L2ma.com | لقمة طيبة | L2ma.com | لقمة طيبة | المايونيز | المايونيز, الزيت, · , نقطة, يجب | L2ma.com

القائمة الرئيسية

الأكثر تصفحاً

المايونيز

الكاتب/ منى

23/04/2007

مايونيزشي بيشهي المايونيز : الوصفة السهلة الممتنعة , مقاديرها سهلة و طريقتها سهلة و لكن إتقانها احتاج مني الكثير من التجارب الفاشلة و السبب طبعا هو أن "بصلتي محروقة" مثل ما بيقول المثل و كنت أستعجل دوما بإضافة الزيت ما يعطيني دوما شي يمكن أن اسميه شوربة المايونيز !

أما الأن بعشر دقائق أنتهي من تحضير ألذ مايونيز .

عند تحضيره يجب استخدام مضرب كهربائي و ليمسكه عنك شخص أخر , ابنتك مثلاً , بينما تقومين انت باضافة الزيت . لا تستخدم خفاقة الكوكتيل لأنها سترفع حرارة البيض و يصبح تحضير المايونيز صعباً .

يجب أن تأخذي بعين الاعتبار أن المايونيز من الوصفات الحساسة جداً و يمكن أن تسبب التسمم إذا لم تحفظ في البراد و يجب استهلاكها لمدة لا تتجاوز اليوميين من وقت تحضيرها .

بالصحة و الهنا

بيضه طازجة
نصف ملعقه صغيرة خردل
ملح
رشة فلفل أبيض
نصف ملعقة صغيرة سكر
ثلثي إلى ثلاث أرباع كوب زيت ذره أو زيت زيتون
نصف ملعقة صغيرة خل
عصير حبة ليمونة كاملة أو أقل
طريقة التحضير

·          تمزج البيضة مع الخردل بالمضرب الكهربائي لمدة دقيقتان تقريباً .

·          مع الإستمرار في الخفق يضاف الزيت على شكل نقطة نقطة , سيبدأ قوام المايونيز بالتماسك .

·          مع الاستمرار بالخفق و اضافة الزيت سيسمك المايونيز و يصبح مثل الكريما عندها أصبح المايونيز جاهزاً .

·          يتبل المايونيز حسب الرغبة , أنا أتبله بعصير ليمونة و خل و ملح و سكر و رشة فلفل أبيض , يمكن اضافة القليل من الثوم المهروس أو بعض أنواع الأعشاب كالبقدونس أو الريحان أو حسب الرغبة .

فكرة مفيدة :

إذا أضيف الزيت بسرعة فإن المايونيز سيتفتت , و لحل المشكلة تخفق بيضة ثانية ثم يضاف المايونيز المفتت نقطة نقطة عوضاً عن الزيت .

أضافة إلى المفضلة (0) |

أقتباس | مشاهدات : 2767

تعليقات (14)

1 الكاتب سارونات, on 15-08-2008 23:36
السلام عليكم و رحمة الله و بركاته
اختي منى قليلي ما في وصفة لمايونيز خفيف
بدي ساوي بس كمية زغيرة من المايونيز لاني ما كتير بحبا لانها تقيلة بس ما في مانع الواحدة تساويها مرة على مرة مشان الشاورما و السندويشات و السلطة وبدي اسأل ازا في بديل للخردل لان راح اشتريه بس منشانها
بالتوفيق
سلام

2 الكاتب نور, on 18-09-2008 09:48
ختي العزيزة منى .. هل المقصود بالخردل هو البذور السوداء أم كريم الخردل الأصفر .. وجزاك الله خيرا

3 الكاتب منى, on 18-09-2008 12:33
هلا سارونات

مايونيز خفيف ما في أو على الاقل أنا ما عندي فكرة و الخردل ضروري للنكهة

4 الكاتب منى, on 18-09-2008 12:33
هلا نور

الخردل هو الخردل الأصفر متل الكريم , ان شاء الله تجربيه ويظبط معك

5 الكاتب آرام, on 19-09-2009 15:19
مرحبا أخت منى
المايونيز من أوائل الوصفات الي جربتها من الموقع ومن يومها ما عدت اشتريت مايونيز جاهز أبداً .. الوصفة متل ما قلتي بسيطة وسهلة بس المشكلة بدها طولة بال .. خصوصاً أني أمسك المضرب الكهربائي بيد وأضيف الزيت باليد الأخرى .. وأضطر للتوقف كل شوي لأن المضرب الكهربائي ترتفع حرارته بسرعة .. ما جربت أستخدم خلاط الكوكتيل بناءً على نصيحتك مع أن الكتالوك المرفق مع الخلاط مذكور فيه أنه يستخدم لتحضير المايونيز .. يمكن أجربه شي مرة :roll

6 الكاتب منى, on 24-09-2009 16:38
برافو عليك ارام , هل الوصفة بسيطة بس مو سهلة , بدها معلمية و انا كتير مبسوطة انها زبطت معك .

ممكن تجرب و تشوف شو بيصير معك , ممكن تزبط معك و تصير حتى اسهل و اسهل .

هنا و الف صحة و عافية اخي

7 الكاتب semo, on 13-04-2010 12:49
منوش حبيبتي عندي سؤال المايونيز معي ماطلع أبيض متل اللي بالصورة ولا طلع بهالسماكة يعني أمرق شوي قولتك بدو زيت كمان مع اني اتبعت طريقتك بحذافيرها بس شو سبب الشي اللي صار معي

8 الكاتب منى, on 14-04-2010 14:09
سمسومة لو استعملتي زيت زيتون رح يطلع اللون اغمق من الي في الصورة و كمان ما دامه طلع امرق معناها زيدي شوي زيت و بيطلع تمام ان شاء الله

9 الكاتب semo, on 15-04-2010 14:21
والله انا استخدمت زيت درة بسس الظاهر متل ماقلتي بدو زيت كمان المرة الجاية رح حط كاسة زيت كاملة للبيضة

منى في عندي سؤال تاني عالمحشي معليش اتحمليني شوي بس بدي اعمل المحشي وفي بعض أمور مستغربتا الرز مابتنقعيه ولا بتغسليه بس بتحطي شوية مي ؟؟
بعدين أنت عم تقولي نخلي مقدار نصف عقدة الاصبع بتعرفي الاصابع بتختلف :grin

يعني اديش تقريبا بالسنتيمتر؟؟

10 الكاتب farah, on 19-05-2010 22:51
حبيبتي منى فاجأتيني بهالوصفة انا عندي طريقة اسهل بكتييير وبيطلع روعة
بحط بمطربان زجاجي القياس الصغير سعة 400 غ تقريبا بحط بيضة كبيرة او بيضتين وسط وبحط معه فورا كوب ونصف زيت تقريبا يعني ما بعيره بضيف الزيت لأكتر من النصف بشوي وبخلطه بالهاند مكسر من غير ما طلعه ونزله يعني بداخل المطربان للأسفل ثم بشغله بيلف عالسريع وبيصير جامد فورا وبحركه ببطء ليسحب كل الزيت بعدها بضيف كل الاضافات المرغوبة الثون الناعم والحمض خل وليمون وبهارات يعني بيطلع ولا أروع وب3 دقائق فقط
شو رأيك على فكرة لازم تكون سرعة الهاند مكسر عندك 400 واط وما فوق من زمان كان عندي جهاز سرعته حوالي 250 فما كان ينجح معي بس بهاد الجهاز تبع ال400 كتير مضمون جربيه وادعيلي :zzz

11 الكاتب farah, on 25-05-2010 21:53
على فكرة من يومين عملته واكتشفت ان بيضة كاملة + بياض بيضة تانية بيعطي أفضل نتيجة وما بتشعري بوجود البيض بالوصفة وبيجمد بشكل أكبر فيكي تضيفي زيت للسماكة المطلوبةوحتى ضفت بشر ليمونة يا سلااام شو طلع لذيذ يلي بيجربه يخبرني

12 الكاتب منى, on 26-05-2010 18:43
يا عيني عليك يا فروحة وصفاتك دوما سهلة كتير و مضمونة

بتعرفي امنيت يكون المكسر عندي قوي لجربه من دون تفكير , دبريها , انا الي عندي استطاعته 300 واط :roll

تاني شي ممكن نزل ردك كوصفة مستقلة ؟

13 الكاتب farah, on 29-05-2010 00:44
والله يا حبيبتي بدك تقوي ألبك وتجربي أول مرة بيجوز يمشي حاله انا الجهاز السابق كانت استطاعته 250 لذلك كان يفشل ويصير عندي مايونيز شوربة :grin

يعني بدك تجازفي اول مرة ببيضة وحدة ونصف كوب زيت المهم الزيت يغمر قاعدة الجهاز داخل المطربان وانشاء الله يزبط معك وتدعيلي :zzz

واذااا لم يزبط بتحولي الزيتات والبيضة الى وصفة جديدة انا بذكر كنت اخترع عجة وزيد بيض وحط اشكال والوان واخبزها كرمال ما ارمي نتيجة المايونيز الفاشل

14 الكاتب منى, on 29-05-2010 09:59
:grin

خلص رح جرب لان مستاااهلة كتير الفكرة

و الله لا يقدر اذا ما زبطت ببقى بلاقيلها حلة

شكرا كتير فرح للوصفة السهلة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 21/05/2009 )

< السابق		التالى >

[ عودة ]