3 ملعقة كبيرة زيت زيتون
حبة بصل
2 فص ثوم
3 حبة بندورة مقشرة
حبة فلفل حرّ أحمر أو أخضر ( اختياري )
كوب عدس أحمر , مغسول و منقوع لمدة 6 ساعات على الأقل
2 كوب ماء
نصف ملعقة صغيرة كمون ناعم


للوجه :

زيت زيتون
فليلفة حمراء ناعمة
كمون







·         يقلى البصل بملعقتين من زيت الزيتون حتى يطرى و يصفر . يضاف الثوم المهروس و يقلب حتى يصبح لونه أشقر مع ضرورة الانتباه أن لا يحترق .

·         توضع البندورة و الفلفل الحرّ في حال استعماله في الخلاط و يمزج حتى يصبح ناعماً .

·         تضاف البندورة على البصل و تترك الصلصة على النار حتى تتسبك .

·         في هذه الأثناء يغمر العدس بالماء و ملعقة الزيت الباقية و يوضع على نار متوسطة , بعد أن يغلي تهدى النار و يغطى القدر و يترك حتى ينضج و يمتص الماء لمدة ساعة إلى ساعة و نصف .

·         تضاف الصلصة المسبكة و الكمون بعد نصف ساعة من طبخ العدس  و تترك حتى يكمل العدس نضجه .

·         يهرس العدس بالخلاط العامودي حتى ينعم ثم يذاق للتأكد من ملحه و بهاراته و في هذه المرحلة يمكن اضافة القليل من عصير الليمون حسب الرغبة .

·         يصب العدس في طبق التقديم و يزين الوجه بالكمون و الفليلفة الحمراء و زيت الزيتون و يقدم ساخناً أو فاتراً مع الخبز العربي أو خبز الصاج أو التميس .  

فكرة سريعة :

يمكن استبدال البندورة بملعقة كبيرة من صلصة الطماطم . يوضع نصف كوب ماء مع ملعقة الصلصة على البصل المحّمر ثم يتابع اعداد الوصفة كالسابق .

تعليقات (31)

1  الكاتب dado, on 05-07-2009 13:18 مرحبا منوش  يمكن توقعتي كون من أول المقبلين على هالوصفة وإن الله راد من رح كون من أول المطبقين   فكرتها كتير لذيذة وفي كتير وصفات بالعالم العربي من هالعائلة بس نحنا ما منعرفها.  متل ما حكيتي.. سبحان الله الفول والحمص من عند الفوال غير شكل.. وقد ما دقت ما بلاقي أطيب من فولات أبو علي يلي عنا بالحارة. كل مرة بس إنزل علبى سوريا ما مكن فوت متعة تناول فولاته

2  الكاتب ام محمد, on 05-07-2009 14:28 مرحبا منمون الله يسلم دياتك انا كتير بحبها وخاصة ايام الشتاء بحسها بدفي وبتعطي طاقة  هون عنا بالسعودية كل محل عدس جنبه محل تميس وهو نوع من انواع الخبز بس سميك وطعمته كتير طيبة بس سؤال منمون العدس وقت بشتريه بلاقي بداخله شي اخضرشكله بيشبه السلق اوالسبانخ انتي اش رايك

5  الكاتب سارونات, on 05-07-2009 16:35 السلام عليكم و رحمة الله و بركاته    عجبتني كتير الوصفة من اسمها و صورتها و دخلت تحتى شوف المقادير و قريت المكونات لحتى وصلت على كلمة عدس احمر و قلت جات الحزينة تفرح مالقتلهاش مطرح  اختي منى بينفع بالعدس البني او لا     بالتوفيق  سلام

6  الكاتب منى, on 05-07-2009 19:22 هلا دالو الحلوة   توقعت و الله , و لماحضرتها و فطرت منها قلت يا ريتك جنبي و الا جارتي لحتى ناكل مع بعض او على الاقل اسكبلك شي طبق لدوقيها, يا ريت بقى لو يطوروا هل الايميلات المتخلفة و يصير فينا نبعت شي حقيقي فيها     يا رب تجربيها و تعجبك     بتعرفي دالو حتى لما بتاكلي عند الفوال بيطلع الفول اطيب الشي , حتى اطيب من لما منجيبه للبيت و احلى و اطيب الشي التصليح   مع اني من دعاة النظافة و ما كتير بقبل اكل برة , بس الفوال و خصوصا الفوال ابو عبدو عندنا بحلب لا يعلى على فولاته

7  الكاتب منى, on 05-07-2009 19:02 هلا ام محمد   و الله صح ما في اطيب منه بالشتي , بس بهل اليومين عم تهف نفسي على عدس شي سلطة شي مدمس شي متبل شي و شويات , ما بعرف ابصر كني معي فقر دم     و الله هادا الاخضر ما عرفته , لو كان اسود كنت ممكن قلك مسوس العدس , بس الاخضر ما عرفته    على كل اذا ما بيمشي معناها ما في مشكلة

8  الكاتب منى, on 05-07-2009 19:03 هلا ام نور   هو امرق من الحمص بشوي و عن جد طيب و بتحسيه اخو هل الوصفات , بس اخوهم السعودي الي لسا ما اكتشفناه   المشكلة الي قلتي عليها بالفول اتوقعها من نوعية الفول نفسه , و الحل انك تطولي فترة السلق أكتر و تكون الطنجرة مغطاية اكيد و النقع بيكون 24 ساعة كاملة , يا رب تنحل المشكلة و اتمنى تجربي هل العدسات و يعجبوك

9  الكاتب منى, on 05-07-2009 19:10 هلا سمسوم   ان شاء الله تجربيه و يطلع اطيب من برة .  اما عن سؤالك فنو , انا ما اتغربت عن سوريا ابدا , بس متل ما بيقولوا الي مصادري الخاصة التي ترفض الكشف عن اسمها

10  الكاتب منى, on 05-07-2009 19:11 هلا سارونات   ليش !  الله يبعد الحزن عنك و عني و عن كل قلوب المسلمين يا حق , و لهل الوصفة ما بينفع غير العدس الاحمر و غيره لا . بس في وصفات كتيرة جاية بالعدس البني رح نزلها لان هافة نفسي على عدس بكل اشكاله

12  الكاتب ميساء, on 07-07-2009 07:42 مرحبا ميمو   سبحان الله الجمعة الماضية كنت عند بيت أهلي وماما عندها بنت اندونيسية كانت تشتغل بالسعودية وقالت لي عن هالأكلة وعملتها أنا وياها وطلعت طيبة كتير والكل حبها وطلب إعادتها ورغم أنو نحنا عشنا بالرياض لما كنت صغيرة بس ما بعرف هالأكلة ولكن كنا نجيب فول مدمس مهروس من عند فوالة يمنيين وهالفول ما بنسى طعمتو ابدا على كتر مو طيب وكمان في أكلة بالعدس على الطريقة الهندية لذيذة كتير قدمتها منى عامر عالتلفزيون على نفس طريقتك مع إضافة الزنجبيل المبشور وحبوب الخردل على تقلاية البصل ورب البندورةو طبعا الكمون والكركم وبعدين بتحمضها بالتمر هندي المنقوع والمصفى ولا يهرس بالخلاط ويترك حتى يتسبك وبالآخر قبل 3 دقائق من رفعه عن النار يضاف كزبرة خضرة مفرومة وطعمتو يا ميمو بتاخد العقل مابعرف يمكن لأني من عشاق العدس يعني لما اسلق عدس لازم آكلي صحن مع ملح وكمون وحمض ما بقدر قاومو ابدا يمكن اليوم كترت حكي بس الدنيا عدس (متل الدنيا عيد ) وشكرا ويسلمو دياتك على إثراء الموقع لأنو فعلا كنز

13  الكاتب منى, on 07-07-2009 10:16 هلا شذى   ان شاء الله تجربيه و يعجبك و مية اهلا و سهلا فيك بالموقع اخت جديدة كريمة و غالية

14  الكاتب منى, on 07-07-2009 10:24 هلا ميوس   ريتو الف هنا و عافية على العدسات بالصحة يا رب على قلبك و قلب كل العيلة , بتعرفي انا متلك كتير بحب العدس و على رمضان من كتر ما بشرب شوربة بوصل للفطور ما بقى في محل لشي     هي الوصفة الي قلتي عليها هياتها بتجنن , رح جربها بعد كم يوم مع ان كل مقاديرها عندي , لان هل اليومين مشغولة كتير كتير , بس بالخير الحمد لله     خليلي عينك ميوس على الفكرة و ببقى بورجيكي تطبيقي , و الدنيا عدس و حلوة بس نعرف ناكلها

16  الكاتب منى, on 08-07-2009 18:43 هلا سمسوم   ما راح شي كله موجود انت بس بحبشي . و انا عمن قول لحالي وين هل الغطة , اذا هيك المانع معلش     العدس المقصود هو المجروش , اتمنى تجربيه و يكون على زوءك

17  مرحبا الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 13-07-2009 12:21 يعطيكم الف عافيه على هالموقع الحلو والاكلات اللي بتشهي  عندي سؤال صغير وهو انو بالصورة مو باين انو في بندورة انخلطت مع العدس يعني حتى ما في لون احمر بالمره كلو لون العدس الاصفر !! وين اختفت البندورة ؟؟  وسؤالي التاني لاختي منى انا كان عندي صديقة شامية ومرة اكلت عندها فاصوليا خضرا كانت امها عاملتها بطنجرة الضغط وكانت حرة شوي ولليوم نفسي اعرف كيف بتنعمل ياريت تقوليلي كيف لانو نفسي فيها .. ويسلمو كتير على كل شي

18  الكاتب منى, on 13-07-2009 12:31 هلا حنان   بالاول مية اهلا و سهلا فيك , نور الموقع و اهل فلسطين دايما الهم رزاية زيادة و محبة خاصة بالقلب , نورتي و شرفتي .    البندورة الها اثر خفيف على اللون و هو رح يصر اصفر بس محمر , يمكن من الصورة مو كتير باين لان الشمس ضاربة في الطبق     يا ترى الفاصوليا الي قلتي عليها بزيت و الا بلحمة

19  الله يسعدك يارب الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 13-07-2009 17:49 شكرا كتير على الترحيب كلو من زوقك والله  ويسلمو عالتوضيح وان شاء الله رح جربها لاني بحب العدس الاحمر كتير واكيد بخبرك بالنتيجه     الفاصوليا بتذكر انها بزيت زيتون لكن ما كان عليها مرقة وكانت حبتها صغيره وامها لصديقتي مو مقطعتها يعني الحبات صغار ومتل ما هم بالاضافة للطعم الحار شوي الظاهر فيها ، واكلناها تغميس بخبزة او بالشوكة مو مع رز يعني ، ان شاء الله تكوني عرفتيها ويسلمو سلف غلبتك معي

20  الكاتب منى, on 13-07-2009 18:06 الوصفة الي عم تقولي عليها هيا الفاصوليا بزيت و هي طريقتي لتحضيرها  و ما دامك عم تقولي انها حرّة معناها الفليفلة الحمرة الناعمة الي استعملتها حرّة .    يا رب تجربيه و تكون على زووءك و على فكرة استعمال طنجرة الضغط مو اساسي للوصفة     ان شاء الله تجربي هل العدس و يطلع طيب و على زووءك و نورتينا مرة تانية اختي

22  الكاتب منى, on 14-07-2009 19:11 خليلي عينك يا سمسومة الف هنا و عافية على قلبك و قلب الباشا يا حق و كتير انبسطت انك جربتيه و عجبك و عجب العيلة ..    الف شكر الك للدعوات الغالية و ان شاء الله الك متلهم و احلى انت و الغاليين عليك

24  الكاتب محبةالمصطفى ملك, on 27-05-2010 03:16 اممممم يا منى أنا جوعانة بدون هالحديث الشهي   و الله أطيب فول و حمص من القباني شهيتيني كتيييييييييييييير امممممممممممممممممم   منوووش بدي أسألك أكيد صلصة الطماطم قصدك ماء البندورة؟؟؟  و تاني سؤال أنا ما عندي خلاط عمودي بينفع بخلاط الكوكتيل؟؟؟؟  و اذا ما فيها ازعاج منين بتنصحيني بشراء الخلاط و كم سعره تقريبا لأني امبارح لسه كنت عبفكر فيه لأني عملت عدس بحامض و خلطته بالخلاط و آخر سؤال بينفع نخلط العدس و ساخن بالخلاط العمودي؟؟؟    كترت أسئلة ما

25  الكاتب منى, on 27-05-2010 12:03 هلا نعوم   ما عندي فكرة باي زء بالضبط , بس وصفة سعودية و كتير معروفة و مستاهلة تجربيها

26  الكاتب محبةالمصطفى ملك, on 28-05-2010 04:25 وااااااااااااء ليش ما رديتي علي

27  الكاتب منى, on 28-05-2010 11:38 جايتك خيت , اشبك بصلتك محروقة   صلصة الطماطم بقصد فيها مية البندورة , بس موالحامضة الحلوة     بيصير بخلاط الكوكتيل اكيد .    انا انصحك بنوعية بوش , كتير منيحة و صراحة ما عدت اتذكر سعرها , عندي ياها من زمان    بينفع نخلطه بالخلاط العامودي بس لوتكون الايد تبعته من الستانلس ستيل

28  الكاتب محبةالمصطفى ملك, on 11-06-2010 02:39 شايفة ريحة الحرق وصلت لعندك      هلأ سألتك قبل بمرة بس شو أعمل أنا لحوحة مية البندورة قصدك الجاهزة؟؟؟ ما بتصير بالبيت؟؟

29  الكاتب منى, on 11-06-2010 12:10 تبعة البيت فيها حموضة كتير , و انا مو مجربتها فيها

30  الكاتب محبةالمصطفى ملك, on 13-06-2010 02:42

31  الكاتب منى, on 13-06-2010 10:22

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved