كوب و نصف سكر
2 ملعقة كبيرة  زبدة
نصف كوب كريما طازجة أو علبة قشطة بحرارة الغرفة

تعليقات (46)

1  الكاتب بدور, on 19-08-2007 19:33 يعني اليوم كنت صايمة و دخلت عالموقع الظهر بس الله لطف وصار عطل بالنت و انقطع الخط و إلا كان ظلم بحئي اتفرج على هالأكلات الطيبة بدون ما أئدر أعمل أو آكل شي   يسلمو ايديكي على هالافكار الرائعة

2  الكاتب منى, on 20-08-2007 01:15 كللك زووء , و كلامك متل العسل     الله يتقبل صيامك بدور ..    زكرتيني برمضان     مية هلا فيك

3  الكاتب بدور, on 05-09-2007 11:15 بدي خبرك مأساتي العظيمة   جربتا مرتين وماظبتت معي:  أول مرة صار لونو بني وطعمتو مرة يعني حترئ السكر بس قوامو ظبط, كبيتو و عدتا تاني مرة آم صار متل الحجر أول ما حطيت القشطة و بطّل يدوب و كمان كبيتو اش أعمل   وشكرا كتير ميمو الشطورة

4  الكاتب منى, on 05-09-2007 13:20 و لا يهمك بدورة   هل الصلصة فيها ملاحظات صغيرة و لازم تنتبهي عليها لحتى تطلع معك تمام التمام ان شاء الله ..    أول الشي الطنجرة الي استعملتيهالازم تكون دبل ستانليس , و مش اي طنجري عادية .    تاني الشي لازم تبقي عم تحركي السكر لحتى يدوب كله بس من دون ما يحترق , بس اشقر و داب كل السكر بعيده عن النار و حطي الزبدة كلها مرة واحدة و حركي و حركي لحتى تمتزج الزبدة بالسكر ..    بعد ما تمتزج السكر و الزبدة رح بصير معك شي بيشبه التوفي الي بتمط و بتشط معك لما بتاكلي المارس .. عرفتيها   هدا دليل على نجاح الصلصة معك ..    و بالاخير حطي القشطة و رجعيها على النار و خليها لحتى تسمك شوي , و بس ..    لساامبارحة عملتها كان كتب كتاب رفيقتي و أخذت لها كاتو التفاح الي مزين بالتوفي كريم ..  صار عليه مظااهرة و الله     جربيها مرة تانية و خبريني شو بيصير معك

5  الكاتب بدور, on 07-09-2007 14:32 يسلمو كتير ميمو الحلوة على هالنصايح خلص رح عيدو مرة تالتة نشالله متل ما ئلتيلي و بخبرك النتائج عن ئريب

6  الكاتب منى, on 08-09-2007 07:06 إذا الله راد     رح استنى التجربة الثانية

8  الكاتب منى, on 09-10-2007 14:56 مية أهلا و سهلا نداء   ان شاء الله ريتو عوافي و هنا و صحة يا رب ..    لو تعرفي شو انبسطت لان ظبطت معك و عجبتك     و إذا بتحبي جربي كاتو التفاح , و أنا أكيدة ان رح تصير وصفتك المفضلة و على مسؤوليتي

9  الكاتب ام نور, on 09-10-2007 22:51 الصراحة اشتهيت جربها شكلا مميزة وفينا نستعملا على ايا شي حلو مهاك

10  الكاتب منى, on 09-10-2007 23:13 هلا ام نور     فيك تستعمليها بكتير كتير اشياء , أنت و خيالك و زوءك     أنا بعمل فيها تارت التوفي و بزين فيها البوظة و أنواع الكاتويات المختلفة و كتير كتير بحبها  دايما في عندي مرطبان صغير منها في البراد للأستعمالات الطارئة

11  الكاتب ام نور, on 19-12-2007 18:19 واخيرا جربت التوفي كريم كنت كتير مستصعبة بالاول خفت ما تظبط ,ولكن الحمدالله ولا اسهل ولا اروع ومن اول مرة طلعت ناجحة ومع اني عملت بطنجرة عادية اهم شي تنفيذا خطوة خطوة والان عم دور على وصفات ميشان استعملا فيون غير الكاتو لان فعلا بتبيض الوج الله يبارك فيكي اخت منى

12  الكاتب منى, on 19-12-2007 21:18 مية اهلا و سهلا ام نور     الحمد الله انها ظبطت معك من أول مرة ..    فيك تستعمليها مع كتير اشيا متل التارتات العادية او تارت الشوكولا و كاتو التمر و مع البوظة ,, يمممي

13  الكاتب فوفو, on 09-01-2008 15:19 انا بصراحه جربتها بس غلبتني كتير لانو السكر كبتل معي ما بعرف ليش مع اني كنت احرك باستمرار بس بالنهايه زبطت معي وطلعت زاكيه بس احكيلي ليش السكر كبتل ويسلمو كتير على هاي الوصفه

14  الكاتب منى, on 09-01-2008 15:57 هلا فيك أختي     الحمد لله انها ظبطت معاك , و السكر ممكن يكبتل بس مو لدرجة انها تغلبك و الله اختي ما عرفت شو سبب الي صار معك     نورتي اختي

16  الكاتب منى, on 06-02-2008 16:01 هلا فيك أخت نهى   أختي أكيد فيك تستخدمي القيمر أو البوك , بس البوك أحسن من القيمر لهل الوصفة لأنها حتكون بالقيمر ثقيلة شوية

19  الكاتب منى, on 27-02-2008 17:44 هي المشكلة الي عم تواجه كل الاخوات , اختي في ادامك حلين , اما انك تصفي الصوص و تتخلصي من كل القطع أو تعيدي تحضيره من أول و جديد و ان شاء الله المرة التانية بيصير معاك متل ما بتحبي     الصوص بتحضريه و بتضيفيه على الكاتو و الصوص لسا ساخن بس بعد ما يبرد الكاتو تماماً

20  يسلم إيديك الكاتب بتول الحلبية, on 08-03-2008 07:56 هذا الموقع المفضل عندي للطبخ ما شاء الله عليك يا منى وعلى فنك وترتيبك الله يحميك ويبارك فيك كل شي منك حلو

21  الكاتب منى, on 08-03-2008 09:49 هلا بأحلى بتول و أحلى حلبية و الله     نور الموقع فيك و ألف شكر ليك على الكلام و الرد الحلو الي بيفتح النفس من على هل الصبح     يا ريت يا بتول لو جربتي من الموقع وصفات تخبريني

22  الكاتب نهى, on 09-03-2008 21:46 ياريت تحددى علبة قشطة حجمها اد ايه بالظبط؟؟

23  الكاتب منى, on 10-03-2008 14:13 هلا نهولة القشطة هي العلبة العادية بوزن 170 غرام

25  الكاتب منى, on 10-03-2008 18:10 من عيوني و لو , انت بتامري

26  الكاتب نهى, on 18-03-2008 11:03 السلام عليكم ورحمة الله وبركاته  انا مش عارفة في ايه؟؟ الموقع من يومين وهو مش عاوز يفتح خالص.. مش عارفة ليه بيقع كل شوية؟!!   عموما الحمدلله على عودتكم..  انا جربت حل بسيط لفك الكلكعة.. رفعت القطع المكلكعة فى اناء آخر واضفت ملعقة كبيرة ماء - واحدة بس - وتركتها قليلا ففكت سريعا واضفتها مرة اخرى لبقية الصوص وكانت رائعة    ياريت اعرف ايميلك يامنى علشان لما الموقع يقع اعرف اسالك على اللى عاوزاه

27  الكاتب منى, on 18-03-2008 12:07 الله يعطيكي الف عافية على هل الفكرة لو سمحتي اضفتها للوصفة فوق لمساعدة الاخوات لحل المشكلة اذا صارت معهم لا سمح الله    الموقع صارت فيه مشكلة ان شاء الله لا بقى تنعاد , الله يسلمك اختي , ان شاء الله أسأل الأخت المسؤولة عن الأعضاء عن ايميلك و ابعت لك رسالة

28  الكاتب أم مــــالــــك, on 15-04-2008 14:07 فعلا روعهانا بستخدمها بمعظم حلوياتي وكحشوة للكاتوة طيبه كتير بنصح الجميع يجربها ويعتمدها كمان

29  الكاتب منى, on 16-04-2008 10:58 هنا و عوافي ام مالك , الله يسلمك أختي و بتمنى الاخوات يجربوها و تعجبهم متلك

30  الكاتب نوارة, on 01-06-2008 17:05 هلا ميمو انا عملت صلصة التوفي بطريقة سهلة كتير بس مختلفة  جبت علبة حليب مركز محلى وبدون ما افتحهاحطيتها بطنجرة فيها ماء ساخن وتركتها على النار ساعتين والماء عم يغلي وكل ما نقص الماء ارجع ازود  بعدين تركت العلبة تبرد شوي وفتحتهاطلعت صلصة التوفي وحطيتها فوق كاتو التمر  طلعت يممممي

31  الكاتب منى, on 01-06-2008 17:30 نممممي نمممي , كتير سهلة و اكيد ما في اطيب منها ..    خليلي عينك نوارة , لو سمحت رح ضيف الفكرة للوصفة فوق لحتى تستفاد كل الاخوات الي رح تجرب التوفي على طريقتك

34  الكاتب منى, on 30-08-2008 07:53 هلا أختي سارونات   الطريقة الي عملتها منال هي الطريقة الاميركية و هي سهلة كتير متل ما شفت بس بتحطي كل شي مع بعض , و انا مجربتها و طلعت لذيذة بس نزلت وصفة السكر الابيض لان متل ما شفتي السكر البني مو متوفررعند الكل , و السكر البني مستحيل نعمله بالبيت .    بتبعدي الكراميل عن النار أول ما يدوب السكر كله و صار لونه ذهبي أشقر و بتبعديها عن النار و تضيفي الزبدة       هلا بعد ما جربتيها , إلي صار معك هو الي لازم يصير لان هل الصوص بس ما برد رح يجمد لهيك إذا حابة تستعمليها مرة تانية بتحطي المرطبان و هو مغطى بقلب مي مغلية و بتخليه على نار هااادية تقريباً 5 دقايق أو أكتر شوي و رح تشوفيها رجعت سائلة , بتستخدميها للتزويين و هي رح تجمد مرة تانية على وجه الكيك , أما إذا كانت مشكلتك أن الصلصة فيها حبيبات سكر معناها ان السكر ما دوبتيه منيح قبل اضافة الزبدة ..    شو كمان , القشطة ما جمدت يا ترى اتبعتي طريقة تحضيرها تمام و الا غيرتي شي ؟ ممكن تستعملي الحليب عوض عن القشطة و انا كتير احيان بحضرها للبيت بالحليب لان أخف

36  الكاتب منى, on 30-08-2008 11:43 كمية الحليب ثلاث أرباع كوب للصلصة , و بيكون دافي أحسن ..    تجميع القشطة بيصير بس بتحفظيها بالفريزر لان بالبراد ممكن تخرب , و السكر لما بيشقر و بيدوب كله منضيف الزبدة , و تدويب السكر على نار واااطية كتير

38  الكاتب منى, on 09-09-2008 13:17 ممكن تحشي فيهم تارت عادي أو كيك تمر و لا تساوي توفي جديد استعملي الي عندك

40  الكاتب منى, on 10-09-2008 21:25 و لو اختي مية هلا

41  الكاتب رنا, on 20-10-2008 00:45 ياستي انا جربت التوفي اول مرة وعينك تشوف شو صار اول شي السكر ماداب منيح لانه كانت النار عالية قام خلطته بخلاط الايد قام انتزع الخلاط من حرارة السكر المهم طلع طيب بس حسيت برغم الخلط انه لسه حبيبات السكر مادابت والصلصة ماطلعت هيك ناعمة وصارت مريقة ..صرت استعملها على البوظة وكتير كانت طيبة   مبارح رجعت جربتها بس تقيدت بالتعليمات وطلعت تماما متل ماعم توصفيها بس صارت بالمرطبان كتير ماكنة ومتل الحجر هادا شي عادي متل ماذكرتي بس لما سخنتها وحطيت عالبوظة صارت الزينة صلبة كتير ومو متل حشوة المارس اللينة يعني بتعلق بالاسنان ياريت تقوليلي اذا فيني اضيف شي حتى تصير اطرى شوي مع العلم انه شكلها الحالي رائع للزينة بس متل ماقلتلك عم تعلق بالاسنان بشكل فظيع بقا ياريت تفيدني ...والشعغلة التانية لاتقولي علي كرارة بس حبيت اوصفلك شو عم بيصير معي وشكرا يامنوشة ياام الافكار

42  الكاتب منى, on 21-10-2008 17:11 ووواخ رنونة , شو زعلت على الخلاط , عوضك على الله ان شاء الله     سبب حبيبات السكر باول مرة عملتي التوفي ان النار عاليةفما لحق السكر يدوب و انه مريق ان ما خليته يعقد منيح على النار     تاني مرة العكس , خليتيها زيادة على النار و الحل انك ترجعيها على نار خفيفة مع شوية كريما أو حليب و تخليها تغلي بس لحتى يدوب التوفي في بقية الكريما و ان شاء الله رح تعجبك كتير , على فكرة هي رح تعلق بالسنان بس مو بطريقة فظيعة بطريقة لذيذة     يلا خبريني شو بيصير معك , و انا بفرح كتير بالردود الطويلة , مو العكس

43  الكاتب رنا, on 21-10-2008 19:06 شكرا يامنوشة عالرد الله يمضي خطبة اخوكي على خير وتنبسطوا فيها لترجعيلنا بنشاطك الاكتر من رائع   بس هي علقت بالاسنان بطريقة فظيعة حتى لزقت بصحن البوظة احلى شي عمي قلي حطيلي بوظة قام جيت بيض وش وحطيتله توفي اول ماحط اول لقمة بتمه مابقا يقدر يحكي كانه تلزق بالصمغ ولو كان حاطط بدلة اسنان كانت انقلعت ههههههه  بس رح جرب عدلها والحل تماما متل مااتوقعت شكرا كتير عالمتابعة ...موووفقة

44  الكاتب منى, on 21-10-2008 19:37 هههههههههههههههههههههههه ,متت من الضحك على قصة الصمغ , على فكرة ممكن يكون التوفي مو من الزينة المفضلة عندك , مثلا ماما الله يخليها اذا شافت الكيك و عليها التوفي بتولول و ما بتبقى بتدوقه , يعني كمان شغلة زووء     ااامين , شو متحمسة للخطبة , الله يسعدهم و يخليهم احلى عروسين بالدنيا كلها

46  الكاتب منى, on 13-11-2008 07:10 هنا و الف عافية على قلبك     لوسمحت اضفت وصفتك لحتى كل الأخوات تستفيد و الف شكر ليك عليها

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved