4 - 5 ملعقة كبيرة لبنة
حبة بندورة متوسطة
بصلة خضراء
رشة ملح


للوجه :

زعتر أخضر
زيت زيتون
فليلفة حمراء ناعمة ( حرّة أو عادية حسب الرغبة ) أو كمون

تعليقات (35)

2  الكاتب منى, on 14-07-2009 19:44 جربيها غيوثة و ان شاء الله ما بتندمي , بس لا تنسي تاكلي عني كم لقمة مدعومة بالزيت و الزعتر الاخضر

4  الكاتب سمر, on 15-07-2009 00:39 لك تسلم ايدك يامنمون والله طيبة حتى شهيتيني على سوركة انا بحبة كتير وصرلي زمان كتير مااكلتها يالله رح عوضها باكلتك اللذيذة هي وتسلمي

5  الكاتب منى, on 15-07-2009 08:04 هلا اختي athora و يا ريت تجربيها و تحبيها

6  الكاتب منى, on 15-07-2009 08:16 هلا سمور   و الله حاسة فيك , اصلا انا هون بنص سوريا و صار الي زمان ما اكلتها لان كل ما بجيب سوركة بنفقس بقى هل السلطة عندي ادمان

7  الكاتب ميساء, on 15-07-2009 20:45 شو هاد يا ميمو يا أم الأفكار   والله شي بيشهي منظر هالصحن وخصوصي هالزعترات الخضر هلق هلق قايمة أعملي صحن وأغطس من أوله أطلع من آخره يسلمو ايديكي يا عسل

9  الكاتب dado, on 16-07-2009 03:11 خفيفة وظريفة وعز الطلب لأنو الشنكليش مو موجود هون.  وبما أنو أنا من عشاق النكهات القوية أكيد بحب الشنكليش.. حاكم ريحته لحالها بتوصل لراس الشارع   بس انشالله تمرق مع الباشا.. حاكم لما داق الشنكليش بسوريا قلي: العمى شو هاد... بتاكلوا مواد متفجرة إنتو؟؟

10  الكاتب منى, on 16-07-2009 08:20 هلا ميوسة     احلى الشي او اطيب الشي انك رح تغطسي من اوله تطلعي باخره , اشتهيتلي هيك مسبح     ربي الف هنا و عافية و صحة و اذا جربتيها خبريني شو اخبار الغطسات ميوس

11  الكاتب منى, on 16-07-2009 08:26 هلا لينو ان شاء الله توصلي بالسلامة و يكونوا كل اهلك واحبابك و اصحابك بالف خير و سلامة ..  عافية يا حق و الف صحة على كل شي عجبك و جربتيه او ناوية تجربيه

12  الكاتب منى, on 16-07-2009 08:33 هلا دالو ايه معه حق يفكر هيك ..    بس هل السلطة رح تمرق معه لا مو كل هل الاد قوية , لا مو قوية اصلا متل سلطة عادية بس طعمتها قريبة على الشنكليش     يلا دالو جربيها و خبريني شو صار ما صار

13  الكاتب سمسمة, on 16-07-2009 08:50 يسلموا ايديكي ياقمر مبارح ساويتها عالعشا طلعت لذيذة وخفيفة وجربت المتبل بالأعشاب كمان طيب كتير ان شاء الله بيعيشوا هالأيدين   هالصيفية ناوية جرب آكلات كتير لأني مالي نازلة عالشام ورح أتفشش بالطبخ

14  الكاتب لارا مينا, on 16-07-2009 09:28 صباح الخير ... عادة بسمع في الشنكليش وأعرف إنه صعب بس ماخطر لي إن مكوناته هاذي , وعندي سؤال حشري شوي أنا شايفة إن كل المكونات حقيقية وأصلية ومافيه بينهااي شيء كذاب طيب ماهي مكونات الشنكليش الأصلي ومواصفاته؟ حتى إلي مايعرفه مثلي يتشرف بمعرفته ومستقبلا لما نذوقه نعرف الأصلي من المغشوش وماحد يضحك علينا .

15  الكاتب آرام, on 16-07-2009 15:32 عن جد ألف شكر إلك أخت منى على هالوصفة .. تقولي مفصلة تفصيل إلي .. تعشيت منها البارحة .. وفطرت منها اليوم الصبح .. يعني مو بس طيبة .. يا ستي وأطيب من شنكليشات مصياف ومشقيتا ومرمريتا كمان   أنا من عشاق الزعتر الأخضر .. من طفولتي وحتى الآن عندي 3 أكلات بعتبرهم أطيب 3 أكلات في العالم .. سلطة الزعتر الأخضر والمحمرة والعدس بحامض .. إدمان حقيقي .. هلأ اكتشفت أن سلطة الزعتر الي بعرفها (مع الجبنة والليمون) إلها أخت توأم ظريفة وشهية ولذيذة وبتدخل القلب بدون استئذان ..  ما بعرف كيف في ناس عايشة بدون زعتر أخضر .. كل الأكل بيعبي المعدة .. بس الزعتر الأخضر بيعبي الراس .. وكل الأكل غذاء للجسم .. بس الزعتر الأخضر غذاء للروح والخيال.

17  الكاتب منى, on 17-07-2009 12:08 هلا سمسومة   الف هنا و عافية على هل الشنكليشات و المتبل , ريتو صحة بكل لقمة و هنا و عافية ..    بس وقفي , اتفشفشي بالطبخ مو تتفششي بالاكل و الا بعدها الله لا يقدر تتغير الخريطة و يطلع تضاريس مو كتير مناسبة

18  الكاتب منى, on 17-07-2009 12:15 هلا لارا   الشنكليش ما اتوقع انه صعب , بس هي وصفة قديمة ما بقى حدا يعملها و يعرفها غير يمكن بالضيع , لهيك انا جربت كم وصفة , بتطلع طيبة بس مو هي الي في بالي .    هو عبارة عم لبن بيفقسوه و بعدها بينشفوه و بيعملو منه كرات و بيتركوا هل الطابات تنشف شي عشر ايام , بعدها بيحطوها بمكان مغطى منيح , و يكون فخارة مثلا و بيخلوها لمدة شهر , بعدها بيطله متل طبقة بيضا عليها . هل الطبقة هي الي رح تحافظ على الشنكليش من ان ينتزع , بيغسلوا هل الطبقة و بيلتوها بالزعتر الاخضر و شي بيلتوها بالفليلفة و شي بيلتوها بالكمون , بس اطيب الشي الزعتر الاخضر و ممكن احيانا مع الزعتر الاخضر يضيفوا حبة بركة .  لما نجي ناكل هل الشنكليش الصادق منقطع الكرات لمكعبات و نفرم معه بصلة و بندورة و زيت زيتون و مناكله , بقى شفتي نفس المبدا لهيك واحد صادق و التاني كذاب

19  الكاتب منى, on 19-07-2009 12:17 هلا ارام , الف صحة و هنا و عافية . هل النوعية من الوصفات بتعجبني كتير , لان مقاديرها سهلة و متوفرة على الأغلب بالبيت ..    انا كمان متلك بحب الزعتر الاخضر كتير و بتلاقيني احيانا لما بجوع باخد عصرونية جبنة و زعتر اخضر او صحن سلطة صغير مع زعتر اخضر , حتى على البيتزا بعد ما طالعا من الفرن بحط زعتر اخضر   عجبني تصنيفك للاكل كتير , فكرة عندي عبرت انت عنها احسن مني

20  الكاتب منى, on 19-07-2009 12:18 هلا أختي قهوة مرّة  و الله انا ما بعرف الشنكليش الحقيقي , جربت اكتر من مرة اعمله بيطلع معي منيح بس مو واو .  تكرم عيونك اختي

21  الكاتب ميساء, on 19-07-2009 15:27 يا ميمو شو بدي قلك موبس أنا غطست لكن غطست معي كل العيلة كتير كتير حبيناها يسلمو دياتك وكل ما بجرب أكلة من وصفاتك كلون بيقولولي هالوصفة من وصفات منى (على فكرة أنت معروفة بالعيلة وعيلة العيلة ومشهورة بأكلاتك الرائعة)

22  الكاتب منى, on 19-07-2009 20:58 يا رب الف صحة و عافية على قبلك و قلب العيلة كلهم واحد واحد , حمام الهنا     خليلي عينك ميوسة , هادا بس من زووءك يا قمر هنا يا رب على كل شي جربتيه و حبيتيه و لاقى اعجاب الجماهير الجائعة

24  الكاتب منى, on 20-07-2009 20:44 هنا و الف الف عافية يا رب غيوثة و هل الرد الحلو و كلامك الي فيه بيدل على طيبتك و اصلك أختي .    ان شاء الله ربي يتقبل الدعوات كلها و كل الي بيدعي يكون اله متل دعوته و اكتر بمية مرة و ربي يديم نعمة على كل امة محمد و يتممها بالتقى و يزينها بالحكمة يا حق

25  الكاتب ام محمد, on 23-07-2009 09:38 حبيبت قلبي منمون والله اشتقتللك كتيرواشتقت لاكلاتك الطيبة من كم يوم اتصلو جيران امي وقالوا انو بدهم يجوليسلموعلي طبعا قالتهم امي مية اهلا وسهلا وعلى طول كنت محضرة كم وصفة حلومن الموقع نزلت عند البنان وجبت الاغراض وبصراحة كان عندي احساس انو بدي اشوفك عنده  المهم رجعت على البيت وبلشت بل الكنافة على طريقة اخت ايمان ثم حلا المارس وكاتو الطبقات الخيالي وكاتو الشوكولا وكعك وامي عملت الغريبة وكاتو بهارات ولو تشوفي يامنى الضيوف كتير انبسطووصار يسكبو مرة وتنتين صحتين على قلبهم  بعدين ما اشوف الاالشناتي انفتحت والاقلام والدفاترطلعت بدهم المقاديرقلتهم ياجماعة ليش تعذبوا حالكم وتكتبو ادخلو على لقمة طيبةراح تلاقوا هاالاكلات واكلات طيبة وراح تتعرفوا على صاحبة الموقع يلي مافي اطيب منهاوانتهت الزيارة على خيروالحمدلله وبعد ماراحودعيتلك كتير الله يجعلو من نصيبك في شغلة منمون اذا مافيهاازعاج حابة ابعتلك رقمي مالي عرفان كيف حاسة انك ساكنة قريب من بيت اهلي

26  الكاتب منى, on 23-07-2009 10:26 هلا ام محمد   الحمد لله على السلامة , نورت حلب و تتهني هلا باهلك و اصحابك كلهن يا رب ..    كنت عند البنان من شي اسبوع على فكرة كتير بيجيني هل الاحساس , ان ممكن نمر انا و واحدة بالشارع , تكون غريبة عني و ما بعرفها . بس بالحقيقة انا بعرفها كتير منيح     هنا و الف الف عافية على قلبك و قلب الزوار كلهم واحد واحد و الف شكر الك للدعوات الكريمة و الغالية حبيبتي , الك متلها و احلى يا رب .    ممكن تبعتيلي رسالة على اتصل بنا , او ايا شي هون متل ايا رد عادي , بس انا ما بقراه من دون نشر

28  الكاتب منى, on 23-07-2009 20:48 الو , عم اسمعك منيح.. كتبي عندك    عيار 1 من 140 لحتى 170  عيار 2 من 180 و لحتى 200  عيار 3 من 220 لحتى 240    معناها نظريا العيار 2 او ااقل بشوي هو المناسب للغراتان . و اتوقع قصدك بالكيت , الكيك .. لهيك اظن ان عيار 2 او ااقل شوي هو المناسب , و على كل التجربة هي الي رح تعلمك , متل ما الواحدة فينا بتفهم على اهلها , كمان بتفهم على فرنها

30  الكاتب منى, on 26-07-2009 19:01 ان شاء الله هلا يمشي الحال , و اذا كان فرنك جديد فريته مبارك

33  الكاتب منى, on 08-12-2009 11:22 هلا هيا   و الله حبيبتي ما عندي طريقة ممتازة , جربت كتير عملته , بيطلع عادي مو كل هل الاد , بقى ما رح ااقدر فيدك .  خيرها بغيرها

34  الكاتب منى, on 08-12-2009 11:55 مممم , يا سلام شي بيشهي .  هي فكرة كان جديدة منك و منظرها رح يطلع غير شكل     الف هنا و عافية و صحة على السلطة و المرة التانية كلي عني كم لقمة , انا بحبها كتيررر لهل السلطة بس غمسيلي محل الزعتر , ايه

35  الكاتب Mays, on 09-12-2009 09:41 تكرم عيونك و أنا كل لما بفطر منها الصبح بدعيلك دعوة ع السريع.

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved