سلام عليكم اخواتي  والله انا حبيت ابعتلك طريقة تحضير الغريبة وهي الوصفة اخدتها من ماماتي وهي مجربة انا عملتا مرة وحدة وكتيير زبطت معي وحبيت اشارك فيها وهي كتيير سهلة الغريبة

2و1\2 كاسة طحين
1 كاسة سمنة
1 كاسة سكر ناعم
3 معالق نشاء صغيرة





·         نقوم بخلص المواد السائلة السكر والسمنة .

·         بعد ذلك نقوم بنخل الطحين مع النشاء .

·         نقوم بإضافة الطحين إلى السكر والسمنة بشكل تدريجي حتى الحصور على عجينة متجانسة .

·         نقوم بتشكيل العجينة وصفها على الصينية .

·         ونقوم بخبزها على نار هادئة .

تعليقات (20)

1  الكاتب منى, on 21-07-2009 20:03 سلم دياتك اختي على هيك وصفة شهية و سهلة , و الله يعطيها الف الف عافية ماماتك .. فكرة النشا جديدة علي و اكيد مميزة لان وين ما حطيناه لهل النشا بيعطي فرق     سلم يا حق و بانتظار وصفات تانية منك

2  الكاتب سمر, on 21-07-2009 20:37 الله يسلمك ويعطيكي الف عافية عن جد سهلة كتير واكيد رح جربها بس خلص رجيمي بس عندي سوال وهو في حاجة نترك العجينة ترتاح ولا مافي داعي والمقدار كاستين ولا كاسة ونص وتسلم ايدك

3  الكاتب سارة100, on 22-07-2009 01:16 ميرسي كتير على هالطريقة السهلة وانشالله بأقرب وقت رح جربها بس بدي أعرف ممكن حدا يساعدني ويعطيني وصفة عجينة المارزيبان(عجينةاللوز) وصلصة السباغيتي والله يعطيكم العافية

4  الكاتب gsm, on 22-07-2009 16:43 الله يعافيك إخت سمر والله هي الطريقة كتيير سهلة وما بدها شي وما في داعي تتركيها ترتاح بمجرد ما تعجنيها ممكن على تطول تشكليها   وبالنسبة للمقدار هي كاستين ونص بس انا بصراحة بعمل نص المقدار لأنو عيلتي صغيرة إن شاء الله تجربيها وتعجبك وصحتين وعافية مقدما

5  الكاتب gsm, on 22-07-2009 16:45 الله يسلمك إخت منى والله نحنا ما بنجي جنب خبرتك ومهارتك ما شاء الله عليك بس بالفعل انا ماما بتستعمل النشى بعدة وصفات متل السمبوسك وكمان لقمة القاضي لأنو بتخلي العجينة مقرمشة وخفيفة يا ريت تجربيها وتخبرينا شو رأيك وشكرا كتيير إختي

9  الكاتب منى, on 26-07-2009 19:00 هلا سارة     اختي المارصبان هو لوز مطحون بشكل ناعم كتير مع بياض البيض , انا ما بحضره في البيت , بجيبه جاهز من محلات الحلويات   اما السباغيتي فممكن تفتحي في مطبخنا على وصفات المعكرونة و تشوفي شو الي بيعجبك نورتينا اختي و شرفتينا و مية هلا فيك

10  الكاتب منى, on 26-07-2009 19:29 هلا وسيلة   بيتكم و مطرحك , نورتي و شرفتي و اتمنى ان تكون زيارتك متكررة و ان تجربي احدى الوصفات و تكون يممي

11  الكاتب منى, on 30-07-2009 12:18 هلا هيلين   عندك كتير وصفات , بس انا ممكن حضر كيك قوس قزح و كمان ممكن راس العبد    حلى المولتوخطير و سهل و كمان تارت بالفواكهة بس تعمليهم ميني تارت لحتى تناسب الاطفال  و للكيك الكبيراطيب كاتو شوكولا , بيسبحوا فيه الاولاد سباحة     ان شاء الله كون فدتك و اي سؤال تاني من عيوني

13  الكاتب gsm, on 09-10-2009 11:59 السلام عليكم ملتم حلب بجوز إنتي قللتي من السمنة او تركتيها على النار زيادة لهيك قسيت حاولي تجربي مؤة تانية وخربيني شو بصير معك

14  ................... الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-11-2010 13:20 شـــكـــراً كتير عالوصفة  كنت عم دوّر عليها لأنو ناوية ساوي غريبة و شغلات تانية عالعيد ان شاء الله   بس في عندي سؤال  يا ريت أي حدا بيعرف يجاوبني عليه   ممكن ساوي الغريبة بالزبدة مو بالسمنة   بيمشي حالا ولا ما بتزبط     7ayah Dayyen

15  الكاتب منى, on 10-11-2010 18:54 والله حياة ما عندي فكرة تمام , بس من نظريا بيصير ليش لا

16  .............. الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-11-2010 19:34 شــكــراً يـا جــمــيــل على قولة اخواننا المصريين

17  الكاتب منى, on 11-11-2010 19:58 و كمان على قواتهم , دا انت تامر يا جميل

18  الكاتب gsm, on 12-11-2010 12:24 السلام عليكم إخت حياة   بالنسبة لسؤالك على الزبدة بتصير بس ضروري تكون من النوعية الممتازة وتكون طعمة الزبدة طيبة والله يعطيها العافية إخت منى هية جاوبت وعطتنا من خبراتها الواسعة مو متل حكايتي لساتنا بأول المشوار

19  الكاتب منى, on 12-11-2010 19:44 غفران كلنا منتعلم من بعض هون , ما في حدا فينا خريج الكوردون بلو , بس شوي شوي منتعلم و منصير احسن ان شاء الله

20  ............... الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 12-11-2010 22:31 شــكــراً كتير كتير إلك غفران و لمنى كمان   الله يخليلي ياكن و يخليني الكن     7ayah Dayyen

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved