أكلة الكسكسي او المفتول من الأكلات المحبوبة كثير في فلسطين وكثير من الناس بيعملوه في البيت علي ايديهم ويفتلوه ولذلك سُمي المفتول.

اما بالنسبة للجيل الجديد والمتزوجات حديثا بيعتمدو اكثر علي الكسكسي الجاهز يعني بيشتروو كسكسي جاهز وكل واحدة ليها طريقة في اعداده وانا حابة اليوم أقدم لكم طريقتي في اعداده وأتمني انه ينول اعجابكم...


ملاحظة المقادير تكفي من 4 الي 5 اشخاص.

1 كيلو كسكسي جاهز حب يكون متوسط
3 كوب ماء
3 ملاعق كبيرة زيت عباد الشمس او زيت نباتي


للتتبيلة:

5 بصلات
5 ملاعق كبيرة زيت عباد الشمس
3 ملاعق كبيرة كمون حب
ملح وفلفل اسود

لليخنة:

2 حبة بطاطا
2 حبة طماطم
2 بصلة
300 جرام حمص مسلوق
قرع اصفر حسب الرغبة الكمية
توابل (ملح وفلفل اسود وبهارات)
كمية من شوربة اللحمة اللي سبق اعددناها

للشوربة:

اي لحم بتحبيه بس اطيب لحم مع الكسكسي هو لحم الحبش او الديك الرومي طبعا الكمية حسب عدد الاشخاص
2 حبة بصل كبيرة
ملح وفلفل اسود وتوابل

تعليقات (18)

1  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 13-06-2009 08:52 صباح الخير اخت جوجو يسلموا ايديك على المفتول شكلك فلسطينية صح ولا اناغلطانة على كل يسلموا هالايدين على الوصفة وان شاءالله راح جربها على طريقتك لأنه الطريقة اللي تعلمتها بيحطوا الدجاج وبيسلقوه وعلى بخارة بيحطوا المصفاية وبداخلها المفتول وبيغطوها لحتى يستوي المفتول والدجاج وانت بتحطي اللي بدك اياه معه اما قرع او كوسا على حسب كل واحد شو بيحب وبعدين بيعملوا صلصة البندورة معه وحمص مثل ما ذكرت مرة ثانية اختي شكرا الك

2  الكاتب منى, on 13-06-2009 12:52 صباح الخير جوجو   متل ما قالت هيا اكيد انت فلسطينية و انا كتير مبسوطة لتواجدك بينا و لهل الوفات الي عم تعرفينا عنها من المطبخ الفلسطيني     هادا المفتول حيرني , شي بحسه انه الكسكسي المغربي و شي بفكره متل المغربية بس على اصغر . يا ترى شو هو ؟    طريقتك كتير شكلها بيشهي , الف شكر الك عليها جوجو و سلم دياتك يا حق

4  الكاتب JoJo, on 17-06-2009 10:19 اهلين فيكي هيا منورة يا حياتي ومشكورة لوصفتك الجميلة انا عن نفسي ولا مرة جربتها بس شوفتها مرة وسمعت فيها كثير حتي ورقة العنب ما بيلفوها حولين اللحمة ولكن بيتركوو شكلها مثل المخدة هيك     تسلمي كثير حبيبتي منى هو هاد طريقة المفتول المعتاد عنا في غزة ما باعرف كيف بقيت المناطق بيعملوه وهو اصلا الوصفة الحقيقة طبعا بيجبوو دقيق وببفتلوه مع مية وزيت بس انا لاني عايشة برة وما باحب العجقة في البيت باشتري الكسكسي جاهز بس باطبق طريقة الطبخ يللي بتعملها ماما يعني طريقة الطبخ هي نفسها بس ما بافتله علي ايدي.  هو بالطعم طيب كثير وكمان لو كنتي عاملة كمية كبيرة لمعازيم وسكبتيه في صينية كبيرة بيكون شكله روعة بس انا باعمل كمية صغيرة لانه احنا من غير شر اتنين فقط..

5  الكاتب منى, on 17-06-2009 12:30 هلا هيا   اتشرفنا و الله و لو تعرفي لما قرات القدس الشريف و الله اشعر بدني , ربي يكتب النا صلاة فيه و هو محرر     كتير وصفة شكلها مميز , الف شكر الك عليها        هلا جوجو   يا ستي و الله نور الموقع باحلى و اغلى غزاوية .  ربي يخليك الماما و كل اهلك و يكونوا بصحة و سلام .    ان شاء الله بس ما اتوفقت بهل الكسكسي رح جربها , و لو سمحتي رح غير عنوان الوصفة و اكمتب جنبه على الطريقة الغزاوية , شو رايك ؟

7  الكاتب منى, on 20-06-2009 20:43 ااااه يا هيا ربي يرجعك سالمة و تعيشي فيها و تكبري اولادك فيها و تشوفي احفادك و تحكيلهم يا اولادي من زمان اجوا اليهود على فلسطين و كان بدهم يسرقوها

8  الكاتب JoJo, on 23-06-2009 14:00 اهلين فيكن يا بنات   ان شاء الله ربنا يجمعنا اجمعين في القدس ونصلي صلاة جماعة مع بعض فيها وتكون محررة من الصهاينة امين يارب العالمين    اي منى اكتبي يللي تحبيه عادي لانه مابعرف كيف اهل الضفة بيعلموه وهاد الطريقة المعتادة عنا في غزة مع العلم كل اهل غزة بيفتلوه علي ايديهم بس احنا الجيل الجديد كسولين شوية بنحب كل شي جاهز ههههه

10  الكاتب نور الأسلام, on 04-07-2009 18:16 السلام عليكم يسلم دياتك اختي والله يعطيك الف عافيه ويارب تشفي جراح فلسطين ويتدحرو اليهود وترجع اولى القبلتين ونصلي فيها يارب جميعا واكيد بعد الليل والعتمه لابد من فجر منبر اسفه ذا كنت كترت حكي لكن في القلب لوعه تحيه لكل اهل غزه وكل فلسطين

12  الكاتب سارونات, on 05-07-2009 16:29 السلام عليكم و رحمة الله و بركاته    يسلم دياتك جوجو و كمان شو هالصور صايرة فنانة و نحن اخر من يعلم     ربنا يوفقك و يسهل دربك    سلام

14  الكاتب JoJo, on 06-07-2009 10:03 هلا حبيبتي سيموو نورتي ان شاء الله بتطبقي طريقتي .

15  الكاتب JoJo, on 06-07-2009 10:03 اهلين فيكي اختي نور الاسلام وتسلمي يا عسل علي الدعوة الحلوة

16  الكاتب JoJo, on 06-07-2009 10:06 هلا فيكي اختي ام نور هو بالشكل النهائي ممكن يكون بشبه للكسكس المغربي بس الفرق انه احنا بنعمل له تتبيلة البصل ومنحطها في قلبه لما تستوي والكسكس المغربي بيحطوو عليه خضار كثيرة مثل الكوسا والبيتجان وهيك شغلات واحنا بس منحط اليخنة بالقرع بصل مع طماطم مع حمص مع قرع   تحياتي لكِ.

17  الكاتب JoJo, on 06-07-2009 10:06 وعليكم السلام ورحمة الله وبركاته  هلا فيكي اختي سارونات وتسلمي علي الدعوة الحلوة.

18  الكاتب JoJo, on 06-07-2009 10:08 اهلين فيكي اختي كويتية  بالنسبة لحبة ونوع الكسكسي بيلعب دور فختاري نوعه يكون جودته عالية وحبته تكون متوسطة لا ناعمة عالاخر ولا كبيرة عالاخر.  تحياتي لكِ

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved