L2ma.com | لقمة طيبة | L2ma.com | لقمة طيبة | كفتة بورق العنب | اذا, · , على, ملح, اسود | L2ma.com

القائمة الرئيسية

كفتة بورق العنب

الكاتب/ haya

17/06/2009

وعلى ذكر الفلسطينية انا عندي وصفة بس ما بعرف اذا كل اهل فلسطين بيعرفوها ولا لأ او اذا اهل الشام بيعرفوها وهي بصراحة بدون مقادير بس عن جد كثير طعمتها زاكية ان شاءالله تعجبك يارب واذا نزلتيها على الموقع اتمنى كمان انها تعجب الاخوات

لحم مفروم
بقدونس
بصل
بهار
ورق عنب
بندورة
ملح و بهار و فلفل اسود
ليمون
زيت زيتون او سمن
كيف نحضر الوصفة ؟

·          تدعك اللحمة و البقدونس و البصل و البهار مع بعض و بعدها اما بنشكلها علي هيئة اصابع او اقراص مدورة بعد هيك بنلفها بورق العنب طبعا اذا كان ورق العنب اخضر طازة ما بنسلقه بس بنغسله طبعا وبنلف فيه الكفته او اذا كان مسلوق بينفع كمان .

·          بعد هيك اما انك بتحطي على وجه كل حبة بندورة مقطعة شرحات وممكن تستغني عنها بعدين بنحط ملح وبهار وفلفل اسود وليمون وزيت زيتون او سمن على حسب ما بتحبي والاثنين كثير لذيذين وبيعطوا نكهة رائعة وماء .

·          بعدها بندخلهم الفرن لحتى يستوي الورق والكفتة وتؤكل مع الخبز والبطاطا المقلية .

أضافة إلى المفضلة (1) |

أقتباس | مشاهدات : 2958

تعليقات (24)

1 الكاتب منى, on 17-06-2009 12:29
يا سلام عليك هيا شو شكلها بيشهي هل الوصفة

سلم دياتك يا حق و ناوية جربها بورق عنب جديد ان شاء الله , حسيته اطيب

2 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 17-06-2009 17:38
مرحبا منى ان شاءالله تجربيها وتعجبك يارب هي فعلا طعمها كثير لذيذ يا ريت بس تجربيها اعطيني رأيك فيها يعني قولي لي شو هي النتيجة اذا عجبتك او لأ

3 الكاتب JoJo, on 23-06-2009 14:01
شكرا هي علي الوصفة الرائعة ياريت لما تعمليها المرة الجاية تنزلي لها صورة منشان اشوف كيف شكلها لاني سمعت فيها بس مو متاكدة هي الوصفة الي سمعت عنها والا لاء
وتحياتي لك حبيبتي

4 الكاتب ام نور, on 27-06-2009 11:23
سلم دياتك اخت هيا على هالوصفة فكرة حلوة كتير بس اكيد لازم يكون الورق اخضر وطري حتى يستوي بسرعة بلبنان منعمل ورق عنب بزيت كتير طيب والحشوة عبارة عن رز وبصل وبقدونس وبندورة مقطعة مكعبات وفليفلة مكعبات وملح وبهار وزيت ومنلف الورق ومنحط بارضية الطنجرة بطاطا وبندورة دوائر شو بتطلع طيبة ومنيحة لا الريجيم بالمطاعم بيقدموا كنوع من المقبلات

5 الكاتب DOUHA, on 27-06-2009 15:47
فكرة حلوة وتغييرشكل بس لو في صورة يميمييم شكرا

6 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 28-06-2009 19:32
هلا اختي ام نور ان شاءالله تعجبك الوصفة باذن الله وورق العنب بزيت الزيتون انا بعمله وكثير بحبه وطعمته طيبة

7 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 28-06-2009 19:34
هلا اخت ضحى ان شاءالله المرة الجاية بس اعملها بصورها وبنزل صورتها وان شاءالله تعجبك وهي فعلا تغيير شكل ومثل ما قلت لك لو كان ورق عنب اخضر طازة بيكون كثير الذ طعمها

8 الكاتب DOUHA, on 29-06-2009 11:27
كلك زوءءء مممنونة لطفك :zzz

9 الكاتب سارونات, on 29-06-2009 12:43
السلام عليكم و رحمة الله و بركاته

منيحة كتير هالوصفة و خصوصا انها فلسطينية

اختي بدي اسالك اذا منغطي الصينية او لا و كمان كم كمية الماء اللي منحطها يعني منغطيها تماما او كيف

جازاك الله خيرا

سلام

10 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 30-06-2009 14:13
السلام عليكم ورحمة الله وبركاته

هلا اخت سارونات بالنسبة الى انا ما بغطيها علشان بعد ما تستوي الكفتة والورق يتحمر شوي الورق يعني يأخذ لون وممكن انك تغطيها ولما تستوي اكشفيها شوي لتأخذلون بس انا بصراحة ما جربت
وبالنسبة للماء شي بس انه يغطي القاع علشان تستوي اللحمة وورق العنب وبعدين ما تنسي انو فيها ليمون والليمون حسب الرغبة في ناس بيحبوه حامض وفي ناس لأ

11 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 30-06-2009 14:18
ملاحظة صغيرة

لكل اللي بيحبوا يجربوا هالوصفة فينا نحط مع الماء او اذا في مرق لحمة شوي من النشا لتطلع المرقة ثقيلة شوي

12 الكاتب عربية, on 01-07-2009 14:12
السلام عليكم ورحمة وبركاته

انا مشاركة جديدة في الموقع وعجبني كتير لاني بحب الطبببببببخ

وفيه اكلات حلبية وانا نصي من حلب

،،، وبحب اكلات حلب وحلب كلها على بعضها حبيبتي وانشا الله اتشارك معكم في رمضان يعطيكن العافية

13 الكاتب منى, on 01-07-2009 20:03
هلا فيكي اختي

شرفتينا و نورتيتا و ان شاء الله بتبقي معنا على طول

14 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-07-2009 21:16
هلا فيك اخت عربية

15 الكاتب kuwaiti_girl, on 05-07-2009 23:08
تسلم الايادي
اول ما قريت الوصفه عجبتني
شريت ورق عريش خضروطقته على كميه صغيره
وما شاء الله كثير زاكيه مثل ما ذكرتي وهذه الصوره
http://img102.herosh.com/2009/07/05/320492517.jpg

انا استخدمت تقريبا المقادير الموجوده بكتاب المطاحن ولفيتها بطريقه كبيبه حائل

وسانزل الصور ان شاء الله ببلوقي قريبا

اتمنى تطبيقي يكون مضبوط :>

16 الكاتب منى, on 06-07-2009 07:40
هلا حبيبتي كوكو

شهيتيني شوفها , بس الصورة مو طالعة بالرابط الي فوق :roll

الف هنا و صحة و عافية يا رب على الوصفة بكل لقمة و بكل ورقة

17 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 06-07-2009 16:21
هلا فيكم يا صبايا والله كثير انبسطت انك جربتي الوصفة يا كويتية وشكرا الك انك نزلتي الصورة بس مو طالعة على الرابط مثل ما قالت الاخت منى

18 الكاتب kuwaiti_girl, on 06-07-2009 23:10
منمون عزيزتي الغاليه...الله يعافيك ويكافيك من كل شر ... بحط لك رابط اخر من بلوقي وان شاء الله بيكون شغال
http://4.bp.blogspot.com/_vsYmoNfTIfE/SlJiw100fbI/AAAAAAAAB-g/eeLX8Z5SLKs/s1600-h/IMG_5149.JPG

الاخت هيا.. اتمنى ان الرابط الثاني بيكون شغال وتسلم ايدك مره ثانيه والوصفه حلوه وتستاهل التجربه واعاده التجربه مرارا... بس بتمنى اذا في ملاحظات على تطبيقي تصلحيلي اياه عشان المره الجايه بتكون على اصولها :>

19 الكاتب منى, on 07-07-2009 10:33
يم , يم , يم .. شو بيشهي ..

هيك يا كوكو ما بتعرفي تعزميني , خلص زعلت منك :roll

بس اذا كنتوا اكلتوها بالصحة و العافية و اكلتي عني كم لقمة فسماح :zzz

حبيبتي عندي الك نصيحة لازم تعمليها و هي اسم البلوج تبعك على الصور و الا رح تطير يرحمها ربي و تشوفي عليها اسم تاني , لان في ناس ما عندهم مانع يسرقوا ايا شي بيصح الهم :roll

20 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-07-2009 05:54
هلا اخت كويتية

شكرا كثير الك على انك نزليتي الوصفة بالضبط هي مثل ما بنعملها وفعلا شكلها بالصورة بيشهي بس لو تخففي شوي من المرق تبعها بيكون ألذ علشان الوجه يكتسب شوي لون ويكون شوي محمر مو كثير بس فعلا انك شطورة وطبقتيها على طول ونزلتي صورتها انت انشط مني تسلم ايدك يارب

21 الكاتب منى, on 18-05-2010 19:54
جربتها بزيت الزيتون و طلعت كتيرررر طيبة , سلم ايدك هيا على هيك وصفة مميزة , ان شاء الله تطبيقي تمام

22 الكاتب semo, on 19-05-2010 20:58
منوش حبيبتي الصورة رح تنطق ماشاء الله ومبين أنو ورق العنب مستوي عالأخير

بس حابة اطلب منك طلب
ياريت تعملي تعديل بسيط على الوصفة بما أنك جربتيها بدي تحطيلنا المقادير بالضبط كالعادة بكون ممنونتك

كمية اللحمة والبصل والبهار وزيت الزيتون والليمون والبقدونس وسامحيني عالغلاظة :sigh

23 الكاتب شفاء, on 15-09-2011 09:36
جربتها وطلعت لذيذة
وعجبت الاولاد وابوهم الحمدلله
بس حسيتها طلعت حامضة شوي
المرة الجاي ان شاء الله بخفف الحمض

24 الكاتب منى, on 15-09-2011 21:58
هلا سمسومة

و الله سمسومة ما عندي مقادير تمام , هيك حطيتها على البركة , ان شاء الله اذا حضرتها مرة تانية بكتب المقادير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 18/05/2010 )

< السابق		التالى >

[ عودة ]