 اصناف على الاقل على السفرة , يعني اذا في صنف جديد و ما حبوه ما بيكون في مشكلة , لهيك ما دام التركيز على الكمية فأنصحك ما تعملي شي جديد او غريب على الزوء العام عندكم احلى ما يحبوه و ممكن يكون التفنن المقبلات و السلطات , هيك بيكون شي تقليدي و بنفس الوقت مودرن , ما بعرف اذا وضحت فكرتي , بس هي نصيحتي

81  الكاتب ام احمد الغالي, on 30-08-2009 09:04 صباح الخير منى ما قلتيلي عجبتك الكيكه ولا ماااا ؟؟؟  ياريت تنزلي الصورة

82  شلونكم يا صبايا الكاتب عربية, on 30-08-2009 13:06 مرحبا يا صبايا شلووونكم وشو اخباركم انشا الله يكون بقية شهر رمضان مبارررركة عليكم كلكم والله انا على قد ما طبخت من اول رمضان لليوم مليت فاليوم ما بعرف رح اخذ استراحة قصيرة واعمل شي سريع من شان هيك يا اخت منى دخلت اشوف قسم اطباق الزيت ،،،سلااااااااااااام يا حلوات والله بتفائل وقت بدخل وبشوف كتاباتكم

83  الكاتب منى, on 30-08-2009 14:20 ما شاء الله عليك لارا كفيتي و وفتي و افكارك كلها مفيدة , عجبتني كتير البسبوسة و طريقة تفريزها , فكرة حلوة     ام احمد طلعت طيبة كتير , ان شاء الله بحط صورتي اليوم , قصدي صورة التطبيق         هلا عربية   مم , ما في اطيب من طبخات الزيت , لو تحضري فاصوليا بزيت او بامة بزيت بتطلع طيبة كتير   ان شاء الله مبسوطة و متفائلة دوما بالخير , و عوافي نقدما      انا اليوم معزومة عند خالي, و امبارحة معزومة عند امي و الي قبله معزومةعند خالي التانية و بكرة كمان معزومةعند اية , لهيك انا ااخر ورقان و استرخاء , بس الدور جايني الاسبوع الي جاية بيعين الله

84  الكاتب بشرى, on 01-09-2009 21:28 انتي قدها وقدود منوشة ..    بس بدي إسألك سؤال فني سقافي , ورق السبرينغ رول شو منقدر نعمل فيو شغلات , كنت عم ساوي منو الأوزي وطلع طيب بس مو جعبالي أوزي بقى شو عندك أفكار يا أم الأفكار الحلوة

85  الكاتب منى, on 02-09-2009 13:55 لك تقبشني السقافة كلها     يا ستي انا بسوي فيح شي ناهي و قطايف , بسلق فروج بعدها بقلب بصلة و ثوم و فليلفة خضراء و حمرا و بيف الفروج المسلوق مع مكعب ماجي و شوية مي بس ما نشفت المي تمام التمام التمام بخلي الحشوة لتبرد و بقلبها بالمايونيز و بحشي الورقات فيها و بحط مع الحشوة جبنة , بعدها بلتهم ببيض و كعك و على القلي و بعدها الله اكبر شو طبق بيطلع

86  الكاتب souha, on 03-09-2009 20:14 السلام عليكم   كيفك منونة شو الأخبار إنشاء الله بخير   عجبني السؤال السقافي كمان أنا عندي سؤال سقافي وين يا ترى بلاقي سور كريم لأنو في شغلات لما بروح بسأل عنها و خاصة إذا كان إسمها أجنبي و غير قابل للترجمة بتلاقي البياع فتح تمو و اندهش و فكر شي خمس دقايق و بعدين بقلي ما عندي   و شغلة تانية يا ترى بينقام السور كريم بالفريزر بدون ما يخرب   سلام

87  الكاتب منى, on 04-09-2009 12:48 هلا ام السوس   شو قصة السقافة اليوممين دول    انا بجيبه من المولات , اظن اخر مرة كانت من كارفور , بس انامو متاكدة لان مشكلتي ما بحفظ اسماء     اما للفريزر ما اتوقع ممكن ينحفظ , بس انا عني مو مجربة لحتى قلك على الاكيد

88  الكاتب رنا, on 29-09-2009 14:16 شكرا كتير الك منى على هالمسابقة ...وبصراحة كلنا ربحنا عن جد ..وبحب بارك لسها وسوما وام احمد ولارا لان عن جد وصفاتهن كانت رائعة وطبعا بشكر كتير كل الي صوتولي (حاسة حالي بسوبر ستار )   وعقبال مانشارك بمسابقات تانية

90  الكاتب رنا, on 30-09-2009 14:23 شكرا كتير الك للتصويت ولتجريب الوصفات

91  الكاتب souha, on 02-10-2009 13:18 السلام عليكم  بحب بارك للجميع يلي شاركوا بالمسابقة فردا فردا رنا و أم أحمد و أمونة و سوما و لارا بصراحة الوصفات كلها كانت مميزة أنا بحب المشاركات الجماعية لأنها كتير بتغني الأفكار و أنشاء الله المسابقات التانية بتكون أحلى و أحلى

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved