أوريغانو
ملح و فلفل أسود
2 ملعقة كبيرة  بقدونس مفروم

صلصة البيشاميل :

2 ملعقة كبيرة زبدة
2,5 ملعقة كبيرة طحين
2,5 كوب حليب سائل
ملح و فلفل أبيض و جوزة الطيب
2 ملعقة كبيرة من بارمزان أو غرويير مبشورة
2 بيضة

التغطية :

جبنة بارمزان أو غرويير مبشورة
4 ملعقة كبيرة فتات الخبز المحمص ( اختياري )

·          ينزع الجزء الأخضر من الباذنجان من دون تقشيره , يقطع إلى شرائح طولية بسماكة أقل من سنتيمتر بقليل ثم ترش الشرحات بالملح و تترك لمدة نصف ساعة ثم تغسل من الملح بالماء و تعصر بلطف للتخلص من الماء الإضافي .

·          يسخن الزيت ثم تقلى فيه شرحات الباذنجان على مراحل حتى تشقر قليلاً من الجهتان ثم توضع على ورق ماص .

·          يقلي البصل بزيت الزيتون حتى يصبح شفافاً , تضاف اللحمة و تقلب على نار قوية حتى تنضج اللحمة و تتلون و يجف مرقها .

·          يضاف الخل و البندورة و تقلب الصلصة  ثم تتبل بالبهارات و الملح و بعد أن  يغلي يغطى القدر و يترك على النار الهادئة لمدة  15 دقيقة مع التحريك من وقت لأخر ثم يبعد القدر عن النار و يضاف البقدونس .

·          تحضر صلصة البيشاميل : تذوب الزبدة على النار ثم يبعد القدر عن النار و يضاف الطحين و يقلب حتى الحصول على مزيج متجانس .

·          يعاد مزيج الزبدة و الطحين للنار ثم يضاف الحليب و البهارات بالتدريج مع التحريك بعد كل إضافة ثم تترك الصلصة  تغلي لبضع دقائق حتى تصبح ناعمة و متجانسة , يبعد القدر عن النار و تترك الصلصة لتهدأ قليلاً .

·          يدهن طبق بايركس من القياس المتوسط بالزبدة ثم ترتب فيه نصف شرائح الباذنجان ثم يغطى بنصف صلصة اللحمة ثم تصف باقي شرائح الباذنجان و تغطى  بباقي صلصة اللحمة .

·          يخفق البيض قليلاً مع الجبنة ثم يمزج مع البيشاميل المجهز و تقلب الصلصة حتى تتجانس ثم  تغطى بها صوص اللحمة و تغطى بطبقة من الجبنة و أخيراً ينثر فوقها فتات الخبز المحمص في حال استخدامه .

·          تخبز الموساكا في فرن محمى مسبقاً على درجة حرارة 180 درجة لمدة 45 – 60 دقيقة حتى تشقر ثم تترك لتهدأ لمدة 10 دقائق قبل تقديمها لكي يصبح تقطيعها أسهل ثم تقدم .

·          يمكن أن تستخدمي شرائح من البطاطا المقلية عوضاً عن شرائح الباذنجان أو يمكن استخدام الباذنجان و البطاطا معاً .

 

تعليقات (43)

6  الكاتب منى, on 14-08-2008 07:41 هلا أختي   بينفع , بس هيك أصولها و طريقة اليونانية التمام , إذا عندك لحمة شقف تبقى فرميها بماكينة فرم اللحمة لحتى تعمليها مفرومة     إن شاء الله تجربيها و تعجبك

8  الكاتب منى, on 16-08-2008 11:00 مختلفة كتير اختي ما فيك تستبدلي هي بهي ..    ممكن تستعملي الجبنة البيضا للبيتزوا , بس ما رح تطلع بيتزا , رح تطلع شي بيشبه فطاير الجبنة , طيبة بس مو بيتزا

9  الكاتب سارونات, on 16-08-2008 16:27 السلام عليكم و رحمة الله و بركاته  شكرا على المساعدة يلا لكان راح صير اتعامل مع الجبن المبشور و ان شاء الله   بالتوفيق  سلام

11  الكاتب منى, on 20-08-2008 18:43 بتقلي البطاطا لتستوي و بعدها بطبقي الوصفة عاادي , لذيذة جداً بس بالباذنجان مشهورة اكتر

12  الكاتب سارونات, on 21-08-2008 00:05 السلام عليكم و رحمة الله و بركاته  جازاك الله خيرا اختي منى عبالي ساوي نص الكمية كاول مرة و ازا ضبطت باليوم التاني او اللي بعدو ساويها بالبادنجان هيك بنكون ضربنا عصفورين بحجر واحد فسؤالي بالنسبة لصلصة البيشاميل هل بقسم المقادير او حضرا كلا و باليوم التاني استعملها  الشي الوحيد اللي مخليني ما ساويها بكرا هو ان ما عندي جبن مبشور و بس اشتريه راح ساويهاو ان شاء الله بخبك بالنتيجة و تكون حلوة   بالتوفيق  سلام

13  الكاتب منى, on 21-08-2008 07:20 هلا اختي   الاحسن تعملي كل شي فريش بوقته

15  الكاتب منى, on 10-09-2008 13:00 هلا اختي   عوافي مقدما , غطي الصينية و اتركيها بالبراد لوقت اللزمة و اذا ما اتحمرت اشعليها كم دقيقة من فوق بس عينك عليها لحتى ما تحمر زيادة     البيشاميل بعد ما يغلي تقريبا أربع خمس غلوات بتشيليه     عم استنى نتائجك و ان شاء الله بيكون على زووءك

17  الكاتب منى, on 10-09-2008 14:27 لا اذا حطيتيها بالبراد رح تصير كانها باايتة , خليها برة و قبل التقديم ارجعي سخنيها شوي بالفرن , بالهنا

19  الكاتب منى, on 11-09-2008 14:57 لا فيك تفوتيها فورا , بس لازم يكون الطبق المستعملتيه منيح لحتى ما ينكسر من تفاوت درجات الحرارة

20  الكاتب سارونات, on 11-09-2008 20:05 السلام عليكم و رحمة الله و بركاته  ساويتهااااااااااا ساويت نص الكمية و طلعت كتير طيبة و حنى شكلها طلع حلو   جازاك الله خيرا اختي منى هالمرة ساويتها بالبادنجان و بالمرات الجاية ببقى جربامرة بالبطاطاو مرة بالاتنين و هيك كل مرة بتطلع كانها وصفة جديدة  و الله كتير فرحت و كنت حاطة ايدي عقلبي خايفة ما تضبط بس الحمد لله   بالتوفيق  سلام

21  الكاتب منى, on 12-09-2008 11:51 هنا و عوافي يااا حق , كتير انبسطت انها عجبتك و خصوصي على الصيام , كنت حاطة ايدي انا كمان على قلبي لاكل دعوة مو حلوة على الافطاار     هنا و ان شاء الله بتعجبك بالبطاطا كمان , هلا فيك أختي

22  الكاتب سارونات, on 16-01-2009 17:41 السلام عليكم و رحمة الله و بركاته  اختي منى كنت عم بقرأ ردودي و يا الله شو اني سائلة اسئلة كتير بس عن جد كتير استفدت من اجاباتك   اختي منى ما عم يكون معي وقت هالايام فعم فكر بوصفات ساويها و جهزها قبل بيوم و بكرا بس فوتها عالفرن انت قلتي انو فيني خليت 4-5 ساعات بالبراد قبل ما دخلها بالفرن و انا برمضان خليتها شي ساعتين و طلعت بتجنن حتى عم حس كان هاي الخطوة مهمة و بتأثر على الاكلة لان بتعطي فرصة للنكهالت تحتى تتمازج)) يا الله شو بكتر لعي )) المهم هل فيني حضرها قبل بيوم و خليها بالثلاجة و هل النايلون كافي او لازم ورق المنيوم خصوصا اني راح ساويها بالبطاطا و بتعرفي طعمة البطاطا لما تكون بايتة ما بتطله طيبة ابدا لهيك انا ترددت بس يمكن هون هالشي مختلف لان البطاطا مو لحالها  المهم انا ناطرة ردك  ربي يوفقك  سلام

23  الكاتب منى, on 22-01-2009 07:18 أختي بيصير اذا كنت مضطرة , لان البطاطا الا ما تتغير طعمتها , و الصراحة انا لو منك ما بعملها , بحس طعمتها ما بتصير طيبة و الا ما تتاثر     إذا ناوية تعمليها يا ريت تغطيها بشي محكم كتير

24  الكاتب سارونات, on 22-01-2009 12:13 السلام عليكم و رحمة الله و بركاته  معك حق اختي منى انا هيك فكرت لان البطاطابتصير طعمتها بايتة طيب شو رأيك بتحضير الحشوة قبل بيوم و وضعها بالبراد لبكرا بعتقد بتنفع ما هيك   بالتوفيق  سلام

25  الكاتب منى, on 22-01-2009 12:25 الحشوة لحالها بتنفع اكيد و ما بياثر

27  الكاتب منى, on 23-02-2009 18:06 هلا اختي :  ما كتير فهمت الصراحة وين المشكلة , قصدك البطاطا فرطت ؟    على كل الاحول ممكن يكون ان الصوص كتير هو السبب , و اختي الوصفة اصولها بالبطاطا المقلية

29  الكاتب منى, on 24-02-2009 09:46 اااه , ايه هلا فهمت عليك .    اختي رح تبين طعمة البطاطا متل طعمة البطاطا بلقمة تشكن , معناها اما انك تركتيها كتير في الفرن , او ما قليتيها منيح

31  الكاتب منى, on 25-02-2009 13:21 الف هنا و الف عافية على كل لقمة   الله يعيده علينا و نحنا اخف من الذنوب و اقرب من الله , ااامين يا رب     كتير انبسطت انك اعتمدتي الوصفة , ريتو عافية على كل مرة رح تساويها

33  الكاتب منى, on 07-03-2009 13:15 مممم , اكيد ما اطيبها بالفطر , انا احيانا بضيفه , بس الوصفة نزلتها فوق متل ما بيعملوها جماعة اليونان على الظبط     هنا نوارة حبيبتي و سلميلي علتى ماماتك كتير

35  الكاتب منى, on 24-12-2009 07:10 اختي ممكن تستبدلي الخل بالليمون و الاووريغانو بالزعتر الاخضر , بس بصورة عامة دائما انصحك بان تجربي الوصفة متل ما كتبتها , لانها ستعطيك افضل نتيجة

36  الكاتب منامينو, on 08-10-2010 13:07 مرحبا منى.. اشتقتلكو كتير.. شو هالموساكا الحلوة هاي؟؟ ما شاء الله عن جد طيبة.. الإسبوع الماضي عملت نفس الوصفة، بس بتعرفي شو كان اسمها ؟؟ مسقعة بالبشاميل .. كاين موساكا تحريف لكلمة مسقعة..    منى.. الحقيني حبيبي على صفحة الششبرك.. راح حط لك وصفة خطيرة هناك.. الششبرك البورصـلي بالدجاج.. إذا عجبتك نزليها بوصفة لحالها.. أوكي ؟؟

37  الكاتب منى, on 25-10-2010 08:00 ايه منوش الموساكا تحريف للمسقعة كاه اصله من عنااا     الوصفة بتجنن نزلتها و صار الها اسبوع على الصفحة الرئيسية , يمكن ما شفتيها

39  الكاتب منى, on 28-10-2010 10:30 مممم هلا انا باكلها لوحدها , بس جربتها مع الرز و طلعت طيبة كتير

41  الكاتب منى, on 09-11-2010 07:50 صحتين و الف هنا يا رب , منيح انها كانت على زووءك     صحة

43  الكاتب منى, on 15-09-2011 20:48 صحتين و الف الف عافية شفاء , شو مبسوطة بردودك و بانك عم تجربي الوصفات و عم تطلع نمممم

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved