يمكن الكل بيحب البانجان المشوي , لان بتصير طعمته مميزة كتير و مقبلة بهل الشوبات . و اليوم عندي طريقة جديدة للمتبل و هي رح تعجب كتير عشاق التغير و الوصفات المميزة الي بتشبه الوصفات التقليدية و لكن بلمسة حداثة . دخلنا في السياسية .
اهلي كانوا دوما بيحضروا متبلهم باللبن يعني هل الفكرة مو جديدة . الجديد هو اضافة المايونيز و النعناع مع البقدونس . رح يعطي طعمة منعشة للمتبل و هل الفكرة شفتها بالنت و كان اسم الوصفة المتبل الايراني , بس كعادة ايا وصفة ناجحة , بعد ما تنزلها صاحبتها الكل بينقلها و بتضيع الطاسة , بقى الوصفة لمين بالتحديد ما بعرف بس أتوقع و الله أعلم ان صاحبة الوصفة الأخت قطر الدين من منتدى عالم حواء . بكل الأحوال الله يجزي صاحبة الوصفة و الفكرة كل خير و يعطيها ليرضيها .
الوصفة ما الها سر , بس لحتى تعطيكي اطيب نكهة خلي المتبل بالبراد شي نص ساعة قبل التقديم لحتى يبرد منيح و لحتى تتمازج النكهات مع بعض .
بالصحة و الهنا
2 حبة كبيرة باذنجان مشوي فص كبير ثوم 2 ملعقة كبيرة لبنة ملعقة كبيرة طحينة ملعقة كبيرة مايونيز 2 ملعقة كبيرة بقدونس مفروم 2 ملعقة كبيرة نعناع أخضر طازج مفروم حبة بصل أخضر مفروم مع الجزء الأخضر ملح رشة كمون
للوجه :
زيتالزيتون اوراق نعناع أخضر طازج
·تغسل حبات الباذنجان و تجفف ثم تثقب بالشوكة و تشوى على النار و تقلب حتى تصبح قشرتها سوداء .
·بعد أن يبرد الباذنجان قليلاً تقشر و يتم التخلص من كل القشرة السوداء .
·يهرس الثوم في الهاون ثم يضاف الباذنجان و يدق حتى يصبح ناعماً .
·يضاف البصل و النعناع و البقدونس و يقلب .
·تضاف اللبنة و المايونيزو الطحينة و الملح و الكمون , يقلب الكل ثم يضاف عصير الليمون حتى نصل للنكهة المطلوبة .
·يوضع المتبل في طبق مسطح ثم يزين بزيت الزيتون و أوراق النعناع الطازج أو رشة من النعناع اليابس و يقدم بارداً .
تعليقات (19)
