السلام عليكم و رحمة الله و بركاته ,

مرة تانية مسابقة شو الوصفة في الموقع . المسابقة فكرتها بسيطة .. وصفة قديمة و حابة ترجع تتغنج بصورة جديدة أو يمكن وصفة من دون صورة ..

انا علي ان حط الصورة الجديدة و انت عليك تعرفي الوصفة و تحطي رابطها . كل ما الواحدة حزرت الوصفة بتاخد نقطة و الي بيجمع أكبر نقط هو الي بيفوز ..

أتمنى الكل يتفاعل مع المسابقة و تصير لمة حلوة متل المرة الماضية او حتى احلى ...

بسم الله الرحمن الرحيم , يلا

الوصفة الأولى , سهلة كتير يا جماعة , روداج يعني لحتى نبدى تحماية و ندخل على الوصفات التقيلة . وصفة بأصلها مصرية و هلا صارت هويتها عربية , بكل العالم معروفة و الكل بيحبها : الفلافل و أول واحدة حطت رابط للوصفة هيا سوما .

الوصفة التانية من المطبخ السوري و التركي , انا بمووت عليها و في حدا مهم بعد ما داقها قال انها واحدة من الوصفات التوب , يخنة الحمص و الي حزرت و أخدت النقطة نور

الوصفة التالتة كمان وصفة سهلة , انا و نايمة بعملها و بعد التجربة خبرنا أرام أنها واحدة من أطيب المعكرونات الي داقها بحياته , سباغيتي الا بيستو و الي حزرت الوصفة اول الشي سوما و هيك صار عندها نقطتين .

الوصفة الرابعة  من أطيب و أفخم و أشهى وصفات المطبخ الدمشقي .. الأوزي و أول واحدة عرفته  سمسومة , يعني صار عندها 3 نقاط ..

الوصفة الخامسة وصفة تركية , سلطة و الا مقبلات على زووءك , نحنا بحلب نعملها دوما و امي بتسميها تبولة , و الوصفة هيا ايتش و الي حزرتها و أخدت نقطتها الرابعة , كمان سوما

بالوصفة السادسة طلعنا من تركيا و وصلنا لليونان , وصفة كتير مشهورة و كتير طيبة و لما بتنحط على السفرة بتبين كانها عروس بألوانها الحلو و ريحتها الي بتشهي , السلطة اليونانية و الي عرفتها و اخدت اول نقطة ميوسة

الوصفة السابعة شي سهل و طيب و خفيف ,  هي مو من مطبخ معين , وصفة الكل بيعرفها بس بحركة جديدة : بيتزا البطاطا و الي حزرتها و أخذت النقطة سوما :)

الوصفة الثامنة في المسابقة , من المطبخ السوري وصفة بسيطة و طيبة كتير , منعملها بالصيف و هي خفيفة و ما فيها لحمة , بانجان مكمور و الي أخدت اول نقطة الها امولة .


الوصفة التاسعة سندويشة و مو سندويشة . شرايح بالجبنة و المايونيز , و الي حزرت الوصفة و اخدت اول نقطة الها هي دكتورتنا الحلوة سوسن

الوصفة العاشرة يا حلوات شي طيب كتير , لحاله و مع سندويش و ممكن كمان مع مخلل و بندورة : مرتديلا حلبية و الي حزرت و اخدت اول نقطة الها ورد الياسمين

الوصفة رقم 11 الصورة مو الي , وصفة بتجنن طبقتها و رجعت ضحى طبقتها و هي الصورة .. اغراء و الله : حلى الكت كات الرائع و الصورة لحبيبتي ضحى و قالت انها ما زينت الوج بالكيت كات لحتى تخليه مفاجأة لضيوفها بقلي الحلى , الي حزرت الوصفة سمسومة

الوصفة رقم 12 , هل المرة كمان الوصفة تطبيق , بطاطا و بقدونس و كزبرة  ,المعقودة  و الي حزرتها و اخدت تاني نقطة الها أمولة .

الوصفة رقم 13 من المكسيك , حرّ و حامض و كزبرة , غواكامولي و الي اخدت اول نقطة لارا .

الوصفة رقم 14 , واضحة من الصورة كاتو التفاح بالقشطة و الي اخدت نقطته ميوسة  هي تاني نقطة الها

الوصفة رقم 15 من الصيف وصفة كتير طيبة , بتتاكل بالخبز و هي نطبخها من دون لحمة , فاصوليا بزيت و الي حزرتها اول واحدة ميوسة و هيك بتكون اخدت النقطة التالتة .

الوصفة رقم 16 من حلب بيت المحاشي و الكبب أفخم كبة و أطيب كبة , الكبة المبرومة و الي حزرت اول واحدة هي ام الهدى و هي اول نقطة الها

الوصفة رقم 17 , الدنيا شوب و كلكم تعبانين من اللفة و الدورة بين الاقسام , شو رايكم ضيفكم شي يبرد على القلب , لكل واحدة ابرد كاسة و في كتير و بيقدي الحبايب كلهم , اتفضلوا .. أطيب ليمونادة الي شربت أول واحدة لارا , و هي تاني نقطة الها ..

الوصفة رقم 18 , محشي ملفوف و الي حزرت اول واحدة لارا و هي نقطتها التالتة ..

هلا الوصفة رقم 19 , سمبوسك و الوحيدة الي عرفت لارا و هي رابع نقطة الها .

أخر وصفة في المسابقة الوصفة رقم 20 و هي من الوصفات المميزة في الموقع , خبز التوست الطري و الي حزرته ميوسة  و هي رابع نقطة الها ..

هيك خلصت مسابقتنا , بس ما فلت لمتنا , كلنا على قلب واحد و منحب بعض و الي أخذت أكبر عدد من النقااط سوما , برافو عليك و انت ملكة المسابقة اليوم . بعدها لارا و ميوسة , الف مبروك للجميع و هل المسابقة ما كانت بتصير حلوة لولاكم و لولا مشاركتكم الغالية ..

عقبال مسابقات تانية و الجميع بخير و صحة منيحة :)
 
 

تعليقات (135)

3  الكاتب نور الأسلام, on 01-08-2009 13:44 http://www.12.ma.com/content/view/358/2/هي الفلافل لكن الظاهر وصلت متاخره

4  الكاتب ام نور, on 01-08-2009 13:50 فلافل

5  الكاتب dado, on 01-08-2009 14:20 ولو يا منوش.. إنه الفلافل.. وفيه أطيب من الفلافل؟  أنا بموت عليه.. وبحبه لحاله وسندويش وبالبيت ومن عند المحل وكيف ما كان.. أنا بعتبره أكلة ملوكية... ويلي بده يدللني بيعزمني على سندويشة فلافل "أو مسقسقة "

6  الكاتب لارا مينا, on 01-08-2009 15:09 للأسف مضطرة أطلع من المسابقة لأن طالعة السوق الحين لأن عندنا مناسبة مهمة بعد 4أيام,, وبعد المغرب بعد ماأرجع من السوق لازم أحضر نفسي كويس لأحضر زواج أخت أعز صاحباتي وإذا رجعت من العرس بدري رح أكمل معكم أكيد.. بس ياخسارة ماكنت متوقعة تفوتني لأن كنت منتظرتها على أحر من الجمر وأكيد أكيد لو كنت موجودة كنت رح آخذ المركز الأول بلا منازع لأن صرت حافظة الموقع ووصفاته عن ظهر قلب ولو حد يسمعلي لأسمعله الوصفات ومقاديرها وطريقتها ويمكن الردود كمان غيب ومستحيل أغلط غلطة واحدة   بس يالله مبروك سلف للي تحصل المركز الأول وكمان للي رح تحصل المركز الثاني وهو كان مركزي بالمسابقة إلي فاتت... تحياتي وإن شاء الله تقضوا وقت حلو وممتع.

7  الكاتب ام احمد الغالي, on 01-08-2009 15:23   يا عيني هي الفلافل اللي بيحبى حمودة كتييييييييييييير  بس كل ما بياكل منها بضل عمفكر عجب مقليه بزيت منيح عجب المطعم نظيف.....الخ   ياريت اتعلم اعملها بلبيت :

8  الكاتب Ayoosh, on 01-08-2009 15:35 alsalam3alikom an kteer asfeh enne mabaktob bel3arabe bas lel2asaf ma3ende a7rof arabi amabelnesbeh lelwasfe fa hay falafel we sa77a we hanna 3ala 2loob elkel

10  الكاتب منى, on 01-08-2009 17:24 يا مية هلا بالكل و انا كتير اسفة لان اتاخرت بالوصفة التانية , ظروف كاهرة     الي اخدت اول نقطة هي سوما برافو عليك    و الف شكر للبقية     لارا حبيبتي , انسخي الرابط من فوق و بعدها الزقيه , ما في مشكلة , المشكلة بتصير اذا كنت عم تحاولي تنسخي شي من الكلام المكتوب جوا , يلا روحي هلا و انبسطي و انا بانتارك و المسابقة رح تاخد 3 ايام , يعني في عندك وقت كتير       هلا ايوش , نورتي بالعربي و الانكليزي ما في مشكلة ابدا بشو ما كتبت المهم انك تحطي رابط

11  الكاتب نور الأسلام, on 01-08-2009 17:41 http:/www.12ma.com/content/view/308/2/ يخنة الحمص بالحمه

20  الكاتب DOUHA, on 01-08-2009 19:40 الوصفة سباغيتي ال بيستووو   انا مو عارفة اني بلشت المسابقة

21  الكاتب gsm, on 01-08-2009 20:20 معكرونة ألابيسو سباغيتي انا حاولت احط الرابط للوصفة بس ما مشي معي الحال ما بعرف مع إنو أخدت الرابط من فوق

22  الكاتب منى, on 01-08-2009 20:37 الف شكر لكل الي شاركوا بالمسابقة و مشان الرابط ممكن تعملوله لصق عن طريق كبس زر ctrl و بعده حرف v    الي حزرت اول الشي سوما و هيك صار عندها تاني نقطة     ام نور حبيبتي الوصفة تبعة المسابقة يخنة الحمص ما ضفت وقت الي حضرتها دبس بندورة و هي شغلة عايدة لزوءك و بالتنتين طيبات

25  الكاتب نور الأسلام, on 01-08-2009 21:24 HTTP;//WWW.12MA.COM/CONTENT/VIEW/202/2/ صرة الاوزي

31  الكاتب شفاء, on 02-08-2009 00:16 ياسلام في مسابقات وانا مالي خبر  هي صرر اوزي صح  http://www.l2ma.com/content/view/202/2/    ويسلمو يامنى

33  الكاتب DOUHA, on 02-08-2009 00:26 http://www.l2ma.com/content/view/202/2/      صرة الاوزي  بس مناي في شغلة مهمة بجوز انا مابعرفا   ايمتى عم تحطي الصورة بالضبط انا بشوف لازم يكون في مواعيد ولو كانت تقرببية لاني بجوز ما كون فاتحة نت بس اذا عرفت اني الوضفة رح تنزل الساعة كذا رح افتح مثلا وطبعا هيدا بيرجعلك وبيرجع للصبايا   كان مجرد اقتراح   وشكرا كتيرررر

36  الكاتب منى, on 02-08-2009 07:01 الف شكر الكم صبايا , كتير مبسوطة فيكم و خصوصا بالاخوات الي بيشاركوا لاول , نورتي ..    ضحى صعب حط مواعيد بخاف ما التزم فيها , بس نظريا و تقريباً كل ساعتين او اكتر في وصفة جديدة     لارا معلش ازرعيها بدقني   شو اخبار العرس , ان شاء الله انبسطي فيه

42  الكاتب DOUHA, on 02-08-2009 15:02 هي سلطة يونانية    هلئ الفكرة بتجننن اني كل الاجابات صح وهيدا بيدل على نجاح لقمة طيبة فبروك منى

46  الكاتب نور الأسلام, on 02-08-2009 20:38 http://www.12ma.com/content/view/422/2/ عجة الكوسا

49  الكاتب منى, on 02-08-2009 21:14 سلام صبايا , هل المرة يمكن كانت شوي صعبة لهيك ما كتير عرفوها أو ليكون ما في حماس     رنونة بعد زمان , و هي فيك تعملي متل ما قالت سوما ان شاء الله تكون اخبارك منيحة    ضحى حبيبتي الله يخليلي ياكي اخت غالية كتير و هادا بس من زووءك و من ناس حلوة متلك

51  الكاتب ميساء, on 02-08-2009 21:31 http://www.l2ma.com/content/view/425/2/هي البندورة بالزيت بس أكيد سوما سبقت ما شاء الله عليها فاتحة النت 24 ساعة مبروك الفوز مسبقا أخت سوما

55  الكاتب منى, on 03-08-2009 08:27 بالهنا لارا انا الي ما الي نصيب تكوني معانا ,مو مشكلة المهم تتيسر امورك كلها , تتهني بهل العرس و ربي يديم المحبة و المعروف بين عباده دوما ان شاء الله

56  الكاتب منى, on 03-08-2009 08:38 سوما ليه عم تحكي هيك , نحنا هون لننبسط و نتنافس و ربي يخليلك الكتكوتة و تشوفيها متل ما بتحبي و احسن ..    مادامك بتحبي المسابقات معناها اكيد محضرة شي للمسابقة التانية       لا تروحي شو الوصفة

59  الكاتب soma, on 03-08-2009 10:10 تسلمي أخت منى ما رح روح لوين بدي روح يا حسرة قاعدتلكم و خليها تحمى هالمنافسةالحلوة لشوف مين رح تسبقني

62  الكاتب ام دانية, on 03-08-2009 13:52 السلام عليكم ست منى كيفك شواخبارك ماشاءالله انزلت شهر على حلب رجعت لاقيتك منزلة كل هل الوصفات وعاملة مسابقة كمان ياخسارة اني ما حضرت المسابقة لاني وصلت متاخرة بس يالله خيرها بغيرها على فكرة لما انزلت على حلب فكرت كتير اني راسلك وازوك حتى اتعرف عليك بس خجلت وقلت لحالي مو حلوة يمكن تحرجيها على كلن لحقت الوصفة العاشرة هي مرتديلاااااااا

63  الكاتب منى, on 03-08-2009 14:00 زارتنا البركة و الله ام دانية , زعلت منك على الاقل كنت اسمع صوتك     سبقوك هل المرة , و لا تنسي تحطي الرابط

67  الكاتب Eman, on 03-08-2009 14:35 لا أنا آسفة منى بدي غير الجواب ,.. هاد كاتو الأيس كريم والله عرفته من شكله شفته من قبل متل القبة بس ما لقيته بالكاتو طلع بالحلو ومالي خبر

69  الكاتب dado, on 03-08-2009 14:45 هللو  انا مالي بالمسابقات.. لأنو كل مرة بفوت بيكونوا الصبايا سابقيني بمراحل.. مرات بحسن هنن عم يحزروكي على كتر مو سريعين   هي الوصفة مدري شو .. بس صورة بتجيب أجل الواحد

70  الكاتب DOUHA, on 03-08-2009 15:10 ماعرفتا     هههههههههه

71  الكاتب منى, on 03-08-2009 16:50 لك له يا ضحى , خشي في عبي , شو عرفتيها و ما عرفتيها الله يسامحك     دالو , ايه و انا مرات هيك بحس , بحس ان لازم خبي الصورة قبل ما يشوفوها خليلي عينهم و الله يديم هل اللمة الحلوة

73  الكاتب ميساء, on 03-08-2009 17:48 حبيبتي سوما   بس ما تكوني زعلتي مني أنا ما قصدت أنك فاضية بس عن جد كل شوي قوم أفتح عالموقع لاقي وصفة جديدة وما شاء الله عليكي حازرتيها يعني كلامي من باب المحبة ومن كتر ماني حاسة بالحماس عم   ولكن بالحقيقة كلنا فايزين بموقعنا المميز وبأميرتنا الحلوة منى ومرة تانية ألف مبروك ويخليلك بنوتك الحلوة وتشوفيها حاملة أعلى الشهادات وبعدين عروس قمورة يا رب

74  الكاتب منى, on 03-08-2009 18:01 ميوسة ابوسك على الكلام الحلو و لوو مين بيحكي عن الزعل هون     الوصفة قربتي بس مو هي , شلفة حجر يعني

79  الكاتب منى, on 03-08-2009 20:55 سلام صبايا , خليلي عينك و انا كتير مبسوطة فيكم , سمسومة ما شاء الله عن جد حفظانة الموقع , الف شكر الك لهل التواجد الحلو , يعني الصراحة ما بعرف كيف عبر عن امتناني الك

86  الكاتب ام احمد الغالي, on 03-08-2009 22:16 والله يامنى خجلانه كتير مع انو طول النهار حاطه الموقع وعم اتصفح فيه بس ما عم اعرف الوصفات   يسلم دياتك والله يجزيكي الخير على كل شي

88  الكاتب منى, on 04-08-2009 03:31 ايه صبايا مبكرة انا شوي , مو جايني نوم فقلت خليني غير الصورة ,بركي برتاح و بناام     ام احمد حبيبتي على شو الخجل , يلا ان شاء الله بتزبط معك هل المرة

91  الكاتب منى, on 04-08-2009 07:16 صباحو ميوس , اجابتك الاولى صحيحة و هلا استنى علي شي دقيقة او دقيقتين لغير الصورة

100  الكاتب منى, on 04-08-2009 13:17 برافو عليكم صبايا كل الاجابات صح , و هلا خلينا نشوف الي بعده    دمدومة لو كنت حطيتي رابط حبيبتي